مشكلتي مع والدتي ؟

[مشكلتي]

السلام عليكم ورحمة الله وبركاته


راح ندخل في الموضوع مباشرة وبدون مقدمات
كيما باين فالموضوع عندي مشكلة مع امي وهي انها مهّملة الدار كما أنها كثيرة الخروج من المنزل حتى توصل أنها تخرج أربع خمس مرات في اليوم وكي نلوموها على كثرة خروجها تقولك قلقت،ضاقت روحي إلخ ... وحتى كي ترجع للدار تختلق الاسباب باس تروح عند الجارة وتبقى تحكي بالساعات اللي يجي يحوس عليها مايلقاهاش ، بابا في تذمر دائم وهي ولا على بالها ؟

مشكل آخر وهي أنها تنام معي في الغرفة ( رغم أن المرأة مكانها مع زوجها)
بما انها قريبة ليا ونحكو مع بعض كأننا صديقتين شحال من خطرة ننبهها للأمر وحتى نقرا على مسامعها احاديث وكلام الله بخصوص هذا الموضوع تقولي هيه ، عندك حق ... إلخ لكن دون جدوى ؟؟؟
تكلمت مع خواتاتي المتزوجات في الموضوع وكلموها أكثر من مرة وماتغير ولا شىء تولي تعيط وماعندكم مادخلكم ودبرو على رواحكم ووو ...
غيرت غرفة النوم ورحت لغرفة أخرى قلت لعل وعسى تبدل رايها وتروح لغرفتها .. بقات في الغرفة وأنا في غرفة وأبي في غرفة أخرى ؟؟؟؟
لاني بقيت وحدي فالدار بعدما تزوجو كامل خواتاتي وخاوتي نحس بالمسؤولية أكثر .. يغيضني بابا كي نشوفو في قلق وتذمر دائم ، كاره حياته رغم انو مش مقصر معانا ولا معاها بحتى شىء وهي تعلم ، صدقوني كون جا راجل أخر والله العظيم مايزيدلها دقيقة بصح صابر على جالنا
ماما حكمت عليها الخرجة خلاص ولاتلها طبيعة وعادة خاوتي مالقيت ماندير ، دبروا عليا الله يستركم ويحفظكم .


​

 

[حسان]

رد: مشكلتي مع والدتي ؟

تما الموافقة

الله يهديها و لي عودة

 

[meriam tlm]

رد: مشكلتي مع والدتي ؟

اول حاجة رغم كلشي راهي امك ثم امك ثم امك
مي معاك حق يغيظك باباك
انت راك درت اللي عليك على انك نصحتها ووعيتها بكلام الله
مي ماتنساش باللي هد الشي حالات
يلا كانت من عند ربي نقولو ربي يهديها ويهدينا
ويلا جات من عند العبد نقولو ربي يخلص
باسكو قادرة تون من عند العبد ونظن ريك فاهم قصدي
باسكو كاين بزاف هد الحالات
وانت دير اللي عليك والباقي على الله
ربي يتاوي يناتكم وبيناتهم ان شاء الله
المهم مايكونش مشاكل في الدار

 

[شاعرة المستقبل]

رد: مشكلتي مع والدتي ؟

وش رح تدير هكا حابة تعيش خلوها على راحتها

 

[صدقة جارية]

وش رح تدير هكا حابة تعيش خلوها على راحتها

الا كان الوضع الطبيعي ما اضطرت صاحب(ة) المشكل لطرحه تظنيها حابة تخنق يماها وتحرمها من راحتها

العصمة بيد الزوج المفروض هو من يتدخل لتوجيه زوجته وهو بيده منع الزوجة من الخروج حتى لا يتحول دور الاولاد من دور ناصحين لمقام عقوق وعصيان ، كذلك الام راهي تقوم بفعل خطير وخطير جدا هو هجر فراش الزوجية بدون سبب وجيه .

البعض يظن المشكلة ذات بعد نفسي وتحتاج علاج مع أنني جبت أغلب المشاكل في عديد المنتديات ولا تخرج عن كونها وليدة البعد عن الدين و ضعف الإيمان

صاحب(ة) المشكل واضب على الدعاء لها بالهداية و الصلاح

 

[mima.kouki23]

لازم باباك يعزرها شوية الخروج بدون موافقة الزوج و بدون سبب حرام راهي مرأة و كاين حدود خاصة الوقت هدا ميرحمش و زيد نافرة باباك مترقدش معاه علااااااااه و بعد العمر هدا كامل راقيوها المرا كاشمة دايرينلها هدي وجهة نظري و الله أعلم

 

[حمو أمل]

اخي الحبيب وفك الله و إيايا لحل مشكلة والدتك البسيطة اولا أنصحك كما ينصح به جميع العلماء عليك بالدعاء و التضرع فمع الدعاء ستكون حياتك جميلة جرب و شاهد .

ثانيا عليك أن تعرف أين تكمن المشكلة فإن تقبل الاخر و معرفة ما يدور في خلده سبب كبير لحل المشاكل ، بعيدا عن العواطف تقرب من أمك أكثر و حاول أن تعرف سر هذه الحالة قد يكون أمر سري و قد يكون شيئ قد لا يفهمه الرجال أكثر من النساء .
و هذه النقطة ركز فيها كثيرا لانه مستحيل ان تتصرف بهذا التصرف دون أن يكون هناك سبب (عالجنا حالات كهذه تكون الزوجة تنتقم من زوجها لتصرفه فعلا طائشا ).
ثم حاول ان تذكرها بقصص شبيه لما يصير معها و كيف ان تلك المراة اهملت عائلتها و ولدها و همشت بيتها و صارت متقطعة عسى في الحالات الثالثة التي ذكرت يها أن تنفع.
أتتمنى ان تتواصل معي قد أفيدك بما عندنا من خبرات في هذا المجال
و أسأل الله تعالى أن يوفقك و يرفع عنك هذا البلاء
​

 

[fifi96]

الدعاء تم الدعاء ....ادعي لها بالهداية خصوصا ونحن في هذه الايام الفضيلة
وربي يفرج عليك

 

[luna lunitta]

حنونة نشكرك لي راكي خايفة على العلاقة لي تجمع ما بين باباك ويماك
مي الله ادرى بالقلوب بالاك يماك وباباك متقابضين الشيء لي خلاهم ما يرقدوش مع بعضاهم .
بصح على جال الخرجة من الدار بزااااف راني معاك المرأة لازم تقعد في دارها وتتوله بيها وما تخرج من الدار غير بشور راجلها معليش تخرج شوي من ضيقة الروح والخدمة نتاع الدار مي ماش 5 مرات في اليوم.
ربي يعينك ويصفي القلوب.
ويهدي يماك..

 

[naraattia]

نفس قصت صاحبي والحل ان عندها قلون العصبي والله اعلم وانصحك بالرقيا لان اغلب امور التفرقة من عمل الشيطان لعنت الله عليه

 

[بنت الـ25]

السلام عليكم
ربي برك اللي يعلم خافية الأعين وما تخفي الصدور
أنا أرجح والله أعلم انو أمك عندها مشكل مع باباك ومش حابة تحكيهولك ليك ولا لاخواتك لأنها أسرار زوجية ما لازمش يطلع عليها اي كان
خاطر موحال باباك يسكت عليها طول هاد المدة على هجران فراش الزوجية إلا إذا كان علابالو بلي كاينة حاجة بينهم
وهي بالاك بالخروج بزاف من الدار من ضيقة روحها وعجزها بالاك عن حل المشكلة اللي بينها وبين باباك
وممكن تكون مشكلة بينها وبين روحها خاطر وصول المرأة لسن اليأس مرحلة صعيبة يلزم كامل نتفهم نفسيتها في هاد الفترة
المهم انتي متحاوليش تعرفي السبب ولا المشكل بصح اقعدي معاها خاويها واحكي معاها بالعقلية
فهميها بلي المرا مكانها الطبيعي مع زوجها في غرفة وحدة وربي والرسول شدد على طاعة المراة لراجلها مهما كان
ورهبيها وخوفيها من عذاب ربي ،، احكيلها أحاديث نبوية مثل هاد الحديث " لو كنت آمرا أحدا أن يسجد لأحد لأمرت المرأة أن تسجد لزوجها" رواه الترمذي وابن ماجه وغيرهما
طبعا يفيد الحديث وجوب طاعة المرأة لزوجها واحترامها له
إذا قاللها ما تخرجيش ما تخرجش أصلا إذا خرجت المرأة من منزلها بدون إذن زوجها رح تبقى تلعنها الملائكة لحتى ترجع
امك وسامحيني على هاد الكلمة " ناشز" يعني عاصية لزوجها وماراهيش طيع فيه وربي قال"وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ"
امالا يا اختي الكريمة إذا حابة تبقى العلاقة بين أمك وباباك تسودها المودة والرحمة قربيلها هاد المفاهيم وكلشي في الدين تاعنا موجود يستلزم تطبيق برك
وربي يسمعنا الأخبار الطيبة

​

 

[أبن فلسطين]

ربي يهديها ما عندك واش ادير

 

[Hakan]

خطائك الوحيد حسب ما اظن انك حاولتي مع امك ولم تباشري بمصارحة والدك لعل امك وجدت منه خللا وتحس بانكم تجعلونها المتهمة الوحيدة حاولي تقولي لباباك بالاك يقلك سبب التنافر وتاني حاجة نسقسيك شخصيا اذا عندك خوك لكبير لانو عندي حل اذا كان موجود الاخ وربي يهنيكم كامل سلام

 

[قيس محمد]

اول حاجة رغم كلشي راهي امك ثم امك ثم امك
مي معاك حق يغيظك باباك
انت راك درت اللي عليك على انك نصحتها ووعيتها بكلام الله
مي ماتنساش باللي هد الشي حالات
يلا كانت من عند ربي نقولو ربي يهديها ويهدينا
ويلا جات من عند العبد نقولو ربي يخلص
باسكو قادرة تون من عند العبد ونظن ريك فاهم قصدي
باسكو كاين بزاف هد الحالات
وانت دير اللي عليك والباقي على الله
ربي يتاوي يناتكم وبيناتهم ان شاء الله
المهم مايكونش مشاكل في الدار

سبحان الله نفس الي كنت رح نقولو

 

[زيزي احمد]

نفور الزوجة من زوجها في هذا السن شيئ مألوف لدى الكثير
المرأى ليست كالرجل فهي تمل بسرعة و خاصة إذا لم تجد حافزا قويا يساعدها على ذلك
الرجل عادة ما يتعامل مع المرأة بقسوة و لا يظهر مشاعره حتى و إن كان يحبها
و المرأة بحاجة ماسة لحنان زوجها و اهتمامه بها خاصة في كبرها
هذا ما يحعل المرأة تلجأ إلى النفور و تشغل نفسها بالخروج لأنها فقدت الأمل في الحياة مع من كانت تراه خلاصها الوحيد
المفروض أن الأب هو من يتدخل و يحاول إعادة العلاقة بالحنان و الإهتمام بالزوجة التي كانت في صغرها عزيزة و محبوبة

 

[YAHIA S]

السلام عليكم

اختي هذا الامر ليس راجع لك

بل علاقتهما الاثنين يعني يلزمهم يقعدو مع بعضهم و اشوفوا واش خصهم هم الاثنين

اذا كاين نقص او مشكل اعالجوه ما بيناتهم

اذا كان الامر لا يستطيع علاجه حتى انتي و لن تستطيعي ذلك

لهذا احسن ليهم كل واحد اشد غرفة حتى تصفى لقلوب و ترجع مياه

لمجاريها و الامور تهدا

و للملاحظة امك شوفي واش بيها و وين تخرج و مع من .....

و كذلك الاب

لانه في مثل هذه حالات عندما يكون فراغ بين ازواج

تكون خيانة لاحد طرفين طبعا حالات قليلة

لهذا تفطني لهما بحيث لا تتركي المجال لكيلهما

 

[لصمتي حكاية]

الحل تاعك راه عندي
جيبي يمات ماتسقسيها ماوالو
او كاش مره تبعيها وين راهي تروح

 

[jijo7]

اه يبحان الله اول مرة نسمع بهذا الموع من المشكل خويا جربو الرقية الشرعية في الدار وشمبرتها وقلها تحص روحها بالاذكار وخلي دايما القران يمشي في الدار وريح معاها بلاك عندها حاجة ومتقدرش تقولهالك كون قريب منها متخليهاش تخسرك انت تاني وربي يجيب لي فيه الخير

 

[ام عبد الرؤوف]

شوفي نصيحة ديرو عليها لعبة قولولها بلي باباك راح يحوس على عروسة خاتر مل من القعاد وحدو ليل ونهار وقولولها بلي راكم موافقين كامل بلاك تخلع وتعدل روحها واحكيو في الموضوع تاع زواج باباك قدامها بكل جدية ضرك تخلع وتتسقم

 

[مينة آلاء الْقُدُّوس]

السلام عليكم
اولا صاحبة المشكل انثى لانها قالت انهما متفقتان كانهما صديقتين
بالنسبة لصاحبة المشكلة لن ازيد عن ماقاله الاخوة والاخوات ادعي لها بالهداية وبصراحة. على الوالد ايضا ان يتصرف ويضع حد لتصرفاتها خاصة
انها تخرج اكثر من مرة من المنزل مع تذمر الزوج وعدم رضاه
المهم انتي لم تقصري معها من ناحية الاحاديث اذن ادعي لها بالهداية
الله يحفظلك والديك