قالك واسمها رقصة "الآي آي "

[نَدَى اليَآسَمين]

السلام عليكم ناس اللمة

واش راكم ؟

حبيت نحكي اليوم على هاد العفسة الجديدة الي انتاشرت بشكل رهيب pـاغ تو

و الي هي "رقصة الآي آي " هاكا قالولي اسمها اذا راهم مغلطيني هاديك حاجة اخرى

تروحي لعرس قاعدة في امان ربي تشوفي بنات تقولي شي زومبيز يتحركو قدامك
قاعدين يديرو في هاداك البخص و التبهديل قدام الكبار و الصغار و انت قاعدة حدا يماك تحشمي

رقص الأماكن المنحطة يرقصوه المدروgيين ولا يدور في الأعراس المحترمة و كي تقوليلها تقولك اوه مون ديو سي لا مود واش بيك كومبليكسي :down:
يقلع راسك انت و لا مود تاعك يا معوجة لحناك

هل روماركيتو هاد الظاهرة الي ما نعرف مين جات ولا راهي تدور من جوايهنا برك و مازال ما لحقتش لعندكم ؟

واش رايكم ؟ عبروو فرغو قلوبكم و بردولي قلبي

إليكم الخط
​

​

 

[Ma$Ter]

السلام عليكم ورحمة الله وبركاته
ما تستغربيش اختى من هاذ الامور
راهم يعملو فيها حتى فى الاقسام فما بالك فى الاعراس
راهم يقلدو برك ما يبحثوش على اصل الحركات هاذي
الله يهديهم
شكرااا على موضوعك المميز
​

 

[السلطانة]

وعليكم السلام

صح اختي والله كارثة

وتاني يشطحو على الاغاني المنحظة تاع دليلة وجماعتها
تقول في كاباريه ماش في عرس تاع عايلة
ربي يهدي برك

 

[نَدَى اليَآسَمين]

الأخ ماستر


عندك الحق يا اخي يرقصو معاندة برك ماراهم فاهمين والو

الأخت ساندريلا

كنا حاصلين في الرقصة نسيت ما حكيتش على الغنا الفاسد الي راه يدور
كلام مباح و يسمعو فيه و حافظينه

واش نقولو غير الله يهدينا ما نعرف وين رانا رايحين بهاد العقلية
​

 

[yani thiziri]

ههههههههه فكرتيني خطرة كنت في طوموبيل مع ولد عمي واختي

هو يحب لغنا تاع المريكان قاتلو اختي بدلن علينا هاذ الغنا تاع البوم بوم

قتلو ديرلها الراي تاع ey ey ماتو بالضحك looooooooooool

ختي واش تحبي ناس الغرب راهم يبدعو في الراي

غنا مكرفص وجابو وحد الرقص

شوفيه في اليوتيب(الرقص لي راه يدور في لالجيري)

وكل يوم البوم جديد وتلقي التالي فيهم يطيح 40 مليون

من السواغيات والعراس سيغتو شاب حسام والعجال

والبروبلام مكفاهمش العجال وحسام وراحو لراي

تاع السكارجية يا ختي واش نقلك ربي يهدي​

 

[Mr Brahim]

خليها على ربي برك راهي الحال مخلطة تاع الصح . . . لو كان نقلك راسك يحبس في ال bus تاع الجامعة تلقاي لولاد مداير كيتمان و يسمع - واحد ما يعرف واش يسمع - و البنات - حاشى الصالحات - طالقة غنى الملاهي و تقهقه لا حشمة لا حياء واش نقولوا . . ربي يهدينا و يغفر لنا

 

[miss nada]

خليها على ربي برك راهي الحال مخلطة تاع الصح . . . لو كان نقلك راسك يحبس في ال bus تاع الجامعة تلقاي لولاد مداير كيتمان و يسمع - واحد ما يعرف واش يسمع - و البنات - حاشى الصالحات - طالقة غنى الملاهي و تقهقه لا حشمة لا حياء واش نقولوا . . ربي يهدينا و يغفر لنا

c vrai khoya
(اسمحلي مانقدرش ارد على رسالتك اني جديدة ؤ مشاركتي ما تسمحش حتى توصل 300)​

 

[عاشقة الصمت 13]

لحق لحق انا كيشفت المرة لولة طفلة ترقص هاكدا والله جا في بالي بللي مسترجلة ..حتى وحد شوي ناضت بنت اخرى حطة وهمة يعني باين عليها بنت ماشي دوك المسترجلات حتى هي تاني بدات ترقص ديك الرقصة انا حليت فمي فيهم :s مافهمت فيها والو ..لحد هاد الساعة بقات عندي علامة استفهام :s:s:s........​

 

[tistissa dj-tissou]

b1 sur يتبعوا في الشآبة عبدو دارلهم الاي آي وطاي طاي
الله غآلب واش راح ديري يتبعو في بيبر
ربي يهدينا قبل مايدنآ آمين ان شاء الله
​

 

[{مُدَلَّلَتُهُ}]

السلام عليكم و رحمة الله و بركاته

عندي قرن و زمارة ما حضرتش لعراس يعني مازال ما شفت الأحوال est ce que راهم يرقصوها عندنا ولا لا :p

شفتها في اليوتوب كيفاش دايرة ! كنت حاسبتهم يتمسخرو مي على حساب الشوفة خرجت صح و راهم يديرو هاداك التبهديل في لعراس

الله يهدي ما خلق . . . تبهديلة من الكبار زيد هاداك الغنا تع الشمايت الي راهم يسمعوه ملي يبدا و هوما يبرحو للي يكمل !

كنآ نحشمو ما نبغوش نحضرو لعراس Mixtes ضروك لعراس الي فيهم غي البنات و رانا نحشمو نروحولهم من هادوك les manières الي يولو يديرو فيهم :down:
​

 

[Pink Rose]

عندك حق اختي
البنات عادو يشطحو وبرك كارثة والله
ماهم فاهمين والو من الرقصة والاسم تاعها
ربي يهديهم هاذو المعوجات
​

 

[aMiNa-K]

ya khti ana jamais sma3ti biha chatha hadi .. kolte nrouh lyoutub nchouf wachnou hyia

ya hay nendeb.. ndemte li cheftha
li techtah hakda fi 3rasna yerrebhoulha el 3eib

pffffffffffffffffffffffffffffffffffff nimporte koi

mliha rebbi yeskhetna bach ntoubou chwyia ​

 

[الجندية]

ختي واش تحبي ناس الغرب راهم يبدعو في الراي

غنا مكرفص وجابو وحد الرقص



تاع السكارجية يا ختي واش نقلك ربي يهدي​

وكالعاده تحصل في ناس الغرب ...
نحن نتبرئ من هذه الافعال وخاصة الاغاني المنحطه
لي شونتار هاذو راهم ملقطين ماشي ولاد وهران :down:
​

 

[yani thiziri]

وكالعاده تحصل في ناس الغرب ...
نحن نتبرئ من هذه الافعال وخاصة الاغاني المنحطه
لي شونتار هاذو راهم ملقطين ماشي ولاد وهران :down:
​

ختي ديزلي مانيش نحكي على ناس الغرب

اني نمعني على لي شونتور

​

 

[AmiR@RoRo]

السلام عليكم اختي
والله هادي صح كاينة منها وانا كنت شايفتها غير فاليوتيوب حتى بديت نشوفها عنا والدراري واش ما يشوفو يقلدو :down: :down:
مالgري شفتها بصح ماشي في الاعراس وزيد غير الدراري يديروها وماشي بزاااف
ومين وصلت حتى لبنات يديروها هادي gراااااااv :-o :-o :-oما بقا لا حيا ولا حشومة :down:
الله يهدينا ويهديهم
كل مرة رانا نشوفو حاجة جديدة
الله يسترنا
مشكووورة على الطرح​

 

[faith8]

صح يا جماعة عندكم الحق كرهت العراس غير من الراي و هاداك الرقص الي ما عندو معنى الوحدة تقعد حشمانة تحس روحها رايحة تتخنق و كيما قلتي يقولو كومبليكسي بصح واش تحبي التقليد الاعمى دار حالا يعني الغرب يدخلو في حفرة النار و العرب يتبعوهم لا خبر
ربي يهدي ما خلق​

 

[بنت الـ25]

السلام عليكم اختي
ايييييييييي شفنا وعفنا ختي لعذيذة وكيما قلتي انتي كون تهدري ولا تستفسري وش هاد الظاهرة يلوحولك نشعة :$
تحسي روحك جاية من عصر وحد آخر
انا أوغوزمون في عراس لافامي (لقراب بيان سيغ) انا لي نتورني ديجي :up:
خاطيني الراي دونك مكانش رقصة الآي آي
مي وش نقلك ؟ قلتي رقصة الآي آي فالعراس؟ ما شفتيش رقصة الهابي happy فالجامعات:-o
قالك واحد العبد دار غناية عالمية تع happy وكل بلاصة يلزم تبين بلي راهم فرحانين ولا معرف وش بالشطحة هادي
المهم ليجان وليجانات خخخ لمو بعضاهم فالجامعات ويشاطحو كي الـgور :s تخلاط وتمهبيل والأنكى من هدا كي يكملو يحطوها فاليوتيوب تع شوفونا:down:
روحي برك لليوتيوب واكتبي happy وتشوفي وتشللي عينيك تنساي رقصة الآي آي آي أقلباااااااااااااا:p

​

 

[luna lunitta]

لا تعليق........

 

[الورد الأحمر]

فكرتيني في وحدة شوكاتني في عمري في عرس صاحبتي حتى لقيتها وحدها في La piste تشطح وحد الشطيح الله لا يشوفك خلاتني نخزر ومش فاهمة شي ونقول في قلبي منها بصااح ؟؟؟
والله شي من بنات يعييو تاع الصح
واش نقولو من غير ربي يهيدنا أجمعين واحد ما خير من واحد كل واحد عندو غلطاتو

 

[zagane]

السلام عليكم ناس اللمة

واش راكم ؟

حبيت نحكي اليوم على هاد العفسة الجديدة الي انتاشرت بشكل رهيب pـاغ تو

و الي هي "رقصة الآي آي " هاكا قالولي اسمها اذا راهم مغلطيني هاديك حاجة اخرى

تروحي لعرس قاعدة في امان ربي تشوفي بنات تقولي شي زومبيز يتحركو قدامك
قاعدين يديرو في هاداك البخص و التبهديل قدام الكبار و الصغار و انت قاعدة حدا يماك تحشمي

رقص الأماكن المنحطة يرقصوه المدروgيين ولا يدور في الأعراس المحترمة و كي تقوليلها تقولك اوه مون ديو سي لا مود واش بيك كومبليكسي :down:
يقلع راسك انت و لا مود تاعك يا معوجة لحناك

هل روماركيتو هاد الظاهرة الي ما نعرف مين جات ولا راهي تدور من جوايهنا برك و مازال ما لحقتش لعندكم ؟

واش رايكم ؟ عبروو فرغو قلوبكم و بردولي قلبي

إليكم الخط
​

​

السلام عليكم
الرقص ادا كان نساء في نيساء ما عليش اما ادا كان مخلط فهو حرام يسموه رقصة الاي اي ولا رقصت الاي فون