المعريفة وش دايرة فالبلاد

[Adel Adel1]

السلام عيكم خاوتي

نضن ماكانش لي راح يشفى عليا درك بصح من قبل كنت ساكن فاللمة و كنت مشرف لهاد المنتدى


المشكل لي عندي و لي عند ناس بزاف هو واضح من العنوان

المعريفة

العمل تاعس صعب بزاف مع أني نتحفض مانقولش وش نخدم لكن يكفي أني نقيل تابع للوضيف العمومي

و باين الوضيف العمومي و شي لي فيه

ناس ماقرات ماعرفت تلقاهم فليبوصط لي أصلا مايعرفوش يخدمو فيهم

من ولاية لولاية دايما نفس المشكل ,, المرة الأخيرة فالعاصمة ,, رحت المكتب التوجيه مديتلهم لي ديبلوم لي عندي وش كنت نخدم من قبل ,, قاعت الإنتضار كانت مقابلة مكتب الأجانب,, كنت نشوف فيهم حايرين مع واحد أمريكي و فهمت بلي كلهم يتكلمو فرنسية ولا علاقة بالإنجليزية
معليش وقفت معاهم عاونتهم و شكر الوحيد لي تلقيتو هو من الشخص الأمريكي

من بعد قالولي بلي ليبوسط لي حاب تخدم فيهم محكومين قلت معليش على ربي مادامني فالغربة نخدم لي كان

و بداو ناس المعريفة يدخلو ,, مكتب توجيه الأجانب أضافو ليه 4 موضفين جدد ,, واحد مايتكلم الغة العالمية ولي هي الإنجليزية و لي يضحك أصلا فرنسية ماكانش

وأنا نطايش في ,,,,,,,

ماقدرتش نكتب ,, المهم ,, من بعد راح يبقى مشكل الإدارة عندهم ,, وراح يبقى مشكل الغربة عندي داري في ولاية و أنا نخدم في ولاية

السبب أنو البوصط لي كنت فيه قريب من ولايتي طار بيه واحد عندو عريفة ,, و البوصط لي كنت موجه ليه داه واحد عندو معريفة

وتحيا الجزائر ​

 

[رنيم الصمت]

و عليكم السلام
كبار اللمة جامي يتنساو ... مرحبا بك
لا تعليق ... اغلبنا ممسوس من هاذ الجانب .... الحاجة الوحيدة لي نقدر نقولها حسبي الله و نعم الوكيل
و ربي يفرج عليك و على المغبونين و لي معندهمش المعريفة و على لي يخافو ربي و يخافو من الحرام
​

 

[ضيوف وسـنغادر]

وعليكم ما قلتم
مع الاسف نآس لا علاقة لها بدين اسمه الاسلام
مع الاسف هذه هي حال بلادي
مع الاسف اللي يساهل يطايش واللي النيvو هابط في الخدمة رآيش
ربي ينوبــ وربي يجيبــ وربي فيه الخير وان شآء الله يجبو لكل امة محمد التقية​

 

[la_safa]

Salam mon frère saha ftourkoum

oué malheureusement c l'Algérie ! dommage
les gens qui ont le diplome n'ont pas un poste li rah normalment son droit madam
mkamel leurs etudes , vraiment dommaege ki tchouf el ma3rifa hya li tamchi ;
w shab el 7a9 n'ont pas mmpas un droit f leurs wilaya !

khouya wekel rebi w khlas mat9al9ch rouhek malgré had chi y9ale9
wakel rebi w as3a w hawess 3la khedma w nad3i rebi f had ramadane nchalah
yfaaj 3lik yaaa reb w rebi m3ak ^^
​

 

[Adel Adel1]

ربي يحفضكم

راني خدام و اللحمد لله ,, مع أني كنت قادر نقدم كتر للبلاد هادي بصح لي يسيرو ماحبوش ,, والفنا العقلية تاع راك سالك مالا أسكت ,,,

مالا معليش راني ساكت و خدام و الشهرية ماشية ,, و شي ليضحك ماكانش فرق فلاباي مابين بوصط و الآخر كيفكيف ههههه​

 

[بنت الـ25]

السلام عليكم وصح رمضانكم
اي وي قالهم بوتفليقة هدا هو المشكل الوحيد اللي ما لقيتلوش حل فدزاير
المعريفة وبني عميس كرهنا من هاد الكلمة
تروح تديبوزي دوسيي باش تفوت كونكور ونتا مديزسبيري خاطرش علابالك رايح تحط الدوسي وتفوت المقابلة هديك تع التمسخير ونت علابالك بلي قائمة الناجحين واجدة مسبقا
مي متخافش ربي ما يضيعش حق العباد ،، ادعي ربي يفرج عليك اخي في هاد الايام المباركة وتقرب من أهلك
الغربة صعيبة ولو كانت في بلادك
​

 

[mirajiji]

واش نقولك خويا ربي انشاء الله يفرج عليك و يرزقك البلاصة اللي تستاهلها
بصح هادي هي بلادنا لازم تدخل الحرام **يعني الرشوة باه تقدر تخدم للاسف
ونقولك حاجة اخرى اصبر و لاعد ربي مكتبلك تخدم و االه تخدم بلاما تدخل الحرام

 

[Adel Adel1]

ربي يحفضكم. الحمد لله رانا نخدمو بلحلال وناكلو لحلال. صح صعيبة بصح والله حلوة

 

[ام سادن]

والله يا اخي عندي سلفي بزوج وليدات ما يخدمش وكي فرج عليه ربي ودخل كونكور نجح وخرج في القائمة نتاع العمل والكل شاهد بلي راهو سايي يبدا يخدم نحاوه من لاليست وقعد المخلوق يستن اععيطولو كي عيطلهم هو اليوم برك قالولو ماكش في لاليست نتاع الخدمة تشوكا ربي يرزق والعبد يسرق هز يديه للسما ودعا ربي ودعوة المظلوم ليس لها حجاب

 

[قناص الغرام]

هاذي بلادنا و كيفاه رجعت المهم ربي يكون معاك و يقدرلك الخير​

 

["Màrià"]

و عليكم السلام
و الله و اش نقولك يا خويا
هاذي حال البلاد يمشو غير بالمعرفة
عباد تشقى و تتعب و ما يجيها والو و عباد على العام يلعب و يجيه كولش واجد
يا ودي.... ربي يهدينا
حنا نديرو ربي ف بالنا برك
& Thnx
^^
​