مشكلتي مع ابن خالي

[مشكلتي]

السلام عليكم و رحمة الله تعالى وبركاته
انا فتاة في 19 سنة من عمري جميلة جدا بشهادة الجميع لدي ابن خالي في نفس سني احببته كثيرا لحد لايوصف و مع الوقت اكتشفت انه يحبني ايضا و عندنا 4 سنوات و نحن مع بعض
و بعد مدة صار مشكل بين اخوالي وامراة خالي حيث ان امه قطعت علاقتها تماما بالعائلة ومنعت اولادها من القدوم الينا ....
واكتشفنا اننا لانستطيع ان نكمل كما كنا مع العلم انه
كان بنوي الزواج بي
ونحن نحب بعضنا كثيرا ولم نستطع ان نفترق
وكل مرة احاول ان انساه فيها لااقدر....
علما ان عائلتي تعرف بعلاقتنا
اريد منكم نصيحة لوجه الله لانني ساجن من هذا المشكل
شكرا
​

 

[حسان]

تما الاعتماد


هل خالك حي يرزق؟
كيف زوجة خالك تقطع علاقة مع كل العائلة مع اخوالك ؟؟

رسول الله صلى الله عليه وسلم ينصحنا ان نصل من قطعنا و هذا دليل على انه من أفضل أن يتقدم لخطبتك و ان تتزوجيه ان كان يريد ذالك و ربي يبارك لكم و من يقطع علاقات فندعو الله ان يقطعه

​

 

[Rãniã Čřǻzy Nǿǘnã]

وعليكم الســــــلام
اختي ننصحك تلتاي بقرايتك خليك من هاذ الصوالح
مع الوقت ربي يجيب لي فيها خير .............(خليها للمكتوب)
وبما انك قلتي بلي نتي جميلة جدا يقدر يجيك واحد خيرمنو وتحبيه كيما هذا وكثر
​

 

[!≈[سُِـِيٌــِـِفّ اٌڷِخً‘يٌـرُ]≈!]

ربي يقدر الخير

و يتحل المشكل بين العائلتين و تكونو مجتمعين متهنين

​

 

[Ðẹĺc¡ā ċHÁÿMÄ]

rabi m3ak nchallah twolo normal​

 

[adel._dz]

نورمال ضرك توالفي مع الوقت

 

[لاجودان شاف]

السلام عليكم
اصبري برك ختي ولازم تبتعدي على الحرام لانو هو لي يحرم الرزق الحلال

وانا من عندي نطمنك مادام الطفل ولد خالك راح يجي يوم وتجتمعو فيه

لانو الفاميلنة مهما تبعد يجي يوم وتتقرب فيه

وكلش مبروك عليك واعرضينا نجيو نحضرو العرس ونشوفو ولد خالك هذا لي دوخك :$
​

 

[صدقة جارية]

السلام عليكم

اختي رانا في شهر رمضان و الباقي افهميه !!!!!!!!!!!!!!!!!!
لو جيتي تحكي على مشكل العائلتين حلك على العين والراس بصح جاية في الشهر الفضيل تسقسي على وليد خالك عيب والله عيب ؟؟؟؟؟
​

 

[!≈[سُِـِيٌــِـِفّ اٌڷِخً‘يٌـرُ]≈!]

الكلمة الطيبة مفتاح جميع القلوب

ربما هيا على خطا و رما نحن من نظنها على خطأ

فلا داعي لتعصب في الردود جزائكم الله خيرا

لربما في يوم من الأيام تقعون في مشكل و سوف تجدون ما قدمتم

فكما تدين تدان يا عباد الله الكلام طيبة رحمكم الله

دمتم سالمين و للخير فاعلين
​

 

[مهندال سعيد]

مافي امريستدعي للهم كان فيه محكمه فيها قاضي يحكم با الشريعه الاسلاميه
روحي انتي وياه تزوجو على سنت الله ورسوله وش المانع
كان مقتنعه بيه وهوا كذالك كملوا نصف دينكم
افضل من تلاقي وحب قد ينتهي يوم من اليام بمشكله كبيره
وشكرا

 

[صدقة جارية]

الكلمة الطيبة مفتاح جميع القلوب
ربما هيا على خطا و رما نحن من نظنها على خطأ
فلا داعي لتعصب في الردود جزائكم الله خيرا
لربما في يوم من الأيام تقعون في مشكل و سوف تجدون ما قدمتم
فكما تدين تدان يا عباد الله الكلام طيبة رحمكم الله
دمتم سالمين و للخير فاعلين
​

مكاش حاجة ضيّعت الجيل غير التساهل
الناس ترفد في يديها يارب اعتقنا من النّار واحنا لاهيين مع قصة ابن الخال ؟؟ وش الاولى نشوفو قطيعة الرحم وشجار العائلتين ولاّ مشاكل شباب 19 سنة اعطوا الدين حقوا على الأقل في الشهر الفضيل !!!!

وبخصوص في يوم من الايام نجد ما قدمّنا لازم نخدموا على نهار نكون بين يين ربي اسكوا الحب حلال ولاّ حرام بغض النظر عائلتها تعرف بامرها او لا كيما قالت وهنا الطامــــــــــــــــــــــــــة ؟؟؟؟؟؟؟؟؟؟؟؟؟؟؟؟
​

 

[om_assil]

عسى ان تكرهوا شيئا و هو خير لكم

ربما هذا الزواج سيكون عليك نقمة... و تذكري زواج الأقارب غير مستحب

 

[لاجودان شاف]

مكاش حاجة ضيّعت الجيل غير التساهل
الناس ترفد في يديها يارب اعتقنا من النّار واحنا لاهيين مع قصة ابن الخال ؟؟ وش الاولى نشوفو قطيعة الرحم وشجار العائلتين ولاّ مشاكل شباب 19 سنة اعطوا الدين حقوا على الأقل في الشهر الفضيل !!!!

وبخصوص في يوم من الايام نجد ما قدمّنا لازم نخدموا على نهار نكون بين يين ربي اسكوا الحب حلال ولاّ حرام بغض النظر عائلتها تعرف بامرها او لا كيما قالت وهنا الطامــــــــــــــــــــــــــة ؟؟؟؟؟؟؟؟؟؟؟؟؟؟؟؟
​

الحب أختي ماهو حلا ما هو حرام

الحب حاجة تطرق قلب الانسان وهو مش مسؤول عليها وماتقدريش تقولي عليه حرام

لأنو ربي سبحانو مايحاسبش البشر على حاجة مش بيديهم

هنا راكي عندك خلط في المفاهيم

قولي ممارسة الحب بالطرق الغير شرعية هو لي حرام

+
طريقتك ثاني في تقديم الحلول تزيد من تعقيد المشكلة
لما نسمعو لشخص في عمرو 19 سنة وعندو مشكل في حياتو لابد أنا نسمعوه
بوذنينا كي كانو في عمرهم 19 سنة
كلامك لي راكي تقولي فيه لهاد البنت علابالنا بلي صحيح لكن هي راهي في مرحلة مش قادرة تفهمو اصلا

ممكن راح تفهمو نهار تبلغ هي عمرك وتجرب وش جربتي انتي مثلا
​

 

[صدقة جارية]

الحب أختي ماهو حلا ما هو حرام

الحب حاجة تطرق قلب الانسان وهو مش مسؤول عليها وماتقدريش تقولي عليه حرام

لأنو ربي سبحانو مايحاسبش البشر على حاجة مش بيديهم

هنا راكي عندك خلط في المفاهيم

قولي ممارسة الحب بالطرق الغير شرعية هو لي حرام

+
طريقتك ثاني في تقديم الحلول تزيد من تعقيد المشكلة
لما نسمعو لشخص في عمرو 19 سنة وعندو مشكل في حياتو لابد أنا نسمعوه
بوذنينا كي كانو في عمرهم 19 سنة
كلامك لي راكي تقولي فيه لهاد البنت علابالنا بلي صحيح لكن هي راهي في مرحلة مش قادرة تفهمو اصلا

ممكن راح تفهمو نهار تبلغ هي عمرك وتجرب وش جربتي انتي مثلا
​

.




الله اكبر على تحليلك والجملة الاخيرة فيها نوع من القذف ؟؟؟؟؟؟؟؟؟؟؟
انصح لانها مالقاتش بيئة توعيها راهي تقول أهلها علا بالهم وانت تحكي على مشاعر غير مسؤولة عليها علاش العقل وين ؟؟ نحبس هنا ربي يهدي لان الهداية بيده و القلوب بين يديه

 

[Mr mino]

غَرِيْبَةٌ ؟؟؟؟؟؟

​

 

[لاجودان شاف]

.




الله اكبر على تحليلك والجملة الاخيرة فيها نوع من القذف ؟؟؟؟؟؟؟؟؟؟؟
انصح لانها مالقاتش بيئة توعيها راهي تقول أهلها علا بالهم وانت تحكي على مشاعر غير مسؤولة عليها علاش العقل وين ؟؟ نحبس هنا ربي يهدي لان الهداية بيده و القلوب بين يديه

مش قصدي القذف قلت راكي تحكي هك لانك ممكن اكبر منها وشفتي وسمعتي بزاف حكايات من هاذ القبيل

+
والبيئة هاذي لي راهي دايرة بيها علاه ما تساعدهاش باه تتزوج هاد الطفل لي هي راهي تحبو.....

خير من تتزوج غيرو في يوم من الايام وهي مازالت تحب واحداخر

أم حسبتم أن القلب في INTEREPTEUR
​

 

[Hakan]

يا اختي غير ما تعاوديش كلمة احبك هذي راكي ما زال صغيرة على هاد الصوالح وهذا بن خالتك على حساب ما راني نشوف ما هوش راجل باسكو لوكان جا راجل راهو قال ليماه عليك وماشي المشاكل العائليةة هي الي تفرق بين الاحباب حاجة اخرى توبي الى الله لانو ما عندكش الحق باش تقولي عندنا علاقة مدة اربعة سنوات لانها قبل كل شيء خيانة لله ربي يهدينا وربما كان ردي قاسي لكن هذا لصالح الجميع خلاص كرهنا من المشاكل هادي نتاع احبك وما تحبنيش ونموت بلا بيك نتا هو الماء والهواء نتاعي يخي سخافة

 

[!≈[سُِـِيٌــِـِفّ اٌڷِخً‘يٌـرُ]≈!]

مكاش حاجة ضيّعت الجيل غير التساهل
الناس ترفد في يديها يارب اعتقنا من النّار واحنا لاهيين مع قصة ابن الخال ؟؟ وش الاولى نشوفو قطيعة الرحم وشجار العائلتين ولاّ مشاكل شباب 19 سنة اعطوا الدين حقوا على الأقل في الشهر الفضيل !!!!

وبخصوص في يوم من الايام نجد ما قدمّنا لازم نخدموا على نهار نكون بين يين ربي اسكوا الحب حلال ولاّ حرام بغض النظر عائلتها تعرف بامرها او لا كيما قالت وهنا الطامــــــــــــــــــــــــــة ؟؟؟؟؟؟؟؟؟؟؟؟؟؟؟؟
​

و الله يا اختي في الله لم أفهم تعصبك هدا

و لم اجد له سببا

اسمك جميل جدا يدل على طيبة قلبك و نيتك الحسنة

لكن لا تظلمي احد بتسرع في فهم الناس

ان لم أتكلم عن قصة حبها

و لم أقل لها لا حلال و لا حرام من اانا حتي اتكلم في هدا الأمر

انا كل ما قلته انو الكلمة الطيبة تدخل للقلوب و تحل المشاكل لا اكثر

و كل ما أرجوه من الله عزوجل ان يعيد شمل العائلتين فلا يوجد في دنيا أفضل من التسامح و باخص في صلة الرحم

و اتمني من الجميع ان يدعو لهم

سامحيني ان أخطات في كلمة وجهتها لك فانا لا أقصد

دمتي سالمة و للخير فاعلة
​

 

[yani thiziri]

ختي حبيت نقلك بلي مزالك صغيرة على الحوايج وماشي وقتو

عيشي حياتك عيشي عزوبيتك عيشي صغرك طول وعرض

نحي هاذ التخمام وازهاي الصغر راه ميتعاودش مرتين

راه جاي نهار لي تتربطي فيه بالاولاد وتولي ام

والمراة اذا تزوجت راح تتربط اكثر من الرجل

وتولي تبكي على ايام صغرك لي ماشي راح ترجع

وكون نحكيلك على اختي عندها 25 بوقوصة بزاااااف

جاها شحال من واحد مي مقبلتش قالت مازالني صغيرة

وماش حابة تعاود الغلطة تاع يما وتربط روحها من صغرها

اون بليس الطفلة كي تكون بوقوصة متخافش على الزواج

الناس راها كامل تحوس غي على الزين

صحيتي​

 

[jijo7]

افففففف معليش كتبتلك يامس الرد مي لكونكسيون عيانا ما طلعت نعاودو نكتبلوك وحداخر ختي مشي خسارة فيك انشاء الله يكون قد المقام وتتقبلييييييييه اوكي حابة نقولك بلي اول حاجة انت راكي19 عمرك يعني مزال شباااااااااااب والحياة قدامك بالــــــــــــــــــــــــطول والعـــــــــــــــــرض مالا مكلاه تهوسي روحك من درك وموضوع زواج خليه مزال بكري شوي وصراحة ياك انا ضد زواج الاقارب لانو مايجي منو غير المشاكل وحتى لكان تزوجتي بيه ياك والله متتهناي في حياتكم باسكو ناس لي مهيش موافقة على هذي العلاقة تنغصلكم حياتكم وتقولي ياريت قعدت عزبا في دار بابا ولا تزوجت وهذي حقيقة يعني مش من راسي كاين لينا هذ المشكل في لافامي وزيد انت قلتي بلي انت جميلة "ماشاء الله" اذاكان يبقيني انا واحد على جمالي معندي مندير بيه الجمال صح نعمة مي لازم لي يحبني يحب بعيوبي لازم تتاكدي يبقيك على جال جمالك ولا يحبك لشخصك "انت كانسانة " ختي انا نقولك استخيري ايه استخيري وشوفي ورانا في الشهر الكريم والدعاء مستجاب استغلي الفرصة ولي فيها الخيرة ربي يجيبها
وحاجة وحداخرة انت قلتي جربتي تنسايه مقدرتيش لالا راكي غالطة اذا بقيتي تنسايه تقدري غير عولي برك وبربي تنسايه انت راه عندك حنين للماضي هذا علاه مراكيش حابة تنساي وتاني مش تخمي في وحداخر باش تنسايه هذا غلط ختي هذا تعلق تاع مرحلة مراهقة ويمر قاع مرينا بيه ومازال تكبري ايه ويفوتو الايام وتفكري وتقولي ياحسراه هذو غير ايام المراهقة وتقولي كيفاه اصلا انا كنت نفكر كيماهاك المهم نقولك حاجة ختي انا لكان كنت في بلاصة والله اه غير نسكر على الموضوع (لانو الباب لي يجيك منو الريح سدو وستريح)مش قصة شجاعة مي هذي حياة وزواج وتكثر المشاكل انا هذا راي خليك منو ومزال راكي صغيرة عيشي شبابك ومتخميش قاع في الموضوع صلي استخارة وشوفي وش يبالك يا تكملي معاه يا تحبسي وكل واحد ربي يسهلو وكوني متاكدة انو اذا ربي كتبلك تتزوجيه حتى واحد حتى واحد ما يوقف بيناتك ...........هذا راي انت حرا انك تتقبليه انشاء الله نكونو درنا لي علينا والباقي عليك وانشاء الله مطولناش عليك 00000 سلام