جديد المقبلات جـزائـرية لشهر رمضان الكريم

[FARAH-31]

السلام عليكم
مع حلول شهر رمضان الكريم قمت بجمع لكم مجموعة من المعجنات ووضعها بين ايديكم ان شاء الله تعجبكم

المقادير :
300 غ فرينة
نصف كاس سكر
2 ملاعق كبار حليب غبرة
2 ملاعق صغار خميرة
حبة بيضة مضربة ندو النصف فقط ونخلو النصف الاخر
2 ملاعق كبار زبدة لينة
2 ملاعق صغار ملح
ماء دافىء حوالي 80-95 ملل باه نلمدو العجينة
طريقة التحضير:
نقوم بخلط جميع المقادير المدكورة الفرينة+سكر+لحظة+نصف الحبة بيض+زبدة+ملح+خميرة وماء يساعدنا باه نلمد العجينة حتى نتحصل على عجينة طرية نتركها ترتاح ومبعد نشكلها حربوش ثم نثنيه لنتحصل على شكل ثمانية ونتركها ترتاح والصورة توضح اكثر http://idata.over-blog.com/2/42/48/75/API/2010-03/huit1_2.jpg
بعد ماترتاح العجينة ندهنها بالبيض الباقي ثم نقم بوضع الحشوة والحشوة كيما تحبي حطي فيها الوصفة هادي الحشوة متكونة من طون+زيت زيتون+فرماج مقطع قطع صغيرة+بيض مغلي مقطع+شوية ملح+مايوناز ثم نقوم برشه من فوق بالسانوج وندخله الفرن عند الاحمرار نخرجة وبالصحة


2-كورني مالح بكريمة الطون



المقادير:

رولي pate feuilletée كيفية صناعتها وطريقتها في هادا الرابط mille feuilles بالخطوات
علبة طون تاع الزيت
2 حبات بيض مغلي
شوية زيتون اخضر بدون نواة مقطع دوائر
كوب صغير مايوناز
ملح+فلفل اسود+قسبر+شوية قسبر للتزيين في الاخير
جبن مبشور
زبدة لدهن القوالب
بيض للدهن
شوية ماييز تاع السلطات
طريقة التحضير
نقوم بطرح العجينة وتقطيعها مستطيل باجرارة نتاع القريوشة ونقوم بلفها على القالب ثم نقوم بدهنها بالبيض ورشها بالسانوج ونقوم بادخالها الفرن يكون ساخن مسبقا وعند احرارها نخرجها ونخليها تبرد ماتنحوش القالب حتى تبرد مليح ونحيها


والان نحضر الحشوة بخلط جميع المقادير المدكورة ونقوم بحشو الكوني غير بهدوء باه ماتتكسرش ونرشها من فوق بالقسبر وبالصحة



3- معقودة لحم الدجاج بالجبن

500 غ لحم دجاج مفروم
ملح+فلفل اسود
فرماج​

للقلي:
حبة بيض
خبز مطحون

فرينة
زيت للقلي ​

التحضير:​

نقوم بخلط اللحم+ملح+فلفل اسود ونقوم بتشكيل دوائر وماتنساوش كي تلسق ديرو الفرينة في يدكم ثم نضع فرماج في الوسط ونقوم ببسطها ياليد على شكل دائرة ثم نمررها في الفرينة ثم البيض ثم الخبز المطحون ونقوم بقليها وشهية طيبة

4-شوصون بشكل جديد

المقادير :​

رولي من pâte feuilletée

نصف حبة بصل مقطعة
فص ثوم +ملح
2 حبات طماطم​

طون
فرماج مبشور

زيتون اخضر بدون نواة
التحضير:​

نقوم بوضع البصل+ثوم+ملح+طماطم في مقلاة مع القليل من الزيت نطهيها حتى تصبح صلصة نتركها حتى تبرد ثم ناتي بالعجينة ونقوم بتقطيعها مربعات ونضع الصلصة والجبن والزيتون والطون ونقوم بغلقها ونقوم بالغط بالفرشيطة على الحوافي

ثم ندهنها بالبيض ونرشها بالسانوج وندخلها الفرن ​

http://idata.over-blog.com/2/42/48/75/API/2009-08/mini-pasty4.jpgان شاء الله تعجبكم مع العلم انه منقول حبيت اني نفيد في هذا الشهر الفضيل

​

 

[warda 22]

momkin bil sora

 

[FARAH-31]

saha ftorek hbiba wallah hata ana madabia 1er des chose tél ta3i la pareil photo rahi mkhasra 2em sayite plusieur fois b ta3 mama mais min nji nhawas 3lihom manelkahomch w 3emme hadou rir mankouline w nchallah newa3dek ndir el johd ta3i w ndayi ntala3 les recette bel tsawer w machkoura 3la el molahad
sahashorek hbiba

 

[ام ملاك25]

الف شكر على الوصفة الديدة
وبارك الله فيك على المجهود الرائع
في انتظار الجديد

 

[nahed]

يعطيك الف عافية وتسلم الايادي

 

[nahed86]

يعطيك الصحة

 

[fifi la rose]

شكرااااااااااااااا على الوصفات تنقصها الصور​

 

[samah06]

اكيد عجبتنا
بارك الله فيك

 

[FARAH-31]

machkourine 3ala al rad w ya3tikom alf saha