غراتان البطاطا المبروشة واللحم المفروم

[fati laghouatia]

غراتان البطاطا المبروشة واللحم المفروم

المقادير
كمية من البطاطا حسب الحاجة تسلقيها في ماء وملح نصف سلق فقط يعني مالازمش تطيب تخليها تبرد تماما
في هدا الوقت حطي كمية من اللحم المفروم في 2ملاعق زيت يتحمر
زيديلو حبة بصل مقطعة رقيق مع 2سنات ثوم وقلي الكل حتى يطيب
وكي يطيب زيديلو شوية معدنوس مقطع وملح وفلفل اسود وطفي النار
ابرشي حبات البطاطا الباردة من الجهة الخشينة نتاع البصل

في صحن حطي حبات بيض مع نصف كاس حليب والبيض يتوقف على كمية البطاطا اللي عملتيها انا خدات مني 7حبات بيض وزيديلهم شوية ملح وكمية من الجبن الطري او المبروش حسب الرغبة
خلطي الكل مع بعض
زيديلهم خليط اللحم المفروم وخلطي الكل

سخني الفرن مليح وادهني المول بالزبدة ورشيه بالخبز المرحي او الشابلير
صبي الخليط
ودخليه للفرن حتى يتحمر من فوق وتحت وراهو ياخد شوية وقت في الفرن لان البطاطا نصف استواء ممكن ياخد ساعة او ممكن اقل او اكثر حسب حرارة الفرن اللي عندك المهم كي يحمار من فوق وتحت راهو طاب
خرجيه وخليه يبرد شوية خطوة مهمة حتى يسهل تقطيعو

قطعيه على شكل مقروضات كيما الباقلاوة وديري شق في وسط كل حبة بالسكين ودخلي فيه حبة زيتون
عند التقديم ادهني وجه الحبات ببانسو وشوية زبدة دايبة حتى يجي الوجه يلمع ​

​

 

[ايمان مي]

mliiiiih

 

[ملاك ملاكي]

ya3tik saha haylaaaaaaaa bzf
merciii​

 

[fati laghouatia]

مرسيييي لمروركم
​

 

[־●ـ‗غمــــوض ــالــورد_ـ●־]

ممممم يمي يمي شحآآل تحفون يهبل شهيتيني

جآآك هآيـــل يعيطــك الصحــة تسلم ايديك ~

أدن وانآ نكتب فلبآسآج ايآ ابعتيلي نفطر علآهآ هههـ ~
​

 

[fati laghouatia]

ههه ايا صحا فطورك اختي
​

 

[the cool girl]

هايلة

يعطيك الصحة أختي

 

["Màrià"]

اممم ياطيك الصحا
باين بنين
​

 

[fati laghouatia]

منورين الموضوع بوجودكم حبيباتي
​

 

[ibtissam imén]

rawwwwwwwwwwwwwwwww3a ya3ték sa7a

 

[nssrine]

شكرا تشهي تاع بصح

 

[samah06]

ام بارك الله فيك
راح نجربو ان شاء الله

 

[abir14]

روعة الله يحفظك

 

[ملكة الاحلام]

يعطيك الصحة عجبتني الوصفة ساهلة وباينه مليحة