تارت مالحة بالجبن والدجاج والبطاطا المقلية - من مطبخي -

[Nilüfer]

السلآم عليكم ورحة الله وبركآته

اليوم جبتلكم تآرت مآلحة سآهلة وخفيفة وتحتاجش بزآف مقادير

ومكوناتها بسيطة نتمنى تنآل إعجابكم

أولآ

فيما يخص العجينة أنا دائمآ في كل معجناتي نستعمل وصفة الأخت ندى الله يجازيها

http://4algeria.com/forum/threads/215106/

وجديها وخليها تخمر


في هدا الوقت حضري الحشو

اقلي كمية من البطاطا وخليها على جيهة

ثم في مقلات حطي حبة بصل مقطعة مربعات صغيرة مع شوية زيت وملح وتفاوه

وكي تدبل شوية زيديلها كمية من الدجاج المقطع شرائح صغيرة مع التحريك حتى يتغير لونو ويطيب

زيديلهم2 حبات كبار طماطم مرحية بدون قشرة

سنة ثوم

ملعقة صغيرة طماطم مصبرة

ملعقة سكر لنزع الحموضة اللي في الطماطم انا ما درتهاش مي صآحبة الموضوع الأصلي اللي شفتو

في منتدى آخر زادته


خلي الكل على نار هادئة حتى تتركز الطماطم لكن مالازمش ينشف الخليط يبقى شوية جاري وكي

تطفي النار زيدي زيتون اخضر مقطع شرائح


نرجعو للعجينة

كي تتخمر العجينة قسميها على 2 حلي الكويرات على سطح مرشوش بالفرينة

الكويرة الاولى فرشيها في صينية مدهونة بالزبدة


وفرغي فوقها نصف كمية الحشو


وديري فوق كمية البطاطا المقلية وقطع من الجبن


ثم فرغي كمية الحشو اللي بقاتلك وسقميه بالملعقة


و الكويرة الثانية بعذ ماتحليها قطعيها شرائح بالجرارة ولا بالسكين وحطيها على الوجه كيما الصورة


وكي تكمليها كلها ادهنيها ببيضة مخلطة مع شوية قهوة


وعمري الفراغات بجبن مبشور

ورشي جلجلان وسينوج فوق شرائح العجين وممكن تزيدي بزيتون اسود انا ماكانش عندي

ودخليها لفرن ساخن حتى تطيب وتاخد اللون كيما في الصورة قطعيها وقدميها

وهادي لاول وحدة ترد ومعاها غرفية حريرة

المرة الجاية إذا حيانا الله نجيبلكم الحريرة تع تلمسآن


​

​

 

[lamia-constantine]

yammmyyyyyyyyyyyyy
bayna bali hayla
ya3tik essaha khti 3la la recette

 

[الحلم الوردي]

تارت روووووووعة
تالمو شهيتيني بيها
يعطيك الصحة اختي
ان شاء الله نسييها
بصحتك
​

 

[السلطانة]

يممم يعطيك الصحة يا لشاطرة جاتك هايلة

في انتظار الحريرة التلمسانية

 

[FARAH-31]

mmmm yatik el saha jatek chaba bzzzf thabel w ana hada ma nebri rir had el swallah
merciii

 

[Nilüfer]

شكرآآآ لكن أخوآتي

أسعدني مروووركن​

 

[بنت السلطان]

يعطيك الصحة

جاتك تهبل

يصحتكم ​

 

[Nilüfer]

يعطيك الصحة

جاتك تهبل

يصحتكم ​

شكرآ لمروورك أختي

الله يخليك​

 

[shahrazad]

تبان بيننننينة يعطيك الصحة ياالفحلة​

 

[Nilüfer]

تبان بيننننينة يعطيك الصحة ياالفحلة​

مشكوورة على المرووور أختي

:regards01:​

 

[BLEU PEARL]

bayan man la photo bnina merci 3ala al a9al anaw3o fal kozina

 

[Nilüfer]

bayan man la photo bnina merci 3ala al a9al anaw3o fal kozina

العفووو أختي

مشكووورة على المرور​

 

[־●ـ‗غمــــوض ــالــورد_ـ●־]

مممممممم يمـــي تشهي جآتك هآيلــه
يعطيــك الصحــة يآىشطورة
مرــسي ~
​

 

[Nilüfer]

دو ريآن هههه

شكرآ ليك عالمروور حبوبة
​

 

[زهور96]

اااااااااااااااااااااااااااااااااااااامممممممممممممممممم
رااااااااااااااائع