لي عندهم اكسبيونس في الباك

[yani thiziri]

صحا فطوكم يا ناس الخير

انا عندي كاستيون وحاب نلقالها اجابة

انا هاذ العام عندي الباك وهاذا عامي الاول

خاوتي كاين ناس تعبت بزاف وفي لافان والو ميجبوش

كيما واحد نعرفو طاح من النص وعينيه زراقو مي والوووو

وكاين ناس نقدرو نقولو تعبو مي جابو الباك ببون نوت

كيما صاحبي تعب مي كي جاب الباك جابو ب 12.75 شعبة مات

انا مانيش حاب العام جاي نتعب وفي لافان ما نباسيهش

ممكن تعطوني شوية رايات يعيشكم​

 

[رنيم الصمت]

saha siyamkom w ftorkom
li 3awda nchallah

 

[حكاية قمر]

صحا فطورك نت ثاني
هاد لعام أنا فوت لباك وربحتو الحمد لله من بداية السنة وانا خايفة ونفكر كيفها هدا لباك تالمو لي معدل انتقالي من السنة الثانية لسنة الثالثة هو 15 وماعندي مشكل حتى في مادة مي بسبب خوفي وضغطي ع نفسي لاني بديت نقرا مام في أوقات خيالية أوقات يحتاج فيها العقل لراحة وماننكطرش اني كنت متمسكة باللمة لانها كانت متنفسي الوحييد واوحد وهاد شي كامل خلاني نضيع مام في صحتيوحتى مستوايا الدراسي عرف سقووط حر في الفترة اولى ورديت السبب لبعض الظروف وقلت ماعليش الفترة الزاوجة ونزير روحي كان ارتفاع ولكن طفيف تالموو تعبت بزاف وما نحكيلكش ع الفترة ثالثة مع لي قرب الباك تمارين لي حليتهم في الفيزياء كل تمارين شعببة علوم تجريبية في الزاد وحتى مواضيع الباكالوريا السابقة ومواضيع أخرى ومام في المات وقريت وتعبت وحليت ولكن حتى شي ماجاب نتيجة لي كنت باغية معدلي كارثي ولا مرة تخيلت روحي نيجيو
بون هدف نتاعي من قولي هدا هو اول شي تخلي الخوف ع جهة لانو راح يدمرك وقرا للباك كأي سنة فاتت ماعدا انك تزيد في حل التمارين وتنقص شوي من اللهو والتسلية ومادير في بالك والوا وأهم شي انك توثق في نفسك
صدقني مش غير انا ولا صاحبك لي تعبنا وقرينا كاين بزااف فوتو معايا هاد لعام لباك وتعبو اكثر مني بكثير ونتيجتهم ماكناتش ترقى للمستواهم الحقيقي
ربي يوفقك اخي الكريم
​

 

[نور الأوراس]

السلام عليكم صح فطورك خويا البكالوريا إمتحان عادي صح هو مصيري لكن مهوش غول نحكيلك عن تجربة خويا لازم تقسم وقتك وترجع دروسك كل يوم متخليش الدروس تتراكم عليك وأهم حاجة متضغطش علي روحك يعني أعطي وقت لجسمك أو عقلك يرتاحو الحاجة ثانية متعودش عقلك علي طريقة وحدة للمراجعة [و الحفظ يعني كل فترة تبدل ترتيب المواد وأخيرا خويا حتي تقوية ذاكرتك وتصفي ذهنك كول كل يوم حفنة من الجوز وبعد علي القهوة والشاي وبدلها بنعناع والعسل الحر والله أنا هذي كانت طريقتي والحمد الله كانت ناجحة جدا تقبل مروري:$ SIZE="7"]ا[/SIZE]

 

[la lune rose]

اول حاجه خويا ما تقلقش روحك وعيش عطلتك التعب راهو جاي
دير في بالك الباك في المتناول ولي داوه ما همش خير منك
فهم كل شي في وقتو بش ماتتراكمش عليك المراجعة وما ترهقش روحك
المادة الي ضعيف فيها بزاف ماتقراهاش وحدك قراها مع صحابك ولا دير الدعم بش تربح الوقت (في البداية العام اما من بعد قرا وحدك)
حاول تحل مواضيع الباك السابقه وحدك وضيط الوقت لان السرعة والتعود عامل مهم
اما في خصوص الي يتعبو ماداوش هداك من الارهاق لان الدراسة بدكاء و ليست بالجهد يعني نظم وقتك قرا ,لعب تفرج .......

الجانب النفسي مهم جدا اهتم بصلاتك وتقرب من ربي وقرا ادا قدرت كتب تنمية بشرية بش تتخلص من الصغط النفسي
حاول تبعد على المتشائمين ينقلولك طاقة سلبية في الباطل
ماتقراش ماضعاف المستوى بش ما تتغرش بنفسك ولا المتفوقين بزاف تفقد الثقة بنفسك
ربي ينجحك خويا

 

[yani thiziri]

اناي فاهمك خاوتي علابالي التعب والسيريو لازم

مي مانيش فاهم كاين ناس تتعب اكثر من ناس ومايجيبوهش

مانيش فاهم اسكو الخوف في ليكزامان

اسكو تعبو مي الطريقة تاع التوجاد فوضوية

 

[HAMZA USMA]

bac فيه شوية حظ
​

 

[NICE]

سلام méme انايا نفوت الباك هاذا العام نصيحة عيش lvacance نتاعك اضحك وازهى ماتخممش فيه خلاه ومبعد كي تدخل تقرى اقرى كيما قريت عامك وشنو لازم تحضر كل حصة ولازم تركز وتفهم وماذابيك ادخل اقرى les coures ونصيحة متعولش على التنقال انتا اقرى واذا طاحت في يدك فرصة علاش لا مدلي معاك اخويا هههه الباك راو زهر وربي ينجحنا انشاله:graduation::yahoo01:

 

[ضيوف وسـنغادر]

شوف اخي انا ماعنديش تجربة بعد
مي راني ديتها مدي يقربو ليا
عندي بنت عمي وبنت خالتي كان المويات تاعهم في الثانوية 16-17
كي طلعو للباك عادو 13-12-14
والباك جابوه 14.42-13.87 يعني gراااv تاع الصح
والله مانكذب عليك قراو مساكن وتعبوا ودارو كلشي وانا نشهدلهم بذلك مي ربي ماقدرش
الباك هذا كيما قالولي راهو قراية +زهر مي انا مانامنش بالزهر نامن بقضاء الله وقدره
شوف افهم بلي ربي ما يجيب غير الخير واذا دخلتك شوكة حسابها عند ربي
اقرا وتوكل على ربي وبرد قلبك مع القراية ومايهمكش النتيجة يهمك انو قريت وجبت نتجية بعرق جبينك
ايبا كون يقولك واحد انا قريت قريت وماجبتش يطيحلك المورال ؟ هذا كل واحد وكيما كتبلو ربي وماشي اي حاجة تصرالهم رايحة تصرالك انت ومايخوفك حتى واحد بكلامو
شعبة الرياضيات بزاااف صعيبة في ثانويتنا المخير يجيب 12 او 11 مانقولش صعيبة مي لازم تزيااار للسنتورة وعلاه كاين اللي جابو فيها 18 ؟
اما شعبة العلوم شعبة مليحة مي فيها طبعا صعوبة رايحة تزووول مع القراية طبعا
ومكانش حاجة صعيبة اذا الانسان توكل على ربي واقرا
انا ماتدخلش في راسي واحد ماقراش ينجح وواحد حياتو طووول قراية ماينجحش
ييعني باختصار مختصر
اقرا قرايتكــ وعيشــ حيآتكــ كتب ربي تديهــ بمعدل مليحــ رآهو ليكــ ماكتبشــ ....مآشيــ غير القرآية تعيش كيما يقولو
بالتوفيقــ
اكتسبت الخبرة ممن حوليــ اتمنى ان اجدها يوم حآجتيــ لهآ ​

​

 

[ضيوف وسـنغادر]

ونزيدلك من الشعر بيتا
اقرا بانتظام كيما قلت ايه كاينين القراااين بزااف من القراية المكتظة براسهم ينساو كلشي
اقرا درسك حل تمارينك وتوكل على ربي واقرا سيرة بعض الاشخاص اللي تفوقو فيها
وعيش هاني
وتذكروا ان امتحاننا هو الحياة لا الباك ولا غيرو
ربي ما يجيب غير الخير حطو هادي في بالكم وعيشو حياتكم
وان شاء الله
العام الجاي في الوقت هذا تبشرنا بنجآحك ​

 

[yani thiziri]

ختي ضيوف وسـنغادر عندك الحق في كلشي قلتيه وربي يدير الخير

 

[maroua girl]

merci sa3touni bezaf

 

[رنيم الصمت]

اخي مادخلش هاد الفكر في راسك
بالاك هاد لي يتعبو و خسرو سبتهم الخلعه وللا نساو حاجه مااجعوهاش مليح و طاحتلهم
انا نعرف لي يقرا ينجح ولو بمعدل اضعف مللي كان متوقعو و لي ميقراش مليح يخسر هادي قاعدة مكاش منها واحد يقرا يقتل روحو و يخسر و خاصة باكات السنوات الاخيره ساهل مش صعيب للدرجه لي تخوف ..... صح فيها شوي زهر بالصح لي يقرا ينجح
​

 

[Impératrice Fille]

السلام عليكم

واقيلا هادوا اللي هدرت عليهم و قلت قراو و ماجابوش عقبو هاد العام بويسك العام هادا راهم داروا رايهم فينا ضلمونا بزاف

المهم خويا ماتخلعش روحك بالباك راهو كيفو كي امتحان خلاف

انت اقرا و كيما قالولك اللي قبلي ماتخليش الدروس يتراكوا عليك و عندك تعمر راسك بهدرت الناس بويسك كاين عباد خدمتهم تطياح المورال ونحي من بالك هدرت * قرا وماداش* هاكدا راح تزيدها على روحك برك

انت اقرا و توكل على ربي و ان شاء الله تكون فيها خير

ربي يوفقك و يوفقنا

​

​