توجوغ يشوفو فينا بالعين العورة

[yani thiziri]

توجوغ يشوفو القبايل بالعين العورة

سلام عليييكم

وصحا فطوركم وتقبل الله منا ومنكم

هذه قضية فغيمون سخونة ويكثر فيها السمير

كاين حركة عدنا في قبايل يسموها حركة الماك

شحال من مرة يديرو السمير ويفطرو قدام ربي وعبادو

ويهزو درابو تاع الامازيغ ويطالبو بفتح المطاعم والمقاهي في نهار رمضان

وواحد ميحلبهم وفي لافان يروحو وغي هوم لي خاسرين

bon خليونا من هاذو الحيوانات راه جاي نهار لي يموتو فيه على يدين رجالنا

انا الحاجة لي راها كواتلي قلبي بزاف هي كي نشوف العرب يعلقو على هاذ الظاهرة

في facebook ولا في لي جوغنو ويسبو في القبايل كامل ويجمعو ودايرين كامل بلي

قبايل وكالين رمضان ومايصوموش في جرة 20 اغيييوووول كلا رمضان

يعني شافو غير هاذو 20 حيوان وماشافوش 10000راجل رد فعلهم يصلو المغرب كامل مع بعضاهم

ويكسرو الصيام مع بعضاهم ؟؟؟؟؟

صافي درت هاذي سبة باش تسبنا

كي شغل تسنا في اي حاجة تصرى عدنا تسبنا وتجمعنا كامل بلي رانا نديرو فيها

علابالك بلي هذي الاوباش لي راهي تفطر وتابعين لفرونسا واسرائيل

وماراهمش لييينا كامل ونتبراو منهم

ديجا علاش متخممش علاش يخيرو غير في بلاد لقبايل ياكلو فيها رمضان

هاذو كانو في تيزي وراحو لاقبو وزادو راحو لاوقاس وقيل ماهومش قبايل كاعتيك

ومعلاابلكش بلي كاين مخططات خارجية باش يضرو استقرار الجزائر بالتحريظ بينهم

يبعثو 20 حيوان ويهزو لعلام ويفطرو جهرا وفرونسا علابالها بلي كاين حيوانات اخرى

رايحين يسبو لقبايل كامل وهكذا راح تشعل النار؟؟

انا والله صايي مانزيد نقول والو كاين هدارات بزاف مانيش قادر نحكيهم ​

 

[Ma$Ter]

السلام عليكم ورحمة الله
خويا فقط الجاهل لى يحكم على عمل فردى على انو يمثل شعب كامل
وهاذى قبل ايام حكيت فيها انا وصاحبي على الجاست لى عملوها الجاهلين كى فطرو جهرا فى رمضان
قالى القبايل فيهم لى يعرف الدين خير من المخير فى الجزائر ووو
ربي يهدي خويا وربي يحفظكم
​

 

[w@l!d]

مرحبا بخويا آن شاء الله لباس عليك
وصح رمضانك
××
أولا نقولو الجماعة الماك هادو الله يهديهم ولا يديهم
أما غاشي الفايسبوك واش نقلك عليهم راهم يتبعو برك
تقولو طابت طابت تحرقت تحرقت
(والله ما علابالي العقل الي عطاهلهم ربي واش يديرو بيه)
وانا كيما شفت جماعة الماك ذوا لقيت جماعة أخرى ربي يحفظهم
رافدين علام القبايل+علام الجزائر+في نفس المكان
يفطروا افطار جماعي (وقت المغرب)ويصلو صلاة الجماعة
ولازم هاذو الي يحسبو:up:عليهم مشي الماك تاع الشكوبي:down:
مي غاشي الـfbـ يشوفو غير الي تعجبهم وتخسر البلاد
انا نقول ربي يهديهم ويهدينا أجمعين
ربي يخليك خويا
وصح فطورك
​

 

[yani thiziri]

السلام عليكم ورحمة الله
خويا فقط الجاهل لى يحكم على عمل فردى على انو يمثل شعب كامل
وهاذى قبل ايام حكيت فيها انا وصاحبي على الجاست لى عملوها الجاهلين كى فطرو جهرا فى رمضان
قالى القبايل فيهم لى يعرف الدين خير من المخير فى الجزائر ووو
ربي يهدي خويا وربي يحفظكم
​

وي خويا ديجا عدنا اكبر الزوايا في الدزاير وعدنا اكثر حفظة القران

وصحا فطورك

 

[yani thiziri]

مرحبا بخويا آن شاء الله لباس عليك
وصح رمضانك
××
أولا نقولو الجماعة الماك هادو الله يهديهم ولا يديهم
أما غاشي الفايسبوك واش نقلك عليهم راهم يتبعو برك
تقولو طابت طابت تحرقت تحرقت
(والله ما علابالي العقل الي عطاهلهم ربي واش يديرو بيه)
وانا كيما شفت جماعة الماك ذوا لقيت جماعة أخرى ربي يحفظهم
رافدين علام القبايل+علام الجزائر+في نفس المكان
يفطروا افطار جماعي (وقت المغرب)ويصلو صلاة الجماعة
ولازم هاذو الي يحسبو:up:عليهم مشي الماك تاع الشكوبي:down:
مي غاشي الـfbـ يشوفو غير الي تعجبهم وتخسر البلاد
انا نقول ربي يهديهم ويهدينا أجمعين
ربي يخليك خويا
وصح فطورك
​

ماشي غير ف fb مام في الجرائد الشروق وكاين بزاف

وربي يهدي وصحا فطورك

 

[nahed86]

..............................................................

 

["Màrià"]

يا ودي هاذي الدنيا
و انا يا خويا ما نستعرفش gاع ب هاذي
بصح الناس عمات ما ولاتش تشوف حتا وصلت بيهم يديرو هاك
و حنا نخلوها على ربي برك
ياك هاد الدنيا رايحة و تروح
​

 

[لؤلؤة قسنطينة]

وعليكُم السّلآم ورحمة الله وبركآته
والله يآ أخي هذآ هو خطأنا نحن البشَر ،، لآكآن صرآت مُشكلة من شخص وآحد نشوفو الأمّة كآملة ،،
نشوفو دآئماً النِصف الفآرغ من الكأس ،، ولكن أنآ نقول الجزآئر بدل الأحرآر في كل قطر وفي كل مكآن ،،
وخطأ من مجموعة مآ يعنيش أن المنطقة كآملة فآسدة ،، نقولو ربّي يهدينآ إن شاء الله ويثبّتنآ على الطريق المستقيم
تحيآتي لك ،، وتقبل مروري
​

 

[السلطانة]

وعليكم السلام

وانا الحاجة لي تزيد تقلقني كي يقولو القبايل يهود


وعلى لي فطرو ربي وكيلهم كيما يقولو يديرها واحد يخلصوها جماعة


كل واحد مسؤول على روحو

ربي يهدي من خلق

صحا فطورك اخي

سلامي
​

 

[yani thiziri]

يا ودي هاذي الدنيا
و انا يا خويا ما نستعرفش gاع ب هاذي
بصح الناس عمات ما ولاتش تشوف حتا وصلت بيهم يديرو هاك
و حنا نخلوها على ربي برك
ياك هاد الدنيا رايحة و تروح
​

معاك الحق

صحيتي

 

[yani thiziri]

وعليكُم السّلآم ورحمة الله وبركآته
والله يآ أخي هذآ هو خطأنا نحن البشَر ،، لآكآن صرآت مُشكلة من شخص وآحد نشوفو الأمّة كآملة ،،
نشوفو دآئماً النِصف الفآرغ من الكأس ،، ولكن أنآ نقول الجزآئر بدل الأحرآر في كل قطر وفي كل مكآن ،،
وخطأ من مجموعة مآ يعنيش أن المنطقة كآملة فآسدة ،، نقولو ربّي يهدينآ إن شاء الله ويثبّتنآ على الطريق المستقيم
تحيآتي لك ،، وتقبل مروري
​

هاذو هوم العرب

حاشا البعض

وصحا فطورك

 

[yani thiziri]

وعليكم السلام

وانا الحاجة لي تزيد تقلقني كي يقولو القبايل يهود


وعلى لي فطرو ربي وكيلهم كيما يقولو يديرها واحد يخلصوها جماعة


كل واحد مسؤول على روحو

ربي يهدي من خلق

صحا فطورك اخي

سلامي
​

كون نقلك هاذو والله راهم غي يسمعو جامي جاو لتيزي وشافو بعيونهم


انا رحت لتونس شحال من خطرة كاين عرب ياكلو رمضان في لابلاج صون بيتي


صحا فطورك

 

[لآ شَيْـئَ مُهـمْ]

السسلام عليككم و رحمة الله و برككاته
و الله يا خويا الصصراحة الصصراحة ، ما عنديش بزاف ملي تحسنت نظرتي تجاه القبايل
سبب النظرة الي كانت هي الصحافة ،، احنا كنا نقراو شاكانو يكتبو فالجرنال برك
( ممكن انتم فاني عندكم دور في تكوينها بتحفظ )
ما تلموناش ، ماكانش عندنا مصدر اخر نتعرفو فيه عليككم
بصح مع الانترنيت ، تبدل كلشي كلشي
تعرفت على ناس من تيزي وزو و بجاية و بويرة ما شاء الله ،
اذا على الناس الي تفظر رمضان ، الله يسهل عليهم ، صح تشوكيت كي سمعت الخبر اول مرة بصح نورمال من بعد
رانا واعيين دوك ، مش كيما بكري و الله
ربي يهدينا و يرزقكم الصصبر
​

 

[Rãniã Čřǻzy Nǿǘnã]

يعطيك الصحة خويا على الموضوع المميز
اولا نقول (( ربنا لآ تؤاخذنا بما فعل السفهاء منا ))
&
حنا مانقدروا نقولوا غير ربي يهديهم و يهدي هاذوك لي راهم يهدروا علينا بلي حنا ماناش مسلمين و مانعرفوش ربي
ســــــــــلام
​

 

[Mr Brahim]

و عليكم السلام و رحمة الله و بركاته
اولا بارك الله فيك اخي الكريم و يعطيك الصحة على خاطر هذا موضوع مهم و عندك الحق تزعف كي تكون الحقيقة مغيبة و تكون مظلوم . . هذي من المشاكل اللي يروحوا فيها الصالحين تحت رجلين الطالحين . . . صراحة لي ما اقوله في الموضوع لاحقاق الحق هناك جرائد تطرقت للخبر و ساذكر عناوينها صراحة و هي الخبر و الشروق و لكنها اصفت القبائل الاحرار و لك ان تطالع اعداد اليوم اما بخصوص العر - ربي يهدينا و يهديهم - هنا راك عممت و حكمت على الاغلبية بسب الاقلية .. . . المهم ساتحدث عن النفس و لي اخواني منطقة القبائل كانت و لا زالت الحصن المنيع للاسلام و اعلام الجزائر و شيوخها الكبار هم قبائل و على سبيل المثال لا الحصر الشيخ العلامة محمد آيت علجت و تمليذه محمد قاهر . . . الخ
اما بخصوص صعاليك الماك فعلى الدولة تحمل مسؤوليتها صحيح هم احرار في معتقدهم لكنهم ليس احرار اما المجمتع فحريت الفرد تنتهي عند حرية الاخرين و الحرية متبوعة دائمة بالمسؤولية ............. لي عودة ان شاء الله
​

 

[hassina]

rana ga3 des algeriens khouya biensur kayan li na9ass ta9afa ou 39al ou din kima kayan des bètes chez les kabyles kayan and el3rab aussi rabi khla9 ou fara9 تحيا الجزائر او خاوتنا القبائل اللي بعجبونا اصالتهم او تربينهم

 

[yani thiziri]

السسلام عليككم و رحمة الله و برككاته
و الله يا خويا الصصراحة الصصراحة ، ما عنديش بزاف ملي تحسنت نظرتي تجاه القبايل
سبب النظرة الي كانت هي الصحافة ،، احنا كنا نقراو شاكانو يكتبو فالجرنال برك
( ممكن انتم فاني عندكم دور في تكوينها بتحفظ )
ما تلموناش ، ماكانش عندنا مصدر اخر نتعرفو فيه عليككم
بصح مع الانترنيت ، تبدل كلشي كلشي
تعرفت على ناس من تيزي وزو و بجاية و بويرة ما شاء الله ،
اذا على الناس الي تفظر رمضان ، الله يسهل عليهم ، صح تشوكيت كي سمعت الخبر اول مرة بصح نورمال من بعد
رانا واعيين دوك ، مش كيما بكري و الله
ربي يهدينا و يرزقكم الصصبر
​

وي الناس راها غي تسمع وتعاود وراها الماجوريتي وحاشا

كي شغل هوم ملائكة

مي الجملة لي بين قوسين مفهمتكش ووش تقصدي بيها

 

[yani thiziri]

يعطيك الصحة خويا على الموضوع المميز
اولا نقول (( ربنا لآ تؤاخذنا بما فعل السفهاء منا ))
&
حنا مانقدروا نقولوا غير ربي يهديهم و يهدي هاذوك لي راهم يهدروا علينا بلي حنا ماناش مسلمين و مانعرفوش ربي
ســــــــــلام
​

وي انشاء الله مي متقدريش تعرفي اسكو قبايل ولا لالا

وانشاء الله العرب ثانيك ربي ما ياخذهمش بما يفعله السفهاء منهم

 

[yani thiziri]

و عليكم السلام و رحمة الله و بركاته
اولا بارك الله فيك اخي الكريم و يعطيك الصحة على خاطر هذا موضوع مهم و عندك الحق تزعف كي تكون الحقيقة مغيبة و تكون مظلوم . . هذي من المشاكل اللي يروحوا فيها الصالحين تحت رجلين الطالحين . . . صراحة لي ما اقوله في الموضوع لاحقاق الحق هناك جرائد تطرقت للخبر و ساذكر عناوينها صراحة و هي الخبر و الشروق و لكنها اصفت القبائل الاحرار و لك ان تطالع اعداد اليوم اما بخصوص العر - ربي يهدينا و يهديهم - هنا راك عممت و حكمت على الاغلبية بسب الاقلية .. . . المهم ساتحدث عن النفس و لي اخواني منطقة القبائل كانت و لا زالت الحصن المنيع للاسلام و اعلام الجزائر و شيوخها الكبار هم قبائل و على سبيل المثال لا الحصر الشيخ العلامة محمد آيت علجت و تمليذه محمد قاهر . . . الخ
اما بخصوص صعاليك الماك فعلى الدولة تحمل مسؤوليتها صحيح هم احرار في معتقدهم لكنهم ليس احرار اما المجمتع فحريت الفرد تنتهي عند حرية الاخرين و الحرية متبوعة دائمة بالمسؤولية ............. لي عودة ان شاء الله
​

فخونشمون عجبتني هدرتك

يعطيك الصحة خويا

 

[largo19]

نوصّيك خويا ٫٫ ما تكسرش راسك بزّاف بالتعليقات اللي في الفايشبوك و اليوتيوب أكيد هي ما تمثّلك رأي غالبية الشعب الجزائري ٫٫ و أصلا أصحاب هذه التعليقات مجهولين ٫٫ يهني إذا حكمت على هاذي التعليقات و قلت بلّي العرب كامل يخمموا هكذا راك ارتكبت نفس الغلطة و عمّمت الحكم بغير علم و لا حق ٫٫٫ با تتأكّد بلّي هاذي فتنة من عند أعداء الوطن شوف في نفس التعليقات تلقا ردود من بعض القبائل تسب كل العرب و تعوا لإخراجهم من الجزائر على حد زعمهم و تسب الإسلام بدعوى أنّه دين عربي لكن كلّنا نعلم بأنّ أصحاب هذه التعليقات لا يمثّلون الآمازيغ بل يمثّلون حركة معيّنة عميلة لفرنسا مدعومة من أطراف أجنبية قائدهم المدعو فرحات مهنّي ٫٫٫٫٫

ربّما كلامك هذا يثير الموضوع و يساعد في نشر الفتن التي روّج لها أعداء الوطن ٫٫ موقف الجزائريين بشكل عام ليس في الفايسبوك و لا اليوتيوب بل موقفهم تجده في أرض الواقع حيث الحيات تسير بشكل عادي بين كل أطياف الشعب الجزائري و مناطقه يتبادلون المعاملات التجارية و الرحلات و المصاهرة و كل شئ ٫٫٫ ما يحدث من تشويش هو أمر شاذ عن مجتمعنا و الشاذ يحفظ و لا يقاس عليه كما تعلم ٫٫ و شكرا