واختي والفاحشة في رمضان

[مشكلتي]

السلام عليكم
عندي اختي صغيرة عليا وانا نكبرها ب 6 سنين
على علاقة غير شرعية بواحد
ليلة رمضان جاو خطبوها واحد شافها ف الزنقة سقسى عليها وبعث دارهم يعني مهدرش كامل معاها المهم ناس بالطبع وتفاهمو العائلتين باش مور العيد ان شاء الله يجيبو الخاتم

هي ماهيش قابلة بحجة مزالت صغيرة والصح انها هداك الطفل هو لي مخلاهاش
يانااااااااااس يااااابشر انا عييييت من اختي ومعرفتش واش نددير معاها
اليوم اليوم شفتها مع واحد ف البلوك تاعنا وكانو ......
كذبت عليا وقاتلي راني هابطة لصحبتي انا هبطت موراها وتسحبت حتى شفت ديك الشوفة والله ماقدرت
يااااااااااااارب ياااااااااارب

انصحوني واش ندير منقدرش نقول لدارنا بابا وخويا والله والله غير يذبحوها وهي عارفة هادا الشي
وماما عندها لاطونسيو نخاف عليها
راني حايرة المشكلة انها متخافش مني والو زقيت عليها وبخصتها درات ليا وقاتلي احشمي شوية
وكي عزمت باش نقول لماما محبتش قاتلي بالاك تقوليلها

انصحوني ماشي تعايورني


​

 

[راضية حامدة]

تم الاعتماد



خبري اهلك و لا داعي للاعذار ما تقولي يذبحوها و لا امي عندها لاطونسيو
هي راهي تستغل في هذه النقاط
خبري امك و اذا ما خافتش من امك خبري خوك او ابوك و هوما يدبرو راسهم معاها

حذاري الصمت و التاجيل مش حل ابدا
هي راهي تستغل في هذه الاعذار
الله يهديها

 

[وهبwhpyـي]

لاحول ولاقوة الابالله
لازم تدخلين اهلك بالموضوع قبل يطيح الفأس بالرأس
لان الوضع صار خطير وهي تعودت عالكذب
الله يعينك عليها ودعواتك لها بالهدايه ان شاء الله

 

[ZAKI ZIANI]

oukhti khabri ahlek hada ahssen chi
w rabi ykoun m3ak

 

[السلطانة]

استغفر الله ولاحول ولا قوة الا بالله


هادي كي عادت متخافش منك هدديها قولها كون متبطليش نقول للدار


ربي يهديها برك

تكمل هك تجيبلكم كارثة

 

[ЯǾᵯẫḭṧşẰ]

السلام عليكم
ربي يفرج اختي
كيما قالت الاخت راضية حامدة
خبري اهلك في اقرب فرصة
الله يهديها
​

 

[لصمتي حكاية]

شوفي اختي
كي تسكتيلها معناها راكي مشاركا معاها
او ديجا لا لالالالالالالالالالالازم تقولي لداركم
باه هكدا تحط رجليها في الارض
او زيد هاذي حاط روحها في دول المريخ
ماعندها والو تخاف علييه
اسمحيلي ممكن هدرتي ماتعجبكش
بصح هذي هي الي تسلك اختك على خيير

 

[اسماء16]

قولي ليماك ولا مخافتش ثولي خوك مي بطريقة مهدبة 7واسرعو في تزويجها باه تستعقل شوبة
​

 

[salma zayna]

الله يسترنا فو ق الارض وتحت الارض ويوم العرض يارب اغفرلنا يارب

 

[salma zayna]

خبري اهلك ولي فيه الخير راه يجي وربي يسترنا

 

[prince of love]

السلآم عليكم

يا اختي ما نعايروك ما والو السىء هادا راهو عادي في وقتنا هادا

درك هيا مازالت صغيرة وتقدري نت تنصحيهـــآ وزيدي هدديهــآ بوالديك واخوتك

وتبعيهــآ واذا تغيرت استريها واذا ما بغاتش ما بقا حتى حل

اخبري والديك و اخوتك عليها وعلى الطفل هاداك

وربي يجعل الخير ان شاء الله
​

 

[نسمات عطرة]

حاولي انك تتكلمي معاها وانصحيها غي بالتي هي حسن ويلا ماحبتش تكلمي مع الوالدة وربي يصلح لحوال امييييين

 

[largo19]

هاذ الوقت كامل و مازالك تستناي ؟؟؟ أزربي قولي لأهلك الله يهديك ٫٫٫ واش راكي تستنا ؟؟؟ تحوسي حتى تصرى كارثة باش تخبري والديك ؟؟؟ ٫٫٫ خبري والديك و هوما يتصرفوا ٫٫٫ باينة اختك هاذي عاشت معززة و مدلعة فوق اللاّزم و زيد الوالد تاعك و أخوها ما بينوش الهيبة الحقيقية تاعهم قدّامها ٫٫٫ لأنّو أي طفلة مهما كانت قبيحة لوكان تعرف باباها أو أخوها بلّي واعر و يتسامحش في مسائل الشّرف لوكان تفكّر 1000 مرّة قبل ما تخزر في راجل أجنبي فما بالك ترتكب المنكر في الدروج قدّام باب الدّار مباشرة ٫٫٫ و الله غير كارثة ٫٫٫ ربّي يهديها ٫٫ أزربي خبري والديك قبل فوات الأوان

 

["Màrià"]

معليش قولي لداركم المهم ما تبقاش هاك
و الله خير و زيد نتي راكي تخمي عليها
​

 

[بنت لبحر]

لازم تقولي لماماك و الا مازالت قولي لباباك هدا هو الحل راهي تستغل في الفرصة و انت ساكتة

ربي يهدينا كامل

 

[MiriRina]

ياختي واش نقلك
انتي شفتي بعينك وسكتي ياو ه\ا الشي ماهوش ساهل غير شوفي كيفاه ديري معاها وا\ا تحتمت قولي لتاع داركم قبل مايفوت الوقت
ربي يهديها

 

[ازهار الربيع]

ادعيلها ربي يهديها
وماتسكتيش عليها تسكتي تزيد هي الطير ودير جنحين
لكان في رمضان والناس التوب هي الدير هكا في الفطار واش الدير؟
خبري اهلك بطريقة مناسبة
ربي يكون في عونك

 

[قلبي ينبض بذكر الله]

لا حول و لا قوة الا بالله

اختاه،، ما دامك تعلمين بذلك .. امنعيها انت من الخروج و التسكع و باي طريقةبالتهديد و حتى بالضرب

و امنعي عنها كل طرق الاتصال بهذا الشخص او بغيره و حتى صديقاتها

و عليك بتهديدها مرارا و توبيخها

و ان لم تستطيعي و خرجت الامور عن يدك سلمي الامر لاهلك

و قبل كل شيء إلى الله بالدعاء لها بالهداية و السترة

الاحسن تزوجوها و لو بالغصب ،، لأن هذه الفتاة لا رأي لها و لا شخصية، فهي لا تعي مصلحتها و الخير لها و لأهلها ،، عليكم ان تشوروا عليها و تتخذوا القرار عنها

هداها الله

 

[حفيد هواري بومدين]

الحمد الله كي شفتي بعينيك ماحكاولكش يعني هاد سبب جابهولك ربي باه تصلحي الغلطة نتاع اختك
انتي حاولي توصلي الفكرة للاباء الاخ يكون ف الدرجة تانية
يذبحوها حكاية فارغة ممكن يغلقو عليها ولا يسيفو على الزواج باش تتستر خيرمن يحكيو عليها في المجامع برا وتجيب العار لدار

 

[Nàf!ssaà]

~~]

سلام عليكم
انا رايي يا اختي لعزيزة انك تخبري اهلك بصح اعرفي كيفاه تقوليها خاطرش لوكان تزيدي تسكتي عليها تتمادى حتى تتورط و تورطكم وهاد شي لي مانبغوهش يصرا

وماتنسيش تاني تدعيولها ربي بالهداية

ربي يهدينا و يهديها و يرجع لطريق الصواب

[~~​