كميرا كاشي ... الحلقة الثانية... مع معتـــز اللمــــة

[مطبخ الأحلام]

السلام عليكم وصح فطوركم
إن شاء الله فطرتو مليح :d وسور كروشكم مقلقلة بالماء يحسن العاون:p


هادي أول تجربة ليا من بعد الدروس الشريرة الي أخدتها من فلفولة وهدا الإختبار الي جوزتو مع

العم معتز

عنوان الكميرا كاشي ( :dخاب ظني فيك:d )

لخبر خبرتهولك وخبرته وخبرني وخبرتك :sوفهم يالفاهم

أول رسالة قمت بإرسالها للعم معتز

خاب ضني فيك
راسلني الاخ سيف وخبرني بشي كنت خبرتهولك ليك وصار عندو لخبر وخبرني بلي انت الي خبرته

رد عليا مسكين مافاهم والو

السلام عليكم
أولا أنا منيش نتاع خبراات وهذا راه اتهام ما نقبلوش
وشوفي راني نقلك منيش نتاع خبراات
والاخ يوسف انسان عزيز عليا وضرك نتفاهم معاه ونرسلوا على هذا الامر لأني عندي مدة ما حكيتش معاه اكثر من شهرين
وربي يهديك على هذا
وما نقبلش مثل هذا الاتهمات
وخبرني واش قاالك وليس تخلهالي حجرة في صباط
سمية راني كمال وعمري ما نعمل مثل هذا الشيء وإذا بغيتي تصدقي هذا امر يهمك
رني شبعت من مثل هذا الاتهمات ومنقبلش بها اصلا
وقيمتك تعرفيها عندي مليح وعمري ما نقول شيء يضرك وزيدي سقسي مليح يوسف
لأني راح نعيطلوا ونفهم منوا كلش
سلام

ايييه راح نخبرك واش قالولي :d

اولا شكون يوسف ؟ انا قلت سيف العشق هو الي خبرني انو انت خبرتو بهاد الشي
والدليل موجود واستنى ننسخهولك

وهاهو الطرافيك الي درتو فالرسالة :d باش نبينلو بلي قالو :p
زعما محادثة بيني وبين سيف

السلام عليكم اختي ميس سوسو
كيف الاحوال؟ ان شاء الله تكوني بخير
اريد منكي تصميم ولكن مكتوب فيه بالفرنسية قالولي راكي ماتعرفيش الفرنسية بصح ستيلك يعجبني فالتصميم الا حبيتي انا نكتبلك واش تكتبيلي وانت نسخي ولصقي برك

سلام اخي
ايه نصمملك مشي مشكل بصح سمحلي شكون قالك مانعرفش الفرنسية ؟؟

اعتذر منك اختي لم اراعي كلاماتي
مرة كنا نحكيو انا والاخ معتز اللمة وقالي تفهم وماشاء الله بصح مستواها الدراسي المتوسط فقط وعندها مشكل فالفرنسية
والله اعتدر ان تدخلت

بعد الطرفيك الي درتو وبعتو لعمي المعتز، كتبلي جورنال :s

ربي يهديك ويهديه
ونا ما نحكيش مثل هاذ الحكي على واحد مهما صاااااار
انا ما نعرفش الفرنسية وما نقراهاااش وما نحبش نعرفها
مي لحديث هذا يا سوسو الحقيقة والله ما نعرفك بلي ما تعرفيش الفرنسية ههههههههههه
يعني انت مثل حالتي ما تعرفيش الفرنسية
نقلك حاجة انا افتخر لأني لم اتعلمها لأنها لغة الغير يا طيوووبة
افتخر اني نعرف العربية فقط
أما بخصوص الاخ سيف المحترم هو اخ عزيز عليا وحكينا مع بعض
لكن لا أذكر اني قلت مثل هذه الكلمات معاه ولا أتجرأ أن اقووولها اصلا يا طيووووبة
لربما هو نسى برك وقالك هكذا لأني مع احترامي ليه راه انسان عزيز عليا واخ طيووب لربما نسى وقالك معتز
لأنو اي مشكل يحصل الان يقلك راه معتز قالي لأنهم يعرفوني طيب فوق العادة وما نعتبش المهم
راني ما قلتش وانت وضميرك
واتمنى يقفل هذا الموضوع لأنو عملي صدااع وجوعني ههههههه تصدقي اني جعت وبغيت لبرااج لي سخفت عليه وما كلتووش
واصلا ما نعرفش نخدموا
وينها لميمة تجي تشوف ولديها لي سخف وما لقااش لي عملوا
ليتيم هذا صعيب يا سوسو وتزيدي انت تتهمي فيه اتهمات هو بريء منها
يلا ما عليش نقبلواها منك
واطلب الاعتذاااار إذا قلتها ولو اني ميش فاكر اني قلتها يا طيوووبة
وحسبت يوسف لأنو عنوان رسالة قهرني
ونتمنى تنسيااي الموضوع
راني كثر منك ما نعرفش فرنسية نهائي و9 عودتها 4 مرات وما نجحتش زيدي هههههه ناااس قراات في سيام 3 سنوات انا قريت 7 سنوات في سيام اكثر من الابتدائي وما نجحتش لثانوية ههههه
يااه ما عنديش زهر يا سوسو
واعتذر والله إذا بدر مني مثل هذا الكلام ولو اني والله متأكد ما نقولهااااش
والله أعلم

انا حابة نطيحو وهو حاب ياكل البرااااج ياااو ماننساش الموضوع لازم نكمل :-o

انا نقبل اعتدارك ونعرفك كي داير عليها شوكيت كي قالي الاخ معتز اللمة هو الي قالي
روح عند هادا سيف وشوف معاه لحكايا وعلاش دكر اسمك بالضبط وفريها معاه ورواح قلي
راني عييت من القيل والقال

وهاوليكم الحوار الي دار بين سيف وعمي المعتز

السلام عليكم ورحمة الله
واش هذا مقبيل بعثتلي ميس سوسو رسالة تقول فيها
أنك انكرت انك قتلي بلي هيا ما تعرفش تكتب بلفرنسية
واش كبرت وليت تخرف و لا كيفاه
جابلك ربي نتهم ناس باطل انا
نعرف لواحد كي يقول كلمة يعترف بلي راه قالها
​

رد المعتز

السلام عليكم
أخ سيف حسن شوي من ألفاظك يا طيب نتاع تخرف وكبرت
واصلا لم نحكي بهذا الموضوع إذا تتذكر قتلك راهي في عرس والله علم يأخي
وراني بكامل قوااي العقلية ومزلت ما خرفتش كيما تقوول انت
وربي يسهل ​

لالالا و إلا حبيت نفكرك عادي
انا أنسان نحب الصح
الحق يعلو ولا يعلى عليه
نهار كنا نشطو كيف كيف في لمسابقة
قتلك نطلب من ميس سوسو تصميم
قتلي راهي ما تعرفش تكتب بلفرنسية
تفكر برك و ممبعد قتلها انا الهدرة هذي
عادي كلمة قولتها قولها راني قلتها و لا راك خايف منها ؟؟؟

رد العم معتز برسااالة طويلة عريضة نسخ فيها المحادثة القديمة التي جرت بينه وبين سيف عبر الفايس بوك باش يتأكد سيف بلي المعتز ماهدرش على ميس سوسو ماعليش ماننسخوهاش :d وبعد النسخ ردّ عليه سيف قائلا

عادي راك قدرت تحذفها المهم
انا ما يهمني والو
المهم قتلها واش سمعت و خلاص
ربي يسهل بينك بينها

رد المعتز

شوف يأخي راك تقول حذفتها أوك والله مستعد أني نمد لللأخت سوسو باس ورد وتتأكد كما يحلوا لها وربي راه شاهد عليا بأني لم أحذف شيء من الحوار وراه مزال عندك اتأكد فقط انت من كلام
وراك ظلمتني على شيء لم أفعله ونوكل عليك ربي لأنك ظلمتني
وزيد تأكد يأخي وراه لم يحصل شيء راه عادي جدا يأخي حوار يمكن انت نسيت لا غير
وربي يسهل عليك
وشكرا على كل كلمة مليحة قتلهالي

بين محادته مع سيف رجعلي عمي معتز قائلا :p

سوسو راه يغلط في الكلام ونتمنى تقفلي الموضوع
والله وربي راه شاهد على كلامي راني رجعت روحي مليح ورجعت لحديثنا في فايس بوك والحوار لي دار بيينا
وتأكدي راني ما نقولش مثل هذا الحديث نهائيا
وربي عيشك اقفلي على الموضوع وخلاص امسحيها فيا ما نحبش الموضوع يكبر راني قريب ننفجر

سيف :d

شوف يا أخ معتز
انا ما بيني و بيك والو و الاخت ميس سوسو كذالك لا أعرفها و ما بين و بينها والو
لكن نحب الصح هكا مداير انا
و متاكد من هذي الهدرة
الله يهديك و تتفكر و تعترف انك قولتهالي
يا اخي تكون حذفتها من الفيس بوك و لا المنتدى عادي
المهم حصل خير قولها راني قلتها و خلاص عادي

عمي المعتز يا حرام عليكم يا سيف واش درت فعمنا معتز حملها في قلبو بدالك:d

شوف نقلك حاجة يا طيب عمري في حياتي ما غلط مع واحد
وراني نقلك حاجة
مستعد نقلها هاذ لكلام نقلك علاش حتى ما يحصل شيء بينك وبينها وراح نضغط على قلبي
ونقوول حكي لم احكيه ابدا
ضرك نرسلها ونقلها بلي قلت هاذ الكلام وراني نسيت
بصح نقلك حاجة انت راك بكيتني ونا اكبر منك في سن لأني صراحة نكره مثل هاذ الاشياء
وراك مسامح دنيا وأخرة
وتأكد أني نخاف غير من ربي ومن خاف حتى من واحد
والمرا الجيا حسن شوي ألفااظ راهي تضر كي تجرح نااس بكلام صعيب
وربي يسهل
ضرك نقلها راني قلت وخلاص علينا المشكل خلي نطرطق انا خير من انت المهم
سلام

رجعلي ليا عمي معتز وشحال راه شافني ياحرام كنت نقول فلة شريرة وأنا طلعت أشر منها :d

سمية ربي عيشك ربي عيشك ربي عيشك
والله العظيم راني رسلتلوا الحوار وراه قالي انت حذفت الكلام
ربي عيشك ويرحم ولديك اقفلي على الموضوع هذا
راسي راه ينفجر منو

تسما انا نروح نتفاهم معاه خليك انت كيما راك وانا نفريها معاه
غاضني الحال الي دكراسمك مشي على اني نعرف نقرا ولا مانعرفش نقرا

:p:p:p عمي المعتز راح يرقد وفي غيابو بعتلو رسالة :d

كماااااااااال يا عمي المعتز
قوووووووووووووووووووووووووووووووووووووول والله ماتزعف ؟؟؟
ديجا انت ماتزعفش مني انا ختك وياااك ؟؟
راك شاركت مع سوسو هاد المرة في كاميرا كاشي ^_^

رد عليا عمي معتز على 8 نتاع الصباااح :d:d

صباح الخير
بيتيني نشوووف صح ليك هههههههههههههههه
والله ما نزعف منك نهائي وتعرفيني مليح معاك
لي جي منك عسل
ما عليش نقبلوها منك
وهذا كل يجي منك ههههههههههه
يعني لي يحب يعمل كامرة خفية يجي عند كموووول هههههههههههههههه
تعرف صح كبرت على هذا اصبحتم تحكموني بسرعة ولا ما نعرف هههههه
المهم نات راه حلزون جيت نرد عليك كلش راح امبارح
بصح اصبري برك ضرك يجي دورك هههههههههههههههه

وهكذا إنتهت حلقة عمي المعتز الي كان رزين ومتيقن من كل كلمة حكاها
وحاول يدفع بالتي هي أحسن باش مايكبرش المشكل وكما عاهدناه فعلا معتز

نشكر الأخ إلياس على المساعدة الشريرة لي :d​

​

 

[شاعرة المستقبل]

هههههههههههههههههههههههه مسكين خويا معتز وش درتو فيه
ليه وحشة عندي عام ما حكيتش معاه

حرام عليكم
هايلين

 

[أم أُنٌَيسة]

السلام عليكم
صحى فطوركم
والله حرام عليكم اللي درتوه في العم معتز
ربي يكملوا يعقلوا ان شاء الله
ربي يبارك فيه و يبارك في اخلاقوا
و راني زعفت والله اول مرة و بكيت والله
و اسفة جدا قلت رايي فقط
في امان الله
ارجو تقبل مروري
سلام الله عليكم​

 

[amira94]

وعليكم السلام ورحمة الله وبركاته

رمضان كريم

حلقة فووور يا أختي سوسو

والعم معتز ما شاء الله انسان طيب رزين , أخلاق في القمة

مشكورين على الحلقة وبانتظار حلقات أخرى ان شاء الله

تحياتي :regards01:


​

 

[la_safa]

اوووه والله أطيب منو مآ شفت ^^
الله يبآرك و ربي يحميه ،
و انتْ يآ سوسو يآ شريرآت انتِ و ميلينآ
تقول الوحدة تعطيكم طريحة :p هههههـ

أيآآآآ صحيتوو ~
​

 

[الحلم الوردي]

صحا فطوركم
والله يااختي سوسو اي وي
حلقة فووور
والاخ معتز ما شاء الله انسان رائع و طيب ورزين
ماشفتش كيما هو
توجورانت يا سمسومة وملينا جابتوها فووووور
في انتظار الحلقة المقبلة
​

 

[secret de coeur]

ييييي معتز طاح فالشبكة مرة ثانية خخخخ مي نشفتيلو ريقو مسكين
اياو مزالك تخلص الشئ الي درتو فينا نتا ويوسف وموحا داك العام هههه
مرسي ع الكاميرا ميس
صح فطوركم

 

[السلطانة]

وعليكم السلام ههههههه للمرة الثانية


الاخ معتز كيما قالت سوكري دوكور راك تخلص في تاع عام عام هههه


يعطيك الصحة سوسو راكي خلعتيه وزادت نجحت كي استعنتي بسيف الخير تبانو تهدرو من نيتكم هههه

بارك الله فيكم حلقة ممتعة

 

[أمــ وليــد الجزائرية]

صح فطوركم انا هنا سمسومتي درتلي سوربريز معرفتهاش ناوية على عمي المعتز بهذي الطريقة حتى تجي تقولي راني طيحتو خلاص ماصدقتش قلت هو ثان و لي ثاني مرة

و عمي المعتز نزيد نقولو كما قالت ساندي وقيل قليل الي درتو في الناس هاي جات دالك و طيبتك قضات عليك ربي سترك برك و مزية ماكنتش في رمضان تعود تديرها كما درت معايا تخلاصها بالدخان ربي يسمحلي

ايا بصحتك سمسومة كنتي قدها و نتكل عليك برك خوافة لازم تنحي الخوف ديالك هذي نصيحة مني هيهاها
​

 

[{مُدَلَّلَتُهُ}]

السلام عليكم

يااا مع من طحتووو و الله طييوب مسكيين و ناس ملاح الله يبارك عليه

حرام عليك سوسو كنت حاسبة فلة برك شريرة ساعة طلعتي أكثر منها

بصح حلقة بزاااف فور يعطيكم الصحة

"خففو شوية لا دوز يااو قريب خرجتو لضحاياكم القرون :p "

سلآم
​

 

[♫الباحثة عن الحظ♫]

هههههههههههههههههههههههههه
مسكين اعلاه عليك

شكرا
​

 

[magique]

هههههههههه والله الحلقة روعة
يعطيكم الصحة سوسو والياس تعاونتو بالبيان هههههه


راكم واعريييين
والاخ معتز صراحة ولا اطيب
ربي يثبتك خيي
​

 

[مطبخ الأحلام]

صح غطور الجميييع

أضحك الله سن الجميع نفرح كي نشوف الضحكات تتهاتف هنا وهناك

صح الاخ معتز مافي أطيب من قلبو فعلا انسان أكابر ومحترم ومتفهم ربي يحميه ويعطيه على حساب نيتو

نشكر اخي إلياس على المساعدة الطيبة الي قدمهالي

وتحياتي للجميع نورتو البلاطو ^_^
​

 

["Màrià"]

هههههههههههههههههههههههه
و الله يا سوسو الكاميرا كاشي تاعك وحدها فوووور و تحية لخونا سيف
ياطيك الصحا
​

 

[M3TaZ eLLMa]

أولا السلام عليكم

وثانيا عيدكم مبارك وكل عام وانتم بخير يارب

وثالثا صحى رمضانكم وربي يقبلوا عليكم

ورابعا نخصص كلامي للأخت الغالية عليا سوسو نقلوها صحى عيدك وكل عام وانت بخير يارب وربي يحفظك ويحميك ويكملك في طريقك لي ماشيا فيه يارب ونتمنالك الخير من كل قلبي اخت الطيبة والغالية .

خامسا ندخلوا في موضوع

كي رسلتني سوسو كنت شوي متقلق في امر حتى نتفاجء برسلة كصاعقة نزلت عليا ومن اعز نااس أولا نقلكم صح قهرتني بكلامها وعرفت تخير الموضوع بذااات وتخير شخص لكن لي ما فهمتوش ونسيت باه نقسيها فيه كيفاه عرفت بيني وبين سيف الله يذكروا بالخير ونجوهلوا التحية ونقلوا عيدك مبارك لم افهم كيفاه عرفت ومنين جاتها الفكرة .

دخلنا في الموضوع قلت لربما رسالة زوج وتنسى سوسو لكنها مصرة وهذا لي زاد قلقني وبعد ما كبر الموضوع ودخل الاخ يوسف وبدأ في الحديث ولم يعطي لي مجال حتى لي تفكير شهدت وستغفرت ولعنة شيطان الملعون لقيت خونا سيف يغلط في كلام الحق من طبعي هادء وكي نشوف مشكل كبر نحاول نهدء الموضوع رسلتوا لكنوا زااد في فوليم نتاع الكلام هنا عرفت انو الموضوع رايح للأبعاد اخرى ولهذا قررت اني نمسحها فيا لأني نعرف سوسو مليح ما تزعفش مني وراح تنسى وقلتلوا ضرك نخبرها بلي راني قلت ونسى رسلتها رسالة أولى وفي رسالة ثانيا لي عترفت فيها لسوسو نات تقطع عليا وراح وهو لي زاد كمل عليا في قلقة روحت ليل كامل ونا نخمم في مشكل هذا كي دخلت صباح لقيتها كامرة كاشي أولا حمدت ربي وقلت الحمد لله لي انها كامرة كاشي برك وثانيا ضحكت على روحي .


والله برافوا الاخت سمية والاخ سيف وما ننساش صاحبة الفكرة شريرة مليانية لي نقلها صحى عيدك وحمدي ربي أني غبت عليكم في رمضان هذا وإلا كنت تشوفوا مني الويل واقسم بالله كنت موجدلكم كامرة كاشي راح تقعدلكم في تاريخ لكن لسوء الحظ ولظروف قاهرة جدا غبنا وربما هي دعواتكم لله استجيبت ونقلكم يعطيكم الصحى والله


وسوسو نكرر ونعاود كنت فوووور فوق العادة ويعطيك الصحة يا طيبة وربي يحفظك

ونشكر كل من مر على الصفحة ورد برد مشجع لي نفتخر بكلامكم ياغاليين والله وربي شاهد عليا اني نحبكم لوجه الله وراكم كامل خوتي

وعيدكم مبارك كلكم ياغاليين وخاصة الطيبة سندريلا تشفااي فيا وضحكي لي عملتوا فيك وفي خوتك رجع عليا ههههههههه

وسامحوني جيت روطااار للحقلة نعم حلقة فوور صح راني نقرى ونضحك على روحي هههه

يعطيكم الصحة يا طيبين

ةوسامحينا سوسو طولت في ردي عليك

تحياتي

​