كميرا كاشي ... الحلقة الرابعة مع الأخت فرح البسكرية

[مطبخ الأحلام]

السلام عليكم

وصح فطـــور الجميع سواء حاضر أو غائب زائر أو عضو

الأخت فلة تعتدر عن عدم تواجدها بسبب عطل في النت


ياهلا وسهلا مع حلقة جديدة

وهذه المرة المقلب كان مع الأخت البريئة رهيفة الإحساس ( فرح البسكرية )

عنوان الرسالة كان ( وعلاش هدرتي فيا )

وإليكم أول رسالة مني

​

سلام

فرح على تهدري في ظهري وتقولي انا متكبرة وحاسبا روحي؟؟

​

فردّت المسكينة قائله

وعليكم السلام ورحمة الله
والله لعظيم يا ختي جامي هدرت عليك ولا ذكرت اسمحك وحياة امي علاه نهدر فيك اختي واش درتيلي ؟ انا لي نظن لازم نروح من هنا ربي يشهد اني حبيتكم كي خاوتي واكثر
سامحني اختي بصح كنت نتمنى تعتبروني اخت
بصح والله لعظيم وحياة اغلى حاجة عندي عمرى مهدرت في واحد فيكم ولا جبدتوا حتى
استودعك

تأخرت عليها قليلا في الرد فبعتت بالرسالة الثانية

​

ممكن طلب صغير اختي لو سمحتي يا ريت تخبرني شكون قالك هدا الشيء ونوعدك وعد شرف انوا يموت لهنا هد الاسم
وعلى فكرة راح نكتب موضوع نحلف فيه انا جامي حكيت على انسان ومعندي معامن نهدر هنا وحباتك تعرفي انو انتي مش اخطات في كتابة والله ايدي راه ترجف وحدها منحبش حتى احد يتهمني عفوا هنا من وليس مش الاشخاص لي نقدرها بزاف لهنا لانها تستاهل انك تقدريها اختي قوليلي وخلينوا نروح وكما وعدتك مش راح نحكي ولا كلمة ولا نقلوا من هو ولا هي؟

​

فكان ردي عليها

انا وصلني خبر انك حكيتي فيا ومن هدي شحال وعييت صابرة صابرة وجا اليوم الي خبرتك فيه
وبلا ماتكتبي موضوع وتقولي فيه اشياء تصرى فالسر خليها نفريوها بالرسايل برك
وانتي راجعي نفسك معامن حكيتي عليا

يا اختي والله منراني نحكي مع شخص و عمرى ماا جبدتك و ربي شاهد لا لا يا ختي من فرح لي تتهم وتسكت من فضلك خبرني شكون قالك الله يسترك وراح نحكي مع الاخ فتحي رسائل عندكم واكيد مراقبة هو لي يحلها والله لعظيم جامي حكيت عليك ولا احد واصلا نعرفكم غير من بعيد علاه نحكي فيكم علاه اقسم بالله جامي جبدت عبد

أرواحي نفكرك يا حبوبتي :d

تشفاي على وحد نهار راسلتيني وانا كنت غلقت رسايل ومش عليك كنت تلقيت ازعاج من بلاصة اخرى وبلعتهم وانتي بعتيلي تقييم وقلتيلي اختي اعتدر على الازعاج نوعدك مانزيد نديرونجيك؟؟ هداك النهار بالدات حكيتي عليا وصلتني كي البرق

يا لا القلب الطيب تحلف وتقسم بالله والله يا سوسو أصبحتي شريرة ماتحشميش عيب عليك :-o

لا يا اختي اقسم بالله مقلتها ولا خرجت من فمي والله لعظيم صح بكيت هذاك نهار لكن مقلتش عليك ولا شيء ولي قالي ربي يسامحوا ويهديه
اختي اسمعيني مليح انا وحدة هنا شادة روحي منحكي على شخص ولا ندخل في اشياء متخصنيش وحدة حبت هذا المنتدى ولي فيه وكامل مدايرتكم خاوتي وكامل يعرفوني هنا وانت يا ختي اذا تحبي قوليلي شخص وانا نواجهوا قدامك وقدام الناس والله ونديروا موضوع
كلمتي لكي اختي اقسم بالله العظيم راني نحلف ويدي فوق المصحف انوا عمري ماهدرت فيك ولا في غيرك
ونقلك كلمة وحدة سامحني يا ختي مش لانوا هدرت لا لانوا انا وحدة منحبش لعيب ولا احد يتهمني
يا سيدي سامحني حقلك على راسي ويشهد ربي اني صادقة يمكن انا خليتكم تحسوا بلي انسانة تهدر في ناس اسمحولي برك
راح نترك المنتدى بعد كتابتي للموضوع تهلي في روحك

علاش عليك تخلي العيب يظهر على العام قتلك خليها بيناتنا واش حبيتي تكبري القصة اكثر انا قصدتك حابة نفهم منك
هاهو اقتباس لرسالة كنتي رسلتيها من قبل

ومن فظلك مانيش حابة القصة تخرج برا خليها بيناتنا

انا عمري ماتخيل ميس سوسو قلبهى قاسي لهاد الدرجة نورمالمون ماتغلق الرسايل في وجهي كونها مشرفة وهكا بينتلي انها انسانة متكبرة ومغرورة

هدي صورة لفرح وهي تقرا الرسالة http://dc02.**********/i/00095/zigv3b5ab3vc.gif

انا هذو الكلمات اصلا عمري ما قلتهم يعني مش طريقتي في حكي اختي واش طلبك الان
بالعكس انا منشوفكش متكبرة ابدا انت انسانة طيبة ومتشرفة اني عرفتك
انا لوقحة وغالطة ولي تهدر في ناس سامحني يا اختي اعتذر وبشدة
شوفي واسمعي كلامي
ميمتي مرابتنيش هك ولوكان بغيت نقلك نقوولهالك في الرسائل ولا في سماعات
ومع هك ومع اني مقلتش نقلك سامحني انا هنا برك لانوا نرتاح في لمنتدى ونكتب مواضيع نتواصل مع خاوتي مش باه نهدر في ناس
ودوك نقلك سامحني مظطرة للخروج في امان الله وتهلي في روحك بزاف بزاف بزاف بصح علاه نزعف مداموا كاينة اخرة يجي نهار لي تعرفي اني على حق
استودعك

من بعد ماقريت جورنال

حبيت نبين روحي بلي خاطيني هما تهموها

قبل ماتروحي يا ختي راني حابة نعرف انا مانيش حابة نوقع بينك وبين الي قالي باش ماتكبرش القصة
تسمى هو الي هدرها ومسحها فيك دوك نروح نتفاهم معاه دروك

أنا عييت وهي بسيف حابة تعرف شكون اتهمها

لا يا ختي برك قوليلي الاسم انا منيش نتاع مشاكل ولا لي صلة بيهم
انت لوكان جيتي تحبني ولو تعزيني متصدقيش هدا الشيء انا دوك كون يجي واحد ويقلي سوسو حكاة فيك والله لعظيم منصدق لانوا نعرف سوسو ونعرف اخلاقها ومتاكدة انها متحكيش فيا والله نعزك كختي واكثر
حبيبة برك قوليلي الاسم اقسم بالله لعظيم منحكي معاه برك قوليلي وانا عند وعدي

أرواحي نأكدلك أنو واحد من هاد الاربعة اتهمك

[ياربي تسمحلي ]

الله يسلمك ويعزك انا تاني ماصدقتش لانو شفت اخلاقك من ردودك ومواضيعك ولكن كي عطاني الدليل ماعرفتش شكون الي راه يقول الصح وهاد الشخص راه بين هدول الربعة الي دكرتيهم غاضني الحالي يا ختي فراح حرام عليك تحكي فيا هاكا

على اساس أقسم بالله مانخبر ايييه يافراااح واش حبيتي تورطيني

اوكي ذرك نحكي معاكم كامل سيف لطفي فلة ساندي

على اساس وعد ... وتخلفين الوعد عيب

حبيت نبدل الموضوع تم تم بعتلها برسالة أخرى :d

صحا قوليلي فرح
علاش معدل مشاركاك 49 وانا برك 11؟؟
كيفاش راكي ديري باش طلعلك سور راه عندك واسطة فالمنتدى ؟

والله ماتتهني حتى نكمل واش راني حابة

انا معندي حتى واسطة ومنعرف حتى احد يعيشك اختي ريحني قبل ما نخرج نهائي انت مسامحتني قوليلي مسامحة وخليني نروح انا مهدرتش بصح على الاقل نروح وقلبي مرتاح لو سمحتي

السماح عند القاضي الا راه راضي
سبحان الله متناقضة مع نفسها

عفوا امهليني بعض الحظات غاليتي
حبيبة متخافيش انا مش راح نحكي مع احد فيهم يبقاو خاوتي لي حبيتهم وانا اعتذر اختي
اوكي انا متناقظة ونهدر في ناس .... لا عليك المهم مرتاحة وانا الحمد لله صافية مع ربي ومع الاشخاص ربي يفرحك ويفرحناا معاك واكرر اعتذاري
اختي سامحني ممكن نكتب اسمك في الموضوع ولا لا نخليه سري انا الموضوع كتبتوا وخلاص انتظر اجابتك

فراح تبالي تنارفيتي ؟؟

لا بصح بكيت من قلبي ولاول مرة تي صحة قوليلي ممكن نكتب اسمحك لو سمحتي

فراح تشاركي معانا هاد العام ؟

اختي ربي يخليك ما الامر حباتك تعرفي لبارح راني باية في سبيطار وليوم برك خرجت ودخلت فورا للمة والله توحشتكم بصح لقيت رسالتي دمرتني نهائي وميمتي تقلي اخرجي وخلاص ياك مغلطتيش راني بين وبين
​

سلامتك ان شاء ماتشوفين شر يارب
اللمة تحبك وتحب الي تحبك سلامي الحار لأمك
واقول لك راكي شاركتي معانا في كاميرا كاشي
وراح تشاركي معانا ان شاء الله ياربي في هادا رمضان
انا درك نعتدر مش انتي وهاكي سربيتة ومسحي دميعاتك يالحبيبة
ماتكتبي لا موضوع لا زوووج

من بعد ماعرفت بلي كاميرا كاشي كانت هاكا

غير ماحبتش تبينلي ككككك

الحمد لله يا رب تعرفي بلي كنت رايحة ومش راجعة
ميمتي تسلم عليك تعيشي ختي والله نجحتي ههه بصح انا كليتها وديتوا يوم من اسوء ايام حياتي ههه
شكرا اختي

الله يسلمك يالغالية
وسامحيينا يا اختي وبالشفاء ان شاء الله

الحكمة نتاع اليــوم : لا تخلي طيبة قلبك تسيطر عليك بما أنك متيقن من روحك مادرتش هديك الحاجة بلا ماتفسر وتبرر خير الكلام ما قل ودل فربي شاهد على كل شيء :-r
​

​

​

 

[ايمان مي]

يااا عمري على فروووحة غاضتني مسكيييينة
و عجبتني حكمة اليوم

شكرااااااا

 

[شاعرة المستقبل]

فروحة تستاهلي عجيبتني فيك من قلبي تستاهلي هههه على خاطر طيبة بزاف

 

[نور الحبوبة]

ااااااه منك ياسوسو اوقعتي فروحة في الفخ ونجحتي والمسكينة صدقت حلقة رائعة شوقتينا باه نتعرفو على الضيف التالي يعيك الصحة سوسو

 

["Màrià"]

هههههه
ياطيكم الصحا
كاميرا كاشي مميزة
​

 

[Rãniã Čřǻzy Nǿǘnã]

يــــــــــا عمري شحال طيوبة
ميرسيييي على الحكمة​

 

[أم أُنٌَيسة]

السلام عليكم
صحى فطوركم
اه حبيبتي فروحة ربي يكون معاك ان شاء الله
بارك الله فيكي اختي سوسو على العبرة و جزاكي خيرا
في امان الله
سلام الله عليكم

 

[أمــ وليــد الجزائرية]

حتى فرح و ماسلكتش
ههههه مي ديما طيبة و عاقلة
اه يافرح طحتي في الشبكة
فرح نحسها كما ملاك في العقلية

يعطيك الصحة ياسمسومتي عرفتي كيفاه توصليلها
و بديتي تفنني في العمل
​

 

[الحلم الوردي]

السلآم عليكم
حتى فرح وماسلكت منك
ديما طيبة و عاقلة وناس ملآح بزاف
والله مسكينة طيحتها يا سمسومة
يعطيك الصحة
حلقة تاع اليوم فوووووور
صحا فطورك حنونة
في انتظار الحلقة القادمة
​

 

[♫الباحثة عن الحظ♫]

هههههههههههه اعلاه عليكم هههههه فور فور فروحة الزينة ربي يخليك

 

[Hakan]

روووووووووووووووووووووووووعة احسن من الجن حاب يسكن كاميرا اكشن فاري نايس ثانكس​

 

[ام@الاء]

هههههههههههه اخخ فضحتينا يا سوسو هههههه
نقللكم سر :هذاك نهار مكنتش مليحة صح وكنت في المشفى وكي شافتني الوالدة نبكي

هي لي طلبت مغادرتي من اللمه هههه وصدقني هذا وين شفت الاخطاء الاملائية لي درتها

ههه كانت يدي تترجف لواحد مريض ومش في حالتو طبيعية

وزيد يجيه اتهام هه وممبعد اختي سوسو قالتلي بلي كاميرا كاشي ممبعد رجعتلي الروح صعيبة بزاف تتهم من قبل صديقة واخت وانا من الاساس محكيتش ولا هي طريقتك واش نقللكم ههههه
يعطيكم الصحة خاوتي كاملين صراحة كلامكم على راسي ولحكمة لي قلتيها صحيحة
ههه ممكن انا طيبة زيادة على اللزوم ولكن منحبش نبدل عقليتي ههه نحب نبقى هاك

ههه ا واه جماعة اللمة يضحكو على فرح ههه هيا معليه

تبقاو على خير وصحا رمضانكم وربي يتقبل صيامكم يا حلوين

يسلمو سوسو يا سكرة

❀◕‿◕​

 

[ام@الاء]

الحكمة نتاع اليــوم : لا تخلي طيبة قلبك تسيطر عليك بما أنك متيقن من روحك مادرتش هديك الحاجة بلا ماتفسر وتبرر خير الكلام ما قل ودل فربي شاهد على كل شيء :-r
​

​

​

فعلا اختي خير الكلام ما قل ودل ولكن مش مع اخت نعزها ممكن لو شخص اخر ميكونش ولا متكونش ردت فعلي هاك ممكن لانك غالية مثلا؟
هههه سوسو يا سوسو مثلا فرح تحب تحكي غير مع الاصدقاء يعني ثرثارة معاهم كما قلتي جرنال هههههههههه
حبيت برك نفهمك في هاذ النقطة كتكون اتهام من عند شخص تحبيه صعب يختصر الكلام فقط
سلامي يا سوسيتا هههه

​

 

[NonOutà OussàMà lOvE]

سلام
و نعم الاخلاق
اختي فرح كنت حكيت معاك و نعرفك واليوم عرفتك اكثر
ربي يبارك وربي يخليييك لولديك
و ااااه منك يا سوسو لاه شريرة هكا
ههههه طفلة عاقلة وانتي خرجتيلها قلبها مسكينة
ربي يهديييك
ههههه
تحياااتي
​

 

[مطبخ الأحلام]

صح فطوركم حبايبي

هههههههههه الله غالب توجهت غير للطيبين فقط الي قدرت نوقعهم هههه

ياحليلي على الاموره فراااح يحفظك وينورك غاليتي كلامك ينقط عسل يا احلى من العسل

وانا نقلك خليكي كيما راكي ولكن إبقي حرصه جدا والله طيبة في هاد الوقت ماترحمش التجربة مني

شكرا لكل من مر من هنا وضحك معانا وان شاء الله يجي توركم شي نهار هههههه

تحياتي للجميع
​

 

[Pink Rose]

والله طيحتيلي قلبي في بلاصتها
مي كنت عارفة باللي راهي كامرا خفية
يعطيك الصحة اختي
نستناو باقي الحلقات​

 

[همس الوُرود]

السلآم عليكم

يآ يمآاااا على ختيوتي فرح يدهآ نآضت ترعش و علآش كملتولهآ الكآميرآ كآشي؟؟

وزيد مريضة ربي يشفييييييك ختيوتي

والله غير البآرح برك درنآ كآميرآ كآشي لصآحبتي مريضة تآني

يعني حتى عدت مآنحملش الكآميرآ بصح رآهي لآزم حنآ أشرآر ههه

كي نشوفوهم برك قريب يموتوا نقولوهآ

تبآنلي صحآبهآ هومآ الي يستآهلوا الخلعة

ربي يشفيك أختي فرح و كي مآتقولي وآلو في حتى أحد مآتقلقيش روحك ختيوتي

صرآتلي مرة برك دآروهآ فيآ مش هنآ فاللمة صدقيني دخت تع الصح

كترت الهدرة

ربي يكون فالعون أختي ميس سوسو رآكي وآعرة يآو​

 

[BLEU PEARL]

آآآآآآآآآآآآآآآه منكن ان كيدكن لعظيم ههههههههههه شكرا على الحكمة