اريد مساعدة من فضلكم

[kerake]

اريد الطريقة الصحيحة لصنع قلب اللوز فكلما جربناه في البيت لا يخرج كيما الي نشروه من براا
وجزاكم الله خيرااا

 

[حكيك]

ينقل لى ركن الإستفسارات والطلبات المطبخية

 

[ملكًة الاحسآس]

السلآم عليكم
انآ جربت شحآل من وصفة بصح هدي الوصفة لي لقيت بيهآ نتيجة
وصدقيني يجي هآيل وكمآ تآع برآ والآ حبيتي خير
المقآدير :
ـ 6 كيلآت دقيق متوسط ( دشيشة )
ـ 3 كيلآت سكر عادي
ـ كيلة زيت
ـ كيلة لبــن
ـ رشة ملح ، رشة خميرة كيميآئية ، وقرصة ملح
أمــآ للشآربآت :
ـ 6 كيلآت ماء
ـ 3 كيلآت سكر
ـ قطرآت من عصير الليمون
ـ فنجآن صغير مآء الزهر
الطـــــريقة :
نخلط الدقيق + السكر + الزيت + الملح + الخميرة الكيميآئية + فاني ونخلط مليح
نضيفو اللبن ونخلطو مليح بآش يدخلو كآمل في بعضهم ، هنآ رايحين نتحصلو
على خليط متمآسك نوعآ مآ ، نضيفو ماء الزهر غير بالشويآ حتى تتحصلي على خليط متمآسك
( يعني كي تحطي الخليط بين يدين تقدري تكوني كويرة عآدي )
تغطي الخليط وتخليه يرتآح ( كآين لي يخلوه يرتآح ليلة كآملة ، وانآ شخصيآ نخليه حوآلي سآعة )
في هدآ الوقت نحضرو الشاربآت : نحط السكر والماء وعصير الليمون على نآر متوسطة
ونحسب 15 دقيقة من بدآية الغليآن ونطفي عليه ، بعدمآ نطفيو عليه نضيف فنجان تاع ماء الزهر ونخلوه على جنب نشعلو الفرن من الأسفل على درجة 200 ،
ندهنو صينية الفرن بالزبدة ونحط الخليط في الصينية وعدليهآ بظهر ملعقة
هنــآ الحشو اختيآري تحبي تحشيه تحبي تخليه سآمبل
حطي فوقه حبآت لوز أو كاوكآو ودخليه للفرن المسخن مسبقآ
حوآلي نصف ساعة حتى تشوفي الشطوط حمارو مليح ، عآودي شعلي من فوق وخليه يحمآر مليح مليح
بعدمآ تخرجيه وهو سخون اسقيه بكمية الشاربآت لي خرجتلك ، وعآودي دخليه للفرن وهو سخون
( طبعآ الفرن يكون هنآ مطفي برك يكون سخون من الطيآب ) ونغطيه بصينية أخرى
وخليله فتحة صغيرة بآش مآيعرقش
خليه ليلة كآملة بآش تقطعيه أو على الأقل 6 سآعآت بآش يشرب الشآربآت مليح

وبصحتكم أحلى قلب اللوز ، نورمآلمون شرحتلك بالتفصيل ومتأكدة رآيح يجيك هآيل من أول تطبيق
هي وصفة نآجحة لاخت فالنت ربي يجآزيهآ ألف خير ، وتآني كي دخل رمضآن
شفت فآرس جيدي تآع سميرة دآره بنفس الطريقة يعني
بربي ان شاء الله متزيديش تلقآي اشكآل خلآص مع القلب اللوز
صــح فطورك

​

 

[غدر الزمان]

جربي نتاع نور الياقوت38 شباااااب

 

[وهبwhpyـي]

جربي اللوز الطازج