تحلية سهلة ومداقها رووووووووعة من مطبخي

[صمتي كبريائي S]

مساء الخير امورات المنتدى ان شاء الله راكم كامل لباس هادي اول مشاركة لي في قسم الطبخ وحبيت نبداها بتحلية سهلة ومهيش مكلفة والبنة روووووووووووعة جربوها ومكومش رايحين تندمو بلاما نطول نبدالكم بالمقادير
نصف لتر حليب
2ملاعق نشاء
2 ملاعق سكر
الشكلاطة انا استعملت شكلا طة عادية (منى)
كريم شونتيي انا شريت بالميزان مقدار خمسة الاف وانت على حساب العايلة ويعني هاد المقدار مليح
كاس سكر للكريم شونتيي
للتزيين
شكلاطة مبروشة
والكراميل
​

نحل النشاء في شوية حليب
​

ونضع كمية الحليب المتبقية في طنجرة مع السكر ونخليوه على النار حتى ويغلي نطفيو عليه
​

ممبعد نظيفولو الشيكولا وحركوها حتى تدوب
​

ممبعد نظيفو النشاء ونحطوها على هادئة ونحركو مليح حتى تعقد ومنخليوهاش تعقد مليح

ونكبوها في كؤوس ولا وش حبيت وش عندك
​

​

نغطيو الكؤوس ونحطوهم فالثلاجة حتى يبرد​

ممبعد نطلع الكريم شونتيي وكاس حليب مليح حتى تتشكل الكريمة وبعدها نجبدو الكؤوس تاعنا ونحط الكريمة في لبوش انا تقطعتلي درتها في ساشي وثقبتها وتحطيها فوق الكريمة الاولى​

وتحطيها في الثلاجة لمدة 4ساعات فما فوق على خطر كريمة الشونتيي متجمدش بالخف وعند التقديم تزينيها باكراميل والشكلاطة انا خدمت الكراميل ومصلحتليش تحرقت حبيت نشريها يكون طعمها افضل وصدقوني تحلية روعة وكامل عجبتهوم وملي درتها دايما يقولولي ديريهالنا ههههه نتمنى تجربوها وتعجبكم حبيباتي وشكراااااااااااااا​

 

[Nilüfer]

مشكووورة على الوصفة أختي

بآرك الله فيكي
​

 

[صمتي كبريائي S]

العفو في المقادير كاس حليب للكريم شونتيي مشي كاس سكر العفو منكن

 

[صمتي كبريائي S]

العفو اختي {♥..Petite_Soldat..♥} وفيك بركة مشكورة على مرورك

 

["Màrià"]

شكرا جزيلاً
هايل
​

 

[R@MA]

مرسي حبوبة
يعطيك الصحة
​

 

[jiji la star]

مرسي ليك ختي أنا خدمت وحدة كيفها
مي درت 2 طبقات وحدة بيضاء و الأخرى كيما نتي
وزينتها بالكاكاو ولا شيكولا

 

[ام سراج وملاك]

شكرااااااااااااااااااااااااااااااااااااااااااااا

 

[حكايا الورد]

شكرآ جزيلا على الموضوع الرائع و المميز

واصل/ي تالقك معنا في المنتدى

بارك الله فيك اخي /ي...

ننتظر منك الكثير من خلال ابداعاتك المميزة

لك منـــــــي اجمل تحية

​

 

[مطبخ الأحلام]

رد: تحلية سهلة ومداقها رووووووووعة من مطبخي

السلام عليكم

المهلبية بالشانتيي يعطيك الصحة اختي

شكرا على الشرح والتوضيح الكبير ^^

تحيآتي ~
​