راني داير فيك الثقة ..... مام هي مسكينة دايرة mais ... ؟؟

الحالة
مغلق ولا يسمح بالمزيد من الردود.
sahiko hamza

sahiko hamza

:: عضو متألق ::
أوفياء اللمة
سلام عليكم ورحمة الله



واش راهي اخباركم
سيرتو بعد العيد
ربي يتقبل منا صيامنا وقيامنا
ربي يجعل علينا رمضان اعوام عديدة
سنين دايمة علينا ورقاب سالمة
ربي يحفظ لينا لمتنا لعزيزة



آمين يا رب



باش راح نبدى كلامي
ماني فاهم والو

الثيقة راها كلمة اكبر من معناها
الكونفيونص ياناس راها ماتتمدش خلاص
الزمان لي رانا فيه يحتم عليك انو روحك ماديرش فيها الثقة
سيرتو اسرارك حاجة تخصك انت تقعد ليك انت
علاه يعني تحكيها لغيرك


ديفوا الظروف تخليك تحكي لآعز شخص ليك
وتمدهملو بكل كيما راه حتان تخليه يحكمك من يدك لي توجعك
انعم انت يالي تحكي في سرك تخلي اعز شخص ليك يحطك بين نارين وانت خير وين تروح

يا يفضحك يا يكشف كواغطك ....




والموصيبة احنا مانتربوش
نزيدو على همنا هم اوخر
نحكو حكاية لي صارتلنا لعبد اوخر وزيد كيف كيف بصح مسلسل بجزء جديد

لي تغيظ صح انو لي يسمع حكاية كيما هادي يحاول يخفف عليه يلقى روحو راه دخل للمسلسل بصح البطل هو ....؟؟


مسكين هو الضحية بلا مايفيق




ياناس الثيقة ماتتمدش كون وش يصرى
راها قادرة تدير فتنة ماتلقى وين تريكيبيريها






نوصيكم واياكم من كشف اسراركم
الى كشفت سرك عد روحك اعطيتلو سلاح وقتلو اضربني بيه وقت ماتحب


نصيحة من مجرب



خوكم sahiko hamza
​
 
السلآم عليكم والرحمة
صحا عيدك خويا حمزة
صح الثقة في روحي ومانديرهاش
مين ذاك تضيق بيا ايا نحب نحكي لبنت خالتي واش في قلبي
انا نقول هي تحفظ اسراري مي لالا تحب تفضحني
ايه وزيد تحكمني مي اليد الي توجعني
نحب نحكيلها ومن بعد نسكت
وصح خطرات يصراو مشاكل من هذيا
والله خطرات نحكي مع روحي خير من نهدر مع كاش واحد
كيما قولت خويا حمزة الواحدماديرش الثقة في اي شخص
صح يولي كي شغل تهديد حاكم عليك حاجة
واي حاجة يطلبها يقولك انت ديرها و لا نقول
​
 
توقيع الحلم الوردي
صح عندك الحق

و.. احيانا اقرب الاشخاص اليك .. ينقلبون ضدك
​
 
وعليكم السلام
صح درك عاد صعيب باه توثق في انسان مي مازالوا كاينين ناس نتاع ثقة غي مايبانوش من قلتهم
وانا اؤيدك في رايك لازم مانمدوش اسرارنا ويخلي كل واحد سروا في قلبوا هاكا مايصير حتى مشكل
شكرااا
 
وعليكم السلام

قستينا على الوتر الحساس ;) خويا حمزة
صراتلي زمان مديت سرّي وليت في مشاكل
ومُهددة !!!
من تم ديت درس مايتنساش
سري في بيري وبيري في داري مستورة عاري.
بارك الله فيك
سلامي
​
 
توقيع السلطانة
صح في الوقت لي رانا فيه كيما قلت في روحك ومديرش الثقة
الوقت صعيب والناس ربي يستر
نفضل نحكي ومع روحي ولا نحكي لناس ونولي خايفة يشدوها عليا
​
 
وعَليكمْ السلآمْ ورَحمَة اللهِ وبركآتهْ

موضوعْ جبتُو على الجرْح ..
الثقة رآح زمآنهآ مع نآسْ بكرِي ، العيبْ مشْ فالزمآن العيبْ فينآ حنآ ،النفُوس اللي تبَدلتْ والخُبث طغَى عليهآ ..
لآزم الوآحد يفرقْ بينْ الثقةْ وبينَ الثقةْ المفرطَة ...
أنآ شخصيًا صُندوقْ أسرآرِي هيَ أمِي ولآ أحد غيرهآ وأكيد أولْ من ألجأ إليه هو رَبي سبحآنُو

ميِرسي خويآ على الموْضوع


​
 
صح كلآمكــ
بالنسب،ـــة ليــ آنآ للنآســ بئر اسرآر ان ائتمنونيــ عليهآ
ولكنـــ ثقتيـــ معدومــة في آيــ شخصــ وُجِدْ​
 
توقيع ضيوف وسـنغادر
الثقة مش حاجة بسيطة و سهلة باش تمدها لأي واحد عندك الحق
يقولك اذا انت ضاق عليك سرك في قلبك كيفاش تتوقع الناس يحملوه
​
 
هي صح بزااااااااف وين تصرا هكَ ، تخرّج سرك و ينقالب هذاك الشخص ضدك ... بصح حتى باه تعيش وحيد كل مشاكلك و همومك تخليهم في قلبك راح تتعب بزاااااااف . ندعيو الله يرزقنا و يقرب لنا اصدقاء و احباب و حتى الأقارب على قلوبنا .

مشكور اخي على المووضوع أو بالأحرى على النصيحة ، ســلام //
 
السلام عليكم ورحمة الله وبركاته
اهلا بخويا الغالي حمزة
الثقة كلمة كبيرة ومعناها أكبر
وقليل وين تلقى شخص تحط فيه الثقة المطلقة
كاين وحد المثل يقولك اللي ما في كرشو التبن ما يخاف من النار
مي هادا مش معناه الانسان يكشف أوراقو قدام أي شخص مهما كانت درجة القرب
حتى بين الزوجة وزوجها
صح الصراحة يلزن تكون تامة مي عالأقل يخلي الطرفان مساحة خصوصية لبعضاهم
لأنو الانسان مهما كان قريب من شخص كاين أسرار محتفظ بيها بينو وبين نفسو

غلطة كبيرة انك تسلم رقبتك لشخص والأسوء كي يكون مش ثقة
الحل انك يلزم تنبش وراه باش تعرف أحد أسرارو العميقة وتحكمو انت تاني من يدو اللي توجعو مش للأذى وإنما لحماية نفسك
والسلام ختام
​
 
cvrai ana mn bakri kima haka
 
أنا نوثق انسان نوثق في لي جاء سري دايما نقولو ماعنديش مشكل والحياة حلوة نورمال

حتى أني مستعد ننشر اسراري هنا وينو المشكل الحياة حلوة
من والجاي نولي ننشر بلعقل برك لا يزيد يطير مع الريح والا يتقطع الحبل
موضوعك فطني للمشكل هذا مشكور
​
 
هدرتك راهسي صحيحة بزااااف
 
توقيع red rose
oui si vrai makansh tika fi hada lwakt taglat tkhalas
 
انا ثاني جربت الثقة بصح ماخرجتنيش
 
صح في الوقت لي رانا فيه كيما قلت في روحك ومديرش الثقة
الوقت صعيب والناس ربي يستر
 
سلام عليكم الثقة رجعة فالوثيقة وتطلع وتنتاشر والله حنى عرب وحدنا وانا منهم منقولش خاطيني ياو نحكي سري لبراني ميعرفنيش ولا سري لواحد يعرفني لي ميعرفنيش ميحكيش عليا ويلا حكا عليا ميعرفنيش والله او دم يجيب هم
 
باارك الله فيك .. اخي الثقة ماتت وماتو صحاابها كامثال حذيفة بن اليمان رضي الله عنه
 
الحالة
مغلق ولا يسمح بالمزيد من الردود.
العودة
Top Bottom