اطفال ديال facebook

[yani thiziri]

وليت كل ما نسمع كلمة facebook يركبون الجنون

تجي جايز على جماعة من ليجان تسمعهم يحكيو على facebook

تكون تحكي معا شي ناس يقلك عندك facebook؟

lacost w larini و ey ey و les page بالمليار

وشنو هاذا لالجيري ولات .........yeew

كاين ناس تلقاه حاط فوطواتو 1000000 فوطو وبليبوزيصيون gاع

وحاط ليفوطو تاع لافامي تاعو كاملين :s وعاجبو الحال نورمال

كاين شي عباد نعرفهم كانو نكرة راكم فاهميني 00000000000 مشتاقين كلمة

نهار لي جاهم هذا facebook وبدات تطلع بيهم بشوية ودارو شان لرواحهم (بينا سوغ في عالمهم الافتراضي)

يحط فوطو هاهي 200 جام وهاهو 150 كومونتار وعااااااااجبو الحال يا لبي

ولي ينارvوني هاذوك فوطوات تاع selfie ويخرج لسانو فيه 2 مترات كي النعجة

وتوجور معشش وين تكونيكتي تلقاه اون لين تقول يخلصو فيه

ويصبح ويمسي ويعيد ويرمضن غير من الفيسبوك وتلقى ليجام ب 1000

وتلقاه يشعر انا انسان ...... الخ , من نساني ......... الخ , من دار لي block......الخ من لم يدير لي j'aime ......الخ

بفففففففف تقول هاذا مفدي زكرياء وكي حكمتو البرا وطحت نجورجي فيه جملة مفيدة مش قادر يديرها تفووه عليك وعلى كيما انت

وكاين الاف كيما هو بلا ما نظالو نكسرو في راسنا دايرين حياتهم في العالم الافتراضي

وتلقاه مامن صح بلي faceebook حياتو وعايش معاه قلب ورب وكل ستاتي يحطو تلقاه خاشع معاه

والمشكل تلقاه داير حنونة غير من facebook دارلها j'aime دارتلو commenter ولاو en couple

ههههههههه وتلقاه جامي شافها ولا تلاقا بيها غير من facebook بنات قسمهم يحشم يحكي معاهم

وتلقاه طايحلنا حسني وفي la fine يلقى طفل دارلها جام يعطيها ب block زعمة خيانة عظمى هههههههه

وتلقاه مامن بلي راه سبع ويقسح مور ليكرون وكي يخرج لبرا يولي كي الجاجة ويلقى الفيوات والذيابة(وراهم قلال) ps ps ps ps ايا وليدو ايا حنوني ارا بوسة

هاذو الاطفال الكبار راهم زايدين غير يتكاثرو كي تشوفهم في facebook تقول الله يبراك هاذا ووش ندي
مي كي يخرجو البرا 2 كلمات صحاح مش قادرين يلصقوهم

انا والله facebook درتو غير على جال لافامي وهوم لي داروهلي وبلوكيتو صايي وزدت بلوكيتو من الميكرو سي فيني حلفت عليه وراني نادم على اليوم ليي درتو وشفت فيه عبادو

الانترنت ندخلها غير من ذاك وباش نقضي منها صوالحي و c fini

علابالي لي راني نحكي عليهم راهم يقراو في sujet نقلك عندك تهز كاش statut من العالم تاعك
وتحطو هنا

sujet من عندي و reponde من عندكم ( الهاربين في العقلية) bien sur​

 

[Ma$Ter]

السلام عليكم ورحمة الله وبركاته
خويا الفيس بوك وكامل مواقع التواصل الاجتماعى
كل انسان واش الهدف تاعو منها
مثلا نحكى على روحى عندى صفحة تاع فتاوى
وعندى جروب تاع ضحك وترفيه
وكاين لى داخل الفبس بوك للتعارف وكاين لى داخلو بغرض شراء سلعة معينة
انا امس صاحبي شراء سيارة على واحد يبيبع فى السيارات وعندو باج فى الفيس يبين فى سلعتو
وووو
ما تقدرش تحكم على واحد بمجرد انك تسمعو يحكي على الفيس بزاف
شكراا خويا على الموضوع معا انى حذفتلك كلمة مخالفة فوق ^^' ب.... '
​

 

[kojak]

وقت الفايس بوك أصحيبي دورك اي واحد عندو سلعة يديرها تما وكل واحد وكيفاش يعمل بيه وديجا كامل مواقع التواصل الاجتماعي وكل واحد واش يعمل بيها للتعارف مثلا وغيرها . ماتحكمش هكدا ؟
​

 

[حروف تائهة]

السلام عليكم
شكرا على الموضوع خويا
كل واحد راه يخدم بالفيسبوك حسب عقليتو
مي أنا نتهنية ماعنديش فايسبوك أصلا:-h.

 

[سلفي والحمد لله]

يعطيك الصحة موضوع باهي
عجبتي هاذ الجملة
كاين ناس تلقاه حاط فوطواتو 1000000 فوطو وبليبوزيصيون gاع

وحاط ليفوطو تاع لافامي تاعو كاملين وعاجبو الحال نورمال

المشكل لو كان جا بوقوص ولكور تاعو مطراسي ولي ميسكل تاعو يتحسبو بالعين وعندو طابلة تاع شيكولة في كرشو نقولو يستاهل يحطهم
يا ولدي المشكل نتى تشوف لافوطو نتى تلقاه يشبه لبشماقة لوضو لا زين لا طاي لا والو ويعجبك يزيد لافوطو يديرلها زعمة هاذيك العفسة لي يردها كشغل بالقلم رصااص زعمة فوطو قاوية هههه يا ولدي لي باشع ياشع قلم رصاص ولا بالسيالة تاع الحبر تاع بكري
وكي تهبط للكومونتار تلقى لي كومنتار كامل تنيفيق
تلقى غير جماعة سوسو لا بال (المشكل راهي تشبهلو وكاتبا سوسو لا بال) تلقاها كاتبة بالفخونسي ياعمري شحال زينون مون كوزا يا سعدها لي راح تزوج بيك ههه
وتلقى اخرى اسمها لا جولي برانساس ( نتا تقول عايشة في قصر وهي مسكينة دارت لاشان من العشرة تاع الصباح مع خواتاتها باش لحقتها الدالة كونيكتات شويا ) تلقاها تقولو بالفخونسي تاني يا عمري هادوك العينين يذوبو ههههه
يا خويا وش راح تقولك ربي يجيب لخير برك وكل واحد وعقليتو​

 

[yani thiziri]

السلام عليكم ورحمة الله وبركاته
خويا الفيس بوك وكامل مواقع التواصل الاجتماعى
كل انسان واش الهدف تاعو منها
مثلا نحكى على روحى عندى صفحة تاع فتاوى
وعندى جروب تاع ضحك وترفيه
وكاين لى داخل الفبس بوك للتعارف وكاين لى داخلو بغرض شراء سلعة معينة
انا امس صاحبي شراء سيارة على واحد يبيبع فى السيارات وعندو باج فى الفيس يبين فى سلعتو
وووو
ما تقدرش تحكم على واحد بمجرد انك تسمعو يحكي على الفيس بزاف
شكراا خويا على الموضوع معا انى حذفتلك كلمة مخالفة فوق ^^' ب.... '
​

no khoya mafhamtnich ana manich nehki 3la nas ga3

li nehki 3lihom hadouk les animaux (hachak) w rahom la majorite

mais Une autre chose mafihach 3ayf w fiha fayda

w merci khoya​

 

[yani thiziri]

يعطيك الصحة موضوع باهي
عجبتي هاذ الجملة
كاين ناس تلقاه حاط فوطواتو 1000000 فوطو وبليبوزيصيون gاع

وحاط ليفوطو تاع لافامي تاعو كاملين وعاجبو الحال نورمال

المشكل لو كان جا بوقوص ولكور تاعو مطراسي ولي ميسكل تاعو يتحسبو بالعين وعندو طابلة تاع شيكولة في كرشو نقولو يستاهل يحطهم
يا ولدي المشكل نتى تشوف لافوطو نتى تلقاه يشبه لبشماقة لوضو لا زين لا طاي لا والو ويعجبك يزيد لافوطو يديرلها زعمة هاذيك العفسة لي يردها كشغل بالقلم رصااص زعمة فوطو قاوية هههه يا ولدي لي باشع ياشع قلم رصاص ولا بالسيالة تاع الحبر تاع بكري
وكي تهبط للكومونتار تلقى لي كومنتار كامل تنيفيق
تلقى غير جماعة سوسو لا بال (المشكل راهي تشبهلو وكاتبا سوسو لا بال) تلقاها كاتبة بالفخونسي ياعمري شحال زينون مون كوزا يا سعدها لي راح تزوج بيك ههه
وتلقى اخرى اسمها لا جولي برانساس ( نتا تقول عايشة في قصر وهي مسكينة دارت لاشان من العشرة تاع الصباح مع خواتاتها باش لحقتها الدالة كونيكتات شويا ) تلقاها تقولو بالفخونسي تاني يا عمري هادوك العينين يذوبو ههههه
يا خويا وش راح تقولك ربي يجيب لخير برك وكل واحد وعقليتو​

hhh vraiment lcommenter ta3ek 3jebni

mais khoya ila mahouch bogos hachtou

ki ydir photo simple walah ghir normal

mais bach ya5aradj lsanou ki chien

w dayer kilo wax fi cha3rou ki chgol jebes ya3333333333

ytal3ou lgalb hado lkwava

sahit​

 

[yani thiziri]

السلام عليكم
شكرا على الموضوع خويا
كل واحد راه يخدم بالفيسبوك حسب عقليتو
مي أنا نتهنية ماعنديش فايسبوك أصلا:-h.

hadak ho​

 

[sarorita96]

kol wahed peint de vie[ dal
mrçccccc /SIZE]

 

[ضيوف وسـنغادر]

انا كي نسمع فايسبوك ولا واحد يسقسي على الفايسبوكــ ديجآ يهبطلو النيvو من عيني
الله غآلبــ بيسك صورتو عندي مشوهة
ودراري من كرش مهم يعرفولي لفايسبوكــ وواش خدمتو , وحد المرة كنت مع بن عمي عندو 8 سنين في وحد العرس المهم بيسك علاه صغير ماعطيتلوش اهمية لقداه راني 4 قدامو لو كان جا كبير طبعا راني نستر شعري... ,, قاللي وآآآو رآكي شآآبة بزآف اعطيني فوطو للفايبسوك صدقوني حسيت روحي ماعرف واش درت , المهم اعطيتو طريحة لحد الآن مازالو يشفا عليها وماينسآهآش ونسيتو في طعم الخبز كيفاه خخخ
ربي يهدي الجميعــ​

 

[zagane]

salam alikom

nhar ymoutou ydiro janaza bi facbook wa ta3azi bi facebook