عرسي قرب و باغي يهبلوني

[مشكلتي]

السلام عليكم و نهاركم مبروك
كنت نقرا بزاف المشاكل تاع الناس و ماكانش في بالي يجي نهار تصير عندي مشكلة و نوصلها للناس و كيما راكم عارفينكل واحد و عنده مشاكل و تنحل ما نطولشعليكم
انا فتاة 27 سنة نخطبت و فتحت صافي عامين ونص و مريت بمراحل صعبة و الحمد لله تخطيناها لي هي بعد الفاتحة تاعي ب 15 يوم ابي توفى الله يرحمه لي كان مريض و دارلي في دنيا دنيتين و الحمد لله
المشكل راه في ماما و خويا و انا الكبيرة و هو صغير عليا ب عامين بصح دابه و دابي و ماما تساعف غير لي ماقالهاش دير عليه انا عندي ليسانس تسيير و اقتصاد و قعدت 3 سنوات ما خدمتش هبلت على الخدمة و هذا العام تالي في 2013 الحمد لله جبرت و غير حدا دارنا و انا العائلة تاع الزوج تاعي ماشي في نفس المدينة امالا تخيلو في عامين و نص و انا نجهز في روحي ماما مادارتليش حية و الله و الله مارانيش نبالغ و مين نقولها تقولي رانا مزيرين وباغيين نسقمو دار مع العلم دارنا مسقمة وجديدة كانو كايني غير لي ديفو عاودوهم و او مام تو خويا تاني خطب و فرحانة غير بيه انا تكلي ماكانش خطرات نقول بالاك الشيطان مي ناس خالاتي و روماركاوها و هذ الخطرة العرس نشاء الله مي راهي تعكسلي فيها ماشي فرحانة و للدروك راني نتخبط وحدي و باقيليشهر ياخوتي و خويا يزيد يحرش يها و ماراهاش عاجبتها باه نحبس الخدمة قاتلي شعال ونتي تحوسي و دروك تحبسي يا ناس قولولي بالاك راني غالطة انا نتبع الراجل و لا هو يتبعني و مع العلم بلي يبغيني و نبغيه و الكل على باله تزوجنا عن حب و الحمد الله ما خصني وال و زيادة على هذا هو و اهله ماشي معارضين على الخدمة امه راهي تحوسلي على الخدمة شكون تلقى عجوز كيما هاك باغيين غير يرضوني و تالية و نكمل الزوج تاعي ولد عمت ماما
قولولي و نصحوني و عطوني رايكم غادي نهبل ناس تحوس على بناتهم ينسترو و ماينغبنوش و هي تحوسلي على الفاني
الشئ لي دارني بزااااااف تجاهلها ليا
و شكرا طولت عليكم

 

[روز]

السلام عليكم
الكلمة الطيبة صدقة
نرجو من الاخوة والاخوات مساعدتك بالنصح بالروية والعقل
وبارك الله فيهم

 

[اميرة في مملكة العلم]

انتظري بعد الزواج ..و هكذا تكون طاعة زوجك اولى

 

[motar zoubida]

اختي قولي الحمد للله عندك ام شوفي كي دتيري و راضيها و اسعي بكل جهدك ربي يسهلك و مشكلتك راه ليها حلول باذن الله شوفي انا كي مرضت امي كل خوتي و ابي دارو عليا بعدلاما مرضوها و طلعت la tension elle s'est*paralysée*واحد مايحوس عليها خويا الكبير راح خطب même *pas مقاللهاش راني غيل انا لي نعون في امي و درك راني خدامة près emploi ب 15000 لا جهاز لا والو رام حابين نصرف عليها ب دراهمي وخويا يخلص 40000(4ملايين )بلا لوطو لي عطاوهاله فالخدمة و ابي يخلص 25000 وخوياقاع مايصرفش والو حب يتزوج مكانش واحد قال ختي ولا امي قولي الحمد لله ربي عطاك راجل الله يفرحك بيه ااااااااااميييييييين اخواتي ادعو ليا ب شفاء امي و الرجل الصالح

 

[abdel kader03]

السلام عليكم اول شيئ اختي حاولي انك ترضي امك لان رضاها بالدنيا كامل وحاولي انك تفهميها واش حابا ديري في حياتك
اما عن العمل فليس بمشكل العمل في كل مكان و المهم في الهنا ء
وانت وزوجك متفاهمين ومتحابين وهذا اهم شيئ ربي يسرلك ويباركلك والف مبروك

 

[ليلى غيمز]

اختي حاولي انك ترضي امك لان رضاها بالدنيا كامل

 

[mà_dikrà]

مـاكنش أم تكره بنتها وماكانش أم ماتحبش الخير لبنتها أصبري معها راهي إذا راحت تعرفي قيمتها ملا رضها ونصيحة إيـاكي وتبدلي أهلك بأهل الزوج الزوج مـايدرلك واااالو قدااام إلي أنجباتك ورباتك وعلماتك وتعبت مـعاااك
في آمــــــــآن الرحماان​

 

[زيزي احمد]

طاعة الأم واجبة و رضاها عنك هو ما يسعدك مع زوجك
استعيني بالصبر و الصلاة و الدعاء لكي ترضى عنك أمك و لو كانت مخطئة بحقك سوف يهديها الله و تعود إلى رشدها فحنان الأم لا مثيل له و لو أصابك مكروها لا قدر الله سوف تجدينها أول الناس خوفا عليك
تحلي بالإيمان و تزوجي برضى أمك لعلك تجدين في زوجك ما فقدته في أمك
المعروف عن الأمهات أنهن يفضلن الذكور على الإناث حتى و إن كان الذكر سبب المشاكل و التعاسة
ربي يفرج عليك و يسعدك و يفرحك بأمك و يجعلها سندا لك في حياتك و يتم عرسك في أحسن الظروف
توكلي على الله و اطلبي منه العفو و العافية و رضى الوالدة و ربي يوفقك

 

[salma zayna]

الله يهديها ان شاء الله انتي ادا تقدري ماتحبسيش الخدمة ويماك نقولك حاجة كي تدخل الشهرية تاعك روحي اشريلها جاحة مليحة يعني قماش مليح وغالي و خوك تاني اشريلوا كادوا هو وخطيبتوا واقعدي غير احكي معاهم مليح وخليهم ادا بداو يسمعوا فيك الهدرة الي ما تعجبكش

 

[بنـ MaPa ـت]

نقولك كلام وماتزعفيش مني
داركم مادوملكش وهادي فرصة ماتتعوضش
ودام يحبك وتحبيه وراكم قريب تعرسو وعلاه تبطلي على جال الخدمة؟؟
هو ماهوش معارض اللهم بارك راه راضي

ويماك نورمالمون ماتوقفلكش الام توجور تحوس على راحة وسعادة بنتها
الله يهديهم في زوج

يا ختي ربي يهنيك نصيحة ماديريش غلطة حياتك وتحبسي
مارانيش نقولك اوقفي في وجه يماك بصح اهدري معاها ماتبقايش ساكتة صحيلها الفكرة لي راهي في راسها
وان شاء الله مايمون غيرالخير

ربي يكملك حنونة وتتهناي
​

 

[ام أمينة]

motar zoubida
ربي يشفي امك اتهلاي فيها رضاها هو كل شيئ
​

 

[ام أمينة]

اختي الكلام لي كنت حابة نقولهولك سبقوني ليه
ربي يهنيك وان شاء الله تلقاي حل يرضي الكل
​

 

[wafatam]

salem kri rabi sahlak

 

[mima07]

مادام راجلك يحبك زوجي و كملي حياتك مي مامتو رضي والدتك

 

[sarra07]

شوفي حنونة لازمك تعرفي بلي طاعة الأم واجبة وامك تحبلك غير الخير ومن راى انك تعاودى حساباتك مع الوالدة نتاعك بلاك نتى هي لمقصرى في حقها وديري في بالك هي انشاء الله تكون جدة ولادك يعنى حتى ادا تهنيتى مع الزوج نتاعك تبقاي تحتاجيها في حياتك الجديدة
وربي يه***