النورة لإزالة الشعر !

[{مُدَلَّلَتُهُ}]

السلآم عليكم و رحمة الله و بركاته

صباحكم/مسآؤكم معطّر بـ رضى الرحمآن

كيراكم خواتاتي ؟ ان شا الله بخير ♥

bn ندخل في الموضوع نيشان

كنت نقرا في وحد الكتاب لقيتهم يحكو على مادة اسمها "النورة" استعملتها الملكة بلقيس لإزالة الشعر الزائد . . . و الله أعلم كانت نسآء النّبي صلى الله عليه و سلم يستعملوها تاني

حوّست عليها اليوم في النت لقيت هاد الفوائد تاعها

فوائد استعمال النورة:
لإستعمال النورة فوائد كثيرة سرعان ما يكتشفها الإنسان بعد أن يجربها ، و من أهمها:
1. إزالة الشعر الزائد عن البدن بكل سهولة و من دون أية مضاعفات.
2. تطهير المواضع الحساسة من البدن من الجراثيم و الباكتريا بصورة مدهشة.
3. التخلص من الروائح الكريهة الخاصة بالمواضع المستورة من البدن.
4. علاج تغيير لون البشرة في المواضع الحساسة بشكل سريع و مدهش و من دون أية مضاعفات.
5. تجنب حالة نمو الشعر تحت البشرة و عدم تمكنه من الخروج و حدوث الحكة فترة خروج الشعر بعد نموه.
6. التخلص من الحكة التي تحدث بعد حلق الشعر بالموسى.
7. الحصول على بشرة ناعمة و طرية بلونها الطبيعي.

يُستَحسَن إزالة الشعر بها كل 15 يوم

مالا بغيت نسقسيكم اذا انتوما تاني سمعتو بيها ؟

و لا كاش وحدة استعملتها تقوللنا اذا كانت efficace و اذا ما عندهاش تأثيرات جانبية ! هادا ماكان :d

فٍي أمان الله و الي عندها معلومة ما تبخلناش :-r
​

 

[السلطانة]

وعليكم السلام
يعطيك الصحة على الاطلاع والبحث
اول مرة نسمع بيها
نسيي نسقسي كاشما نجيبلكم معلومات
ان شاءالله لي تعرفها تقولنا عليها ههه مادام الملكة بلقيس استعملتها وزوجات الرسول عليه الصلاة والسلام
يعني راهي حاجة مليحة وماش ضارة

 

[قَطٌر❀ الٌنَـدَى]

السلام عليكم
انا جامي سمعت بيها اصلا كيفاه تجي دايرة
الله اعلم اذا كشما لقيت راني نقلك
​

 

[ندى الأيام]

اول مرة نسمع بيها
و ان شاء الله نعرفوها و نستعملوها

 

[Ľă Mîšš HîBă]

WALLH JAMAIS SMA3T BIHA WMN3RAFCH KIVAH DAYRA ASLN

 

[{مُدَلَّلَتُهُ}]

اممممم معناتها راكم كامل كيفي

انا تاني كي سقسيت ماما قاتلي ما نعرفهاش

يعني لوكان مشي الكتاب ما نسمعوش بيها :p

كي شفت في النت قالو تجي غبرة بيضة ريحتها شوية مش مليحة متكونة من حاجة اسمها "الزرنيخ" و الكالسيوم الله اعلم

كي يشروها يخلطوهاا في ما دافي يخلوها 10 دقائق مبعد يغسلوها !

هادو هوما المعلومات الي عندي و لا كاش ما وحدة فيكم لقات معلومات غير تقوللنا


​

 

[ايمان مي]

و الله اول مرة نسمع بيها

 

[ام@الاء]

السلام عليكم
انا جامي سمعت بيها ويلا تعرفوها خبرونا مام احنا نحتاجوها
​

 

[{مُدَلَّلَتُهُ}]

تبانلي الي يبيعو لعشاب يعرفوها !

بالاك غدوة ان شا الله لا خرجت نسقسي عليها لا تتباع نشري و نسييها :p ربي يجيب الخير برك
​

 

[farida91]

meme ana jami sma3t biha
ila kachma sma3tou 3liha kolouna
rana nasanaw
merci
~​

 

[Nilüfer]

السلآم عليكم

حتى أنا عمري مآ سمعت بيها

وايذا لقيتوها حاولوآ تتأكدو من عدم خطورتها قبل التجريب

موفقين
​

 

[عاصفة الورود]

السلام عليكم
انا ثاني مانعرفهاش مي حسب واش لقيت فالنت هي تخدم كيما
la poudre d'épilation لي تتباع

 

[{مُدَلَّلَتُهُ}]

عاصفة الورود : و عليكم السلآم

واه انا تاني هاكا قريت في النت

و لازم تندار قبل الحمام "يعني ما ديريهاش و انت نظيفة "و ما نعرف ا ختي
​

 

[Only me]

اول مرة نسمع بيها

مي شوفي واش لقيت عليها

النورة هي مركب من الكالسيوم والزرنيخ كان يستعمل في إزالة الشعر، يدهن به المكان ثم يترك قليلاً ثم يغسل فينزل الشعر . انظر : "القاموس الفقهي" (1/363) و "زاد المعاد" (4/364).

ورد في المنتديات الكثير من الكلام والتشجيع على استعمالها ولكنه ليس كلام الأطباء وهو كلام غير علمي ويحتاج مراجعة وتدقيق وتوثيق خاصة وأن المنتديات هي ليست مواقع علمية تعليمية وقد يحدث تأثيرات جانبية شديدة ومضاعفات بسبب بعض نصائح المنتديات فمن المسؤول؟!.

وهي مادة موجودة عند العطارين، وأما من الناحية الطبية:

فنحن لا نشجع بل نمنع استخدام المواد الحاوية على مواد سامة مثل الزرنيخ لإزالة الشعر، فالشعرانية أمر بسيط مقارنة بالمصائب التي قد تنجم عن استعمال الزرنيخ غير المقنن.

أنعم الله علينا بالعلم ومعرفة أسباب الشعرانية والهرمونات وتوازناتها فالحل السببي أولى، وأخيرا جاء الليزر ليحل المشكلة، وهو إن تم استعماله بيد خبيرة فعال ومفيد.

الخلاصة :
• إن ثبت أن النورة تحوي الزرنيخ فلا ننصح بها مطلقا.
• ليست المنتديات مصادر موثوقة للمعلومات.
• أبدلنا الله خيرا منها وأسلم منها في الطب الحديث سواء في معرفة السبب أو العلاج.

 

[{مُدَلَّلَتُهُ}]

امم معناتها الواحد يـإيـvـيتي المشاكل خير ما يجي يطٌب في حاجة يحصل في حاجة اخرى

انا مين شفت الملكة بلقيس و نساء النبي صلى الله عليه و سلم يستعملوها قلت بالاك حاجة مليحة خير من الموس

+ لقيت أحاديث بصح ضعيفة الي تبين بلي الرسول صلى الله عليه و سلم تاني كان يتنوّر بالنورة هادي

​

 

[لبنى5]

أنا بحثت عنها ووجدت أنها تحتوي على مادة الزرنيخ التي من شأنها احداث مضاعفات ، لذلك لا ينصح بالمجازفة .

 

[{مُدَلَّلَتُهُ}]

السلام عليكم و رحمة الله

يعطيكم الصحة البنات . . .

انا حوست عليها ما لقيتهاش تتباع . . + حاجة فيها الريسك ما عندنا ما نديرو بيها ^^


​

 

[لبنى5]

السلام عليكن، أنا سمعت بالنبتة وبحثت عنها ووجدت أنها تحتوي مادة الزرنيخ وهي مادة خطيييييييييييييرة جدا.لذا لا تجازفين بمثل هذه الأمور.

 

[־●ـ‗غمــــوض ــالــورد_ـ●־]

وعليـــكم الــسلآآم :

اول مرة نسمع بيهآآ دوك نقول لجدآتي بالآك تعرفهآآ ولا تسقسيلي علآهآ عند لعشآآبين
ادا لقيتهآ وشفت ريزيلتآ ملآحة فيهآ دوك نقلك علآهآ ،،

ســــــلآمـــي [
​

 

[الميزان]

يمكن عنها اسم ثاني فالجزائر