نصيحة لاختكم ايمان

[nina17]

انا كنت نبغي واحد و هو تاني صافي 3 سنين و ماكانش خدام بصح الان صايي راح خدام
المشكلة انو عدنا المشاكل بين اهلي ميحبوهش و اهلو تاني كانو رافضيني تخطبت زوج خطرات و عاودت بطلت الاول لاني مقدرتش نحبو و التاني ربي مكتبهاش و على الاغلب السبب هو لاني نحبو
بصح لي نحبو جا خطبني للدار و الوالدة تاعه و كنا غاية بصح هو شوي مقلق و يتنارفى يبق غي يعيك و انا المشكلة تاعي عاودت الهدرة لماما و الان راني عارفة بلي حياتي غي معاه هو و منقدرش نكون مع غيره بصح ماما و اختي راهم ضدي لوكان نزيد نهدر معاه ولا نشوف فيه يديرولي حالة
انصحوني شندير يرحم الوالدين

 

[Amira28]

السلام عليكم ورحمة الله وبركاته
يا اختي المهم انكم تحبوا بعضكم ومقتنعين ببعضكم
ادا كنت صح تحبيه لازم ماتخليهش وحاولي مع امك في الاول اكييد رايحة ترفض مي من بعد رايحة تقبل انشاء الله لانوا اكيد امك راهي تفكر في سعادتك لانها امك وتحبك اكثر من اي شخص اخر
اما بالنسبة اونوا يتقلق بزااف فكل الرجال طبعهم هاكا دايما متقلقين المهم انك تكوني متاكدة انوا يحبك
وثاني لازم تبقاي دايرة في بالك كل شيء بالمكتوب اكثري الدعاااء
ربي يجيبلك اللي فيه الخير

 

[شجـ الروح ـون]

السلام عليكم
اللي يسمع كلام الكبير عمره مايندم حبيبتي
ربي يكتبلك اللي فيها خير
​

 

[الرومنسي الجاد]

سلامو ط
طغى الحب ع علاقات الوواج حبيت نقولك كلام اول حاجة باش يكون وولجك منو شرعي نولفقة ولي الامر تاعك و حضوره غياب الركن هذا يعتبر زواج محرم

هذا من الناحية الدينية الناحية الاجتماعية تخسري عايلتك لي رباتك و الخ .. بمعنى لازم اول حاجة موافقة الاهل حاولي تتقربي منهم عن طريق امراة

مثلا الجدة اخت الام صديقة تاعها و كيف كيف الاب و ان شاء الله تزوجي من حبيبك

هذا هو حال الحب و لهذا راه محرم شرعا

و الله اعلم

 

[7anin el 9ods]

سلام اختي كيما قال خويا .......الدين نتاعنا وصانا باللي /من ترك شيءا لوجه الله عوضه الله بما هو خير منه/انتي يا ختيتي اذا كان رفض اهلك من خوفهم علا مصلحتك ولا بالاك شافو باللي ماشي مليح وما يناسبكش طاوعيهم....وصدقيني كلام اللي يقولو فيه المسلسلات على الحب الابدي وماعلاباليش ماكاش منو....لانو اللي يشد في ربي سبحانو يكون معاه ويعاونو في النسيان...المهم تقربي من ربي واذا كان انسان مليح وماكاش سبب شرعي للرفض ديري واسطة من اقاربك ....شوفي كيفاش الواحد يعشق والديه ومبعد بعد ما ربي ياخذ امانتو نحزنو شوية ومبعد ننساو ونرجعو للضحك

 

[cheikh2014]

السلام عليك اختي ان اردت المساعدة اتركي رد

 

[nina17]

السلام عليكم

شكرا على النصائح الطيبة
و بالنسبة للاخ chikh اكيد نحتاج للمساعدة

 

[zakiii]

وعليكم السلام أختي
أختي الغالية نقولك حاجة الزواج قسمة و نصيب بمعنى مكتوب الله و يماك قادر تكون على حق و قادر لا بويسك قلبها يخبرها و أكيد هي رافضة بويسك كاينة حاجة في الكواليس و لازم عليك أختي متقلقيش و متقوليش لوكان ميكونش هاذ الإنسان منزوجش و حياتي خلاص لا لازم تقنعي بمكتوب ربي و تحمدي ربي على كل شيء و أكثري من الدعاء و صلاة الإستخارة و إنشاء الله نسمعو عليك أخبار مفرحة في القريب العاجل

 

[nanoche]

السلام عليكم و رحمة الله
حبيت برك نسقسيك يا أختي و كوني صريحة و قولي واشنو هو السبب اللي خلى أهلك يرفضو هاذ الشاب و سؤال اخر حبيت نفهم كيفاش يتقلق و على من يتقلق هاذ الخطيب؟؟... عليك؟ ولا تقلق مع العايلة ديالك؟
بعد ما تجاوبيني يا اختي رايحة نعطيك رايي و ربي يسهلك ان شاء الله

​

 

[samir batna]

خلوها للمكتوب ... ربي يجيب الخير ان شاء الله

 

[MiriRina]

معندي مانقلك ختي
وسير فيه ديفو عليها مقبلوهش الاهل تاعك
وش ريحا نقلك ربي يعينك ويكتبلك ولد الحلال

 

[nina17]

السلام عليكم و رحمة الله
حبيت برك نسقسيك يا أختي و كوني صريحة و قولي واشنو هو السبب اللي خلى أهلك يرفضو هاذ الشاب و سؤال اخر حبيت نفهم كيفاش يتقلق و على من يتقلق هاذ الخطيب؟؟... عليك؟ ولا تقلق مع العايلة ديالك؟
بعد ما تجاوبيني يا اختي رايحة نعطيك رايي و ربي يسهلك ان شاء الله

​

يبغي يتحكم في كلش و السبب لي رفضوه اهلي عليه انو ملي عرفته مشفت خير حتى الصحة تاعي تدهورت

 

[nina17]

ربي يفرحكم اخوتي و حبابي انا بقيت غي نصلي في صلاة الاستخارة و الحمد لله كرهته و نسيته لاني لجات لربي و عرفت روحي بلي كنت عمياء
و الحمد لله ربي رزقني برجل ملتزم تقدم لخطبتي ادعولي بالتوفيق

 

[ازهار الربيع]

سلام والله ديفوا ما نلقى ما نهدر
نفس القصة تقريبا سنعتها ما عندهاش يومين
وغاضوني بزاف هاذو الناس يبغو بعضاهم والاوالدين الله يهديهم
وزدت ليوم
صلي الاستخارة واكثري الاستغفار
وديري في بالك مكتوبك تديه
واللي شايفة ربي حنا ماش شايفينو

 

[nina17]

سلام والله ديفوا ما نلقى ما نهدر
نفس القصة تقريبا سنعتها ما عندهاش يومين
وغاضوني بزاف هاذو الناس يبغو بعضاهم والاوالدين الله يهديهم
وزدت ليوم
صلي الاستخارة واكثري الاستغفار
وديري في بالك مكتوبك تديه
واللي شايفة ربي حنا ماش شايفينو

ربي يخليك و لكن امر مهم هو راي الوالدين هو الصح دااااااااااااااااااااااااااااااااااااااااائما