واش رايكم لازم قول الحقيقة للمريض المصاب بمرض خطير

[YARA 26]

السلام عليكم

موضوع حساس بزاف يتعلق بقول الحقيقة للمريض المصاب بمرض خطير
في رايكم لازم يصارحوه الاطباء والعايلة بمرض المصاب به ولا لالالالالالالالا
ولا تشوفوا اخفاء الحقيقة احسن باش متنهارش نفسيتوا وتدهور صحتوا اكثر ولا تصارحوه بالحقيقة باش يتخذ الاجراءات اللازمة لانهاء أموره العالقة في الحياة ؟

 

[Ma$Ter]

السلام عليكم ورحمة الله وبركاته
فى هذه الحالات لازم الطبيب يخبر المريض واهلو بطريقة ذكية
ويصبر المريض
ماهوش يقول ليهم المرض ما عندوش شفاء الله غالب
شكرا على الموضوع اختى يارا


​

 

[كاتمة الاسرار]

سلام...
انا في رايي يقول للمريض مي باش يقولو راك راه تموت نو ماشي هاكذا
لازم يقولو بلي مرضك بزاف مرضو بيه ونصهم براو منو كي دارو شوية كوراج ...وحالتك ماشي خطيرة لدرجة الموت يعني يعطيلو امل حتى وهو ماكانشو.....ميرسي ختي

 

[وصال]

في هادي الحالة اسمحيلي صعيب بزاف ، كاين لي يخبو حتى على اهل المريض ،وهادي اصعب ، الاعمار بيد الله والله اعلم بالساعة وقتاش ،شحال من واحد قالولو راح تموت وشاءت الاقدار انو زاد عاش سنوات بصح الطبيب مجبر باش يقول لاهل المريض ،والمريض انا نظن بلي اكبر غلطة يديرها انسان انو يخبرو بلي راح ، لانو احنا كبشر متعلقين بالحياة وجوبونص يديزيسبيرا برك ، المهم ربي يشف جميع مرضى المسلمين .

 

[كاتمة الاسرار]

مي انا قتلك مايقولوش يموت يقول بلي كاين امل حتى وهو مكانشو
وإسمحيلي لي راكي تهدري عليهم من الطبة جابلي ماشي طبة
لانو نفسية المريض اهم من مرضو بالنسبة للطبيب
ميرسي

 

[الحلم الوردي]

السلام عليكم ورحمة الله وبركاته
في هد الحالة الطيبب يخبرو ولا واحد من اهلو
باسكو المريض في هذ الحالة يكون حساس بزاااااااف وزيد اي حاجة تقدر تجرحو
باسكو مام المريض مايقبلهاش نورمال مع الوقت ولازم يكون محاط بناس مآمنة بلقدر
وزيد يمدلو القوة اللازمة اي يوقفو معاه في الشدة
على هديا لازم يكون واحد قريب ليه ومام يصبرو باسكو هذايا مكتوب من عندي ربي
ويصبر المريض ماشي يزيد عليه ويقولو كلآم يقيسو
اموا يخبروه باش يسامح كاش واحد غلط معاه
يعطيك الصحة على الموضوع
​

 

[ماكانش]

عايلتو لازم يقولولهم بصح ليه مايقولولوش
والمريض راهو يحس بالمرض تاعو ..

 

[la_safa]

السلآم عليكم و رحمة الله و بركآته

شوفي أختي هو من الطبيعي و الصحيح أنو يعرف
و هذآ المتفق عليه ، بين الاطبآء ،

لأنو لآ قدر الله مآبقآلوش و يموت أكيد لآزم يعرف
بآلآك عندو حوآيج يديرهآ قبل مآ يموت يعني يطلب السمآح اذآ غلط
يدير أشيآء مآنعرف أنآ ممكن يوصي على أمور ، يدير أمور ،
المهم أي وآحد لآزم يقولولو و يعرف ..

و أول وحآيد لآزم يعرفو هومآ الاب و الأم و هومآ من ثم يقررو
الطريقة المنآسبة لي يقولولو فيهآ .. هذآ هو الخيآر الأفضل ..

و تبقى الأعمآر بيد الله و مكتوب ربي ..
ربي يشفيه ان شآء الله ~
​

 

[همس الوُرود]

السلآم عليكم ورحمة الله وبركآته

أنآ في رأيي أعآمل كمآ أحب أن يعآملوني

ويلآ كنت مريضة بمرض خطير لآ قدر الله نحب يقولولي الصرآحة

مآعليش ننهآر ويصرآ وش يصرآ المهم نعرف وشبيآ ومن حقي نعرف

بصح الاخبآر بيآنسير لآزم يكون برفق تآم مش أزدم برك

في أمآن الله

​

 

[mà_dikrà]

الـسلام عـليكم ورحمة الله وبـركـــآته

أنا فـي رآئي أن يـعآلجوه وهـو لايـعلم بـأمر الـمرض لأنو إإذ عـلم يـكون يـــــآئس و اليـآس لا يـنآسبه أبدآآآآآآآ في الـحآلة كـي هـذي

أتمنى قـبول رآئي

في أمـــــــــــآن الله​

 

[ضيوف وسـنغادر]

يقولو مي بطريقة غير مباشرة حيث المريض يتقبلها بكل قضاء وقدر
​

 

["Màrià"]

سلام
امم .. انا في رايي يقولولهم خير
من حقهم يعرفو .. انا وحدة من الناس ما نحبش اذا دارولي هاك
​

 

[samir batna]

ربي يشفي جميع المرضى ان شاء الله ........ إخباره بطريقة غير مباشرة و زيد يخبروه ممكن فيه علاج مش يقطع لياس ضربة وحدة

 

[YARA 26]

صح لازم يقولوا بصح بطريقة غير مباشرة
شكرا لكم

 

[samir batna]

عفوا أختي

 

[Sa_Ra]

السلام عليكم
أنا في رأيي لازم يقولولو الصراحة
لكن يقولهالو الطبيب نتاعو أو حتى psychologue

ربي يشافي مرضانا ومرضى المسلمين
​

 

[salma zayna]

انا نشوف انوا ادا كان المرض يقدر يتعالج يخبروه اما ادا كان مايتعلجشش ما يخبروهش

 

[بنـ MaPa ـت]

انا من رايي لازم يقولو الحقيقة خير من يكدبو عليه
صح تنهار نفسيتو ويمكن يفقد الامل ويخلي المرض يتغلب عليه
لكن الطبيب لازم يعرف كيفاش يقولو الحقيقة ويزرع فيه الامل انو يشفى
والباقي على المريض هو لي يقوي روحو ويحاول يتغلب على المرض
او ينهار ويستسلم
للاسف اطبائنا اليوم ماراهمش قايمين بالواجب على اكمل وجه
الله يهديهم نساو بلي راهم مسؤلين على ارواح وهادي مسؤولية كبيرة

​

 

[YARA 26]

بارك الله فيكم

 

[حُلم عابرْ]

وعلاش مايقولولوش

انا مع رأي يصارحوه :

اولا المرض تكفير للذنوب وبالاك بسبة المرض يجدد ايمانو ويسلك ديون عليه ويطلب سماح من ناس بالاك غلط فيهم

كي تصارحيه يتعالج ايمانيا ودنيويا

على الاقل يكون صافي بينو وبين نفسو والاعمار بيد الله بالاك يقابل ربي بقلب سليم ويدير خير في ظرف شهر ماداروش في حياتو لي ممكن عاشتها 40 سنة

الشخص الا كنت صح تحبو وتخاف عليه تصارحو لان المرض الا كان خطير = الموت = حساب يستنى فيه وبالاك نهار آخر يحاسبك عليها علاش ماخبرتنيش

الواحد لازم يكون بعيد النظر ويخلي المشاعر بجيه شي امور تخدم فيهم عقلك ماشي قلبك حتى ولو يكون اقرب شخص ليك اب او ام ام ابن او زوجة اووووووو ............... الخ


سلام