الخواتات والبحر.............و الرجلة !!!

[بنـ MaPa ـت]

السلام عليكم

توحشتكم يا ناس اللمة عندي شحاااال ماشاركتش
ان شاء الله مانسيتونيش برك


ندخل ديراكت

وعلاش المجتمع تاعنا مكرفص هاكدا
ولا بلاك انا لي مكرفصة مانعرف نتوما قولولي


وعلاه لي يدي يماه خياتو للبحر يقولو عليه ماهوش راجل وماهش تع حرمة

البحر عيب؟؟؟ ولا حرام؟؟؟ ولا ربي حرم على الراجل يدي يماه وخياتو ينحو على خاطرهم

يقولولو دارهم ادينا نبحرو ولا نحوسو شي
يقولهم ايه ربحت باش يقولو عليا ماشي راجل دا خياتو للبحر


يا عجب !!!!!!!

بصح كيفاش هادي خياتو لالا ومرتو ايه؟؟؟
ياخي قاع نسا كيف كيف شكون يجيب خبر لا مرتو ولا ختو

هبلوني ليزيستوار الجدد هادو لي راهم غير يبدعو فيهم
لوكان يلقاو الخيات هادو يديروهم في قرعة ويغلقوها الهوا مايتنفسوهش

وماشي غير البحر بزاف بلايص تع تحواس.......

يعني كي يديهم ويكونو مستورين ومحترمين عيب ولا كفاه ؟؟؟

وعلاه ماننعلوش بليس ونحو الامور التافهة هادي ونعيشو طبيعيين بلا خرطي بلا بدع


ايا اتفضلو شاركوني بارائكم ولي عند حاجة اخرى حاب يظيفها مادا بينا

:regards01:
​

 

[Ma$Ter]

السلام عليكم ورحمة الله
تمت الموافقة اختى
لى عودة للرد


​

 

[yani thiziri]

a khti nas m3a9din w jahlin

normalement khti w yema 7a9 3liya

kima hom yethalaw fiya f dar

soit makla soit une autre chose

yak machi rayhin wahdhom yak mastourin

yak ana m3ahom nehki m3ahom normal

mais hna wahed ma yechte9al bel lakhor

balak ntoum 3adkoum nas jahlin

merci khti​

 

[ازهار الربيع]

سلام
عادي يا اختي ما فيها والو مدام مستورين عادي
بقات في الناس اللي ثما ،بلاك هما من الشي اللي يشوفوه يقولو عيب
بصح ضركا كاين شواطىئ تاع عايلات ومحترمة
وتبقى هاذي قناعات شخصية
شكراااااا

 

[ضيوف وسـنغادر]

شعب ماشي مكرفص شعب تقول جاااي من كاش مصنع مقود نورمال
يا ودي واش فيها وماين جابو التفكير هادا قولولي ؟
الرجلة ؟ فاين يعرفو هوما الرجلة ياو فيقو الرجلة راحت مع بومدينـــ
كون جا عندي واحد يفكر هاكا راني تهنيت منو بكري
الناس اعماتها وحد الحوايج مايشوفوش مليح واش رايحين نديرولهم
انا والله غير نحوس وضاربة الذنيا بكوتبي وكي نشوف حاجة انورمآل لازم نفريها تم تم واش يقولو كي نطلب الاذن وندي الطونوبيل نحوس بيهآ وندي ناس يحوسو معآي ,
ناس هاك وناس هاك
وربي يهدي ​

 

["Màrià"]

شعب معقد
يشوفو للناس كثر ما يشوفو لرواحهم
و زعما الرجلة تبان غير هنا ؟؟ ربي يهديهم
بصح ما تنسايش كل واحد و كيفاه
​

 

[آمِيْرَتُه]

السلام عليك آهلا بيك منورة
البحر كان بكري وقت كانت الحرمة ضرك رجعنا نحشموا باه نروحوا مع خوتنا و لا حتى مع رجالتنا
القدر راح و كل شي سماط
اذا من باب آن يحشم و ميديهمش راني معاه بصح يدي مرته و خوتاته لالا هذي مانيش معاه فيها
يا قاع يا لا هههه
و يبقى كل انسان و كيفاش يفكر
و راكي تعرفي الجزايري حلال على مرته و حرام على خوتاته :d

 

[Ma$Ter]

السلام عليكم
راهو مشكل الطفلة باه تعوم وتستر روحها فى البحر صعيبة
وثانى كى تتعري قدام الناس وعايلتها ما تصلحش
هنا كل واحد يحكم باحكامو
وانا من النوع لى نغير بزاف على عايلتي يعنى ما نقدرش نخليهم يروحو للبحر ^^ مش معقد والا مكرة فيهم
كون نشوف الناس تشوف فيهم نقلق وقلبي يغلي
​

 

[ẦṀĮЙЄ]

[FONT=&quot]الســلام عـليــكم [/FONT][FONT=&quot]
[/FONT][FONT=&quot]أحـنـا مـانـاش ضـد النسـاء يعـومـو أحـنـا ضــد الاخـتـلاط بالرجـال وضـد الـعـري[/FONT][FONT=&quot] ..[/FONT][FONT=&quot]" [/FONT][FONT=&quot]الاخـتـلاط مـا فيـه غـير المـشاكـل ويكـثر مـن ولااد الـحـرام بــرك[/FONT][FONT=&quot]"[/FONT][FONT=&quot].[/FONT]​

[FONT=&quot]بـصـح كـايـن الحــل عليــكم وعـالـدولـة تديـرلـكم "شـواطـئ محـروسة وغـير مخـتلطـة" ... هـكـذا[/FONT][FONT=&quot] تـتهـنـاو وتـروحـوا تعـومـو بـكـل راحــــة .[/FONT]

 

[nanoche]

جيتي على الجرح يا أختي
كنت رايحة نحط موضوع في نفس الموضوع
والحكاية قريب كيف كيف وين جاتني من يومين بنت تبكي بكاء هستيري على هاذ الشي
هي البنت الوحيدة وسط 4 ذكور كلهم متزوجين و هي ربي ماجابلها نصيب
قاتلي من سنتين كان خوها يدي زوجتو مع اختها أي اخت زوجتو للبحر و ما يقولش لأختو رغم ان السيارة هي سيارة والدها قاتلي انا قلت ما عليه مرتو تغلبو و ما حبتش توصل الحكاية لباباها باش ما تديرلوش مشاكل و هاذ العام اخت زوجتو تزوجت و كي راح للبحر راح غير هو و زوجتو و ما قالش لأختو و هي غاضها الحال و بكات بحرقة مسكينة و جعتلي خاطري حتى عرضت عليها باش تجي معايا مي الحكاية اكبر من انها تروح للبحر ..............(....)
​

 

[kojak]

السلام عليكم
بنـ MaPa ـت
عاش من شافك ؟
مزالك على قيد الحياة :d
بالنسبة للميضوع ميضوع حساس هدا .:-r
نحنا نعرفو أن الشعب الجزائري مكرفص في راسو :s وديما ينظر للعيوب الناس ومشاكلها:s ونعرفو أن الشعب الجزائري ناقص ياسر حنان في المجالات الكل :s
وأكبر دليل على دلك كي يشوف وحدا قاورية في بلاج خخخخخخ وظاهرة العري هدي لي فلبلاج هي لي شوي حشومة كي تدي العايلة تيعك ليها المهم أحنا نفهمو أن الشعب الجزائري مزالو ماوصلش يستكفا بنفسو يعني يلتي للروحو .:s
هدا الرأي تيعي
تحياتي
:regards01:

​

 

[zagane]

السلام عليكم
كاين اماكن محترمة ومحتشمة للتحواس وحتى للبحر يدسهم وراسو مرفوع مع الحشمة والسترة

 

[أمــ وليــد الجزائرية]

لبحر ؟ لا حكينا على لبحر نقوللكم الله يستر درك مابقاش بحر كلش موسخ و رجع باه تلقاي بلاج محترمة ونقية يلزملك انا وحدة من الناس الي كنت منراتيش كل عام لازم يدينا بابا مي درك كي كبرنا ولينا احنا منقدروش نروحو و نكونو قدام بابانا في مثل هتيك الاماكن لاحكينا علاه ولاو الاخوة و الاباء ميحبوش يديو ولادهم ولا يماهم نقول عندهم الحق اما لا حكينا فيما يخص الزوجة ديالو هنا يكون مايقادرهاش لاكان خاف على ختو و يماه نورمالمو يخاف حتى من مرتو هي ثانيك

توحشنا مواضيعك يالحلوة في هذا القسم تاع الصح


​

 

[Silent Hill]

السلام على من اتبع الهدى
قلتيها بفمك خيه
كي يكونوا مستورين شرعي و محترمين شرعي
نقول عليه راجل و سيد الرجال
بالصح كي يكونوا .... و ..... و الحشمه مكانش
لا هو عبد لهوما عباد
ربي يهدينا و يدلنا للخير
كل الشكر على الطرح ...​

السلام عليكم​

يعني كي يديهم ويكونو مستورين ومحترمين عيب ولا كفاه ؟؟؟

:regards01:​

​

 

[لآ شَيْـئَ مُهـمْ]

السلام علييكم و رحمة الله و بركاته
همم موضوع شباب ، صحيتي
عذر اقبح من ذنب ، هو جيه مليحة مين يروح مع صحابو يبحرو و يشوفو بصح باه يدي معاه لافامي لا
اذا يخاف على الرجلة نتاعو كثر ربي لي بلاج نتاع لافامي ، يروح ليهم واحد ما يدور بيه ، كل واحد لاهي في روحو
و زيد يلا يغير صح ، يخلي اختو ولا مرتو تعوم بخيمارها ، و لبسها مستور ، راهم قاع يعومو هك
مي لالا ، هوم يحبو غي روحهم ، و المراة اقعدي فالدار اغسلي و ظيبي و نقي و بلعي فمك
ربي يهدينا
​

 

[فارس الروح]

المشكل ليس في الذهاب للبحر ام من عدمه

المشكل انا البحر مليان ناس مش متربية انعدمت الاخلاق
متلقايش الحشمة ولا واحد يمشو مع عائلته يحشم من امور الفساد والعري اللي فيه


لكن هناك اماكن في الشواطئ للعائلات المحترمة يقدر يروحلها

نورمال
موضوع جدير
بالمناقشة


​

 

[علياء الجلفاوية]

عندك الحق يا اختي مراكيش غالطة ها ذ الوقت الرجال يعرفو كلش حلال على النساء نتاوعهم وخوتاتو كلش حرام ربي يهدي ما خلق

 

[red rose]

الاعضاء كفاو و وفاو