صلصة الطماطم اذا امكن تساعدوني

[touta04]

السلام على الجميع انا مبتدئة بالطبخ را ابي هذي الايام طماطم بزاف و حبيت نديرها صلصة للاستعمال باه متفسدش نشاء الله تساعدوني حبيت طريقة كليحة و بنينة هه و قولولي وصفات نعملهم بيها
اجركم على الله و ربي يباركلكم في امهاتكم و اولادكم

 

[Ĉoĕǔŕ Dề Ḟľeuŗ]

وعليكم السلام
ضلضة الطماطم
اطهي الطماطم بالبخار من بعد طحنيها في الرحيوة من بعد في مقلة ديري شوية زيت ثوم مسحوق ورند وزعيترة وفلفل اسود وملح حمسيهم مليح وزيديلهم الماء من بعد زيديلهم هاديك الطماطم لي طحنتيها وزيديلها شوية طماطم مضبرة حركي عاى نار هادىة حتى ننحصلي على صلصة عاقدة

 

[touta04]

وعليكم السلام
ضلضة الطماطم
اطهي الطماطم بالبخار من بعد طحنيها في الرحيوة من بعد في مقلة ديري شوية زيت ثوم مسحوق ورند وزعيترة وفلفل اسود وملح حمسيهم مليح وزيديلهم الماء من بعد زيديلهم هاديك الطماطم لي طحنتيها وزيديلها شوية طماطم مضبرة حركي عاى نار هادىة حتى ننحصلي على صلصة عاقدة

شكراااااااااااااااااااااااااا اختي ربي يحفضك:up::up::up:

 

[ندى الورود]

الصلصة اللي حطتهالك الاختĈoĕǔŕ Dề Ḟľeuŗ
تليق للمقرون والبيتزا هي تقريبا نفس طريقتي بصح انا منحطلهاش الماء ونزيد في صلصة البيتزا زعتر وحبق يابس
تجي تهبل وننصحك ديريها بزيت الزيتون تجي بنينة خير من الزيت العادي وخبيها في المجمد
وهاذي الصلصة للأكل كيما المراقي والشخشوخة ما تليقش كيما قلتلك للمقرون والبيتزا برك ولا كاش غراتان

​

 

[jijo7]

سلام ختي طوطة انا تقولك على طريقة تعلمتها من التلفاز وهي مليحة جربتها ودايما نعملها للبيتزا نجيب الطماطم لي عندي ديفوا توصل كيلو ولا رطل المهم وتكون طايبة شوي يعني مهيش شادة روحها (باسكو لي شادة روحها نغسلها ومحطها في الكونجيلاتوغ نهار نحب نعمل شكشوكة وما عنديش طماطم نخرجها) المهم نجيب الطماطم نشقها من الفوق على 4مي نخليهم لاصقين ومن بعد نحطهم يطبخو في الماء 1/2سا الماء حطي قد لي غطي الطماطم كي تتفلق نقصي النار وحطي الملح والزيت او زيت الزيتون تجي بنينة وفلفل اسود وثوم وخلاص ومن بعد ارحيها بالميكسور وخليها شوي تعقد وتقدري دسيها في الكونجيلاتوغ وكاين توابل(نعناع اليابس والكسبر وزعتر ) هادو تزيدمه يعطو بنة مي اذا درتيهم ودسيتيهم في لاقلاص تولي فيها ذوق شين فهمتي يعني اخدميها ودسيه ومن بعد كي تجي تخدمي بيها سخنيها وزيدسلها هذوك التوابل