هل الفقر عيب

[مشكلتي]

انقل ما قالته صديقتي .دائما تتردد على شفتي ولاكن لم اقدر ان اقول لا انا اعيش في عائلة متوسطة ماديا ولاكن عندما تعرفت على اصدقاء اغنياء لم استطع ان اقول انا فقيرة وخاصة الشاب الذي كان معجب بي فكذبت وقلت اني غنية وابي له ثروات لانه هو غني جدا والان يود خطبتي ماذا افعل ارجوكم ساعدوني انا احترق

 

[روز]

بسم الله

الفقر ليس عيبا العيب حين نكذب
أفضل شيء تصارحينه بالحقيقة ولو لم تكن عندك الجرأة اكتبي له كل شيء في رسالة
إن كان يحبك فعلا سيتقبلك كما انت
لكن ادعي الله أن يغفر لك كذبكِ عليه لأن هذا ليس تصرف لائق

تمت الموافقة
​

 

[السلطانة]

الفقر عمرو لاكان عيب
لكن الكذب أكبر عيب !
انتي كذبتي عليه في اول حاجة لي كان عليك تقولي فيها الصدق
درك جربي تعترفيلو
ادا قنع زينة وماباهي وادا لا ربي يسهلك

 

[ام@الاء]

سلام الله اخية
شوفي كا قالولك الاخوة الفقر عمرو مكان عيب
الكذب هو لعيب لكبير
انا ننصحك انك تعترفيلو واصلا هو حبك انتي ماش دراهمك؟
ادعي لربي انو يغفرلك اول حاجة وتوكلي عليه
و اعترفي اختي متخافيش لانو اذا حبك انتي راح يبقى معاك
بالتوفيق
​

 

[بحجابي افتخر]

ما لقيت مانقولك بعد الكلام الي قالوهلك
انا رايي من رايهم
اعترفي
ادا حبك انتي يتفهمك
وادا حب دراهمك انني اصلا ماعندك ماديري بواحد طماع

الله يجيبلك الي فيه الخير ويرزقك بالزوج الصالح سواءا هو او غيره

 

[هدوء المطر]

العيب الحقيقي ليس فقر المال بل العيب فقر العلم والأخلاق
أما بخصوص الشاب الذي يود خطبتك فمن المستحسن مصارحته فإن تقدم لخطبتك اللهم بارك وإن لم يتقدم فاعلمي أنه لا يحبك بل كان يطمع في مالك ليس إلا...!
في أمان الله.

 

[أم راضية ~_]

السلام عليكم
بالعكس يا اختي الفقر هو اكبر امتحان يبين نوايا الناس اتجاهنا
ادا كان الفقير ما يحشمش لكونو فقير ومحتاج و راسو مرفوع وحامد ربي وصابر هادا الشي يخليه يعرف معادن الناس
ونواياهم
والي حبك وهو يعرف بلي نتي فقيرة ماشي كيما الي يحبك وهو حاسبك غنية ..
يا اختي الفقر ماهوش عيب ,, العيب فالناس الي يحشمو بيه والناس الي تطيح بالناس على جالو ويحتقروهم
العيب منهم ...​

 

[اسيل عاصمية]

اكبر خطا انك كذبت عليه

 

[ماكانش]

أولا هذا حاب يخطبك على جال المال تاعكم(كيما تبالو وكذبتي عليه)
أنا لو تقلي وحدة عندا الصوارد والمال والدراهم وتحكيلي على الدراهم نجبد روحي ...
ثانيا :
الإنسان لازم يعيش بشخصية عادية ومايكلفش روحو ومايتقمصش شخصية خاطياتو باه مايمرضش نفسيا والفقر والبساطة مايش عيب أبدا العيب الإنسان يكون مايسواش ويكذب ومريض نفسي ومحطم ...
خليهم يعرفوك كيما راكي نتي وعادي ادا ماعجبهمش الحال أحمدي ربي ليل نهار لأنهم يحبو المادة والمال فقط ...

ونحي من بالك المال ومالال باه ماتتعقديش راكي عادي وكيما 60 بلالمية من الجزائرييين وخير من 40 فالمية منهم مادامك تكونيكتي وعندك النترنت فالدار ورحمة ربي ........

​

 

[شاعرة المستقبل]

تخيلتك فريحة

صارحيه وهني روحك اذا مكتوبك رح يجي
اذا لا ربي يديه

 

[fugi]

أولا هذا حاب يخطبك على جال المال تاعكم(كيما تبالو وكذبتي عليه)
أنا لو تقلي وحدة عندا الصوارد والمال والدراهم وتحكيلي على الدراهم نجبد روحي ...
ثانيا :
الإنسان لازم يعيش بشخصية عادية ومايكلفش روحو ومايتقمصش شخصية خاطياتو باه مايمرضش نفسيا والفقر والبساطة مايش عيب أبدا العيب الإنسان يكون مايسواش ويكذب ومريض نفسي ومحطم ...
خليهم يعرفوك كيما راكي نتي وعادي ادا ماعجبهمش الحال أحمدي ربي ليل نهار لأنهم يحبو المادة والمال فقط ...

ونحي من بالك المال ومالال باه ماتتعقديش راكي عادي وكيما 60 بلالمية من الجزائرييين وخير من 40 فالمية منهم مادامك تكونيكتي وعندك النترنت فالدار ورحمة ربي ........

​

كيما قال خونا ماكانش :up:

 

[Hakan]

يااختي انت لست فقيرة اولا ومع ذالك تقولين هل الفقر عيب الم تدركي بعد انه على هذه الارض الطاهرة يوجد من لايملك لقمة عيش او دواء او ماوى ومع ذالك فاننا حينما نراهم فاننا نجدهم اعنى الناس بيض الوجوه جميلو الابتسامة لا تفارق السعادة شفاههم والراجل الي يحب المراة من اجل مالها فاحذريه وديجا اصلا هل المال مالك حتى تقولي انك غنية يعني اذا كان المال مال ابوك مالا غير روحي بدلي التصنيف لانو هو حاب يتجوز ابيك ماشي نات والاخير من عاب فقره عاب عمره ودهره السلام عليكم
​

 

[**laila**]

أجمل شيء عزيزتي ان يحبك لذاتكي انتي لا لانكي (غنية)

صارحيه و اعتذري عن خطأك فإذا كان يحبك سيبقى معك ..

بالتوفيق

 

[ازهار الربيع]

اختي الفقر عمرو لكان عيب
العيب الشيء اللي نخالفو فيه الاصل
شحال من واحد كانت عندو ثروات ويصبح بلا شيء
وكم من فقير كان معندو والو وبعد مدة الحمد لله
انتيا غلطي كيما كذبتي صارحيه بكل شيء وفهميه بلي انت كنت مضطرة للكذب وبلي ما تعاوديش بويسك كاين اللي قول اللي كذب مرة يكذب مرااااااااات ؟
اعرفي كيفاش تثبتي هذا الشيء
موفقة باذن الله

 

[اوراق الصييف]

بسم الله

الفقر ليس عيبا العيب حين نكذب
أفضل شيء تصارحينه بالحقيقة ولو لم تكن عندك الجرأة اكتبي له كل شيء في رسالة
إن كان يحبك فعلا سيتقبلك كما انت
لكن ادعي الله أن يغفر لك كذبكِ عليه لأن هذا ليس تصرف لائق

تمت الموافقة



روز

 

[حكاية قمر]

الفقر عمرو ماكان عيب ولكن الثراء الفاحش وتبذير الأموال وصرفها هو لي عيب
والسرقة واختلاس هو لي عيب
اما لي عايش قد حالو وقانع وحامد ربي هو لانسان لي صح غني
ماغداياش نلومك على ادعاءك الثراء انما على عدم قناعتك بما اعطاك الله من رزق
حبيبتي لازم تصارحيه وتخبريه ويبغيك بكامل صفاتك وحالتك الاجتماعية
وعيشي وراسك مرفووع وماتخليش وسخ الدنيا يأثر عليك لانو دراهم تروح وتجي
​

 

[mina12]

جامي كان الفقر عيب اكرم الخلق الرسول صلى الله عليه و سلم كان فقير من ابشع الصفات الكدب حاولي انك تصارحيه بالحقيفة و ادا كان يحبك تاع الصح راح يتغاضا على كلش​

 

[♫الباحثة عن الحظ♫]

سلام اختي
صح في اول فهمتك اعلاه قلتي هكا لكن انت راكي من عائلة متوسطة
يعني مش فقيرة وكل الجزائريين راهم هكا
اي السيد هذا حاب يخطبك كاينة حاجة وحدة
تخبريه الحقيقة والا صح ناويك راح يتقبل بصورة عادية
لان حاب يكمل حياته معاك
مش مع مال ابوك
هو راح يديك على اخلاقك وتربيتك مش على مالك
انت رايحة تعيشي معاه مش هو الي راح يعيش في داركم
يعني نورمالمو مش حاجة الي تاثر الا اذا كانوا ناس تاع مظاهر ويحبو يقولو عروستنا عندهم وعندهم وغير ذلك مكانش انت راك بنت عائلة و متربية
لازم تفخري بروحك وبوالديك و ابوك الا دخله على قد حاله راه راجل
لان عايش بقسمة ربي و كبركم عادي
وربي يجيبلك الخير
​

 

[djihane_obey]

ليس من العيب اعترافك بانك فقير ... لكن العيب عندما تكذب لتخفي لامر

 

[BiG JoE]

لعيب كيما نكذبو يا مادوموازاال ماشي عيب تكوني متوسطة أو فقيرة ماديا
الفقر فقر الأخلاق
ربي يهدينا ​