ححااابة نموت و نتهنا

[jojo chawiya]

سلااام
قلبي تعمر و ما لقيتش لمن نحكي ماما نحااول نظهر قدامها قوية باااه ما نقلقهااش لكن في الحقيقة راني منهاااااااااارة و كارهة حيااتي
مرانيش نشكر في روحي لكن الحمد لله انا فتاة 20 سنة يقولو بلي راني اية في الجماال و لي يشوفني نعجبو من اول مرة و مثقفة بمستوى عااالي و من عائلة طيبة و فوق من هادا جامي عرفت واحد فحياتي
مند سنتين خطبوني 9 منهم 5 من لافامي و انا رفضتهم كاامل الشي لي خلق عداوة بينا و بين عمامي و خوالي
و قبلت بواحد عمرو35 سنة جرااح شاافني صدفة في المستشفى سال عليا و خطبني
هادا خطيبي عاانيت معااه من سنتين غيرتو الزائدة مايخلينيش نخرج من الداار حتى لزيارة بيت اختي و يتعارك مع اي وااحد يشوف معايا يقلي نمووت كي وااحد يشوف معااك
المهم سنتين تعقدت فيهم حاااسة بروحي وليت اسيرة نفسيتو المريضة مع دلك تحملتو و درتلو رااايو في كلشي حتى الخدمة تفاهمنا نحبسها و Lcompte facebook تاعي داهالي
مند شهرين دخل زميلي في الجامعة كتبلي كومونتاااار مبروك التخرج خطيبي قيم الدنيا و قااالي مراكيش متربيا و قعد شهر ماحكااش معايا و انا نبكي كي البهلولة و نقلو اسمحلي مع انو الدنب خاطي دنبي في هادي المدة حتى باه يسقسي عليا ماسقساش
و بعد شهر عيطلي قااالي راااكي طاالق لانو دايرين الفاتحة انا قتلو ربي يسهلك قااالي واشبيك ما تاثرتييييش راااكي سيير تفاهمتي مع زميلك ديرو هكا بااه نطلقك انا و هوا يزوجك

المهم بعد انتهااء هدا الكاابوس حااسة بروحي مدمرة هو انسااان مريض نفسيا و انا الان حااسة بروحي مريضة مارانيش قادرة نخرج من الشرنقة لي كان معيشني فيها
من شهرين للااان ماقدرتش نصارح حتى وااحد بلي راه خلاااني و يججو بزااف حاابين يخطبونيي و يقولولهم دداارنا راهي مخطووبة معلابلهمش بلي صااار
اسفة على الاطاالة لكن و الله ما لقيتش وين نفرغ قلبيي

 

[jojo chawiya]

وين الردوووود’’’’’

 

[fugi]

ياختي هدري مع داركم وقوليلهم بلي خلاص تفارقتي وفسختو الخطوبة

اما السيد هادا نورمالمون راهو ربي هناك منو على حساب هدرتك

والغيرة راهي مليحة مي باش توصل للشك !!

ان شاء الله نسمعو عليك اخبار مليحة ..

 

[Hakan]

واش نقلك اختي مشكلتك عويصة لكن فقط اعلمي شيئا واحدا ان الله سبحانه قد رعاك بحفظه وسيبدلك خيرا من ما ذهب انت الان يجب عليك ان تكوني في قمة السعادة لانك تخلصت من مشكل كان يؤرق نومك وسعادتك واعلمي ان موضوع الزواج قدر لا محالة فلن تزوجو حتى يزوج الله او كما قال الحبيب عليه الصلاة والسلام فالزواج قدر ونصيب اما من ناحيته هو فاظنه انسان يفتقر الى حسن معاملة المراة لانه لوكان يدرك قيمتها لم يجعلك عبدة لاموامره ونواهيه فيجزرك عن هذا وينهاك عن هذا ومن ناحية رفضه حسابك في الفايسبوك فاضن ان عنده من الحق والصواب لدرجة بعيدة فالفايسبوك اصبح الان مدعاة لجلب المشاكل الاسرية لكن طريقة نهيه عنها لم تكن صائبة وتعليل السبب لم يكن جيدا وفي الاخير انا نقلك حاجة اديها من عند خوك يااختي كونك حابة تموتي فهذا شيء صعب جدا لان تمني الموت لضر او هم فهو كفر كما هو معلوم ولا تعتقدي انك تعيشين هذه الحياة وحدك فهناك من يتنفس انفاسك ويسعى لسعادتك وان يرى البسمة على ثغرك الم تفكري في والديك الم تفاكري في اخوتك وصديقاتك هل ان تملكين هذه الحياة وتستطعين ان تتصرفي فيها كما يحلو لك لا ولا لانك محاطة باحباب يهمهم امرك ويسعون الى ارضائك وانا اتمنى لك حياة طيبة واشغلي نفسك بذكر الله والتامل لان مسئلة الموت صعبة وكما نعلم جميعا فخيرنا لا يعرف مكانه في الدار الاخرة بل واغلبون موقنون بانهم في العذاب سائرون ولكن حسن الظن بالله وعدم القنوط من رحمته هو ما يجعلنا نطمئن ونسعد نصيحة من اخوك حكيم ........... الحياة طيبة حينما نعيشها من اجل من يحبنا الحياة طيبة حينما نملك هدفا فيها نطلب الحياة كلها لتحقيقه فاجعلي لنفسك هدفا تعيشين لاجله ولن تهتز سعادتك وارادتك بالحياة شبرا السلام عليكم
​

 

[(sarra)]

و عليكم السلام

هاذ الانسان يبان صعيب شوي و راح تسوفري معاه في حياتك و ربي هناك منو . مانقولكش حاجة ساهلة بصح هاذي حال كل انسان كل واحد عندو مشاكل في مجال ما ، يا ختي ما عليك غير الصبر و تحمدي ربي على كل حال و يدما شوفي للناس لتحتك " هكذا و لا كثر" حاولي تنساي و ابداي صفحة جديدة ( و تأكدي الزمن كفيل بالنسيان) و في النهاية نقولك ربي يكون معاك و نتمنالك التوفيق ان شاء الله ربي يسعدك و يسعد كل المومنين دنيا و آخرة

 

[jojo chawiya]

شكرا لكل من رد او مر بالموضوع

 

[روعة الاخلاق]

صارحي اهلك و عسى ان تكرهو شيئا و هو خير لكم

 

[bilal22]

تهنيتي منو درك خير من بعد ما تتزوجي وتحصلي فيه ساعتها الطلاق مش ساهل

وعدي ختي هاديهي الدنيا وربي ما فيه غير لخيير
وزيد كيما راكي تقولي نورمال راه يجيبلك ربي غيرو بزاااف مدامك تقولي راه يجو لخطابه وساعتها خيري لي يعجبك
بلاك طييحي في لي يفهمك ويهنيك

ربي يسهلك ختي
وامر كيما هادا ميحيركش نورمالمو يفرحك ويريحك

​

 

[jojo chawiya]

تهنيتي منو درك خير من بعد ما تتزوجي وتحصلي فيه ساعتها الطلاق مش ساهل

وعدي ختي هاديهي الدنيا وربي ما فيه غير لخيير
وزيد كيما راكي تقولي نورمال راه يجيبلك ربي غيرو بزاااف مدامك تقولي راه يجو لخطابه وساعتها خيري لي يعجبك
بلاك طييحي في لي يفهمك ويهنيك

ربي يسهلك ختي
وامر كيما هادا ميحيركش نورمالمو يفرحك ويريحك

​

بارك الله فيك اخي

مارانيش حاابة نتخطب درك حتى 5 ولا 6 سنين اخرين حاابة نرتااح و ترجع نفسيتي كيما كنت قبل ما نعرف هادا الشخص

شكرا لكل من رد على الموضوع

 

[*amina*]

السلام عليكم4يا اختي لازم تخبري داركم هكدا باش ترتاحي وتشوفي طريقك
الطريق محبستش عندو شوفي حياتك وربما هدا الشي خير ليك قبل الزواج
يعني كون تزوج بيك وصرالك هكدا بعد الزواج كون تدمرتي اكثر
ربي يسهلك اختي

 

[jojo chawiya]

السلام عليكم4يا اختي لازم تخبري داركم هكدا باش ترتاحي وتشوفي طريقك
الطريق محبستش عندو شوفي حياتك وربما هدا الشي خير ليك قبل الزواج
يعني كون تزوج بيك وصرالك هكدا بعد الزواج كون تدمرتي اكثر
ربي يسهلك اختي

merci okhti

yhabal hada l bogoss li fi taw9i3 ta3eeeeeeeek

 

[7anin el 9ods]

سلااام
قلبي تعمر و ما لقيتش لمن نحكي ماما نحااول نظهر قدامها قوية باااه ما نقلقهااش لكن في الحقيقة راني منهاااااااااارة و كارهة حيااتي
مرانيش نشكر في روحي لكن الحمد لله انا فتاة 20 سنة يقولو بلي راني اية في الجماال و لي يشوفني نعجبو من اول مرة و مثقفة بمستوى عااالي و من عائلة طيبة و فوق من هادا جامي عرفت واحد فحياتي
مند سنتين خطبوني 9 منهم 5 من لافامي و انا رفضتهم كاامل الشي لي خلق عداوة بينا و بين عمامي و خوالي
و قبلت بواحد عمرو35 سنة جرااح شاافني صدفة في المستشفى سال عليا و خطبني
هادا خطيبي عاانيت معااه من سنتين غيرتو الزائدة مايخلينيش نخرج من الداار حتى لزيارة بيت اختي و يتعارك مع اي وااحد يشوف معايا يقلي نمووت كي وااحد يشوف معااك
المهم سنتين تعقدت فيهم حاااسة بروحي وليت اسيرة نفسيتو المريضة مع دلك تحملتو و درتلو رااايو في كلشي حتى الخدمة تفاهمنا نحبسها و Lcompte facebook تاعي داهالي
مند شهرين دخل زميلي في الجامعة كتبلي كومونتاااار مبروك التخرج خطيبي قيم الدنيا و قااالي مراكيش متربيا و قعد شهر ماحكااش معايا و انا نبكي كي البهلولة و نقلو اسمحلي مع انو الدنب خاطي دنبي في هادي المدة حتى باه يسقسي عليا ماسقساش
و بعد شهر عيطلي قااالي راااكي طاالق لانو دايرين الفاتحة انا قتلو ربي يسهلك قااالي واشبيك ما تاثرتييييش راااكي سيير تفاهمتي مع زميلك ديرو هكا بااه نطلقك انا و هوا يزوجك

المهم بعد انتهااء هدا الكاابوس حااسة بروحي مدمرة هو انسااان مريض نفسيا و انا الان حااسة بروحي مريضة مارانيش قادرة نخرج من الشرنقة لي كان معيشني فيها
من شهرين للااان ماقدرتش نصارح حتى وااحد بلي راه خلاااني و يججو بزااف حاابين يخطبونيي و يقولولهم دداارنا راهي مخطووبة معلابلهمش بلي صااار
اسفة على الاطاالة لكن و الله ما لقيتش وين نفرغ قلبيي

اختي ممكن نحكو على الرسايل الخاصة

 

[jojo chawiya]

اختي ممكن نحكو على الرسايل الخاصة

*



okk bien suuur

 

[jojo chawiya]

okhti am 9aloli mata9driiich tba3ti msg psk je suis nouvelle dans ce forum
jte laisse mon facebook
https://www.facebook.com/o0Julliette0o

 

[منايا الجنة]

اختي ماتتمنايس الموت على جال لعباد كيما خطيبك السابق ربي شافو ماهوش خير ليك باعدو عليك استغفري و صلي و اقراي شويا قرآن باش ترتاح نفسيتك اكثر هدا راي
ربي يعوضك باحسن امور في حياتك و يسهلك
سلام

 

[المخلصة لله]

صارحي اهلك بالشي اللي صار
وربي يدير الخير

 

[ياقوتة الصحراء]

علاه تموتي وردة كي انتي وفي عمرك المفروض راكي زاهية ومازالكي صغيرة
حاولي تنسايه وقولي الحمد لله لي تهنيتي منو هذا واحد مايستاهلكش ابدا
بصح لازم تقولي لاهلك بلي طلقك لازم
ربي يسهلك اختي ويرزقك لي خير منو

 

[بنت الـ25]

السلام عليكم ورحمة الله تعالى وبركاته
اختي قريت مشكلتك وتأثرت بزاف
اسمحيلي نقلك بلي هاد السيد خطيبك موسوس ومشكاك بزاف وربي شاف ليك كي تفكيتي منو دوكا قبل ما يعقد عليك ولا تتزوجو
وإلا كانت الضربة أقوى
المهم اسمحيلي نقلك بلي هادا ماهوش راجل
نهار جى يخطب لم الرجال وجى دوكا تاني يكون راجل ويلم الرجالة ويجي يفسخ
ما يخليكش هكدا معلقة
وانتي راكي غلطتي كي ما هدرتيش
صارحي أهلك قوليلهم او بطل ولا حاب فسخ خليهم يشوفولك حل خلي الرجال تتفاهم معاه
وننصحك انساي وارمي ورا ظهرك وما تتقوقعيش على نفسك
ونتمنى تكون هادي تجربة استفادي منها فالمستقبل
وان شاء الله يكون اختيارك المستقبلي أفضل واعرفي وين تحطي رجليك
الراجل صح يغير مي الغيرة معقولة غيرة الحب مش الشك
وربي يقدم اللي فيه الخير
​

 

[largo19]

للأسف ٫٫ هاذي الحالة تتكرّر بزّاف في المجتمع تاعنا ٫٫على خاطر كثرت الضغوط النّفسية و كثروا معاها المرضى النفسيين٫٫٫٫ الغلطة ماشي تاعك ٫٫ هو الغالط طبعا و لوكان ما شافش روحو غالط كان كلّم أهلك في قضيّة الطلاق ٫٫٫٫ ما تقلقيش روحك اختي (و عسى أن تكرهوا شيئا و خير لكم) ٫٫ توكّلي على الله و ابني حياتك المستقبلية على أخطائك في العلاقة الأولى

غلطتي بزّاف ٫٫٫ أوّلا غلطتي كي قبلتي تكوني أسيرة لخطيبك اللي تعدّى حدودو

غلطتي كي طوّلتي مدّة الخطوبة

غلطتي كي ما حبستيهش عند حدّو ٫٫٫٫ مهما كانت صفة الإنسان لكن هناك حدود لازم ما يفوتهاش ٫٫ و انتي خلّيتيه يتجاوز حدودو

ما تفكريش في الماضي اختي ٫٫ و توكلى على الله و كملي حياتك يعوضك الله عز و جل وليد الحلال ٫٫٫ فكري في الجانب الإيجابي من قصتك ٫٫ أوّلا نجّاك الله عز و جل من جحيم العيش مع إنسان مرص نفسيا ٫٫ ثانيا راكي عرفتي أشيء تساعد في حياتك ما كنتيش عارفتها من قبل و كنتي نيّة بزّاف و بهلولة كيما قلتي ٫٫٫٫ ربّي يوفقك اختي

 

[التائب الخاشع]

من ترك شياء لله عوضه الله خيرا منه
اصبري على المحنة الي رااكي فيها فهذا امتحاان ليك يحب ربي يشوف نفسيتك والتجإ اليه فهو القاادر والررزاق والدعاء سلاح المؤمن تحيااتي ليك سلامو .......​