فهموني تعيشو

[مشكلتي]

سلام
اليوم اول مرة في حياتي ندرس فيها عطاوني المستويات الثلاثة 3, 4, 5
مع العلم اني خريجة المدرسة العليا للاساتدة و جد متمكنة من اللغة
المهم تعينت في دوااار التلاميد ميعرفوش حتى الحروف حتى السنة خامسة ميعرفوش الحروف و انا كنت ندير في الستاج في ارقى حي بقسنطينة
المدير فننيان طلبت منو قائمة التلاميد و دليل الاستاد و الوثائق الادارية رد عليا بالحرف الوااحد ""مازال مخدمناش والو روحي وين تلقي قسم مافيهش استاد ادخلي انت قريه"""""""المدرسة مافيهاش خزائن مالقيتش وين نحط الكراسات

المهم انا دخلت متحمسة و حااابة نقري لكن هبطلي المورااااااااااال ديجا دخلت للقسم هابطلي المورااااال
و فوق منها مقدرتش نتحكم في القسم انا نضرب فيهم باه يسكتو و هما يضحكو و يقولولي زيدينا

يا خاوتي قولولي هل لي نمر بيه شيء عااادي و يمر بيه اي استاد في بداية مشواره ولا انا لي استااادة فاااااااااااشلة’?

و هل ممكن سني 20 له دور في انهم حقروني’
و هندامي هل له دور ? لاني لابسة سروال و فاست جينز ??????
قولولي تعيشو راني خممت نبطل

 

[راضية حامدة]

تم الاعتماد

اي استاذ يعيش حالة الاحباط هاذي لما يكون متحمس و يلقى الجو مش لي كان ينتظرو و انا شخصيا نعرف هذا الاحساس جيدا بصفتي استاذة منذ ما يزيد عن 9 سنوات
لكن نقولك سر يا اختي اذا عرفتيه رح تتحداي كل الصعاب و رح تخلي بصمة وين تروحي

احبي عملك
و ما تستنايش تكملي عمل لي سبقوك
ما تقوليش تلاميذ كبار و ما يعرفوش الحروف
بما انهم كذلك يالله شمري على يديك و اعملي مذكرات خاصة بهم
لازم تخلي فرق بين كي ما كنتيش معاهم و كي وليتي معاهم

صدقيني ماكانش كيما الاستاذ
عندنا اليتيم لي معاه الصدقات و الحسنات في البسمة و اللمسة ووو فمابالك بعلم تمديهولو
عندنا الفقراء و المعوزين مش محتاجين الا اهتمام و حنان و توعية باش نخرجوهم من الحالة لي يكونو فيها خاصة النفسية
عندنا اولاد المطلقين
اولاد الاثرياء نعلموهم انه الدنيا مش بالمال فقط
اولاد القيادات و ممثلي السلطات نعلموهم التواضع و كيفاش يحسو بالاخرين

خاصة اذا كنت استاذة في الابتدائي
اه شحال نغبطهم و نتمنى لو جاتني فرصة في الابتدائي


رسالتنا مش علم فقط يا اختي
رسالتنا اخلاق و سلوك و تفكير و انشاء جيل جديد واعي و راقي
الطفل ورقة بيضاء حنا نكتبو عليه وش نحبو مهما كانت حالتو الاجتماعية

فكرتيني في نفسي
عملت التكوين في الخارج في اللغة الفرنسية
و درست في ENS بوزريعة انجليزية و عملت التكوين في ارقى احياء العاصمة في الابيار تحديدا
و بعد سنة من تعييني حولوني لقرية نائية عملت فيها خمس سنوات
قرية اخر اهتماماتهم هي اللغات الاجنبية تلاميذ و اولياء

لكن صدقيني لما حولت لمؤسسة اخرى بعد خمس سنوات خرجت و انا نبكي و تلاميذي و اولياءهم بكاو كعايا
عطاوني بزاف حب و ثقة و احترام
و ابدا ما ننساهمش
و لحد الان يزوروني تلاميذي لي درستهم هناك
و الاجمل من هذا كله حملو مني ثقافة تعلم اللغات و اصبحو اكثر اهتمام بهم
و الحمد لله الارقام تتكلم و في اخر سنة تحصلت على الرتبة 17 من بين 87 مؤسسة في الولاية بهاذو التلاميذ لي كي دخلت اول مرة ما لقيتش منين نبدا
لكن الحمد لله حبيتهم و حبيت نعاونهم مهما كان الثمن و الحمد لله ربي قدرني و حققت هدفي و عندي تلاميذ منهم راحو بعيد في اللغات و الحمد لله
و منذ خروجي من عندهم اصبحت من اشهر الاساتذة في الولاية
عملولي تكريمات في المؤسسة و الولاية وكثير من الشخصيات و الحمد لله رغم اني ما كنتش نحلم بكل هذا

خوذي تجربتي يا اختي
و اعرفي فقط انك عندك فرصة لا تقدر بثمن باش تحققي ذات و تباني و تبان نيتك في العمل
ابداي بالعقل بالعقل و ما تستنايش الناس اذا تحركت باش تتحركي
اتصلي بزملاء و اصدقاء
و النت فيه العجب استعملي اي حاجة تعجبك و ما تقوليش مستحيل
كل شي ممكن
و خلي النتائج هي لي تهدر عليك
رح تتعبي اكيد لكن صدقيني ربي سبحانو ما يضيعش تعبك هكا

اتوكلي على ربي و فكري في خطة عمل تنقذي بيها عدد من تلاميذك
اعطيهم حب و احترام و رح يفاجؤوك بمالن تتخيليه ابدا

و اذا احتجت اي مساعدة رانا في الخدمة
بالتوفيق و ربي يسدد خطاك

 

[ماكانش]

.
.
.
مع العلم اني خريجة المدرسة العليا للاساتدة و جد متمكنة من اللغة
.
.
.

و هل ممكن سني 20 له دور في انهم حقروني’

وعلاه تكذبو وتخرطو علينا هك ؟؟؟؟؟؟
خريجة المدرسة العليا للأساتذة وفي عمرك 20 سنة ؟؟؟؟ لاحول ولاقوة الا بالله
احشموا على رواحكم شوي
يعني دخلتي للجامعة وعمرك 15 سنة ؟؟ لأن الدراسة في المدرسة العليا 5 سنين ؟؟ هذا كي مانحسبوش السطاج في ارقى حي قسنطينة ...
احشموا على رواحكم
​

 

[راضية حامدة]

خويا ماكانش
المدرسة العليا للاساتذة فيها تخصصات حسب الاطوار
3 سنوات للطور الابتدائي
4للطور المتوسط
و 5 للطور الثانوي
و الاخت ممكن يكون عمرها فايت العشرين باشهر اي 21 و هذا عادي جدا لانها من كلامها قهمت انها تدرس في الابتدائي

حنا ما نقدروش نكذبو كل الناس
و نحسن الظن بهم
و اذا كانو صادقين ليهم و اذا كذبو عليهم
و حنا فقط ننصحو حسب الحالة فقط

بارك الله فيك ربي يحفظك

 

[آمِيْرَتُه]

خويا ماكانش
المدرسة العليا للاساتذة فيها تخصصات حسب الاطوار
3 سنوات للطور الابتدائي
4للطور المتوسط
و 5 للطور الثانوي
و الاخت ممكن يكون عمرها فايت العشرين باشهر اي 21 و هذا عادي جدا لانها من كلامها قهمت انها تدرس في الابتدائي

حنا ما نقدروش نكذبو كل الناس
و نحسن الظن بهم
و اذا كانو صادقين ليهم و اذا كذبو عليهم
و حنا فقط ننصحو حسب الحالة فقط

بارك الله فيك ربي يحفظك

السلام عليك
حتى و تكون دخلت مولات 5 سنوات مازال راهي تقرى
و ما فهمت تقول الابتدائي منبعد تقول القسم لي مفيهش استاذ دخلي قريه
حكاية تحبس الشهية ههه مفهمتهاش

 

[ماكانش]

خويا ماكانش
المدرسة العليا للاساتذة فيها تخصصات حسب الاطوار
3 سنوات للطور الابتدائي
4للطور المتوسط
و 5 للطور الثانوي
و الاخت ممكن يكون عمرها فايت العشرين باشهر اي 21 و هذا عادي جدا لانها من كلامها قهمت انها تدرس في الابتدائي

حنا ما نقدروش نكذبو كل الناس
و نحسن الظن بهم
و اذا كانو صادقين ليهم و اذا كذبو عليهم
و حنا فقط ننصحو حسب الحالة فقط

بارك الله فيك ربي يحفظك

هي قالت 20 وماقالتش 21 هذا أولا
ثم لو كانت الدراسة 3 سنين راهي كملت جويلية 2014 دراستها فأين الستاج ألي داراتو ؟؟؟؟ ولا داراتو في رمضان واوت فلابلاج تاع الفيلالي في قسنطينة ؟؟؟
​

 

[ديسق]

السلام عليكم ورحمة الله وبركاته

تحية طيبة وبعد .. أعتقد بأن مشكلتك تكمن في الشخصية، حيث أنكِ ربما لم تكوني جادة في أول حصة لك
"تعارف، مزاحف، ضحك،.." وهذا ما يدفع الاطفال الصغار الى عدم احترام الشخص المقابل بكونه غير جدي
وغير صارم، الجدية والصرامة هي التي تدفع الأطفال الى الاحترام المتبادل، والخوف من الأخطاء، وهذا
ما يدخل في نطاق لغة الجسد وهناك مواضيع في النت كثيرة حول هذا الموضوع.

أما بخصوص مستوى التلاميذ فهذا هو واقعهم في القرى، فلا يوجد هناك اي اهتمام بالدراسة وخاصة اللغة
الفرنسية، فعليك بالصبر والتعب والاجتهاد أكثر لكي تقومي بأداء رسالتك على أكمل وجه، وان لم تكوني مرتاحة
في هذه المدرسة حاولي أن تنتقلي لمدرسة اخرى.

بشأن قضية العمر، ربما هو خطأ غير مقصود من طرف الاخت، ولم تقم بمراجعة ما كتبته، والله اعلم.

وبالتوفيق للجميع ان شاء الله
​

 

[lina-67]

السلام عليكم اخواني حبيت فقط نقول للاخ ماكانش ربما الاخت راهي تقول في الصح لاني انا ايضا لما كان في عمري 20 سنة كنت اعمل عامي الاول لاني دخلت المدرسة في عمر 5 سنولت و ديت الباك في عمري 17 سنة و درست 3 سنوات جامعة تخرجت في جوان و بديت العمل في سبتمبر كان في عمري 20 سنة
ونقول للاخت راهي استادتنا كفات ووفات اتبعي نصائحها و ربي يوفقك

 

[راضية حامدة]

التكوين يكون في السنة الاخيرة من الدراسة في المدرسة العليا
التكوين لمدة سنة كاملة و الدراسة في يوم او يومين في الاسبوع
مش بعد التخرج
اما عن مسالة العمر راك عارف بلي حنا النسا ديما ننقصو في العمر هههههههه

رجاءا من الاخوة الكرام
لي عندو نصيحة يتفضل
و لي عندو غير ذلك فليتحفظ رجاء

فلنقل خيرا او لنصمت و الكلمة الطيبة صدقة
معذرة اخوتي لكن لا نريد الخروج عن شروط الساحة

 

[ماكانش]

السلام عليكم اخواني حبيت فقط نقول للاخ ماكانش ربما الاخت راهي تقول في الصح لاني انا ايضا لما كان في عمري 20 سنة كنت اعمل عامي الاول لاني دخلت المدرسة في عمر 5 سنولت و ديت الباك في عمري 17 سنة و درست 3 سنوات جامعة تخرجت في جوان و بديت العمل في سبتمبر كان في عمري 20 سنة
ونقول للاخت راهي استادتنا كفات ووفات اتبعي نصائحها و ربي يوفقك

تخرجتي في جوان وخدمتي في سبتمبر ؟؟؟؟؟؟؟

ربي بااااااااااااااااااااارك
عليها الجزاير ربحت وحنا رانا فالشوماج خريجي 2009 ... حسبنا الله ونعم الوكيل
​

 

[راضية حامدة]

يا خويا ماكانش علاش راك حارص باش تكذب صاحبة الموضوع
كاين مدرسة عليا في قسنطينة
ما تحطش نفسك في متاهات ما تستفاد منها والو
ياك رانا نقولو لي كان صادق ليه
و لي كذب علينا عليه
و انا وحدة تخرجت في جوان و خدمت في سبتمبر
كل الطلبة تع المدارس العليا الخمسة في القطر الجزائري لازم يخدمو مباشرة بعد التخرج لاننا مضينا عقد لما دخلنا في السنة الاولى في المدرسة بالتوظيف المباشر دون اي مسابقة او تاخير
و عليه نعم التعيين يكون مباشرة في السنة الدراسية الموالية

اخر مرة نقول ما نخرجوش على الموضوع و على قوانين الساحة
لي عندو كلام الخير يتفضل
و غير ذلك فليتحفظ رجاءا
مش ساحة للنقاش
ساحة لاعطاء الحلول و النصائح
ربي يخليك خويا ماكانش

 

[jojo chawiya]

تخرجتي في جوان وخدمتي في سبتمبر ؟؟؟؟؟؟؟

ربي بااااااااااااااااااااارك
عليها الجزاير ربحت وحنا رانا فالشوماج خريجي 2009 ... حسبنا الله ونعم الوكيل
​

يا خويا ندير فيك مزية نفهمك نكسب فيك اجر باين فيك حابس

كي تدي الباك تاعك ب 14 فما فوق تقدير تدير هادي المدرسة العليا و توقع على عقد التزام مفيده انك تلتحق بالخدمة بعد شهرين من التخرج
لكن كي تقرى n'importe quoi تقعد حاكم الحيط كيماا حاالتك انت
فهمت,,’

 

[روز]

ربي يهديكم ربي يهديكم
وبارك الله فيكم على ماقدمتوه من نصائح
انذار لكل من خرج عن المضمون

يغلق ونعتذر لصاحب المشكلة