سؤالين من فظلكن

[ازهار الربيع]

السلام عليكم ورحمة الله

اخواتي حبيت نسقسيكم

على كرام شنتيي شحال ندير من الكمية تاعها وشحال نديرو من الماء او الحليب
اعطيوني مثال مثلا كاس ولا فنجان وواش يعادلو من الماء
- من فضلكم ما نحبس ب الملل اريد كيلة :d
*********
السؤال الثاني لكرام فراش اللي يديروها في الطبخ من واش يصنعوها يعني كيفاش تتخدم في الدار سمعت يقولو حليب رايب صح؟:s


اتمنى من الاخوات يفيدوني

شكراااااااااااااا سلفا لكن

 

[salma zayna]

ديري قيمة 3لاف راهوا يتباع بالقيمة وديري الما كاس تع التاي بصح وانتي تخلطي سربي غير بشوي

 

[خديجة 24]

انا نشري 100غ نديرلو كاس حليب او ماء و ال100غ تكون حوالي 3/4 كاس( تاع ماء)
و الكرام فراش ماشي هي الرايب راهي تتباع داخل علب صغيرة

 

[samah06]

صباح النور
شوفي كرام شونتيي ديري كاس منها بكاس حليب بارد بالنسبة لتاع الميزان انا ندير هكدا
اما الشانتي تتخدم في الدار فمستحيل
تعرفي واش هي
هي هاديك لفرارة الصفراء اللي تتكون فوق الحليب في المرحلة الاولى من الروبان
لذا انا نقول مستحيل تتخدم في الدار
موفقة وارجو انني نكون افدتك

 

[ازهار الربيع]

شكراااااااااااااااااااا جزيلااااااااا حبيباتي
على المساعدة
بارك الله فيكن

 

[ازهار الربيع]

اللي عندها استخدامات اخرى تفيدنا
مشكووووووووورات

 

[ندى الورود]

ه=ذي هي طريقتي اللي نعمل بيها كريمة الشانتيي

كريمة الشانتيي
المقادير :
100 غ شانتيي غيرة
كاس حليب أو ماء تاع 200 ملل
2 ملاعق كبيرة سكر قلاصي
فانيليا

التحضير :
اولا قبل البدأ في التحضير ضعي كوب الحليب يبرد في المجمد يعني لازم يكون بارد جدا جدا
حطيه حتى تتكون طبقة جليدية من فوق لكن من دون ما يجمد الحليب
ثانيا فبل ما تبداي بربع ساعة حطي الاناء اللي رايحة تخفقي فيه الكريمة مع المضرببين الحديدين تاع الباطير في المجمد
بعدها اجبدي الاناء والمضرببين حطيه غبرة الشانتيي مع السكر والحليب البارد والفانيليا واخفقي حتى تتكثف
سر نجاح هذه الكريمة هو برودة الحليب او الماء
تبعي الخطوات وبإذن الله تنجحي فيها

بالنسبة لا كريم فريش كاينة السائلة وكاينة على شكل كريمة
الشائلة تستعمل اكثر في الطبخ والحلويات وتقدري ديري بيها لاكريم شانتتي
مستحيل تقدري ديري لاكريم فريش في االمنزل هي تباع جاهزة
​

 

[ازهار الربيع]

بارك الله فيك وجزااااااااااااااك الجنة اختي
شكراااااااااااااااا جزيلااااااااااااااا ندى الورود

 

[anissa 13]

الشانتيي انا ندير بالميز ياختي جامي عبرت
الكريم فراش ماشي هي اللبن وتتباع واجدة ماتقدريش تخدميها فالدار
​