عيد الاضحى عند الشعب الجزائري

[YARA 26]

السلام عليكم
وشراكم لاباس


اليوم حطيت هادا الموضوع باش نعرف الشعب الجزائري اذا راه يشري في لكباش هدية لربي ولا يشري الكبش على جال ولادوا ولا على جال هدرة الناس يقولوا هادا الراجل مشراش كبش

حتى مسكين الفقير الي مراهش قادر على شراء الكبس يتمسخروا بيه

 

[Ma$Ter]

السلام عليكم ورحمة الله
تمت الموافقة اختى
موضوع فى محلو
بارك الله فيك
​

 

[AmiR@RoRo]

مشكورة اختي على الطرح

صح هاد الظاهرة راها غير هي ادور
تلقا 10 في المئة يشريو هدية لربي اما لخرين تقريبا كامل تصيبهم غي على جال الناس
باش الناس ماتقولش فلان ماشراش...باش الناس ما تقولش فلان جاب واحد صغير مالا هو فقير بسكو ولا يبانلهم الفقر عيـــب
وزيد ولاو يتفاخرو بالسومة قال انا كبشي غالي على كبشك
وتلقاه تاني يسلف الدراهم ويشري كبش تاع 7غي باش الناس يقولو فلان شرا كبش ب 7ملاين ومن بعد يبدا حاصل مين يرد الدين
وزيد كيما قلتي يتمسخرو على المسكين ولي ما عندهش باش يعيد عوض ما يعاونوه
الله يهدينا ويهديهم كامل

وفالاخير
عيدكم مبارك وكل عام ونتو بالف خير
وربي يتقبل منا ومنكم ان شا الله​

 

[السلطانة]

وعليكم السلام

حاجة تاع ربي رجعوها رياء كاين بعض الناس الله يهديهم برك

 

[red rose]

ايه صح في هاذ الوقت تقريب كامل يشريو على هدرة الناس حتى عاد واحد 2 في العائلة يشري تاع 7 ملاين كيما قلت و الفقير عايش بو 12 معندوش دراهم باش يشري في عوض ما يشريو قيس قيسهم هدية لله ولاو يشريو ................

 

[yani thiziri]

احنا والله نمدوه gع على وجه ربي
​

 

[nina usma]

اولا السلام عليكم .. ثانيا صحى عيدكم
حبيت نقولك برك بلي اكيد العبد يشري كبش باه يفرح ولادو اصلا العيد فرحة
وفي ميزك لوكان ربي ما قالناش ادبحو راه نشريو كبش ... هيا كيما نقولي الطاعة ف قلبنا و نحبو نفرحو ولادنا تان
اما بخصوص لي ما يدبحش حتى للدرك ما زال ما شفتش ناس يدحكو عليهم .. درك لي مرفه و يقولك الكبش غالي اوغ الزوالي مرفوع عليه القلم .. و حنا من صفاتنا التعاون واحد ما دبحش نصدقولو و نجيبو ولادو يفرحو معى ولادنا
قضية تربية هادي ادا واحد ضحك ع الزوالي اسمحولي نستعمل كلمة .. ماشي مربي ...
على كل حال الشكر على الموضوع
و السلام عليكم و رحمة الله وبركاته
تحياتي ...​

 

[Mimi28]

ايه صح الناس تهتم بالمظاهر بزاف