ادخلوا لبنات نحتاج رايكم تعيشو

[lemia23]

حبيت نسقسيكم يا لبنات
ان شاء الله قريب نعقد وندير الفاتحة
وحرت وش راح نلبس في العقد
انا قلت نظربها بسروال وليكات وفرات ولا غوب فولاغ
باسكو مابقاوش بلي زونصومبل
مي في الفاتحة معرفتش وش نلبس وش ندير
نوغمالموا في الفاتحة تع اختي
درناها كبيرة وجبنا ماشطة وكلشي
مي انا منيش حابة نكبرها ياسر
حارتلي وش راح نلبس وش ندير
واسكو لاليونص تع العقد ليه هو نشريه انا ولا هو
انصحوني يا لعرايس وش ندير :-r:d ربي يبارك فيكم
سلام​

 

[خديجة 24]

فالبداية ربي يباركلك انشالله ويهنيك
انا نهار عقدت كان فالشتاء لبست مونتو وسروال
و فالفاتحة لبست قفطان سامبل و robe desoirée سامبل
بصح اذا ماتكبريش تقدري تلبسي حاجة واحدة هنا فalger نلبسو انسامبل ولا قفطان يكون خفيف

 

[السلطانة]

اهلين حبيبتي


السروال لالا اخطيك منو بنت عمتي عقدت فيه من مباعد ناضو دار راجلها يحكيو عليها

البسي لبسة تاع عروسة غوب فولار مع البوليغور ولا وحدها مع خيمار وبوشات وصباط طالون تخرجي تحفة

والفاتحة البسي قفطان ولا غوب برانساس
راهم في عنابة عندكم دي غوب يخلعو
ربي يبارلك ان شاء الله

 

[7anin el 9ods]

mabrok 3la khtiti
ana tani m3a ray sandrilla......
elebsi libas onthawi ra7 tbani fih mra wnos

 

[lemia23]

اوكي يا لبنات
ربي يخليكم اكيد نخير غوب ملاحة وكولاغ تع عروسة
ربي يحفظكم​

 

[السلطانة]

تفضلي حبيبتي الوصفة

قاطو للمناسبات والأعياد
​