ما زين لبستك يا طرزان

[حُلم عابرْ]

السلام عليكم
​

واش راكم ناس اللمة صافا
​

بون العنوان مهبول شوي معليه نفوتوه
​

الموضة تتغير من وقت لوقت وعلابالنا كل يوم زايدين يخرجولنا البسة ناقصة ميترا وخرجوا لينا سلعات من بلدان شقيقة مع لي تشوفي فيها تقولي الحمد لله لقيت وش نلبس خاصة الاسر المحافظة ولي هي الجبات إلي يجيبوهالنا من مصر للعلم مايتباعوش في المحلات لكن يروجوا ليهم التجار في النت ( ماتخافوش ماني تاجرة ماني نرّوج ليهم )
​

ملبوسات الخط العربي الشكل الظاهري جبة محتشمة ألوان أنيقة زخرفة عليها القيمة ولآننا شعب استهلاكي بالدرجة الاولى لقات الجبب عندنا رواج .
​

والحق يقال الشكل مبهر لكن في نفسي لم اقتنع بلباس فيه حروف عربية لاني طول حياتي احترم الحروف التي كتب بها القرآن - لحظة صحوة ضمير - :$
​

وكيما كل حاجة في الدنيا لها محاسن ومساوئ شاع في الفيس مؤخرا أن الحروف لم تكن اعتباطية وان الزخرفة لم تكن بدافع الاناقة
​

واحد السيد فكك رموز الكتابات وخرج بجمل معناها فظيع وليه ابعاد تضرب القيم الدينية للمسلمين

ومش هنا المشكل
​

المشكل لي راه يدور في مخي الصغير :$ يا هل ترى اي وحدة فينا بعد ماعرفت بالشي المكتوب رايحة تتنازل عن حق الثوب لي شراتو ؟
​

انا مدايرة في بالي عدة احتمالات
كاين لي تقول كاينة منها وكاينة لي تقول حروف عادية والسيد قعد يكون منها جمل غير مفهومة ( احتمال وارد اون بلوس راه يضيف حروف اخرى للتمويه باش يصعب تقرايه بسهولة )
​

بدون اطالة مع الصور :
​

​

​

​

لحقنا لوقت التمخميخ :

حابة نعرف لو عندكم لباس مثل هذا اسكو تقدرو تتخلو عنو ؟ وش رايكم في الموضة لي يروج ليها السوق المصري ؟ وش احساسكم لما تعرفو ان قيمكم الدينية راهي مستهدفة من خلال نقطة ضعف النسا لي هي الالبسة

الاجابة على كل الاسئلة يستاهل احلى تقييم :p

​

الكل مدعو للمشاركة

العنوان مصيدة برك :d
​

 

[Ma$Ter]

السلام عليكم ورحمة الله
تمت الموافقة
لى عودة
بارك الله فيك
​

 

[هآجر]

سلام عليكم

انا اصلا لا مود هذي الي دخلت نتع الكتيبة معيش عاجبتني
مشكور على التنبيه​

 

[السلطانة]

وعليكم السلام

انا منلي خرجو اصلا معجبونيش منحبش لبسة فيها الشخابيط بالكتيبة

شكرا للتنبيه

 

[حُلم عابرْ]

السلام عليكم ورحمة الله
تمت الموافقة
لى عودة
بارك الله فيك
​

و عليكم السلام


وفيكَ بارك الله ، لا تطلْ الغيبة
​

 

[حُلم عابرْ]

سلام عليكم

انا اصلا لا مود هذي الي دخلت نتع الكتيبة معيش عاجبتني
مشكور على التنبيه​

وعليكِ السّلام ،، لا شكر على واجبْ
​

 

[حُلم عابرْ]

وعليكم السلام

انا منلي خرجو اصلا معجبونيش منحبش لبسة فيها الشخابيط بالكتيبة

شكرا للتنبيه

امممم ،، ممكن معرفتش نوصل الفكرة موضوعي مش للتنبيه بقدر ماراني حابة نعرف لو عندك لباس مثل هذا اسكو تقدري تتخلي عنو ؟ وش رايكم في الموضة لي يروج ليها السوق المصري ؟ وش احساسك لما تعرفي ان قيمك الدينية راهي مستهدفة من خلال نقطة ضعف النسا لي هي الالبسة ( نورمالمون هاذي افكار الموضوع رايحة نعدل الموضوع )
​

 

[آمِيْرَتُه]

السلام عليك
اشاعات برك كيما موالفين يديروها
قاعدين جمعوا الحروف و كونوا جملة
معروفين على العرب من بكري نتاع خرطي
كي يشوفو حاجة نجحت ميبغوش ينضروا و يبغو يحطمو مولاها
و بقى غير الفايس بوك يحلو فيه و يكتشفوا
الله يهدينا

 

[حُلم عابرْ]

احترم وجهة نظرك أختي منيني

ثاني كاين تريكو رجالي مكتوب بالانجليزي فيه كلام ماسخ ثانيك خرطي !!

و احذية فيها اسم الجلالة :-o

تعقيب على الفيس فقط :

الدزيريين بصفة خاصة حولوا الفيس للشات واللعب والتمسخير من ومن راهم عارفين وش معناه فيس :-r

 

[~Rita Queen ~]

السلام عليكم


ربي يهدينا حنا العرب نلبسو برك ،

تخرج حاجة جديدة تلقي الغاشي سلع منهاا بعد ههه


وبالنسبة لحوايج هذي اللي فيهم الحرووف ماعجبونيش خلااااااص

مشكووورة على الطرح المميز

​

 

[رنيم الصمت]

راني معاك اختي
من اللول وجعني قلبي كيفاش يلبسو لبسة فيها حروف عربية مش العبايات برك حتى الصيكان و الخيمارات و لاقيين رواج كبير ياسر

 

[الورد الأحمر]

السلام عليكم ورحمة الله وبركاته
مش جديدة عليهم أنهم يروجوا للفساد عن طريق الألبسة، كيما في الاكسسوارات يروجوا لرموز بزاف بنات مش عارفين معناها كيما يروجوا لأرذل الأخلاق عن طريق الألبسة.
أصلا هذي الموضة مش داخلة في راسي ولا مقنعتني علاه عليا ماشية بكتاب في ظهري ولا في صدري وبطبعي أي كتابة على القش مش مفهوم معناها ما نشريهش مهما تكون لغة الكتابة.
ما نحبش نكون من الجاهلين لي يتبعو برك.
شكرا على التنبيه.

 

[حُلم عابرْ]

كانش نهار شفتو الغرب ولا حتى الترك عندهم هاذ النوع من الصيكان ولا الجبات لالا غير الخليج والمشرق العربي ولحقو عندنا في المغرب العربي ربي يستر علينا ، مليح تكوني أنيقة مي مليح أكثر تكوني أنيقة في فكرك و ثقافتك ويكون عندك شخصية مش اي اغراء يطيحك

 

[خديجة 24]

كي شفت هذه الموديلات عجبوني بصح توسوست على واش راهو مكتوب امبعد ماشريتهمش والحمد لله
لذا لازم نجتنبو الشبهات
ماراحش نموتو اذا مالبسناش حاجة اشتبهنا في الامر تاعها
ربي يجيب العواقب سليمة
ونورلكم ربي طريقكم يوم القيامةكيما راكم تنورولنا طريقنا في هذه الدنيا الصعيبة

 

[أوصاف الصافي]

السلام عليكم ورحمة الله تعالى وبراته

واش قولك اختي ربي يحفضك على هذا الموضوع

بارك الله فيك.

هذي كذبت الموضة ..

صح أمر رهيب أحفاد القردة وخنازير موجدون في كل مكان

ويحربون في الإسلام وعفة المراءة المسلمة بشتا الطرق

لاً أتكلم على نقص الوازع الديني وأحترام اللغة أو لباس المحتشم

ولكن أين هي الموراقة ليست عندنا دولة وجمارك وفرق مراقبة ومكافحة الغش؟؟

سؤال يحتاج إلى جواب

في أخير أرق التحايا

أختي لشخص الكريمـ

لك:regards01:
​

 

[anissa 13]

حسبنا الله ونعم الوكيل
صراحة اول مرة نشوف هاد الصور
انا عن نفسي مانحبش ملابس فيها الكتابة سواءا العربية او لغة اخرى
ولو كانت لي عباية فيها هاد الكتابة اكيد نتخلى عليها بعدما نشوف هاد الحقيقة حتى ولو كنت شريتها بثمن باهض
جزاك الله خيرا اختي على هدا الموضوع القيم
​

 

[ايمان مي]

شكرا بارك الله فيكم

 

[حُلم عابرْ]

ربي يحفظكم على الدعوات