البنات وشغل البيت_ الموضوع 3_من سلسلة تحدّي نجوم اللمة الجزائرية

[الحلم الوردي]

​

البنات وشغل البيت
باسكو هد الظاهرة منتشرة بـزآآآآآف للبنات

باسكو
تحتاج الأم لبناتها للوقوف بجانبهــآ خاصة الامور المنزلية
كالتنظيف والطبخ هكدا باش البنت تدي الخبرة من يمـآها وزيد باش الطفلة تعتمد على روحها:-r

علاخاطرش كي كنا صغار
كنا نتضاربو مع خياتنا و نبكيو باش نغسل الصحون أو نكنس البيت !!
بصح دوركايا تغير عند البعض ؟

*علبالي بلي معظم الفتيات كــانت تساعد أمهـــا دئمــا ومازالت إلى الآن
*وكاين الي اعتازلت لأعمـــال المنزلية وخلاتها على عــاتق الأم المسكينة
علاش ؟!
باسكو تلقى السبة بالقراية وتبدا تقوللها راكي حابتني مانجيبش معدل مليح
الام مسكينة تعذر بنتها وتقول معليش
مي تانيك لوكان الطفلة تنظم وقتها واوموا تعاون يماها غير غي غسل الاواني ولا التنظيف
يالك مارايح ينقص منك والو

الهدف من هــــــــذا الموضوع :
فتحت الموضوع لنتحدث في هذا الجـــــانب ونشجع بعضنــــا للقيـــام بالأعمـــال المنزلية ومساعدة الوالدة الغالية قدر المستطــآع:d
بالإضـــــــافة للإستفـــــــادة مـــن خبرات بعضنا البعض:up:

للمناقشة ...
للبنــآت
- هل أنتِ تساعدين أمكِ في الأعمال المنزلية ؟
- إذا كان الجواب بنعم ، كيف توفقين بين دراستكِ والأعمال الاخرى و الأعمال المنزلية ؟:-r
إذا كـان الجواب بلا فلماذا ؟:s
-هل تضعون خطة فـي البيت على أساسها توزعون أعمال البيت ومن يقوم بها/يعني بينك وبين اخـواتك , ولا كل يوم دالت واحدة وخــلآص ؟
"" ياليت لو تذكريها لنا كي نستفيد : ""

للأمهات
- هـل ترين أنه من الواجب ومـن الضروري تعويد إبنتك على الأعمال المنزلية ؟
إذا كان الجواب بنعم / لا ، لماذا ؟
- هل تضعين لبناتك خطة على أساسها تنظمين الأعمال ومـن يقوم بها ؟
- مارأيكِ في الفتاة التي لاتقوم بمساعدة أمها في الأعمال المنزلية بحجة الدراسة وبعض الأعمال الأخرى .....؟
إذا كانت لديكِ أي إضافة ،نصيحة تقدميها للفتيات أو الأمهات
فلا تترددي

​

​

 

[ملكًة الاحسآس]

وعليكم الســلآآم
ملووكـة موضوع فالصميم ويحكي على وآش نشوفو دوكـ
وهآد السوجي حكينآ عليه مرة في موضوع فآت لكن معمم شويــآ
ومليح كي جيتي اليوم ودرتيله موضوع خآص وحده
بون نجآوبك على أسئلتك :

هل أنتِ تساعدين أمكِ في الأعمال المنزلية :
وي وavc بليزيغ :d
- إذا كان الجواب بنعم ، كيف توفقين بين دراستكِ والأعمال الاخرى و الأعمال المنزلية ؟:-r
مآعنديش مشكل من النآحية هدي ، منظمة وقتي وكل حآجة بوقتهآ
وبحكم ماما طول حيآتهآ خدآمة عودتنآ على نفس التنظيم
رجع كي شغل روتين في حيآتنآ ، نوض الصبآح نخدم شغلي قبل لنروح نخدم
طبعــآ بالتعآون كل وحده تدير حآجة ، هكدآ مآنروحش عيآنة وفي نفس الوقت
كي نرجعوو للدآر نلقآوهآ نظيفة وكل حآجة في بلآصتها مش نجي من تعب لتعب

إذا كـان الجواب بلا فلماذا ؟:s
/////////// يآخي قلتلك نعم يآملوكـة :p
-هل تضعون خطة فـي البيت على أساسها توزعون أعمال البيت ومن يقوم بها/يعني بينك وبين اخـواتك , ولا كل يوم دالت واحدة وخــلآص ؟
"" ياليت لو تذكريها لنا كي نستفيد : ""

ايه مرة الخطة تكون 4 .4 .2 ، ومرآت 4. .5 .1 :p
ـ سخآيلت روحي عوركوف مثلآ ـ
وي حنآ فالدآر دركـ 2 بنآت ، دآيين الدآلة وكل وحده تعرف وآش تدير
منين تفتح عينيهآ الصبآح ، مثلآ جوست نوضو وحده تدور على لي شومبغ
تفرش وتحط كل حآجة في بلآصتهآ وتبدى تكنس ، ولوخرى فالوقت هدا
تغسل ماعن الفطور وتستيكي الكوزينة :d ، وامبعد تفوت تمسح أو تفوت بالنشآفة ، أمــآ التسيآق نديروه كل ويكآند للزوج
الغدآ في غآلب الوقت وحآليـآ يكون لمآمآ لأنهآ العام هدآ آي غوثخآث :-r
حنآ نكملو شغلنآ ونخلولهآ الطيآب ، امآ من قبل كي كآنت خدآمة
كنآ انآ وهي على الغدآ لي تنوض الأولى فينآ تطيب الحليب وتدير الغدآ
نطفيو عليه على 7 وحآجة ، يعني كآن لي يحب يتغدى على 7 يلقآه وآجد :d
أمآ العشآ مآنكدبش كل مرة كفاه مرآت انآ كي نجي من الخدمة بكري
ومش عيآنة ، ومرآت كي مآنخرجش بكري نجي نلقىآهآ دآرته ديجآ
أمآآ الحوآيج أو القش مش مشكل هدوكـ منين يتلمو شويآ نحطو المآشينة
حتى نهزوهم بآش نشروو يعني هدآ مشي شغل :-h
في غآلب الأحيآن هدي هي الأعمآل المنزلية اليومية ، وحوآيج أخرى
منكدبش نديروهم فالويكآند :d
نصيحة مني لكل بنت على قد مآتقدري تعآوني مآمآ عآونيهآ
انآ يبانلي شغل الدآر وآجب عليآ عندي وآش عندي يلزمني نديره
اليوم رنآ معآهم وغدوة كي نروحو عليهم وكل وحده تشد دآرهآ
هي تبقى مولآت الدآر وتولي تخدم كلش هي ، كي شغل غير كمآ تزوجت
وامهآتنــآ يوم ورآ يوم يكبروو وتنقص صحتهم على الأول متحملوهمش فوق طآقتهم ، مش الآ قالتلك يآبنتي روحي تقرآي برك ولآ اخدمي برك وانآ ندبر رآسي يعني آي قآدرة ، تعبو علينآ وكبرونــآ دركـ جآت دآلتنآ نعاونوهم ونهنيوهم
pــروفيثيو تخدموهم على قد مآتقدرو قبل لتندموو
والله كون نصيب مآنخليهآ تمس حآجة ، ديجآ حنآ كي نشوفوهآ تغسل لمآعن ولآ تمسح بالنشآفة نبقآو نضحكو عليهآ تبآلنــآ كبيرة على هآد الحوآيج
ربي يحفظلنــآ أمهآتنــآ ويخلهملنــآ وآقفين ديمآ فوق رآسنــآ
وجودهن في حيآتنآ فقط يكفينآ الدنيآ ومآفيهآ :up::up:
ـ طولت عليكـ يالقسنطينية ، بصح نورمآلمون تعرفوني دوكآ
نحب نرحي في موآضيع كمآ هدي :d ـ

​

 

[سكون الفجر]

لي عودة بإذن الله

 

[ندى الشاوية]

السلام عليكم
انا لكبيرة في خواتاتي
باه نقول الصح انا فصيف ندير الدالة انا واختي تاع كلش
الي دير لعشاء وتغسل لماعن ليوم دير لغدا تاع غدوا وتغسل ماعنوا تاني
التسياق وتقفاض مع بعدانا
بصح في لقرايا كل وحدة تفرز شمبرتها ومدايرين الدالة علا التقفاض تاع الطابلة
وما ما الدير الباقي:$:$:$:$:$:$:$
​

 

[السلطانة]

وعليكم السلام
بالنسبة ليا كي كنت في دارنا كنت وحدي ونساعد والدتي
ماكانش لي يعاوني
وكي مشيت لدار راجلي ملقيتش مشكلة مع حماتي ودار راجلي
لكن ماما مسكينة قعدت وحدها وكلشي فوق راسها
نسنى غير وقتاه نروح لدارنا ونهز عليها الخدمة نخليها تريح ونخدم انا الشغالات كامل
وبخصوص البنات لي يتحججو بالقراية راهم كاين بزاف منهم
لي امهم تخدم عليهم وهوما قاعدين ياكلو ويشربو ويرقدو
موضوع رائع
في متابعة ردود الأخوات
شكرا ملاك

​

 

[آمِيْرَتُه]

السلام عليك
رجعت البارح كنت عيانة ههه
لمهم معنديش مشكل في الشغل الدار سيرتو الترتيب نتاع الغرف و غيرها آنا لولى فيهم ههه
نروح لآسئلتك
للبنــآت
- هل أنتِ تساعدين أمكِ في الأعمال المنزلية ؟

آكيد

- إذا كان الجواب بنعم ، كيف توفقين بين دراستكِ والأعمال الاخرى و الأعمال المنزلية ؟

قبل كنت نتقاسم الشغل مع آختي و لكن كي تزوجت بقيت وحدي نحاول نوفق بيناتهم و معندي حتى مشكل

إذا كـان الجواب بلا فلماذا ؟

______

-هل تضعون خطة فـي البيت على أساسها توزعون أعمال البيت ومن يقوم بها/يعني بينك وبين اخـواتك , ولا كل يوم دالت واحدة وخــلآص ؟

كنت من قبل مثلا آختي الصباح كامل في الدار بحكم ان شغلها كان في الدار مش كيفي في المساء كي نرجع الماعن و العشاء مرات يكون عليا و في عطلة الآسبوع هي مدير والو كل شي عليا مي درك لا خطة لا والو ندير كل شي ههه

و في الآخير نقول للشيرة لي متبغي تعاون آن الشغل مينفع لا آمك و لا آختك ينفعك آنت برك كي ديري مسؤولية درك تعرفي

 

[الحلم الوردي]

وعليكم الســلآآم
ملووكـة موضوع فالصميم ويحكي على وآش نشوفو دوكـ
وهآد السوجي حكينآ عليه مرة في موضوع فآت لكن معمم شويــآ
ومليح كي جيتي اليوم ودرتيله موضوع خآص وحده
الله يخليك اختي ملكة
وجودك الاروع حنــونة
بون نجآوبك على أسئلتك :

هل أنتِ تساعدين أمكِ في الأعمال المنزلية :
وي وavc بليزيغ :d
الله يبــآرك
- إذا كان الجواب بنعم ، كيف توفقين بين دراستكِ والأعمال الاخرى و الأعمال المنزلية ؟:-r
مآعنديش مشكل من النآحية هدي ، منظمة وقتي وكل حآجة بوقتهآ
وبحكم ماما طول حيآتهآ خدآمة عودتنآ على نفس التنظيم
رجع كي شغل روتين في حيآتنآ ، نوض الصبآح نخدم شغلي قبل لنروح نخدم
طبعــآ بالتعآون كل وحده تدير حآجة ، هكدآ مآنروحش عيآنة وفي نفس الوقت
كي نرجعوو للدآر نلقآوهآ نظيفة وكل حآجة في بلآصتها مش نجي من تعب لتعب
مليحة هكدا باسكو انت واختك تعاونو يمــآكم
صاف بليزيغ
صح الي تجي من الخدمة تلقى الدار منقية ومرتبة:up:
إذا كـان الجواب بلا فلماذا ؟:s
/////////// يآخي قلتلك نعم يآملوكـة :p
اوكي راكي جاوبتيني
-هل تضعون خطة فـي البيت على أساسها توزعون أعمال البيت ومن يقوم بها/يعني بينك وبين اخـواتك , ولا كل يوم دالت واحدة وخــلآص ؟
"" ياليت لو تذكريها لنا كي نستفيد : ""

ايه مرة الخطة تكون 4 .4 .2 ، ومرآت 4. .5 .1 :p
ـ سخآيلت روحي عوركوف مثلآ ـ
هههههههههههه صح جاتني كي الخطة نتاع الكوتش:p
وي حنآ فالدآر دركـ 2 بنآت ، دآيين الدآلة وكل وحده تعرف وآش تدير
منين تفتح عينيهآ الصبآح ، مثلآ جوست نوضو وحده تدور على لي شومبغ
تفرش وتحط كل حآجة في بلآصتهآ وتبدى تكنس ، ولوخرى فالوقت هدا
تغسل ماعن الفطور وتستيكي الكوزينة :d ، وامبعد تفوت تمسح أو تفوت بالنشآفة ، أمــآ التسيآق نديروه كل ويكآند للزوج
الله يبــآرك عليكي انت واختك ربي يخلوكم لبعضــآكم
صافي هكدا راكم دايرين خطة مـآشــآء الله عليكم:up:
الغدآ في غآلب الوقت وحآليـآ يكون لمآمآ لأنهآ العام هدآ آي غوثخآث :-r
حنآ نكملو شغلنآ ونخلولهآ الطيآب ، امآ من قبل كي كآنت خدآمة
كنآ انآ وهي على الغدآ لي تنوض الأولى فينآ تطيب الحليب وتدير الغدآ
نطفيو عليه على 7 وحآجة ، يعني كآن لي يحب يتغدى على 7 يلقآه وآجد :d
أمآ العشآ مآنكدبش كل مرة كفاه مرآت انآ كي نجي من الخدمة بكري
ومش عيآنة ، ومرآت كي مآنخرجش بكري نجي نلقىآهآ دآرته ديجآ
أمآآ الحوآيج أو القش مش مشكل هدوكـ منين يتلمو شويآ نحطو المآشينة
حتى نهزوهم بآش نشروو يعني هدآ مشي شغل :-h
في غآلب الأحيآن هدي هي الأعمآل المنزلية اليومية ، وحوآيج أخرى
منكدبش نديروهم فالويكآند :d
صافي كل شيء عليك وعلى اختك هكدا مليحة صافي مام الوالدة نتاعكم
مايعياش بـزآف وزيد تكون فرحانة بيكم :up:
نصيحة مني لكل بنت على قد مآتقدري تعآوني مآمآ عآونيهآ
انآ يبانلي شغل الدآر وآجب عليآ عندي وآش عندي يلزمني نديره
اليوم رنآ معآهم وغدوة كي نروحو عليهم وكل وحده تشد دآرهآ
هي تبقى مولآت الدآر وتولي تخدم كلش هي ، كي شغل غير كمآ تزوجت
وامهآتنــآ يوم ورآ يوم يكبروو وتنقص صحتهم على الأول متحملوهمش فوق طآقتهم ، مش الآ قالتلك يآبنتي روحي تقرآي برك ولآ اخدمي برك وانآ ندبر رآسي يعني آي قآدرة ، تعبو علينآ وكبرونــآ دركـ جآت دآلتنآ نعاونوهم ونهنيوهم
pــروفيثيو تخدموهم على قد مآتقدرو قبل لتندموو
والله كون نصيب مآنخليهآ تمس حآجة ، ديجآ حنآ كي نشوفوهآ تغسل لمآعن ولآ تمسح بالنشآفة نبقآو نضحكو عليهآ تبآلنــآ كبيرة على هآد الحوآيج
ربي يحفظلنــآ أمهآتنــآ ويخلهملنــآ وآقفين ديمآ فوق رآسنــآ
وجودهن في حيآتنآ فقط يكفينآ الدنيآ ومآفيهآ :up::up:
نصحتك رووووووووعة اختي ميســآء
ماعندي مانقولك كملت ووفيتي:up:
ـ طولت عليكـ يالقسنطينية ، بصح نورمآلمون تعرفوني دوكآ
نحب نرحي في موآضيع كمآ هدي :d ـ

​

لالا ماطولتيش حنونة
سعيدة بتــوآجدكي
كل الشكر لكي
:regards01:
​

 

[الحلم الوردي]

لي عودة بإذن الله

في انتظـآري عودتكي
حنــونة:$
​

 

[الحلم الوردي]

السلام عليكم
وعليكي السـلآم والرحمة
انا لكبيرة في خواتاتي
الله يبــآرك
باه نقول الصح انا فصيف ندير الدالة انا واختي تاع كلش
الي دير لعشاء وتغسل لماعن ليوم دير لغدا تاع غدوا وتغسل ماعنوا تاني
التسياق وتقفاض مع بعدانا
ايه مليحة باسكو فصل الصيف طويل وزيد باش تتحملو المسؤولية
في زوج هكدا ومام كي عندك اختك تتعاونو
بصح في لقرايا كل وحدة تفرز شمبرتها ومدايرين الدالة علا التقفاض تاع الطابلة
ايه مليحة اوموا الوالدة نتاعكم تلقى الشومغات نتاعكم منتظمين
المهم ينقص عليها شوية الشغل
وما ما الدير الباقي:$:$:$:$:$:$:$
ربي يحفظ الوالدة نتاعكم
​

سعيدة بتــواجدكي
كل الشكر لكي
​

 

[samah06]

انا كنت في دارنا منخدمش ياسر بحكم اني الصغيرة وكنا في 8 بنات الله يبارك
وكي رحت لدار راجلي نضل مع الخدمة امه وحدها مسكينة تحكملي غير لخبيز تخبز وتريح
مع انهم كانو مهمش في عايلنا كانو 4وانا 5 كنت نلعب بالدار من كلو نخدمو مع ميدو صغير مع جداتو
وذرك نشوف لاشواق كل يوم حتى راسها محبش يوصل للبوتاجي هههههه باه غير تغسل البول تاعها تاع لحليب
لكن ميدو وانيس حتى يعينوني في التسيا ق واذا وصل رمضان والا العيد نلقاهم فرغو لماعن اللي فالبيبيوتاك غسلوهم ونشفوهم ويقولولي رديهم
غير هاذ العيد محبوش كبارو وعادو رجال في نضرهم
وشومبرتهم عمري قفضتها هم اللي يقفضوها غير ينوضو كل واحد يعدل بلاصتو ويلم الكومود واذا عندهم قش امسخ يديسوه للماشينة
ربي يحفضهم ويدومو هكا راهم روعة
الفنيانة اشواق مدير والو ويا ويلي لوكان نقولهخا ديري حاجة وراهي معليهاش عندها 7 سنين

 

[Ryry_Ndj]

- هل أنتِ تساعدين أمكِ في الأعمال المنزلية ؟
نعم اساعد امي في الاعمال المنزلية

- إذا كان الجواب بنعم ، كيف توفقين بين دراستكِ والأعمال الاخرى و الأعمال المنزلية ؟:-r
نوفق بين الجانبين اولا في الصباح نوض بكري نراجع وفي نفس الوقت ندير لفطور ومن بعد نرتب لفرايش نتاع خوتي ونروح نقرى كي نجي في الغذاء صراحة ما نديلا والوا على الوقت صغير نتغذى بسرعة ونعاود نولي للليسي ومن بعد كي نرجع في المساء نعاونها بغسيل لماعن نتاع العشاء هذي كي يعودوا عندي فروض وكي نفض من الفروض نعاونها مام في العشاء هذا الروتين نتاع ايام الدراسة اما نهار الجمعة والسبت عندي في الصباح تسياق وغسيل لماعن نتاع الغذاء والعشاء واكيد ترتيب لفراش
إذا كـان الجواب بلا فلماذا ؟:s
-هل تضعون خطة فـي البيت على أساسها توزعون أعمال البيت ومن يقوم بها/يعني بينك وبين اخـواتك , ولا كل يوم دالت واحدة وخــلآص ؟
ههههههه مع الاسف انا هي الكبيرة في الدار ومن بعد طفل يعني كل الاعمال على عاتقي هههههه ولكن الحمد لله (هكا خير باش وحدة ما تقلقني باسطوانة دالتك ودالتي ههههه)

"" ياليت لو تذكريها لنا كي نستفيد : ""
وشكرااااااااااا على الموضوع

 

[الورد الأحمر]

لا أحب الأعمال المنزلية ولا أشارك فيها إلا في نهاية الأسبوع
لماذا ؟ لا أعلم هكذا قوسطو
شكرا ملاك عالموضوع

 

[سكون الفجر]

السلام عليكم ورحمة الله
أعتذر جداً أختي فأنا نسيت الي اين علي العودة !!!
الموضوع مهم جداً وما قلته عن الفتيات اللواتي يتججن بالدراسة لكي لا يساعدن والدتهن
وانا سأطرح تجربتي الخاصة بفضل الله
حيث أني وبفضل الله تعالى وفقت لاساعد امي وأدرس وأهتم بأبي وأخواتي
وفوق كل هذا اجد الوقت الكافي لي وممارسة اي شيء اريد
والحمد لله

- هل أنتِ تساعدين أمكِ في الأعمال المنزلية ؟

نعم ولله الحمد

- إذا كان الجواب بنعم ، كيف توفقين بين دراستكِ والأعمال الاخرى و الأعمال المنزلية ؟

بفضل الله اعمل في الصباح الباكر وانهي كل الاعمال المطلوبة بما فيهم تجهيز الفطور غسل الأواني

إذا كـان الجواب بلا فلماذا ؟ .......

-هل تضعون خطة فـي البيت على أساسها توزعون أعمال البيت ومن يقوم بها/يعني بينك وبين اخـواتك , ولا كل يوم دالت واحدة وخــلآص ؟

بصراحة هناك برنامج لكل واحدة منا لكن اخواتي هداهن الله غالباً ما يتكاسلن او لنقل لا يبالين ويتحججن بالدراسة والتعب الي اخره
لكن بفضل الله اجد انه حين اعمل كل الأعمال صباحاً لا اجد تعباً ابدا
حيث ان كل شي يكون مرتب ونظيف
والسبب؟ هو الشعور باني وحدي في البيت وليس لدي احد اي اني اعتمد اعتماد كلي علي نفسي لا انتظر احد
ومن ناحية الطبخ انا وامي نطبخ يعني هي تطبخ و انا اصنع السلطة اقلي البطاطا او اغسل الصحون اجهز المائدة
وفي بعض الأحيان تمر فترة استلم بها الطبخ بشكل يومي
نصيحتي الى كل فتاة وهذه النصيحة قد قدمتها لأخواتي وبت اجد نوعاً من التقدم ولله الحمد والمنة
اختي حاولي ان تنهظي باكراً للعمل واعتمدي على نفسك حاولي ان تستشعري بانك وحدك لا احد يعينك
ولا تعتمدي علي اختك او امك بل اعماد كلي على نفسك
عندها ستوفقين في ايجاد الوقت الكافي لكل شيء
دراسة ولعب وقضاء وقت ممتع
هكذا ستشعرين براحة كبيرة ثقي بكلامي

بارك الله فيكِ اختي الغالية
اتحتي لنا فرصة طيبة لنترك بعض النصائح
ونتشارك الآراء
جزاك اله خيراً​

 

[nina usma]

السلاام عليكم و رحمة الله و بركااته
مشكوورة ختيتي ملااك موضووع قاسني بزااف خخخ مي هاداوين شفتوو
و حبيت نشااارك اخااه شغل الداار ف اللعب هه

نبداا نجااوبك على الاسئلة
...

- هل أنتِ تساعدين أمكِ في الأعمال المنزلية ؟
دارناا فيهاا 5 اراات تقدري تقولي بلي الشغل كاامل عليااا ابااغ الحواايج تغسلهم ميمتي

- إذا كان الجواب بنعم ، كيف توفقين بين دراستكِ والأعمال الاخرى و الأعمال المنزلية ؟
كي نكمل الشغل ندور للقراية بويسك راني نقرى حرة خخخخ
هادي خرجت على ماما
إذا كـان الجواب بلا فلماذا ؟
.....
-هل تضعون خطة فـي البيت على أساسها توزعون أعمال البيت ومن يقوم بها/يعني بينك وبين اخـواتك , ولا كل يوم دالت واحدة وخــلآص ؟
"" ياليت لو تذكريها لنا كي نستفيد : ""
عندي ختي مي مزوجة امالاا مكاان حتى خطة كي نوض نيداا الشغل و ادا عجنت اعرفي ما نخرجش م الكوزينة حتى المعرب ههه
..
صحيتي

​

 

[@R@ZIK]

- هل أنتِ تساعدين أمكِ في الأعمال المنزلية ؟
اكيد نعم
- إذا كان الجواب بنعم ، كيف توفقين بين دراستكِ والأعمال الاخرى و الأعمال المنزلية ؟
إذا كـان الجواب بلا فلماذا ؟
في الاول كي كنت مع ماما نوض بكري نخدم الشغل ونروح للخدمة
أما الآن عندنا عرايس ساعات العشية نجي بكري من الخدمة نغسل الماعن تاع العشا ولا نطيب العشا و في ويكاند ندير شوية ميناج
-هل تضعون خطة فـي البيت على أساسها توزعون أعمال البيت ومن يقوم بها/يعني بينك وبين اخـواتك , ولا كل يوم دالت واحدة وخــلآص ؟
احنا العرايس دايرين الدالة وكل واحدة تخدم النهار بكامله من التنظيف والطبخ والاخرى راهي قاعدة مريحة وفي اليوم الموالي دالة الاخرى
وانا بينسورغ في الويكاند دالتي بحكم خدمتي بعيدة شوية نخرج بكري وما ندخلش بكري​

 

[red rose]

السلام عليك الاخت ملاك
انا شخصيا احيانا منقدرش نوافق بين شغل الدار و القرايا
+ وقتي مشارجي بزاااف نوض على 7 نروح نقرا نرجع 12
نتغدا يا ربي نغسل المواعن الي نتغا فيهم
مين داك دقيقة توصل 1.00 نزيد نرجع نقرا حتى 4.30
باش نروح بالعيا
نروح كاش ما نتفتف شوية و احيان لا نروح نتسطح
بح في الويكاند نخدم في الدار نورمال
غير في غسيل لمواعن العشا ديما انا و اختي في عراك هههه
هي تقول اليوم دالتك و انا كيف كيف هههه في لافان تجي ماما تقول وحدة تغسل ووحدة تشلل هههه

مرسي

 

[lalola lamia]

رد: البنات وشغل البيت_ الموضوع 3_من سلسلة تحدّي نجوم اللمة الجزائرية

انا عجبني الموضوع
انا البنت الوحيدة فالدار يعني شغل الدار هو القدر المحتوم فالصيف كلش عليا مي كي تجي لقرايا شوية تهنيني يعني يبقالي غير غسيل لماعن بيان سيغ والتسياق كل السمانة مع تاني ماعندناش الداخل والخارج بزاف راني غير انا وماما وبابا يعني حتي لعشا يكون ساهل وهي شغل الدار كمل
هو اصلا كيما تقول ماما فيه الزكى دايمن +8 انتي تكملي وهو مايكملش