اسمحيلي اختي مشفتش الطلب حتى دركا
الوصفة
200 غ زبدة - 2 حبات بيض - كاس و نص سكر ناعم - 6 مغارف كبار عسيلة - 1 بيكاربونات - لفاني و الفرينة حتى تتلم العجينة
لكرام اوبوغ : 125 غ زبدة - 3 مغارف سكر ناعم - نص كاس عسيلة + 3 مغارف لكرام شونتي
الديكور : شور البرتقال - البيستاش - معجون
طريقة التحضير :
زبدة + 2 بيض + لفاني + سكر ناعم + عسيلة و نخلطو باليد + البيكاربونات و نلمو بالفرينة ( بعد ما تتلم العجينة نقسموها على 3 )
تحضير لكرام : الزبدة + السكر ناعم وتخلطي بالباتور + عسيلة و تديريها بالتدريج حتى تطلع و تولي على شكل كريمة + 3 مغارف لكرام شونتي و تزيدي تخلطي مليح
نجيبو الكرة 1 و تحليها بالحلال على كامل السنيوة و تضربيها بالفرشيطة و ديريها طيب مراحش تاخذ وقت كبير و هكذا تكملي ل 2 كرات لي بقاو
بعد ما يوجدو الطبقات جيبي الطبقة الاولى ديري فوقها المعجون و مشيه كاامل + لكرام و نفش الشي للطبقة 2 أما الطبقة 3 نديرو لكرام برك و نرشو فوقها بيستاش مرحي و اسكرفجي قشور البرتقال
و بالصحة
ان شاء الله تكوني فهمتي و اي حاجة راني هنا
