شكون نخيّر : بابا ولاّ هو ؟

[مشكلتي]

السلام عليكم

شكرا على تفاعلكم في موضوعي السابق على الشاب اللي جاء يخطبني

شكون نخيّر : بابا ولاّ هو ؟

بصح راكم ما فهمتونيش يااا جماعة
عمري ماحطيت بابا ولا وحد اخر في نفس الميزان
واذا بابا رفضه انا لوكان يبوس عينيه مانقبلش

اللي حبيت نقولوا زعما نعطيله فرصة و نقول لبابا راني قابلة ولالا
اكيد هنا رايح يفهمني علاه رفضه

ولاّ نليكيديه من الهيه لهيه

هذا اللي حبيت نوصلهولكم

ويعطيكم الصحة الكل

واللي قالي ماعندوش اهلو حنا عاداتنا يجي الراجل للاب كان قبل بيه يجيب ماليه

والي قاتلي هذا اول واحد نقوللها لالا والله غير يجيو لبابا غير هو قاعد غير يرفض وهذا شد انتباهي بسكو عاود طلبني مرتين و ثلاثة رغم الرفض


وبارك الله فيكم الكل

 

[روز]

تمت الموافقة
ان شاءلله يفيدوك الاعضاء
​

 

[راضية حامدة]

لا عليك حبيبتي
استفسري من عند امك اسباب رفض ابوك
و ربما تقتنعي وحدك قبل ما تعطيه اي فرصة
و اذا ما قنعاتكش اسباب ابيك انصحك بعدم التسرع فقط
بالتوفيق حبيبتي

 

[Silent Hill]

السلام على من اتبع الهدى
ربي يوفقك اخيه
ملقيت حتى كلمة تعبر
ربي يجيب لي فيه الخير
أميـــــــــــــن ...​

 

[♫الباحثة عن الحظ♫]

اختي احكي مع امك و قوليلها هاو واش كاين وهي اكي راهي عارفة لحكاية وراح تحاول تفهمك والا باباك عند سبب مقنع يفهمك ويخبرك ما فيها ولا حاجة هادي
​

 

[RoseBonbon]

صلي الاستخارة

ما خاب من استخار الله

وهو يبينلك

وما تعرفي وين نصيبك المهم سلمي أمرك لله فربما سعادتك موجودة في مكان آخر وهو كذلك

وأنتوما حاولو ولكن إذا أصر والدك فطبعا أنت لازم تحترمي رأي أبوك وإلا علاش ربلي جعلو هو صاحب القرار وهو وليك؟

فربما هو يشوف حاجة أنت مشي شايفاها وربي يكتبلك لي فيه خير

فقط ما تجعليش الأمور درامية وواحد ما يسوا تخسري والديك علاجالو خاتش ما كاش لي يحبوك قدهم

 

[mà_dikrà]

مآتـعقديش الأمور
روحي لـيـمآك وسـقسيهآ وتـفهمك في وجهت نظر بوك نتي تـفهـميـهآ في وجهت نـظرك وتتحل المشكلة
اللهم أمـين
آيآ ربي يـفتح عـليك خـيتي​

 

[السلطانة]

ماكانش خير من الاستخارة اختي
استخيري وروحي خبري أمك
اذا فيه خير هاذ الخاطب راح تصرى أسباب وباباك يوافق واذا مافيهش خير راح تصرى أسباب باباك يرفض
ويجيك مكتوبك
ربي يسهلك للي فيه الخير ان شاء الله