و انتم؟ ..توافقوهم شي؟

[اميرة في مملكة العلم]

السلام عليكم و رحمة الله تعالى و بركاته ...
يوم الاحد صار جدال بيني و بين صديقاتي ...
و السبب ...الاوطان العربية الاخرى...
قالت احدى صحباتي : السعودية تكرهنا بزاف و ما تتحملناش ...و المغرب كثر منها ...و انا اللي ما يبغيش بلادي حتا انا نكرهه لحد ما تتوقعوش ...
و قالت الاخرى: ..واه عندك الحق ...
و هنا انتفضت و قلت : ماشي من حقكم تتهموهم بحاجا ما داروهاش ...ماشي كامل يكرهونا ...واحد ...زوج ..ثلاثة يكرهانا بصح ماشي كامل ...
ناضتلي وحدا و قالتلي : واللي حرق علامنا مل مغريب نسيتيه؟
قلتلها: هاداك واحد ماشي كامل اهل المغرب حرقوه ...
قالتلي: و هاداك الراجل اللي كان فل حج و دخلوه للحبس في السعودية و ما قالوش لعايلتو و عايلتو ظلت تحوس عليه حتا لتالي و قالولهم بلي مجنون علابيها دخلناه للحبس و عايلتو قريب تهبل ..ما سمعتيش بيه؟
قلتلها : يعني كامل السعودية رفداته و دخلاته للحبس؟ ...فقط رجال الشرطة ...يمكن هادوك وحدهم كانوا يكرهونا و لا دارلهم كاش حاجا ولا اي شي ...
و طال الجدال بزاااااف حتا بديت نبكي ...
قالولي علاش راكي تبكي ؟ قلتلهم انا عندي صحاباتي من السعودية بزاف و من المغرب ثاني و يضلو يدعولكم نتوبا صحاباتي و يدعوا لكامل الجزائريين و نتوما دروك تهدروا عليهم ...قالولي :لالا حنا تاني رانا نقولو 5 بلميا يكرهونا (م قبيلا و هوما يهدرو عليهم كامل و دروك يقولولي 5 بالمئة)
و نتي تاني الله يخليهملك و يحفظهمك ...و قالت وحدا بصح تونس يبغونا بزاف الله يبارك فيهم و يحفظهم و فلسطين تاني ..قلتلهم اه دروك ما قلتوش 5 بالمئة منهم يكرهونا ؟ ..تعرفوا ديرو لبيسطو ..ما شفتوش هاداك اللي م فلسطين دار رسالة لبوتفليقة يعايره فيها في لانترنيت؟ ...و من فماك و هيا نايضا بيني و صحاباتي ...اسفة على الاطالة و لكن؟ ..نتوما توافقوهم و لا توافقوني؟

 

[Ma$Ter]

السلام عليكم ورحمة الله وبركاته
لا تعممو كلام واحد على سائر البلاد
مثلا الشعب المغربي يحب الشعب الجزائرى لاكن يكره الدولة والرئيس ووو
بارك الله فيك اختى على الموضوع
​

 

[حُلم عابرْ]

على اساس حنا شعب مثالي وملائكي نحبوا كامل شعوب العالم !!!!
في بعضانا وماسلكناش حتى نهدروا على دول مجاورة وشقيقة

 

[Ľă Mîšš HîBă]

على اساس حنا شعب مثالي وملائكي نحبوا كامل شعوب العالم !!!!
في بعضانا وماسلكناش حتى نهدروا على دول مجاورة وشقيقة

:regards01::regards01::regards01::regards01::regards01:

 

[اميرة في مملكة العلم]

يعني .....انا ما فهمتكم ...يعني توافقوني ام لا؟

 

[حكاية قمر]

قضية يبغونا.. يكرهونا نشوفها نقاش دراري لانو المسلمين الاخوة في الله وشي لي يجمعنا اكثر من لي يفرقنا ولكن الله غالب مزالنا روتار
ربي يجيب لي فيه لخير
​

 

[amina swift]

والله في الحقيقة مالقيتش وش نقول صح نوافقك فالراي
وش تحبي المهم لازم نعرفو حاجة ياك حنا مسلمين و عرب هدا هو المهم اما قضية هدا يحب هدا و هدا يكره هدا
ياو هدي من بكري ماللي كنا صغار دهلوهانا في راسنا المفرب يكرهونا وفلان يحبونا
الحمد الله اللي تجمعنا كلمة لا اله الا الله محمد رسول الله صلى الله عليه وسلم

 

[yousefislam]

اختي ولله كل الشعب العربيه اتحب بعضيها هدا اكيد

 

[نورالإيمان~]

السلام عليكم
باخنصار شديد
انا اوافقك انت
مشكورة والله عجبتني عروبيتك