تدابير منزلية لترتيب وتنظيم الثلاجة -موضوع حصري-

[־●ـ‗غمــــوض ــالــورد_ـ●־]

السلآآم عليكن ورحمة الله وبركآآته ~

اهلا بنوتآت نتمنى تكونوا بخيــر ،
غبت شوي كنت مريضة ورجعتلك بمشآركتي التآنية سآمحوني طولت ،،

بون كيمآ نعرفوا لفوود لي معرفش زيمآآه يحفظوا راح تم تم يخسر ميوليش فرآآش
+ لي معرفتش تهتم بلفرجيدآر تآ‘عهآ يومين تلقى كلش مخلط فبعضآه ريحة لفيجيتيبآل وليفروي وكلش يرجع يتخلط لgوو فبعضآآه وتولي الريحة :down:

ليوم جبتلكم طريقتي فتنظيم وحفظ الفوود نخليكم مع ليفوطو والشرح ،،

اول حآجة تخسر الفوود ومتخليش يطول بزااف تم تم يفسد هي ليسآآشي
ال حآجة لازم تعمليها تشري خضرة اغسليها مليح حطيها تنشف ساعة بعديكا حطي كل حآجة في بواط ملزمش تحطي الخضرة مبلولة فليبواات راح تخسرلك لازم تكون نآشفة
ملآحظة :
غير السلاطة اغسليها خلاها تتقطر شوي برك وحطيها هكداك مندية راح تبقى سمانتين فرآش ومتذبالش وتخسر

-المعدنوس والدبشة متغسلوهمش حطوهم فليبواط نآشفين باسكو ادا تغسلوا راح يذبالوا حطوهم كي تجو تستعملوا نحو كمية لي تحتاجوها وغسلوهآآ واستعملوهآ ،،


انا منظمتهم كيمك وكل حآجة تبقى فراش وتبقى ريحتها وريحة لفريجيدآآر شبآب:up:

بالنسبة للفنيgرآآت ولاصوص هوت و وو كي متصبيش بلاصة وين تحطيهم ديريلهم بوااط وحطيهم مع ليبواط تاع لفيجيتيباال وين تحتاجيهم تجبدي لبواط ديراكت بلا متخلي لفريجيدار مفتوح وتحوسي ،،

وادا لفريزر غير السيترون لي مبغيتش نحطو فليبواات كي تحطيهم بلا بوااط سي ميو ويخلي الريحة ملآحة

بالنسبة للديول نحطهم فلفريزر كي نحب نستعملهم نخرجهم تحطيهم 15 مينيت برا وتغطيهم كي تفتحيهم تلقايهم رطبين احسن متحطيهم لتحت ،،

بالنسبة لطومآط كونسآآرف نحيتهم من لبواط لي شريتهم فيها وحطيتهم في بواط دهنتها بالزيت مليح وكي حطيت فاها طماطم ولا هريسة تحطي من فوقعا زيت بش متفسدلكش تبقى عام ملاحة متخسرش ومديرش ريحة مش ملآحة

والكرم ولكآروت لي نديرهم صالاد رابيت لكآروت حطيتلها تومة مرابية وفلفل اسود ولا ابيض مغرف كبيرة زيت زيتونة ولا زوج ومغرف زيت عادية وملح وخل وكمية ماي
ونآز مغرف صغيرة وخلطهم مليح وحطيتهم فبوااط مآم لكرم قسيتو ودرتلو نفس لفينيgرآآت وتخليهم وقت متحتاجي تستعمليهم باسكو كل وين طولوا مع لاصوص تدجي بنتهم هايلة احسن ماتحطيلهم لفينيgرآآت وتوكليهم تم تم
ومآم كي يجو عندك ضياف تربحي الوقت تلقايهم وااجدين

نتمنى اني فدتكم بليكونصآي تآآعي ،،

سلآآمـــي ،،

​

 

[آمِيْرَتُه]

السلام عليك
على سلامتك حبيبتي ربي يشفيك
مشاركة مميزة
و تدبيرة هايلة
تقريبا نفس التدبيرة لي نستعملها خاصة في حفظ الطماطم
الله يبارك منظمة كل شي
موفقة

 

[حُلم عابرْ]

يعطيك الصحة ختي استفدت منك

 

[ندى الشاوية]

ايعطيك الصحة اختي
والموفقة باذن الله
​

 

[־●ـ‗غمــــوض ــالــورد_ـ●־]

السلام عليك
على سلامتك حبيبتي ربي يشفيك
مشاركة مميزة
و تدبيرة هايلة
تقريبا نفس التدبيرة لي نستعملها خاصة في حفظ الطماطم
الله يبارك منظمة كل شي
موفقة

امين ان شاء الله
الله يسلمك حبيتي تعيشي الله يحفظك :$
مرسي حبيبتي ،، ~
​

 

[־●ـ‗غمــــوض ــالــورد_ـ●־]

يعطيك الصحة ختي استفدت منك

مرسي حبيتي :-r
​

 

[RoseBonbon]

ما شاء الله

تنظيم رائع ويريح النظر :up:

 

[RoseBonbon]

على فكرة

.راكم تاكلو بزاف الحار

هههههههههه

 

[السلطانة]

وعليكم السلام ربي يشافيك ويعافيك ان شاء الله امونة
واو تنظيم ولا اروع كل حاجة في بلاصتها مع افكار جد رائعة
يعطيك الصحة

 

[samah06]

ماشاء الله نفس ترتيبي للثلاجة وعندك الحق الثلاجة ما تتوسخش بزاف وثاني مرتبة وكل حاجة في بلاستها
يعطيك الصحة وربي يوفقك

 

[samah06]

اما بالنسبة للدبشة والمعدنوس انا نقيهم ونغسلهم ونحطهم ف ليبوات بلا ما نقصهم وكي نحتاج نجبد ونزيد نغلق العلبة مليح والله ما يروحلهم والو جربي طريقتي وشوفي شرط خيهم يشيحو مليح
حطيهم في كسكاس وخليهم وكي تشوفيهم شاحو ديريهم في علبة واغلقي مليح واحتفضي بيهم في الثلاجة عادي جدا

 

[hafousa]

الله الله عليكي

مدبرة منزل ممتازة فكرة رائعة ارجو لكي التوفيق
​

 

[khadouja dz]

وعليكم السلام
ولله راكي قايمة بيها
الله يعكيك الصحة
موفقة في المسابقة ​

 

[־●ـ‗غمــــوض ــالــورد_ـ●־]

ما شاء الله

تنظيم رائع ويريح النظر :up:

على فكرة

.راكم تاكلو بزاف الحار

هههههههههه

تعيشي حنونة ،،

هههههههههههـ بابا لي يحب يوكلوا احنا منشتوهش مي كي جينا كآمل مراض بلاgريب قالت ماما نديرلكم مع الشخشوخة ولبركوكس بش نتحسنوا شوي الشتاء يحب الحآآر :d
على فكرة عينيك كباار ماشاء الله :d:d:p
​

 

[RoseBonbon]

تعيشي حنونة ،،

هههههههههههـ بابا لي يحب يوكلوا احنا منشتوهش مي كي جينا كآمل مراض بلاgريب قالت ماما نديرلكم مع الشخشوخة ولبركوكس بش نتحسنوا شوي الشتاء يحب الحآآر :d
على فكرة عينيك كباار ماشاء الله :d:d:p
​

ههههههههههه

الله يسلمك..نسلفهملك؟ :-h

كاش ما خصك تقرعيجة..فداك عيوني يا عيوني :-r

بالشفاء عليكم

أنا نحب الحار بصح ما نحبش نكثر.. واتهلاي في عمو الحاج مي شوية ريجيم باش ما يمرضش بالمصران والمعدة ربي يخليهولكم

 

[Nilüfer]

السلآم عليكم

افكار قيمة

بآرك الله فيكي
​

 

[امونة الشاوية]

يعطيك الصحة اختي

 

[stelllo]

رااائع موفقه

 

[־●ـ‗غمــــوض ــالــورد_ـ●־]

الله الله عليكي

مدبرة منزل ممتازة فكرة رائعة ارجو لكي التوفيق
​

تعيشي حنونة ربي يخليك :$
مرسي ،،
​

 

[־●ـ‗غمــــوض ــالــورد_ـ●־]

اما بالنسبة للدبشة والمعدنوس انا نقيهم ونغسلهم ونحطهم ف ليبوات بلا ما نقصهم وكي نحتاج نجبد ونزيد نغلق العلبة مليح والله ما يروحلهم والو جربي طريقتي وشوفي شرط خيهم يشيحو مليح
حطيهم في كسكاس وخليهم وكي تشوفيهم شاحو ديريهم في علبة واغلقي مليح واحتفضي بيهم في الثلاجة عادي جدا

مرسي حبيبتي على ليكونصاي تآعك جبم ان شاء اله منو هك
تعيشي حنونة اسعدني مرورك ،
​