الدنيا ساعة بساعة تتبدل....فيسع ترحل في المقام تعر الـدار
يا عاشقها حبها راه ايهبل....وتعمي على المحاين والتكثار
كان القفل يصد للتل ايكيل....ويملي الظرف على الجمال اللي قدار
والماعون انساه كيلو راه ابطل...عاد امسرجي في الشكاير بالقنطار
والمشينة تنقلو ماكان ايبل...من الفاقو يوزنوها في لقار
عاد القفل مع جراير يتماهل...كل يوم مع الملح والحلفا خوطار
واحد قصد الخاشة صابح بكر.....ويكرد في الملح منو دار جدار
واحد في شبكتو فيها خمل.....وقناقو شنطي عطية منو دار
واجد رافد مطرقو بيه اينسل.....الكسوة راحت والمعيشة بالتنتار
احليل القليل جريو ما يصفى.....فرج عنو يا الوحيد القهار
مانيش فراس في الدنيا نطلب...وانا خايف قا من هذيك الدار
واللي عندو راه حالو تهول.....قادي قلبوعلى جال التكثار
ايشاور في اماغو ما يصنع....والغنيا دارت قرابة للتقشار
ويلا مات العلوش يغضب ما ياكل...يصبح ساري بيه راكب فوق حمار
ما يصبحش في فراشو متلمد..يعبد في ربي الوحيد القهار
والصلاة المفروض عنا راح ابطل..عند عموم الناس منسي لا تفكار
وامسلم بالاك كاين من لا يستهل...اللي قايم دينوعلى اجميع لشوار
السعيد مسكين بكلام ايمثل....يسقرب في الوقت ما هوشي نعار
والدنيا مهيش حاجة يا قافل...ما شفتش منين طلقها حيدار
تبكي في اعقابو ادموعها تهطل..ما شل بيك يا عزوج النار
وامزح يا حبيبنا مرة بطل....قال أهل الديثورغيثو باللي صار
سوى علال يتقلقل....واللي ما عندوش ول في التكثار
