تـــآرت الشوكولا بذوق النسكافي وقاطو الاوريو من مطبخي ،

[־●ـ‗غمــــوض ــالــورد_ـ●־]

السلآم عليكـــم ورحمة الله وبركآآته :


جربت تآرت اول مرة نديرهآآ قلت نجيبلك شوي معايا :p
مشني من النوع لي يحب يطيب ليتآرت مي درتها الآنيفآرسآر تاع بارصون عزيز عليا برشآ علبيها جاني كوراج وبالزيادة جآت هايلة كي ذقتها قلت بالاك نولي نخدم ليتآرت ونبيع :d نقصر برك منقدرش فنيانة بزااف خخخـ بون بلا منكتر نخليكم معآآهآ :

المقآدير:

للجينوآز :
4 بيضآت ، 120 فرينة ،120 سكر ، رشة ملح ، مغرف صغيرة فرينة
وزوج مغارف كبار كآكآو اسود ( حسب الرغبة واللون لي تحتاجي لابات تاعك تكون تقدري تزيدي شوي ولا تنقصي )

ملآحظة :هاد المقادير تاع طبقة واحدة

الحشو :
كريمة مخفوقة انا درت تقريب كاس ونص
2مغارف كبار سكر
مغرف صغيرة نسكافي محلولة في كمية ماء دافي
مغرف كبيرة كاكاو

للتزين :

علبة شوكولا نوار
كاس كريمة سائلة
قاطو اوريو احول لكريمة لي في النص وندشدشوه

التحضيــــر :

نخلطوا البيض مليح بلخلاط ونزيدولو السكر ورشة الملح ونخلطو مليح

بعديكا نزيدولو لافارين وغبرة لكاكاو والخميرة ونخلطو مليح

الطبقة الولة والتانية درتهم متخالفين فاللون وحدة زدتلها لكاكاو اكتر غماقت بش يجو طبقات بزاااف

نحطو بابي كويسون فالمول بش متلصقش وندخلوها الفور اطيب مدة 20 دقيقة تقريبا

بعديكا نخرجوها نخلوها تبرد شوي ونحو الطبقة لفوقانية بش تولي مستوية
ونسقوها بالشاربات
( نفس الطريقة بالنسبة للجينواز التانية )

بعديكا نخلطو الكريمة السائلة مع الكاكاو والنسكافي مليح

ونحشي بيها بين الطبقتين وعلى الدوانب ومن فوق نخطيو الجينواز كاامل بيهاا

من بعد نذوبوا الشوكولا ونزيدولها الكريمة نخلطوهم مليح حتى يولي متجانس مع بعض ونصبوها فوق لاتارت نغطوها كاامل
ونزينوها بلفاطو اوريو على الجوانب

التزيين من فوق يرجع ليكم
انا كتبت علاها من فوق بلقاطو اوريو وزينتها بديفلور حبيتها تكون سآآمبل

هنا كي قصيناها

جربوها مش راح تندمو ذوقها بزااف شباب :up:

نتمنى تعجبكم ،

سلآمي ،



​

 

[ام اشراق]

تبان هايلة اخت غموض واكيد ذوقها لا يقاوم يسلموا ايديك حبيبتى

 

[anissa 13]

باينة بنينة
كيكة راااااااااااائعة
مشكورة حبيبتي مراة ونص
يعطيك الصحة
عيد ميلاد سعيد للانسان العزيز عليك ههه ربي يحفظهولك يارب
​

 

[حُلم عابرْ]

نموت على حاجة فيها شيكولا بصح عجبتني اكثر كملة (( بعديكا )) ههههههههههه فوووور

 

[ضآحكة مستبشرة]

واوووووووو تهبل امونة
يعطيك الصحة
بصحتكم​

 

[mà_dikrà]

وااااااو
روعه امااني وااااااو ربي يبارك
ان شاء الله نقول لماما تجربهالنا
ههههه
سلاامو​

 

[־●ـ‗غمــــوض ــالــورد_ـ●־]

تبان هايلة اخت غموض واكيد ذوقها لا يقاوم يسلموا ايديك حبيبتى

مرسي حبوبتي تعيشي ،،
سعدت بتوآجدكــــي ،
​

 

[־●ـ‗غمــــوض ــالــورد_ـ●־]

باينة بنينة
كيكة راااااااااااائعة
مشكورة حبيبتي مراة ونص
يعطيك الصحة
عيد ميلاد سعيد للانسان العزيز عليك ههه ربي يحفظهولك يارب
​

الله يعيشك حبيبتي مرسي ،
امين ان شاء الله يارب هههـ :d اني قتلوا وش قلتيلي قالك ربي يخليك :$:p
تسلميلي ياامورة
​

 

[־●ـ‗غمــــوض ــالــورد_ـ●־]

نموت على حاجة فيها شيكولا بصح عجبتني اكثر كملة (( بعديكا )) ههههههههههه فوووور

خلاه كيعاد كيمك لابروشان كي ندير شوز بشوكولا نبعتلك حنونة
هههههههههـ اديها ولي احكي بيها مآم انتي :d
مرسي حنونة ،
​

 

[־●ـ‗غمــــوض ــالــورد_ـ●־]

واوووووووو تهبل امونة
يعطيك الصحة
بصحتكم​

انتي لي تهبلي زينونتي ،،:$
مرسي تعيشي الله يحفظك ،
​

 

[־●ـ‗غمــــوض ــالــورد_ـ●־]

وااااااو
روعه امااني وااااااو ربي يبارك
ان شاء الله نقول لماما تجربهالنا
ههههه
سلاامو​

ان شاء الله حنونة كي تعملهالك ابعتيلي شوي باسكو ذوقهاا واو :d
مرسي حبيبتي راني نستناك خخـ:p
​

 

[prncess fifi]

اممممم خرجتلك شابة يعطيك الصحة
شهيتيني فهاد الليل هههه بصحتكم حنونة​

 

[־●ـ‗غمــــوض ــالــورد_ـ●־]

اممممم خرجتلك شابة يعطيك الصحة
شهيتيني فهاد الليل هههه بصحتكم حنونة​

تعيشي حنونة انت لي شآآبة ،
ههههههـ كي نزيد نطيبها دوك نبعتلك شوي تستاهلي حنونة ،
الله يسلمك مرسي ،،
​

 

[shahrazad]

وااااو تحفة ختي يعطيك الصحة