زوجي كسول

[مشكلتي]

السلام عليكم ورحمة الله وبركاته

انا سيدة ابلغ من العمر 31 سنة متزوجة منذ 5 سنوات
مشكلتي ان زوجي كسول
طول النهار يظل نايم وبحكم انه اصيب بحادث من عام
داير كونجي من العمل وبقى يمدد فيه بالرغم من انه برى
عندي ولدان ونسكن مع اهلو والله صرت اخجل من كسلو
واتكاله على غيره حتى اولاده لما يمرضو لايبالي بهم
وينتظر ان يتحرك احد من اخوته لياخذهم للطبيب وان لم يفعلو سياخهم هو بعد تفقم الحالة فهو يتهاون كثيرا

ماذا افعل كي اعالج المشكلة ساعدوني ارجوكم
​

 

[حكيك]

تم الاعتماد

 

[red rose]

لياً الأعضاء النشيطين الذين يشاهدون هذا الموضوع : 29 (1 عضو و 28 ضيف)
‏♫abir abir♫


ربي يهديه حاولي تقولي لكاش واحد من كبار العائلة يحكيو معاه و الله المستعان

 

[~ غيث ~]

وعليكم السلام ورحمة الله وبركاته
ربي معاك أختي
هذا راهو داء العصر ، ربي يعافينا
حاولي تعلميه المسئولية بلعقل ... يعني أمور ما تشريهاش نتي حتان يشريها هو ... امدحيه إذا أنجز أمر ما ووريلو بلي فرحانة بيه وفخورة ...
وادعيلو واصبري عليه
المهم تحاولي
ربي يفتح عليك

 

[mà_dikrà]

الـسـلآم عـليكم
ربي مـعآآك حـنونـتي

لآآزمـك ت‘وديـه عـلى غـيآبـك مـ الدآآر بآش يـتعـود يـخدم شـويآ ولآ ألعـبيـهآ
زعـفآن ورحتي لـدآآر بـوك
بـعد مآيـتبدل أرجـعيلـوآآ
هههه الله غآآلـب لـقيت غي هآدآ الـحل
مـعآك ربي خيتي
دمتي طـيبهـ​

 

[djillo20]

السلام عليكم
لكل مشكلة حل
المهم حسيه بالمسؤولية اي تاني انتي كوني كسولة في امور يستحقها هو.....بصح بدون مشاكل
و الى فيها الخير ربي يجيبها
مرحلة و فايته كوني صبورة و خلاص

 

[بنت الـ25]

يا خوتي على التفنيين شحال نكرهو
نكره نقول لعبد دير حاجة وما يدريهاش ويتحجج بلي نسى ولا علاه ما فكرتينيش ...الخ من الأعذار الواهية
الحل تاعك يا ختي تدفعيه للخرجة من الدار دفعا ديري اي سبة باش تخرجيه من الدار
قاعد نوضيه رايحة نسيق منحبش كي نسيق عبد يدورلي فالدار
روح تقدي راني سخفت على هاديك الماكلة ولا ولد من ولادك سخف عليها واتمسكنيلو
خرجيه بالسيف
يمرض واحد من الاولاد (بعيد الشر عليهم) هزيه وحطيهولو في حجرو وقوليلو هيا البس حوايجك ندوه للطبيب راه في حالة ضخميلو الحالة قد ما تقدري ومارحش تستعصى علينا فنحن بنات حواء :up:
وما تسنايش حتى تتفاقم الأمور ويمرض أحد أولادك ويتهاون بيه ويصرا ما لا يحمد عقباه باش يفيق ما تجازفيش
لازمك انت تعينيه باش يتخلص من هاد المرض اللي هو الكسل بكل الطرق اللي تخطر في بالك وأي فكرة تجي في بالك احسبيلها العواقب وجربيها وان شاء الله يتعدل
​

 

[ROUAKIMOURAD]

وعليكم ورحمة الله وبركاته اختى
رغم أن الكسل مزعج، والقعود عن العمل مرفوض، إلا أن الخطير هو التكاسل عن الصلوات, والتأخر في أداء العبادات، فاجعلي غضبك لله، وحرضيه, وشجعيه على طاعة الله, والصلاة؛ لأنها سبب للنشاط, و للرزق، قال تعالى( وأمر أهلك بالصلاة واصطبر عليها لا نسألك رزقاً نحن نرزقك والعاقبة للتقوى)

وهذه وصيتي لك: بتقوى الله، ثم بكثرة اللجوء إليه، واجتهدي في تربية أبنائك على النشاط, وتحمل المسئولية، وأبشري بالخير، ولا تتخذي أي إجراء يتسبب في هدم بنيان الأسرة.

 

[سفيان اسلام]

السلام عليكم ورحمة الله وبركاته

انا سيدة ابلغ من العمر 31 سنة متزوجة منذ 5 سنوات
مشكلتي ان زوجي كسول
طول النهار يظل نايم وبحكم انه اصيب بحادث من عام
داير كونجي من العمل وبقى يمدد فيه بالرغم من انه برى
عندي ولدان ونسكن مع اهلو والله صرت اخجل من كسلو
واتكاله على غيره حتى اولاده لما يمرضو لايبالي بهم
وينتظر ان يتحرك احد من اخوته لياخذهم للطبيب وان لم يفعلو سياخهم هو بعد تفقم الحالة فهو يتهاون كثيرا

ماذا افعل كي اعالج المشكلة ساعدوني ارجوكم
​

السلام عليكم ورحمة الله وبركاته
اختي في الله هنا تلقي الجواب الشافي انشاء الله بالتوفيق
http://consult.islamweb.net/consult/index.php?page=Details&id=274957
هدا الموقع اسلام ويب
هو بوابة علمية دعوية كبيرة، ضمن بوابات موقع الشبكة الإسلامية "إسلام ويب" ، التابع لإدارة الدعوة والإرشاد الديني بوزارة الأوقاف والشؤون الإسلامية بدولة قطر.

 

[بقايا إنسان]

السلام عليكم ورحمة الله وبركاته:أختنا الكريمة هذه مشكلة زوجك وليست مشكلتكي أنتي فمادام اعمام اولادك يتكفلون بهم فلا ضير وكيما راني نشوف والله أعلم أنتي لي عاونتيه على الكسل ومتزعفيش مني الصراحة راحة والدليل هو أنو مشكلتة زوجك تعالجي فيها انتي
اتركيه لحالو ونضن اذا بقى راقد يجي النهار ويجيه كابوس يصحيح يعني يفطنو
سلام
وراني نسيت نقولك انا راني نشبه زوجك في الكسل ولو كان شافوا فيا الصلاح راهم خلاوني مشرف ولا رقاوني لمراقب عا م ههههه
سلام

 

[زيزي احمد]

ماذا عساي أقول لك بنيتي نفس المشكل تعاني منه إبنتي مع زوجها ينام نهارا و ينهض ليلا و لايعمل أبدا
آه من رجل ينتظر لقمته من أبيه و لايستحي من حاله
يظل نائما و أبوه الشيخ الكبير ينهض فجرا ليعمل طول النهار من أجل عائلته
تبا لمثل هؤلاء الرجال و تبا لهؤلاء الكسلاء الذين لا يهتمون لكرامتهم و يجلسون إلى طعام ليس لهم فيه لا ماءا و خبزا و لا يستحيون و هم يأكلون و يتلذذون تعب غيرهم .

 

[أمورة زوجي]

يا أختي أنا زوجي عكس زوجك دايما خدام لكن في حكاية المسؤولية متشابهين يعني الحوايج الي لازم يديروهم يتكاسل باه يديرهم وينكل بزاف على الاخرين ولا دايما يقولي راني مشغول مشغول على طول
كلامك خلاني نحكم على الرجال بلي متساويين في هدي الناحية ههههه
ربي يهديهم

 

[انثى المطر]

وكئنك تحكي قصتي