السلام عليكم أختي لميآء
شوفي ختيوتي كآين إحتمالين
كي يمدلك مثلآ أحماض آمينية بش تربطيها مع بعضهآ
عندك الحمض الآميني ديما يبدآ بالمجموعة الآمينية NH2 ويخلص بالمجموعة الحمضية COOH
مثلا : الحمض الآميني~ NH2-CH-COOH و تخرجي منين الCH جذر R على حسب الجذر الي يعطيهولك فالتمرين .
باش تربطي 4 مع بعض
NH2-CH-COOH
+NH2-CH-COOH
+NH2-CH-COOH
+NH2-CH-COOH
=
NH2-CH-
CO-NH-CH-
CO-NH-CH-
CO-NH-CH-COOH +3H2O
معنتها ديما CO تع آخر الحمض الآميني الأول تربطيها مع NH الي يكون في بداية الحمض الآميني الثاني
بحيث أنها ديما تنتج جزيئة ماء كي تبطيهم
OH تع COOH تروح ترتبط مع H الثانية تع NH2 وتتشكلنا جزيئة ماء H2O
كيما فالمثال السابق تاعي ربطت 4 أحماض آمينية
في أول المعادلة درت بيناتهم + ومربطتش الأحماض الآمينية تاعي و في ثاني معادلة
ربطتهم و في بلاصة كل + راحتلي OH و H و نتجتلي جزيئة ماء
3 مرات
لازم تكتبي في آخر المعادلة شحال جزيئة ماء نتجت كيما كتبت أنا
وCO و NH بيناتهم تتشكل تاني رابطة ببتيدية الي ملونة بالأحمر هنا CO
-NH تديري سهم اتجاه الرابطة وتكتبي رابطة ببتيدية
بعدها تديري عنوان لمتعدد الببتيد تاعك كيما أنا ربطت بين 4 أحماض آمينية نكتب
رباعي ببتيد
هآذي الحالة الأولى
أما الحالة الثانية
عندك مثلا كون في تمرين يعطيك متعدد ببتيد و يأطرلك على جزء منه ويقوللك مثليلي الجزء المؤطر
ويكون الجزء المؤطر جاي فالنصف
تبداي ب
NH-CH-CO
وفالCH تديري الجذر تاعك
مثلا معنتها المتعدد ببتيد تاعك راهو بدا خلص ونتي حكمتيه من النصف
يعني تبداي ب NH وتخلصي ب CO
وعلى حساب الجزء المؤطر تاعك
ويلا عطاك تديري مثلا 2 أحماض أو أكثر تكملي تاعك الببتيد ومتنسايش ديما CH هاديك تربطيها بالجذر أنا مقدرتش نربطهالك فالميكرو نزيد مثلا نديرلك 4
NH-CH-
CO-NH-CH-
CO-NH-CH
CO-NH-CH-CO
وهكذا
نتمنى تكوني فهمتيني أختي لمياء :d
وبالتوفيق
