كيفاش نقنعهم ؟؟؟

[مشكلتي]

السلام عليكم

انا فتاة عمري 20 سنة من الغرب الجزائري قاعدة فالدار ،، جوزت الباك وخسرته 2 مرات ،،

تقدم واحد لخطبتي وهو من طرف زوج اختي ويكون ولد خالته

وانا ما حبيتش مع العلم عمرو 26 سنة

انا ديجا كنت نكككككرهه ونكره يماه ونكره عايلته كاااملة ودروك زدت ++ قلبي ميرتحلهمش هديك العايلة

وغي هادي منتخيلهاش باش يكون راجلي وباش نسكن فهاديك المنطقة لي ساكنين فيها هوما

وانا عندي فكرة اني نتزوج مش محباش نتزوج بصح هو محبيتش وكون يتقدملي اخر ونرتحله نقبل

وكي قلت لدارنا ما حبوش وقالولي علاش وووو
ومين مكيش حابة مالا عندك حبيبك وووو
وانا والله مكان والو من هاد الهدرة ما عندي حبيب ولا غيرو غير قلبي مريحلوش هداك الانسان لا هو ولا عايلته

وانا كرهت من هاد الهدرة

نتمنى تعطوني الحل لي يناسبني وكيفاش نقنع اهلي باش ينحيو هاد الفكرة من راسهم

والسلام عليكم

 

[حكيك]

تم الاعتماد

 

[راضية حامدة]

لي عودة ان شاء الله

 

[*amina*]

السلام عليكم
الرسول صلى الله عليه و سلم نهى عن زواج الاكراه هدي نورمالمو يعرفوه والديك منظنش اي والدين يزوجو بنتهم غصبا عنها في هدا الوقت
ثانيا قوليلهم ببساطة بلي ماكيش مرتاحة لهاديك العايلة يعني هل من المعقول الواحد يروح للنار برجليه؟؟؟
قوليلهم شعورك ببساطة بلي مكيش مرتاحالهم و متحبيهمش و فهمي يماكم هي تفهم باباك و احكي مع اختك تحكي مع راجلها

 

[رابح66]

السلام عليكم

صلاة الإستخارة تغنيك عن كل شيئ
وأعلم أنه ماخاب من أستخار ولاندم من أستشار​

تقبلوا تحياتي

 

[الخليـل]

http://xa.********/kq/groups/73017548/sn/798276821/name/hg.jpg​

وما توفيقي إلا بالله عليه توكلت

يقول الشيخ محمد العثيمين رحمه الله​

ما كان التوفيق بيتا تسكنونه
ولا شخصا تعاشرونه ، ولا ثوبا ترتدونه !
التوفيق غيث إن أذن الله بهطوله على حياتك ما
شقيت أبدا !
فاستمطروه بالصلاة والدعاء
وحسن الظن بالله وحسن الظن بالناس دائما .
وحتى تتيقن أن المسألة هي مسألة "توفيق"
انظر إلى " الذكر " من أسهل أسهل الطاعات
لكن لا يوفق له إلا قليل
اللَّهُمَّ أعنا على ذكرك وشكرك وحسن عبادتك.

​

 

[حسان]

قول لي أهلك صراحة راحة أنا نكره و نكره امه و نكره درهم و نكره منطقة و إذا زوجتوني بشخص نكره انتم تحملو مسؤوليتي في أي مشكلة تقع

 

[adel._dz]

نضن تزوجيه
عسى أن تكرخو شيئا وهو حير لكم

 

[بنت الـ25]

سلام عليكم
شوفي اختي انا مريت بنفس موقفك هدا الرفض تاعي منفعش وبابا اللي كان يسيف عليا ماما مسكينة ما قدرت تقول والو وخويا لي مالف يوقف معايا كان مسافر ملقيتش روحي نضل نبكي
آخر الأمر هددتهم قلتلهم كون تجبروني نقبل بيه بالسيف نبخص بيكم نهار يجي مع عايلتو يخطبوني نقولهم بلي انا مش قابلة وهوما سيفو عليا
وراني نديرها صح - وكنت معولة صح نديرها -
ايا ماما خافت نديرها صح قالت لبابا سع قالها مالا دبر راسها
يلعبولك بكلش ختي غير بمصيرك ومستقبلك وحياتك
حاربي علاجال حياتك ما عندهم مراح يديرولك وأطونصيون يلعبولك بعقلك يقولولك اقبلي برك قدامهم وممبعد تحبي تبطلي بطلي راكي تندمي ما تساوميش على حياتك حطيها في بالك مليح
وفالأخير الحل بيدك انتي وانتي فقط
​

 

[سفيان اسلام]

السلام عليكم ورحمة الله

اختي لاتنسي ان الله قال
" وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون "
وقال سبحانه
( وعسى آن تگرهوآ شيئآ ويچعل آلله فيه خيرآ گثيرآ)

فكرهك لهم ليس حجة بالغة اختاه ابدا
وخاصتا ان كان يحبك فهدا افضل وبالمعاشرة ستحبينه فانت مؤمنة
وفقك الله وفكري جيدا قبل ان تخطي اي خطوة قد تندمي عليها

 

[RoseBonbon]

أختي الغالية

علاش ما تحكميش راجل ختك وتفهميه بلي ماراكيش قابلةوالا جا راح ترجعيه أمالا هو يخبر الخاطب باش يتراجع

ونتي ارفضيه كي يجو.. قولي كاش سبة وخلاص

المهم يفهمو بلي مراكيش قابلة

وأنا مستغربة كيفاش رانا في 2014 وداخلين 2015 ومزال أهالي يفرضوا على بناتهم الزواج

الله يهديهم

 

[Silent Hill]

السلام على من اتبع الهدى
واش نقلك خيه غير
ربي يجيبلك اللي فيه الخير يا رب
اللهم صل على محمد و آل محمد
سلام ...​

 

[عيشة مرة قدور]

سلام يقول ربي سبحنو )عساكم انت تحبو شيء وهو شرلكم وعساكم ان تكرهو شيء وهو خير لكم ) اختي انتي مرتحتيلوش مناه مرتحتيلوش ممكن كاين سبة خلاتك مترتحيلوش هو عائلة تاعو وقوليها لباباك ويماك وتاني شوفي يلا يصلي ولالا اول حاجة نامرك ولي تساعدك وممكن هدا شخص يناسبك ولالا هيا صلاة الاستخارة وربي معاك اختي نشاء الله يكون واشبغيتي

 

[زهور الشوق]

مساء النور ختيتي
نتي صلي صلاة استخارة وادعي ربي يبعدو عليك الا ماكان فيه حتى نفع والا بقى احساسك بعدم الراحة واجهي اهلك بلي الله غالب مش هاد الانسان اللي تقدري تبني معاه حياتك و قلب المرأة دليلها
انا لحد الان ماكاش حاجة مارتحتلهاش وصدقت مليحة والعكس
شدي في ربي قومي الليل وادعي استغفري قد ماتقدري مهما كانت قوة عايلتك كاين ربي اللي قادر على كلشي وبيدو كل شي سبحانو
ربي يسهلك ختيتي ويزقك النفس المومنة اللي تستاهلك وتستهليها وربي يفتح عليك بيبان الخير