- إنضم
- 13 جوان 2011
- المشاركات
- 14,647
- نقاط التفاعل
- 19,333
- نقاط الجوائز
- 2,853
- محل الإقامة
- الشرق و الغرب الجزائري
- الجنس
- أنثى
- آخر نشاط
السلام عليكم ورحمة الله تعالى و بركاته
كي راكم ؟
شحال توحشت هذا القسم
اليوم كان عندي ملتقى في الجامعة ( مداروش اضراب زعمة يبغوا القراية ) مت بالعية
المهم كي رجعت ركبت في bus لنقل الطلبة الحس وحدة تعيط منا لُخرى من لهيه
الغناء ، أخبار ستار أكاديمي ، كنزة نوميني ، يوغرطة فور و هي رايحة
لُخرى بعثيلي دوسي نتاع حسام خليني نسمع
شفتي فلان راه لاصق ليوم
و حنا في الطريق حتى مال بينا bus قريب مرحنا و كي مال طاحو 2 بنات على وحدة و هنا وقعت الواقعة
الشيرات ناضت حرب بينهم وحدة تسب و لخرا تكمل عليها الكلام منقوللكمش تحسب شاشرة ماشي شيرات
و الله كاين شيرات حشموا من هداك الكلام لأن كان bus مخلط شاشرة و شيرات
حبس في الطريق و نزلوا و بدات الحرب و الشعر يطرطg و الشاشرة يسلكوا
و ناس تتفرج و لي حشمت منها ديك البلاكا لي مكتوب فيها حافلة نقل الطلبة قلت يا ريت يgلعوها لي راه يفوت يتفرج علينا و الله حشمنا :$
عندهم حق لي راهم يحكوا على بنات الجامعة بالكلام لي ماشي مليح
شفنا بزاف حوايج في الجامعة بصح ماشي لدرجة يحبس في طريق و يكملوا الحرب
هو خلعوه حبس و بغا يصالح و ياريته مادارها و خلاهم داخل لمهم كشفة و خلاص و ناس تتفرج
gلبي ضرني و مقدرتش نسكت كيفاش علم و جامعة و العقل 0
وين رانا رايحين بهذي العقلية
شكون لي خلاهم يتراجعوا
بكري طالب العلم من البعيد تعرفه ، لباس أنيق ، محفظة في يد و كتب في يد اخرى
و درك جلابة و بليغة و pوشات فاسية حرة و التسركيل للقدام
وجها دقول مهرج و الغناء تحسب رانا في عرس
الله يهدينا و يهديهم
