نحلفكم بربي تدخلو وتصبروني وتدعيولي..

[مشكلتي]

السلام عليكم
نتمنى تقراو موضوعي للاخير..ماكان غير نتوما نشكيلكم همي
انا بنت في 20 من عمري وكل مرة يخطبني ناس
مرة واحد بعتلي مع صحبتي قالها نجي نخطب قتلو لالا
بعد مدة قصيرة تعرفت بواحد تعلقت بيه ونوينا نكملو مع بعض مخلص قرايتو وتعرفو حالت البلاد يخدموك بمليون ونص هداك ولا شحال مهم سمع بلي عليا خطابة وقالي نقدم وخلاص معليش داركم كشمة يقولو لانهم معروفين
بعدها صادفت رجع نفس لي خطبني وراح هدر على طول مع الوالد ووالدي قبل وقالي ناس ملاح وعائلتهم كيما حنا بشانهم بهدي الكلمة
مهم قالولي خليهم يجيو وبعدها ارفضي متحشميناش درك برك وانا قلتلهم ربي واحد
غلبوني جاو وبعدها انا قلت خلاص وصرات الكارثة قالولي تديه تديه والله وديري واش ديري غصبوني عليه اخوتي وبطلوني من القراية وكان عامي تاع الباك وحلفولي بلي لي نحبو مانديه وتعايرت حتولي لموس فالرقبة وانا نحاول فيهم باه مانديهش مارحمونيش قالي تخرجي من قصر وطيحي في قصر والوالدة قالت لمرت عمي انا نمد بنتي لواحد معندوش دار وعايلة ماعندهومش !!انا والله جامي شرطت والله مايخلعني الدورو قالو ماعاندو والو وانا راضية
وبعد مدة كي اكتشفت بلي لي خطب داار خراااااايب وكي قتلو قالي تبت وخليها بيناتنا تفكرت الوالد كي قالي انسان طيب وين راه الطيب..ولي حبيتو دائما يسقسي عليا قاعد وحدو وكانو يهدوني دارنا كون كشما تقولي نديرو فالاخر لي مايندار انساياه لا نقتلوه
حطيتهم متحضرين عائلتي خرجو لعكس وكلت ربي
ادعيولي ربي يفرج عندي من ديسمبر لي فات وانا نبكي لي يشوفني مايصدقش بلي انا نفس الطفلة ماكاش ليلة مابكيتش تعذبت بصح مكتوب ربي وماكاش اصلا كيفاه نبطل والله وندير واش ندير
ادعيييولي ربي يرضى عليكم ويرزقكم بكل حاجة تسر قلوبكم
ادعيولي ولو في ركعة باه يفرج عليا ربي ويجيبلي لي فيه الخير
طولت عليكم..سامحوني
في امان الله​

 

[أمونة المتألقة]

ربي يفرج عليك حنونة و يصبرك و في الأخير لارزم ترضاي بمكتوب ربي و اللي يكون من مكتوبك واحد مايبعدك عليه و اللي فيها الخير مرحبا بيها

ماتقلقيش روحك راكي تمرضي و صلي صلاة الاستخارة و ادعي ضك يكتبلك ربي اللي فيه الخير
​

 

[الخليـل]

السلام عليكم
وعليكم السلام
نتمنى تقراو موضوعي للاخير..ماكان غير نتوما نشكيلكم همي
انا بنت في 20 من عمري وكل مرة يخطبني ناس
مرة واحد بعتلي مع صحبتي قالها نجي نخطب قتلو لالا
بعد مدة قصيرة تعرفت بواحد تعلقت بيه ونوينا نكملو مع بعض مخلص قرايتو وتعرفو حالت البلاد يخدموك بمليون ونص هداك ولا شحال مهم سمع بلي عليا خطابة وقالي نقدم وخلاص معليش داركم كشمة يقولو لانهم معروفين
بعدها صادفت رجع نفس لي خطبني وراح هدر على طول مع الوالد ووالدي قبل وقالي ناس ملاح وعائلتهم كيما حنا بشانهم بهدي الكلمة
مهم قالولي خليهم يجيو وبعدها ارفضي متحشميناش درك برك وانا قلتلهم ربي واحد
غلبوني جاو وبعدها انا قلت خلاص وصرات الكارثة قالولي تديه تديه والله وديري واش ديري غصبوني عليه اخوتي وبطلوني من القراية وكان عامي تاع الباك وحلفولي بلي لي نحبو مانديه وتعايرت حتولي لموس فالرقبة وانا نحاول فيهم باه مانديهش مارحمونيش قالي تخرجي من قصر وطيحي في قصر والوالدة قالت لمرت عمي انا نمد بنتي لواحد معندوش دار وعايلة ماعندهومش !!انا والله جامي شرطت والله مايخلعني الدورو قالو ماعاندو والو وانا راضية
وبعد مدة كي اكتشفت بلي لي خطب داار خراااااايب وكي قتلو قالي تبت وخليها بيناتنا تفكرت الوالد كي قالي انسان طيب وين راه الطيب..ولي حبيتو دائما يسقسي عليا قاعد وحدو وكانو يهدوني دارنا كون كشما تقولي نديرو فالاخر لي مايندار انساياه لا نقتلوه
حطيتهم متحضرين عائلتي خرجو لعكس وكلت ربي
ادعيولي ربي يفرج عندي من ديسمبر لي فات وانا نبكي لي يشوفني مايصدقش بلي انا نفس الطفلة ماكاش ليلة مابكيتش تعذبت بصح مكتوب ربي وماكاش اصلا كيفاه نبطل والله وندير واش ندير
ادعيييولي ربي يرضى عليكم ويرزقكم بكل حاجة تسر قلوبكم
ادعيولي ولو في ركعة باه يفرج عليا ربي ويجيبلي لي فيه الخير
طولت عليكم..سامحوني
في امان الله​

http://xa.********/kq/groups/73017548/sn/798276821/name/hg.jpg​

​

ابحث في صيدلية القرآن
http://xa.********/kq/groups/73017548/sn/1132180011/name/483074_374853252586065_1760048011_n+%281%29.jpg
ابحث في صيدلية القرآن عن مرهم ملائم لجُرحك !
مظلوم - محتاج - مذنب - تائب
ستجد العلاج صحبة القرآن
الشيخ محمد إسماعيل المقدم
http://xa.********/kq/groups/73017548/sn/140313379/name/%D8%A7%D9%84%D8%A7%D8%A8%D8%B0%D9%83%D8%B1-%D8%A7%D9%84%D9%84%D9%87-%D8%AA%D8%B7%D9%85%D9%8A%D9%94%D9%86-%D8%A7%D9%84%D9%82%D9%84%D9%88%D8%A8.jpg
​

 

[رابح66]

السلام عليكم

أنا حبيت نفهم لإلا تفهموني
هده العضو مشكلتي
:: كلمة المرور : 4algeria ::
هل هي صاحبة كل المشاكل
أم أنها محللة نفسانية تنسب لها فقط
أم أنها عضوية مفتوحة لمن أراد يستعملها​

تقبلوا تحياتي

 

[Mr mino]

{ آلزَّوآجُ } وَلَآ بْرٌوْبَلآَمْ كَبِيَيَيَرْ

..........

رِبِّيُّ يُجَيِّبُ آلْخَيْرَ




​

 

[سفيان اسلام]

عندما سأل رجل أحد الصحابة لمن أزوج ابنتى قال له
"زوجها لمن يتقى الله اذا أحبها أكرمها وإذا كرهها لم يظلمها"

 

[الخليـل]

السلام عليكم

أنا حبيت نفهم لإلا تفهموني
هده العضو مشكلتي
:: كلمة المرور : 4algeria ::
هل هي صاحبة كل المشاكل
أم أنها محللة نفسانية تنسب لها فقط
أم أنها عضوية مفتوحة لمن أراد يستعملها​

تقبلوا تحياتي

يتم إخفاء صاحب المشكلة حفاظا على أسراره أو هويته
​

 

[~خفة روح~]

بكيتيني معاك
يااااااااااااااااارب يفرج عليك
ب_ب

 

[نسمة ~]

ربي يفرج عليك حبيبتي

هادا هو المجتمع لي عايشين فيه

وكلي ربي وماتدي غير لي كاتبلك والعائلة تاعك سبب برك

ربي يهنيك حبيبة

 

[روز]

السلام عليكم

أنا حبيت نفهم لإلا تفهموني
هده العضو مشكلتي
:: كلمة المرور : 4algeria ::
هل هي صاحبة كل المشاكل
أم أنها محللة نفسانية تنسب لها فقط
أم أنها عضوية مفتوحة لمن أراد يستعملها​

تقبلوا تحياتي

وعليكم السلام ورحمة الله وبركاته
عضوية مشكلتي مفتوحة لكل الأعضاء والزوار لكل واحد يريد أن يطرح مشكلته
يدخل بهذا المعرف وكلمة السر ويضع مشكلته
حفاظا على الخصوصية
ونحن كأعضاء نساعد اصحاب المشاكل بالحلول عن طريق الردود
جعلها الله في ميزان حسناتكم

 

[العروة الوثقى]

السلام عليكم ختي ربي
يهدي وش خلق
حاولي تشوفي مع انسان كبير ابوك ياخذ
رايو كبير العايلة او امام مسجد باه يكون وسيط
وربي يفرجها
سلام

 

[روز]

صاحبة المشكلة :
ربي يفرج عليك اكثري من الاستغفار قد ماتقدري لانو ***** الفرج
أما الخرايب لي عملها خطيبك صارحي بيها الوالد علاه تخبي ؟
حتى لو لاقدر الله صرات حاجة يلوموك ويقولولك نتي ماقلتيناش
تكلمي مع باباك فقط مش مع خاوتك لانو الظاهر متسرعين وماعندهمش العقل ربي يهديهم
ونتي كثري من الاستخارة في هذ الفترة على الخاطب هذا
لو فيه الخير ربي راح يكملك معاه واذا مافيهش الخير ربي رايح يبعدو عليك

ماتبقايش تتفكري في الانسان لي حبيتيه لانك هكذا رايحة تتعبي نفسيا وتمرضي
حاولي تشوفي الامور بمنطق اكبر وبعقل اكبر وشوفي كفاش تمشي حياتك بلاماتضري نفسك واهلك
وفي الاخير اهلك يحبوك واكيد شافو انو رجل مناسب ليك
كل شي بالمكتوب ومش كل واحد يحب حاجة لازم يتحصل عليها
هاذي هي الدنيا

نصيحة : تقربي من الله قومي الليل اقراي القرآن وقبل الفجر اكثري من الاستغفار
وبعد الفجر ادعي من قلبك كل لي في قلبك وبعد ماتدعي وتخلصي في الدعاء
تقبلي بعدها اي شي يكتبولك الله لانو الله اكيد سمع دعائك وسيأتيك الخير
لان الخيرة فيما اختاره الله لك

ثقي في الله واحسني الظن به
وحاولي تتعايش مع الواقع نتاعك
​

 

[نورالإيمان~]

ربي يفرج عليك و يصبرك ويعوضك

 

[anissa 13]

مالقيت مانقول غي ربي يصبرك ويرزقك ماتتمناي
​

 

[stelllo]

وعليكم السلام ورحمة الله وبركاته
عضوية مشكلتي مفتوحة لكل الأعضاء والزوار لكل واحد يريد أن يطرح مشكلته
يدخل بهذا المعرف وكلمة السر ويضع مشكلته
حفاظا على الخصوصية
ونحن كأعضاء نساعد اصحاب المشاكل بالحلول عن طريق الردود
جعلها الله في ميزان حسناتكم

راااائع

 

[stelllo]

عليك بالصبر......... والصبر ***** الفرج

 

[sousourose]

allah ykoun fi 3awnek khti diri istikhara wsatakoun lkhira fima ikhtaraho allah

 

[Amira28]

ربي يفرج عليك يارب ويهدي اهلك ماشي المال هو كل شيء ربي يهديهم الناس تحوس على الرجالة ماشي على المال لانوا المال عمروا يحقق الهنا
اصبري وماتنسايش انوا كل شيء بالمكتوب

 

[زيزي احمد]

السلام عليكم ورحمة الله
اختي واش رح نقولك، اذا كان هدا هو نصيبك ماعندك وين تهربي منو، ولي خيرهولك ربي خير من لي رح تخيريه انت.
حاولي تبدلي النظرة تاعك للرجل هذا، حاولي تعرفي عليه حوايج كثر بلاك يعجبك، وماتشوفيش ديما للجانب السلبي...
واذا مازلت على اتصال بالرجل الاخر ماذا بيك تقطعي اتصالاتك معاه هكدا باه ماتعطيهش امل وتخليه يستنى بلا فايدة.
المهم واش نقول لاختي، ماديريش حاجة لي تضر عايلتك وتخليك ندمانة طول عمرك، ويبقى الحوار والتفاهم هما الحلان لكل مشكلة
وفقك الله وكان معك في كل خطواتك ...

 

[NASRO DZ]

ربي يفرج عليك حنونة و يصبرك و في الأخير لارزم ترضاي بمكتوب ربي و اللي يكون من مكتوبك واحد مايبعدك عليه و اللي فيها الخير مرحبا بيها

ماتقلقيش روحك راكي تمرضي و صلي صلاة الاستخارة و ادعي ضك يكتبلك ربي اللي فيه الخير

......+ نفس ماقالته الاخت