حلم لتنفيذ مشروع فهل من مساعد؟

الحالة
مغلق ولا يسمح بالمزيد من الردود.

مسلم_جزائرية_ة

:: عضو مُتميز ::
إنضم
13 أفريل 2008
المشاركات
525
نقاط التفاعل
0
النقاط
16
احبتي في الله السلام عليكم
هذه اول مشارك لي في هذا المنتدى فارجوا من الله عز و جل ان يبارك لنا فيه و يجعل فيه كل الخير
من خلال تصفحي في النت و انا ابحث عن مواقع جزائرية وجدت هذا الموقع بعدها رحت اتجول في المنتديات وجدت منتدى فرغ واش في قلبك
بصراحة اخوتي ان بحثي عن المواقع الجزائرية كان من ورائه هدفاو هو ان اعرض مشروعي الذي لا توجد له ملامح باحثة عمن يساعدنا
اكيد دفعكم الفضول الفطري للسؤال عن نوعية المشروع
اني و ببساطةاريدتغيير الجزائرقد تضحكون اضحكوا لا عليكم و لكن هذه هي حقيقة الامر
لم احس بحب الجزائر الا عندما فكرت فيها و لم احس بماساتها الا عندما صادقتها و طلبت منها قضاء حاجتي اتدرون ما حاجتي؟ككل الشباب الجزائري عمل
من هنا بدات قصتي انا في آخر سنة لي بالجامعة و بدات افكر ما الخطوة التالية بطبيعة الحال كل الابواب مؤصدة
و لكن لاني لا اقبل بالاستسلام قررت الحركة
انا اود طرح نقاش جاد و فعال من خلاله اعرف وجهة نظر الشباب في الاوضاع الراهنة و ما اسبابهاو هل لديهم حلول والاهم من هذا هل مستعدون للعمل
انا في انتظار تفاعلاتكم و اجوبتك ملانني فعلا بحاجة للمساعدة بحاجة الى شباب جزائري غيور على بلده و امتهو بالتالي صدقوني انطلاقا من فضفضة ساصل او عفوا سنصل الى ابعد من هذا الى جزائر تحتوينا
ارجوا منكم المساعدة بنقاش جاد لا تستهن بافكارك فقد تكون ايحاءا لميلاد فكرة تغير البلد
اذا فلتكن البدايةو ليكن عملنا جادا كفانا القاء اللوم على الآخرين لا تنتظر التغيير بل كن انت من يغير
لا تبخلوا علي بردودكم و بافكاركم التي انا متاكدة انها مذهلة
 
رد: حلم لتنفيذ مشروع فهل من مساعد؟

اولا اهلا بك بين احبابك في هذا المنتدى الغالي .....
......اكيد كل واحد منا يعز الجزائر وقيمتها في قلبو كبيرة بزاف ...
..............وكل واحد يسعى جاهدا الى تنميتها .....
..........انا لاازال صغيرة على العمل يعني مازالني حتى نقرا وحد 04 سنين زيادة .........مي العمل هو الحاجة الوحيدة اللي نخمم فيها ديما وانا معلقة عليها المستقبل ديالي ..
..........خصوصا في وقتنا هذا مايسلك غير الشغل ....
...........في ما يخص اقتراحاتي .......
......اقتراح واحد ومهم بالنسبة ليا ..هو الاهتمام بالشباب وتوفير مناصب الشغل ..
................وان نحاول بقدر المستطاع تجنب مرض المعرفة والفاميلية
.............يعني كل واحد راهو عندو حق باش يخدم في بلادو ماشي هاد العنصرية اللي طغات في بالادنا ...........
.......اوكي .......ربي يجازيك الف خير على طرحك لهذا الموضوع وبارك الله فيك .
............واجدد الترحيب بك في المنتدى ...........تقبلي تحياتي......
 
رد: حلم لتنفيذ مشروع فهل من مساعد؟

حبيبتي دندونة
مشكورة على الرد السريع و نورتي الصفحة
انت عندك طلب واحد و هو الاهتمام بالشباب انا هنا حبيت اننا نحن الي نفرض انفسنا
اذا السؤال الذي يفرض نفسه ما هي الاشياء التي نقوم بها حتى نكون نحن من يغير و ليس مجرد الطلب ان يهتموا بنا بداية لمن تودين ان يعتم بك
علينا ان لا ننسى اننا شباب و علينا الاعتماد على انفسنا
و لن يغير الله ما بقوم حتى يغيروا ما بانفسهم
اما البسطو الي تكلمتي عليه انا شخصيا اعالجه بطريقة واحدة و لا اتذكر الي اليوم انه خيب املي مرة
دائما قبل ان اذهب الي مكان قضاء المصلحة اضع في بالي انني لست ذاهبة الى شخص بعينه اكون متيقنة ان الله عز و جل من سيقضي حاجتي و الحمد لله اليقين هو الوصفة السرية
و علينا ان ندع مثل هذه العوائق تحول دون طاقاتنا الجبارة التي يمكن ان نفعل بها المستحيل
تسلميلي يا الغالية و ارجوا ان تتابعي معنا المناقشات
 
رد: حلم لتنفيذ مشروع فهل من مساعد؟

74554024c2.jpg
 
رد: حلم لتنفيذ مشروع فهل من مساعد؟

السلام عليكم اخي في الله
شاكرة لترحيبك و الله يجزاك كل الخير و ارجوا ان تكون لي بصمة في هذا المنتدى فغايتي هي ليست مجرد حروف في زوايا المنتدى بل افكار نناقشها و نستفيد من وجهات النظر الاخرى
و ارجوا ان لا تبخل علينا برايك في الموضوع
 
رد: حلم لتنفيذ مشروع فهل من مساعد؟

مساء الخير أختي
انا نقول حاجة وحدة بالعلم تتقدم الأمم
ماشي بالقعاد و مكالاة الحيط
لذلك يجب الإهتمام الكبيربالعلم
تقبلي مروري
 
رد: حلم لتنفيذ مشروع فهل من مساعد؟

بارك الله فيك على الموضوع و الله غير فرحتيني بزاف او مانكذبش اعليك راه عندي عامين و انا انخمم كيفه نقدر نخدم هذي البلاد الي مانسمح حتى الواحد يقول كلمة ماشي امليحة اعليها
مي ...احنا واش انديرو؟؟؟
 
رد: حلم لتنفيذ مشروع فهل من مساعد؟

السلام عليكم بداية مشكورة يا سومي لمروركالعطرو قد قلتي شيئا في الصميم
و لكن السؤال المطروح ما هي الخطورة العملية لجعل الشباب يهتموا بالعلم اكثر اترجوا ان ارى ردك قريبا لانك قصرتي علينا المسافات
ثانيا مع الاخ الفاضل عزيز و الله يا اخي افرحني ردك كثيرا شاب فيه روح وطنية تصدق كدت اجزم انه لا يوجد من يحب الجزائر في نقاشات عديدة رفعت التحدي انه لا يوجد و هذا طبعا تبين لي من خلال وضعيتنا و لكن الآن اقول فيه شخص و السؤال الذي يفرض نفسه هل من مزيد؟
اخي روحك الوطنية تجبرك على التفكير في حلول جدية
ارجوا ان تنير بصيرتنا ببعضها التي جالت بخاطرك
بارك الله فيكم
هل هم فقط اعضاء النتتدى المهتمين بالمشروع اين البقية
ارجوكم بلغوا معارفكم في المنتدى للمشاركة لان الموضوع جدي و صدقوني هذه بذرة مشروع ضخم فكن من ضمنه و لا تضيع فرصة انك تكون ممن بنوا البلاد
 
رد: حلم لتنفيذ مشروع فهل من مساعد؟

أولا أختي يجب أن يجدوا نتيجة من بعد العلم أي توفير مناصب للعمل
أنا شخصيا ابني نفسي بنفسي نقرا باه نكمل الماجستير و جامي نبطل حتي و لوكان نعقبو 10 مرات لازم نديه
و أيضا العدل في التدريس
نقولك كاين وحيد قراونا دارو فينا حالة
و المشكل راهم يعرفوني بلي راني نقرا
سوفريت صح في أقرايتي سيرتو في العام الأول
و من بعد فقتلهم
إلي يشاركهم الحديث و يناقش يدي حقو و إلي ما معروفش راحت اعليه

المهم هذا فيما يخص العلم و العمل
كذلك الزواج أختي الكريمة إذا الرجل متزوج رايحة مشاكلو معضمها تكون أتحلت بنسبة 60بالمئة إستقرار عاطفي يعني عطاء أكثر
و كذلك المرأة
و هذا شيئ طبيعي
و الطريق للزواج هو العمل
يعني كل المشاكل تتحل بالعمل
هذا رأيي و اتمني مشاركة الجميع
وشكرا لك علي الموضوع
و آسفة علي اللغة لكن كاين أشياء لما تقال بالدارجة تكون أوضح
 
رد: حلم لتنفيذ مشروع فهل من مساعد؟

أولا أختي يجب أن يجدوا نتيجة من بعد العلم أي توفير مناصب للعمل
أنا شخصيا ابني نفسي بنفسي نقرا باه نكمل الماجستير و جامي نبطل حتي و لوكان نعقبو 10 مرات لازم نديه
و أيضا العدل في التدريس
نقولك كاين وحيد قراونا دارو فينا حالة
و المشكل راهم يعرفوني بلي راني نقرا
سوفريت صح في أقرايتي سيرتو في العام الأول
و من بعد فقتلهم
إلي يشاركهم الحديث و يناقش يدي حقو و إلي ما معروفش راحت اعليه

المهم هذا فيما يخص العلم و العمل
كذلك الزواج أختي الكريمة إذا الرجل متزوج رايحة مشاكلو معضمها تكون أتحلت بنسبة 60بالمئة إستقرار عاطفي يعني عطاء أكثر
و كذلك المرأة
و هذا شيئ طبيعي
و الطريق للزواج هو العمل
يعني كل المشاكل تتحل بالعمل
هذا رأيي و اتمني مشاركة الجميع
وشكرا لك علي الموضوع
و آسفة علي اللغة لكن كاين أشياء لما تقال بالدارجة تكون أوضح

100 / 100 وااااااااااصلي الطريق الى الامام سومي/ تسونامي .... بلتوفيق ان شاء الله
 
رد: حلم لتنفيذ مشروع فهل من مساعد؟

السلام عليكم
سومي لقد وضعت يدك على مربط الفرس انت عرضت المشكلة و حلها
حليتي معادلة علم مشاكل و لكن مواصلة رغم كل شيىء
و اما اللغة فلا تنحرجي ابدا كلامك كله حلو و الله يحلي ايامك
اخي رستم عرفت تدعم الفكرة الصح و نحن بانتظارك لتفصح عن وجهات نظرك
 
رد: حلم لتنفيذ مشروع فهل من مساعد؟

اعزائي قد تكون فكرتي غير واضحة للجميع و هذا التفسير الوحيد لمرور الكثير و الرد من الاقلة
شوفوا انا من خلال حلم لطالما راودني اني اغير الجزائر و لكن قلت يجب ان اغير نفسي اولا بدات بالخطوة
هذا العام الهاجس صار اكبر لانه آخر عام لي بالجامعة يعني ساخرج لمعترك الحياة يعني حلمي قرب مني
ما فهمتم قد يبدوا كلامي معقد
بداية ارجوا من كل واحد يقرا الموضوع يقولي في اي منتدى يجب ان اضع خطة مشروعي
راح اعطيكم الخطة باختصار
بداية اود جمع آراء الشباب عن الاوضاع الحالية و كيف ينظرون ايها و ما هي عقلياتهم بصراحة هذا المنتدى بالذات وجدت فيه ضالتي كيفاش راهم يخموا شبابنا
ثانيا رايحة نكتب موضوع نسال فيه ما هي اهم المشاكل الي تشوف الشباب الجزائري غرقان فيها
نصنف هذه المشاكل حسب صعوبتها وحسب توفر الحلول
نختار اهم المشاكل الي يواجها شبابنا نعرضوها و نطلبوا منكم الحلول كل واحد يعطي فكرة
و بالتالي بعد النقاشات نخرجوا بحل عملي
الى جانب هذا نفتحوا موضوع ما هو تخصص كل واحد منا الدراسي و ما هي اهتماماتوا
هنا نبداو في تشكيل فريق كل واحد يستكلف بحاجة
نبداوكل مرة نجسدوا مشروع من افكارنا نحلوا بيه مشكلة
قد نتقدم و نفتح قسم خاص يساعدنا فيه المتخصصين
و نفتحوا فيه عدة منتديات حسب المشاكل
و تكثر مشاريعنا و نصبح فريق نشط على المسوى الوطني
نطلق عليه اسم يجمعنا و الفريق يولي فرق كل واحد في ولاية دورنا حل مشاكل الشباب طرح المشاريع البديلة عن المشاكل
اضن اني فهمتكم شوية على العموم من فضلكم ساعدوني باه يشارك اكبر عدد من الشباب لان يد وحدة ما تصفقش بليز بليز ساعدوني باه نحقق حلمي و حلم كل جزائري اننا ندفع بالجزائر الى الامام لناتي يوم القيامة و نقول للرسول عليه الصلاة و السلام فعلنا كذا و كذا فيباهي بنا
هيا اخواني لا تضيعوا هذه الفرصة ارجوكم شاركوني ساعدوني
 
رد: حلم لتنفيذ مشروع فهل من مساعد؟

ههههههههههههههه لا حياة لمن تنادي
 
رد: حلم لتنفيذ مشروع فهل من مساعد؟

مشكور أخي الكريم رستم إنشا الله أنت أيضا بعدي
 
رد: حلم لتنفيذ مشروع فهل من مساعد؟

و الله غير كون يتقدو لعباد غير تتسقم هاذي لبلاد بعيدا عن المحسوبية
أنقولك رغم أنو والدي معروف في كل الجامعات إلا أنه يصر دوما علي أن أجري الإمتحان الماجستير و لآخذه بعرق جبيني 4 مرات و أنا أفشل
لكن كان دائما إلي جانبي و يقول لي علي الأقل إذا فشلتي تحسين بطعم النجاح
يعني أحب أن يكون كامل المدرسين كما هو
يا رب ما يدخلو حتي واحد خاطي بلاصتوا
 
رد: حلم لتنفيذ مشروع فهل من مساعد؟

اختي مسلم-جزائرية-ة.......كثر الله من امثالك
.........فغيرتك على وطننا الحبيب كبيرة جدا ....الله يجازيك الف خير.............
............تعرفي واش هو المشكل نتاعنا ..انو عندنا وحد الجملة دائما ننرددها..*لا حياة لمن تنادي *.........
.......في راي انو هادي الحاجة الوحيدة اللي خلتنا متاخرين ..يعني لا نملك الثقة في نفوسنا باننا سنتمكن في يوم من الايام من تحسين الاوضاع في الجزائر ودائما نتمنى العيش في خارج البلاد .......
...........ومشروعك اختي لازملو قوة كبيرة وعزيمة لنشره....
..........ونحن نفتقر الى هذه المقومات في وقتنا هذا ...وانا نفسي لا اعرف السبب ..
........هل يعتبر هذا استسلام ام ماناش حابين الخير للبلاد؟؟
.....فلا يمكننا احداث اي تغيير في البلاد حتى نتمكن من تحرير الشعب من الاوهام وتنميته ذاتيا ...........
...........فالتوعية والتحسيس بأهمية المشروع هي اساس نجاحه....وراكي عارفة طبيعة الشعب الجزائري ..لا يدعم اي شيء حتى يقتنع به ....فاصلاح الاوضاع في الجزائر متعلق باصلاح الشعب من جميع النواحي ..علميا وسلوكيا ودينيا ....
............
...........الله يبارك في هذا المشروع .....تحياتي لك حبيبتي ....
 
رد: حلم لتنفيذ مشروع فهل من مساعد؟

ههههههههههههههه لا حياة لمن تنادي
اخي آسفة لاني اعرضك الراي لانه هناك حياة لمن انادي و اعتبر نفسك منهم
و على العموم انا اعرف جيدا هذه الضحكة انها قمة الاستياء فقد ضحكتها قبلك
لذا اقول لك غير المحطة التي انت عليها الآن و لنصحك ان تتابع قناة الامل قناة ان الله قادر على كل شيىء فقط لو بادرنا بالعمل و كلننا يقين بالتغيير
لذا انا بانتظار رد آخر و انت تطرح فيه الحلول
بارك الله فيك على المرور
 
رد: حلم لتنفيذ مشروع فهل من مساعد؟

حبيبتي سومي برافو هكذا لازم نكونوا نخدموا انفسنا بانفسنا و صدقيني لما تنجحي راح تلاقي طعم الفرحة غير
الله ينجحك يا رب
 
رد: حلم لتنفيذ مشروع فهل من مساعد؟

عزيزتي دندونة
مشكورة على الرد و فعلا انت محقة بكل الي قلتيه
و الظاهر ان بجعبتك الكثير لتاعدينا به فلا تبخلي علينا
و لكن ارجوك ان تضعي بعين الاعتبار انك اذا كنت يائسة من شيىء لن تستطيعي اقناع الآخرين
لذا خليك واثقة من نفسك و من افكارك لا تدعي سلبية المجتمع تاثر عليك تحرري منها
و الله يبارك فيك و يسعدك و لكن امانة شاركينا المشروع
 
رد: حلم لتنفيذ مشروع فهل من مساعد؟

سسؤابل واحد للاخت
كي راكي تهدري على واش نديرو قوليلي راكي تشوفي فالشباب كامل يستاهل يفرض رايو
و لا تهدرو على مناصب عمل وتوفيرها و تلقاي نص شباب الجامعة متخرج وهو ماشي فاهم واش قرى و لا واش رايح يخدم
ياو نبداو نفرضو راينا نهار كل واحد يقرى و يكون قد روحو و شقاه ضرك تلقاي نص ليجان ماشي قاريين واذا قراوو تلقاوهم شهادات على الكاغط و فالراس والو يا امى الديفو يكون فيه بروحو ولا فالجامعة و الاساتذة كل مرة وكيفاه
راهم القليل الي قدر المسؤولية
و كي نولو قدها نقدرو وقتها نفرضو راينا ونخلوهم يديرولنا واش نبغو رانا نتمشاو بيهم
و جامي راح نمشوهم

هاذا شوية برك اعذروني النت عندي ثقيلة لكان هدرت وفهمت فكرتي مليح


حروووووووووووووودي
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top