دجاج بالليمون

[prncess fifi]

المكونات :
اطراف دجاج تكوني نظفتيها من قبل , ملحيها واعصري عليها حبة ليمون وخليها في التلاجة من الاحسن ليلة كاملة
مغيرفة سمن ,حبة بصل , عود قرفة , فلفل ابيض ,معدنوس , 2 صفار بيض ,1 ليمون كبيرة وايدا صغيرة اعملي 2, كفتة الدجاج
التحضير

في طنيجرة حطي مغيرفة سمن تدوب ,حطي عليها اطراف الدجاج , ملح ماتكتريش رانا ديجا اعملنا من قبل ,فلفل ابيض ,عود قرفة , وقليهم مليح كي يدوب لبصل ويتلق الماء ديالو مرقي بماء سخون وارمي نصف ربطة معدنوس (ماتقطعيهش )وغطي الطنيجرة كي تغلي نقصي للنار وخلي الدجاج يطيب
من جهة اخرى اخدمي الكفتة ديالك ,ملح ,فلفل ابيض ,معدنوس مقطع رقيق مغيرفة بصل مرحي ,طرف خبز مشمخ ومعصور واعجينها مليح بيدك وكوريها كرات صغار و حطيها في التلاجة
صفي المرقة ديالك من الدجاج وحطيه يتحمر في الفرن , وفي هديك المرقة حطي كويرات الدجاج يطيبو

من جهة اخرى اعصري ليمون على 2 صفار بيض وفلفل ابيض خلطيهم مليح ,, كي تطيب الكفتة ابعدي الطنيجرة على النار وارمي خليط الليمون مع البيض وحركي بسرعة باش مايطيبلكش البيض ,,وقدمي الطبق ديالك مع بطاطا باي طريقة
انا عملت بطاطا ب (لابانير ) وهايليكم الطريقة
بطاطا مغلية ومقشرة ومرحية ,نصف بصلة مقطعة رقيقة, معدنوس مقطع رقيق .. ملح ,فلفل , بيضة , جبن بنكهة التوم ,,اعجني كل شي مع بعض وشكلي كرات ,حطيهم في الفريتة تم البيض تم لاشابلير وقليهم و في الاخير زيني الطبق ديالك كيما تحبي

​

 

[prncess fifi]

حالياً الأعضاء النشيطين الذين يشاهدون هذا الموضوع : 54 (1 عضو و 53 ضيف)
‏prncess fifi
الله يبارك :up:​

 

[بنت السلطان]

يعطيك الصحة يشهي

ما شاء الله عليك

 

[حكايا الورد]

بارك الله فيك ي وجزاك ي كل الخير

على الوصفه الشهية ​

يعطيك ي الف عافيه ​

بانتظاار وصفاات اخرى ​

​

​

 

[طباخة زماني]

بصحتكم

 

[ام سراج الدين وملك]

يعطيك الصحة حنونة خرجلك فوووووووور
متعودة نديرو يجي يهبل

 

[mimi53]

alah yebarek chef nta3 ssah yessalam hadouk yedin w ya3tik assaha 3la les recette ​

 

[shahrazad]

تبان مليحة بزاف هاد الروسات ان شاء الله نسييها
وجاتك تهبل شكلا واكيد مضمونا ههه
ربي يحفظك برنسيسا​

 

[السلطانة]

يشهي الله يعطيك العافية