مشكل كبير

[مشكلتي]

السلام معليكم
انا هذا العام نجوز الباك
كوني الاولى على مستوى شعبتي * شعبة رياضيات** كا الانظار حولي
كما ان هناك حقد من العديد من الطلبه لدرجت لحقت بهم الوقاحه
خطرى كنا في لاكلاس ناقشو في الاختبار
من بعد بديت نجاوب على الاستاذ قالي بلي الطريقه هذي غير صحيحه و اعطاني الاسباب فرديت عليه قتلو مالا يا استاذ راني غلطت في التمرين كامل و التمرين علية 9 حتى نسمع وحدة قاتلي الشح
و تاني في المسابقه يخيرو الاساتذه تلاميذ نجباء يمثلو القسم و كنت من بين المختارين و ايضا بنتين من بينهم الي قاتلي الشح او ولاو الذراري الي يقراو معايا يقولو للاستاذ استاذ لاه خيرت هذوك كون خير تغي هذي يعني انا صار لبنات جاهم الغش و ردوه في
و مستوايا تنازل بشكل فضيع * يعني كنت حاب نهبط باه يخطيوني لبنات باه مايحقدوش عليا**
رحت عند المستشاره قلتلها استاذه مانجيش للمسابقه و عطيتها استاب تافه ياسر
المستشاره تعرفني كوني عنصر من طاقم اذاعة المؤسسة و حلفتلي او قاتلي ارواحي لتم و ين يزيد الحماس في المسابقه او او او من بعد انا ماحبيتش نكسر كلمتها سورتو نعزها
كي رحت للمسابقه كانت المجموعه من 6 و مواد فيزياء علوم رياضيات
في مادة الفيزياء طلع زميلي جاوب و كانت العلامه مفاجئ لكنها ممتازه
و في العلوم طلعت انا كانت العلامه لا بأس بها
و في الرياضيات القسم الي تنافسنا معاه كانت الاستاذه الي من لجنة التحكيم تقريه
المهم عطاتنا نص السؤال او جاوبنا عادي لكن ماكفاناش الوقت
كي لاتيين نحلو قلت لجماها صاري حليتها الاستاذه هبطت راسها قلتلهم نسينا حاجه و طلبت من زميلي يحل ديك الحاجه مابيد نكملو هيا رفدت راسها و بتسمت و قالت خلاص الوقت
طلعت نجاوب خطأنا خطأبسيط جدا تروحنا فيه ياربي 1او2 الباقي صحيح او كي صححت هي خطأت خطأ اخر
عطاتنا علامه 14 من 20 كي تناقسنا معاها قلنالها انتي غلطتي هنا قاتلي وي صح عندك الحق تعين بلي حنا الي صحاح اوهي غلطت قلتلها ايبا علاه مديتيلنا 14 علابالكم واش قاتلي قاتلي تستاهلو 10 انا حنيت فيكم و عطيتكم 14
قلتلها علاه حنيتي فينا كون حطيتي10 من بعد تنرفات او بدات تزقي وتقول دوك نروح نردها 10 قلتلها روحي ماعندي ختى مشكل بينك او بين مولاك او مام انا تنارفيت او بديت نقولها كيما تحطو 20 حطو 00 او او قالتي ماتزكيش عليا او بركاك او كبرت الدعوه مع انو حاجه ماتستاهلش
اصلا حنا رابخين يا لوكان مادرناش مادتها لانو تنافسنا مع العلمي او كانت علاماتهم في الرياضيات 1 و الفيزيك 5 يعني رابحينهم بلا مادة المات
دوك انا حسيت روحي غلطت كي هدرت معاها اصلا يعني مام عندي الحق بصح ماكانش لازم نهدر معاها هكاك *ماشي زكيت عليه هي اعتبرتعا هكذاك* رغم انو هي الي ستفزتني
دوك واش تقتارحو علي
على العموم المنافسه القادمه لن احضر مطلقا مهما كلفني الامر
​

نتمنى ماتحذفوش الموضوع

 

[راضية حامدة]

وعلاش نحذف الموضوع لا حبيبتي
تم الاعتماد و لي عودة ان شاء الله

 

[Voyage dans un rêve]

اختي مازالكي صغيرة عالمشاكل الله يبعدهم عليك و هذا المشكل تكبري و تنسايه و تضحكي عليه :d

كل ماتكوني صغيرة يبانولك المشاكل كبار و كل ماتكبري يكبرو المشاكل مي انت تولي تصغريهم امالا صغري من دوك و ارمي وراك و وجدي روحك للجاي

هادي مsابقة برك و اذا ديتي صفر ماهمش حا ينحولك الباك و الاستاذة ما غلطت معاك ما غلطتي معاها تناقشتو برك و فات ما فات خلاص هاذي الاستاذة نفسها بالاك من مشاكلها في الدار و في الخدمة خرجت مالقسم وجهك نساتو و نتي قاعدة طلعي و تحبطي

فرغي مخك برك عندك الباك و ماتحسبي حتى واحد ( اتعلمي تصغري الامور ماتمرضيش روحك حبيبتي )

سلام

 

[abdo404]

يا بنيتي العزيزة من مجرد انك كتبتي هذا الموضوع معناه انه مأثر عليك نفسيا ورأي في الموضوع انك انت انسانة حساسة جدا وذكية جدا ولك اعداء كثيرين طبعا من الغيرة منك واذا بقيتي على هذا الحال تفكرين في السلبيات وهذا قال وهذي قالت والاستاذة قالت والله غير تضيع حياتك ويضيع مستقبلك وتوجدي نفسك يوما ما في المستقبل نادمة لما تشوفي لما كانوش يقراو صحاب النقاط الضعيفة واعداؤك في مناصب مرموقة وتلومي نفسك انك كنتي ضعيفة في مادة الحياة فالحياة صعبة جدا و لا ينفع فقط ان تكوني مخلصة وجادة ومثابرة وعلامات عالية بل يجب ان تكوني قوية الشخصية قبل كل شيء و لا تهزك رياح هؤلاء الغيورين ولا تسمعي لهم ولا تشعري بهم بل اضحكي وابتسمي و اعملي براحة نفسية في دراستك او في كل ميادين حياتك كما يقولو اقتل عديانك بالبارد واتمنى لك لك النجاح ولا تسقطي في هموم عابرة من الحساد حتى لا تتدمر حياتك النفسية قاومي بكل امكانياتك و طالبي حقك و ماكانش لي دار فيك مزية و اتمنى ان اقرا لك يوما انك اصبحتي استاذة او وزيرة او رئيسة جمهورية وخليييييييييييييييييييك من الوسواس و الناس الفاشلين ربي معاك وادعو الله ان يحفضك من حسد الحاسدين واقراي دائما المعوذتين واية الكرسي وان شاء الله ربي دائما معاك فاستعيني بالله والسلام بنيتي
​

 

[nawal1980]

حنونة كبيري عقلك وخطيك من قالتلي وقلتلها الي يحبك ما يبنيلك قصر والي يكرهك ما يحفرلك قبر
هدي هي كامل جزنا منها ومن الغيرة والحمد لله ما قيمنا واحد واستمرت الحياة
شوفي انتي استاذتك لازم تهدري معها وتطلبي منها السماح في اقرب فرصة معليش هي غلطت وماتفاهمتوش على حاجة بصح هي كبيرة عليك وراح تحسي براحة كبيرة لما تهدري مع استاذتك وتطلبي منها السماح
ان نتمنالك تبقاي متفوقة دوما ما تهبطيش مستواك بتش ترضي الغير
واخير ان شاء الله تجيبي الباك وتتميزي ونشوفوك في التلفاز مع نخبة المتفوقين

 

[anissa 13]

وسعي قلبك وخلي اللي حب يهدر ولايدير ديجاست ماشي ملاح ولايخبط راسو فالحيط
باقيلك 5 اشهر للباك وتروحي للجامعة تم ماتسمعي بحتى واحد
هدا كلش من الغيرة والحقد وانتي ماغلطتيش بالعكس دافعتي على روحك وماحبيتيش الظلم
ربي يهديهم اجمعين ونتي ربي يوفقك
​

 

[stelllo]

ربي يهدي الجميع..باين عليك فحلة ماشاء الله ....فماتضيعيش ع روحك وشدي حيلك وراك الباك والجامعه

 

[RoseBonbon]

روحي للاستاذة وفهميها بلي ما كنتيش مليحة

واطلبي منها السماح .. مالقريتو هذي راهي استاذتك بمقام والدتك وواجب عليك تحترميها مهما كان

ولا توقفي طموحك..المؤسسة تاعكم دارو فيك الثقة ونتي ما عندكش ثقة في نفسك؟

هاذ التجارب حلوين ابروفيتي خاتش تكبري وتندمي لي ما شاركتيش

ربي يسهلك.. أنت ذكية لكن الذكاء بدون اتلثقة في النفس مايدير والو

 

[التائب الخاشع]

بعد السلام أكيد .....على مااعتقد أنو مشكلتك مو صعبة أنت صعبتيها برك كان سوء تفااهم بينك وبين الاستاذة كان أمر بسيييط يحتاج لدقاائق معدودة من التفكير ويتحل الموضوع والي هو انك تكبري مخك وتطلبي الاعتذار من الاستاذة الي هيا بقدر امك أو ختك ... شيء سااهل ما يطلب وقت .. الشي الثاني عمرو ولا حيااتك ترضي الغير على حساابك تاكدي بانو عندك ام واب يفرحووو نهار الي يشوفوك من المتفوقاات ويغيرو نهار الي يشوفو بنت فلان وفلان ادااو خيرمنك اذن حااولي تفرحي نفسك اولا وقبل كل شيء وتفرحي والديك وعائلتك بالطبع .......تحيااتي ليك التئاب الخااشع .. ربي يوفقك في درااستك وتنالي نصيبك بإذن الله شكراااااااااااا ​

 

[hafousa]

اختي ما تتقلقيش انا كان عندي نفس المشكل العام الماضي حتى صرات كبيرة و هذا العام نفس المشكل هذي غيرة

انسايهم هذوا فارغين شغل ما تكسريش راسك معاهم و ما تعانديهمش بلاك هوما يهدروا هدرا ومبعداك ينساو كلش

و انتي طلعي و تحبطي اما الاستاذة من باب الاحترام الكبير كنت مخطئ قليلا لذلك اذهبي و اعتذري منها

على صراخكي عليها و هذا يبرهن لها انها على خطا و اما المسابقة القادمة روحي و ديري المسابقة

اختي عيشي حياتك ماشي علاجالهم تنحي حاجة تحبيها و انسايهم سمحيلي ختي المعرفة راهي دايرا حالة

هات نتي تبدلي جو و ترفهي على روحك هدا مكان

و ارجوا انكي استفدتي و شكرا.....
​

 

[red rose]

الخاوة كفاو وفاو
و نتي ياختي متكبريش الامور و روحي اطلبي السماح حتى و اذا كنت غالطة

ربي ايهنيك

 

[امونة الشاوية]

يا بنتي خلي اللي يستهزا يستهزا هاذي كلها غيرة وحقد بالعكس اقراي واقراي واقراى وولي ناقشي حتى الاساتذة وخلي اللي يموت يموت تهبطي مستواك على جال العباد ربي عطاك نعمة وانت تحبي تريحيها شكون ظرك اللي مخو رياضي هيا ربي ينجحك وتخترعيلنا كاش نظرية وتهزي مستوى الجزائر