ما مخططكم للمراجعة في عطلة الشتاء

[ياسمين السطايفية]

السلام عليكم جماعة الخير
اتمنى تكونو خدمتو شويا في الاختبارات حبيت نفتح باب للنقاش حول المراجعة في عطلة الشتاء راني حايرة كيفاه ننظم وقتي :sماذا بيا تعاونوني.
في انتظار ردودكم .

 

[زينة الاسلام]

اهلا و سهلا نقدر نساعدك باش تراجعي مليح في العطلة بصح قوليلي اولا ويناه المواد الي ساهلة عليك و صعيبة عليك باش تقسمي الوقت مليح

 

[ياسمين السطايفية]

اظن ان كل المواد لا اجد صعوبة في مراجعتها سوى اللغة العربية والفلسفة في انتظار اجابتك اختي

 

[زينة الاسلام]

اهلا و سهلا بيك يا الاخت ياسمين السطايفية ان شاء الله تفيدك نصائحي كاين عدة طرق للمراجعة في العطلة , الطريقة الاولى:تقسمي المواد في العطلة بحيث كل مادة تخصصي لها يومين او ثلاثة ايام من الصباح الى المساء بحيث المواد تكون ساهلة صعيبة ساهلة باش ما تتقلقيش ,الطريقة الثانية: اسبوع باسبوع بحيث الاسبوع الاول تخصصي لها اربع مواد فترة الصباح حفظ و في فترة المساء حلول تمارين نعطيك مثال : من الساعة السادسة صباحا وقت الفجر حتى الساعة العاشرة او الساعة الحادية عشر تحفظي مثلا مقالة فلسفية لانها طويلة و تستغرق وقت طويل و من بعد ارتاحي و نامي قليل ومن بعد ابدئي من الساعة الثالثة مساءا او الرابعة مساءا حلي تمارين في الرياضيات حتى الساعة السادسة ثم توقفي في الليل حاولي تلقي نظرة خفيفة على الي درستيه في اليوم و حضري واش تقراي غدا هادو الفلسفة و الرياضيات يستغرقوا مثلا الفلسفة خمسة ايام و الرياضيات ثلاثة ايام تقريبا هذا لانك ديما تقرايها خصوصا اذا كنت دايرا الكور راجعي براحتك في العطلة و ماتتقلقيش لانو الباك مازالو الطريق طويلة اوصلي محطة بمحطة و ما تضغطيش على روحك بزاف خصوصا في الحفظ لانو هدا الشي راح يأثر عليك بزاف هذي بعض الطرق جربي و شوفي و انا هنا لمساعدتك على فكرة انت قلت انك تواجهي صعوبة في اللغة العربية و الفلسفة حنا العلميين ديما عندنا هدا المشكل مي ماتضيعيهاش خطراه هي المنقذة في البكالوريا كل مادة و عندها ميزان ان شاء الله يا اختي في المرة القادمة نقولك كيفاه تراجعي الادب و الفلسفة و اي استفسار انا هنا بالتوفيق لا تنسي اولا التوكل على الله قبل كل شيء و الله ولي التوفيق

 

[ياسمين السطايفية]

لا ادري كيف اعبر لك اختي على شكري و امتناني لان نصائحك افادتني كثيرا
جزاك الله خيرا في انتظار التكملة
وشكرا مرة اخرى.

 

[زينة الاسلام]

السلام عليك يا اختي كيف هي احوالك ؟

 

[ياسمين السطايفية]

و عليكم السلام زينة الاسلام انا والحمد لله بخير اتمنى ان تكوني بخير ايضا هذا عدا انني مرتبكة بعض الشيء من معدلي هذا الفصل
على العموم ربي يستر فالمعدلات الفصلية ليست مهمة الباك هو الصح.

 

[زينة الاسلام]

اهلا و سهلا بيك يا الاخت ياسمين انا بخير الحمدلله شكرا, ماتتقلقيش بزاف و ما تخافيش من المعدل الفصلي لانو ليس هو المعيار الاساسي في نسبة نجاحك في البكالوريا يعني ماشي اذا اخذتي معدل اقل من العشرة معناتها ماراكيش رايحا تجيبي الباك هذا معيار خاطئ بصح مليح لتقييم مدى فهمك للدروس و منهجية حل التمارين انسي هذا المعدل بصح الفصل الثاني اخدمي مليح باش تعرفي اسكو موجدة نفسك للباك و لا لالا وثاني شي ما تقوليش المعدل الفصلي ماشي مهم الباك هو المهم يا اختي لا تنسي ان الوزارة ستدخل هذا العام نظام الانقاذ باحتساب معدل الفصول لهذا عليك اخذ معدل فصلي عشرة او اكثر وايضا لاتنسي لو قدر الله انك رسبت و لم تنجحي البكالوريا لا تنسي معدل الفصول مهم باش ترجعي للدراسة في الثانوية على كل حال توكلي على ربي وان شاء الله تنجحي الباك و نفرحو معاك بالتوفيق

 

[ياسمين السطايفية]

فعلا سمعت بلي بنغبريط دخلت المعدلات الفصلية و انشا الله مشي اقل من 14 معدلي فقط لاني اسعى للحصول على معدل احسن في الباك نشا الله بالاضافة و الله راني مستاءة جدا بسبب دروس الدعم التي عوضوها لنا في العطلة تخيلي ولا يوم استراحة ما عدا 2 من 15
انها فعلا معاناة لكن اتمنها ان يكون ختامها مسك ان شاء الله.

 

[زينة الاسلام]

بالتوفيق يا اختي في دراستك ان شاء الله مايكون غير الخير اجتهدي و ثابري و ستنالين ماتريدين باذن الله شمري على ساعديك و ابدئي من الآن

 

[زينة الاسلام]

السلام عليكم ,الى الاخت ياسمين السطايفية و الى جميع طلبة البكالوريا اليوم ساقول لكم كيفية مراجعة المواد,بسم الله ,اولا بالنسبة الى الرياضيات لازم تفهمو الدرس مليح و تحلو التمارين حلو تمارين الكتاب المدرسي في الجزء الاخير و بس مثل تمرين دالة كاملة ما كلاه تبدا تحل من الاول تمارين سهلة و قصيرة و يضيع عنك الوقت بزاف و ما تلحقش و حلو تمارين البكالوريا باش تفهموا كيفاه تكون التمارين في الباك بالضافة الى تمارين الكور اذا كنتو دايرين ليكور ,بالنسبة للفيزياء افهم الدرس و حفظ القوانين و حل تمارين الكتاب حلولها في سلسلة الهباج و مواضيع بكالوريا ,بالنسبة للعلوم افهم الدرس مليح لانو العلوم مابقاتش حفظ و بس راهي فيها الفهامة بزاف علابالي تتساءلو و علاش ما اخذناش علامة مليحة و انتو فاهمين السر راه في فهم تطبيق المنهجية و ذلك يكون عن طريق حل التمارين حلو تمارين احمد امين خليفة لانو فيه تمارين جد رائعة اذا تمكنت من حل تمارينو صدقوني العلوم راح تاخذو فيها علامات جد ممتازة في البكالوريا و اضافة الى مواضيع البكالوريا هاذي اكيد , بالنسبة للادب العربي حل تمارين كتاب الموجه في تحليل النصوص الادبية كتاب رائع و مفيد يخليك تعرف تحل نصوص نثرية و شعرية ,و ايضا مواضيع البكالوريا اكمل بقية المواد في وقت لاحق بالتوفيق في الدراسة

 

[ياسمين السطايفية]

شكرا زينة الاسلام

السلام عليكم اعدك ان شاء الله ان اطبق نصائحك القيمة شكرا اختي زينة الاسلام.