روضة للنقاش-أنا راجلي وانتي ولدك والسيارة !

[السلطانة]

أفتتح موضوعي بسؤال يقول:لمن الأولوية في ركوب السيارة أمام الزوج في المقعد الأمامي؟
هل هي والدته أم زوجته !

كما هو معروف في مجتمعنا العربي والجزائري ،ماإن يتزوج الرجل حتى تتغير كثير من الأمور في حياته
وحتى أبسطها تلك التي قد تتسببّ في هزّ شمل العائلة سواءً من طرف الوالدة ،أو الزوجة الجديدة.

نفتح باب النقاش أمامكن سيداتي

أنتِ المتزوجة،بصراحة من يجلس بجانب زوجك في المقعد الأمامي أنتِ أو حماتك ؟
كيف ترين الأمر من زاوية نظرك، جلوس والدته في الأمام وأنتِ في الخلف ؟

جلوس والدته في الأمام وأنتِ من الخلف ؟

هل أزعجها الأمر ،أو أزعجك ِ ؟

من الأحقّ بالمقعد الأمامي في رأيك ؟

وأنتِ أيضا أختي المخطوبة أو العازبة نتمنى أخذ رأيك في الموضوع ؟

منذ مدة زواجي القصير
وفي أول يوم خرجت فيه مع حماتي وزوجي
كنا بصدد الخروج من البيت وإذا بي أبحث عنها
لأجدها في المقعد الأمامي قبل ركوبي أنا وزوجي
لم أُعر الأمر اهتماما ولم أرد تضخيمه
مادامت سبقتني ،فلتجلس أمام ابنها كما تشاء
وأعادت الكرة مرات عديدة....
ولأني أحترمها وأحترمُ ابنها ،رفعتُ لها القبعة .

في انتظاركنّ أخواتي
أرجو منكنّ نقاشا جديا

-الموضوع بقلمي-


​

 

[NABILA NA]

انا عندى عشرين سنة زواج وحماتى هى لى تركب من قدام فى الاول استعملت معى نفس الطريقة اى تفهمنى بلى ردى بالك تحاولي تركبي من قدام و من بعد تعودت وخاصتا انها ماهيش رايحة تكون معانا دايما ومن بعد كى تزوجو اولادها لخرين لم تستطيع الركوب من امام فاصبحت تحشم قدامى بصح انا كيما تعودت ما قدرتش نحيلها مكانها

 

[السلطانة]

انا عندى عشرين سنة زواج وحماتى هى لى تركب من قدام فى الاول استعملت معى نفس الطريقة اى تفهمنى بلى ردى بالك تحاولي تركبي من قدام و من بعد تعودت وخاصتا انها ماهيش رايحة تكون معانا دايما ومن بعد كى تزوجو اولادها لخرين لم تستطيع الركوب من امام فاصبحت تحشم قدامى بصح انا كيما تعودت ما قدرتش نحيلها مكانها

اهلا اختي ربي يطيب عشرتكم
بالنسبة ليك تشوفي فيها حاجة عادية
انها تركب هي من القدام
بارك الله فيك وشكرا للرد
تحياتي

 

[touta04]

السلام عليكم
والله اختي موضوع هايل مي في الحقيقة ما عندوا جواب باين هههههههههه
انا عندي 22 سنة مقبلة على الزواج بعد اعوام
في الحقيقة عندي عجوزتي و ابنها عندو سيارة منين كانت و هي تسافر و ديما نلاحظ انو مكانها القدام حتى كي يكونوا معاها بناتها
يعني انا راح ندير روحي كي بناتها و نخليلها الاولوية الي في حالة هي فهمت روحها ههههههههه
اما من باب مشاعري انا نحترم موقفها لانها حتى هي اي تسال في ابنها و تحب تبين بلي اي هي الي تملكو و هذا شيء طبيعي و غريزي في طبيعة الام
عن نفسي ما راح نشغل بالي في هذا الامر
شكرااااااااااااااا على الطرح اختي :regards01::regards01:

 

[قوقا]

شكرا على طرح الموضوع انا من اول شهر زواجنا كنت انا نركب من القدام بناءا على طلب زوجي مني ومن بعد حسيت بلي عجوزي تتضايق منو وتفاهت انا وراجلي و خصوصا بغد لي جابت عمرا خليتها تركب هي من القدام و رانا ملاح مع العلم انها خالتي بصح مكنش تدي للموضوع اهمية بصح هي كانت تهتم

 

[قوقا]

شكرا على طرح الموضوع انا من اول شهر زواجنا كنت انا نركب من القدام بناءا على طلب زوجي مني ومن بعد حسيت بلي عجوزي تتضايق منو وتفاهت انا وراجلي و خصوصا بغد لي جابت عمرا خليتها تركب هي من القدام و رانا ملاح مع العلم انها خالتي بصح مكنش تدي للموضوع اهمية بصح هي كانت تهتم وانا تاني ندير روحي في بلاصتها غدو انا تاني نحب نركب من القدام مع وليدي ههههههههه زكارة في كنتي هههههههه نقسر برك الموضوع شيق صدقيني تكبري في عيون عجوزتك الى انت طلبتي منها تركب من القدام .....

 

[la_safa]

السلآم عليكم ^^

والله موضوع هآآآيل صح يآ شوشو
شوفي أنآ مآنيش متزوجة بصح نمد رآآيي :p

أنآ نشوف فيهآ من بآب الاحترآآم أنو العروس ولآ الكنة
تخلي عجوزتهآ تركب هي قدآم ولدهآ :-r

^^
​

 

[sousourose]

ana ndon hiya machi rayha tkoun dima ya3ni ki tkoun khali tarkab hiya men godam

 

[زهور الشوق]

سلآمو~
موضوع رآئع
من جيهتي عمري مـــــآجاتني في بــــآلي نركب من قدآم وعجوزتي موجووودة
الأولوية ليـــــــــــــــــــهآ ومام ما حبتش نحللها حتى تريح هي من قدآم مهما يكن عمري ماراح نكون في مقامها وكيما هي يمات زوجي هي يما انا تان^^
ميرسي يـــــــــــآ سكرة​

 

[Katyusha]

بون انا نحب نركب انا حدا راجللي تركت هي ملور ياك كيف كيف الكراسا

 

[*amina*]

في الحقيقة الموضوع لم اعره اهتمام دائما كي نكونو خارجين ديما نخليلها بلاصتها قدام وليدها عمري الا خممت في هدا الموضوع حتى لو حبت هي تسوق تروح تسوق على روحها

 

[anissa 13]

انا مانعطي حتى اهمية لشكون ركب فالاول المهم عندي نركب هههه
عندي جدات راجلي نعتبرها عجوزتي لان عجوزتي ميتة الله يرحمها ومانكدبش عليك نحبها وتحبني
كل ما نجيو رايحين لشي بلاصة تقولي ركبي قدام راجلك نقولها لا روحي نتي للاول ومرات حتى اخ راجلي يكون معانا يحب يركب فاللور بصح انا نقولو لا رواح للقدام عندي حاجة عادية المهم نركب ونروح ههههه
حنا الجزايريين عندنا هاد العادة غي من باب الاحترام المراة لازم تكبر بعجوزتها والا عادي نظن مافيها والو ادا ركبت الزوجة فالاول والعجوز فالتالي
مشكورة ساندي على الموضوع
​

 

[RoseBonbon]

نفتح باب النقاش أمامكن سيداتي

​

شكرا للموضوع الشيق​

أنتِ المتزوجة،بصراحة من يجلس بجانب زوجك في المقعد الأمامي أنتِ أو حماتك ؟​

عجوزتي هي الي تركب ملقدام.. وكي تقلي نركب ملور دايما نحلفلها ولا نسبق نركب ملور


جيني طايحة تركب هي ملور

كيف ترين الأمر من زاوية نظرك، جلوس والدته في الأمام وأنتِ في الخلف ؟


عادي جدا.. المهم مشي مرا وحدوخرى هههههههه وحتى جداتو تاني نخليهم ملقدام ..نكبر بيهم

جلوس والدته في الأمام وأنتِ من الخلف ؟

هل أزعجها الأمر ،أو أزعجك ِ ؟
لا عادي جدا

من الأحقّ بالمقعد الأمامي في رأيك ؟


طبعا الوالدة يعني العروسة تكبر بعجوزتها


وهذا الشيء ماراحش يطيح بمقامها بالعكس تزيد تكبر في عين عجوزتها وراجلها


حنا مجتمعنا يقدر الوالدين.. والمرأة لازم تكبر بوالدين زوجها


والعكس الجلوس فالوراء فيه رفاهية أكثر ههههههه


دمتم بود

 

[نبض الحياة]

السلآم عليكم
موضوع شيق حبيبتي ~
يعني مانيش متزوجة، مي نهآر نتزوج ان شاء الله مين تكون معايا عجوزتي هي تركب من القدام
باسكو انا نحسها من باب الاحترام والتقدير هي الاولى بيها
نهار نكون وحدي انا وراجلي نركب حداه من القدام
كآمل عائلتي مازلت لحد الآن ما شفت وحدة ركبت القدام وعجوزتها اللور
بالتوفيق حبيبتي
​

 

[imy_amani]

salam 3likom
ana fi ra2yi el khass
terkeb yemah men el guedam
wnerkeb men roul normale
benesba liya ma3andich mochkila
ya3ni ki netzewej
wy3aredni had elichkal

ya3ni yebka hada mawkfi

mais tehwissat el khassa suur rayha nkoun ghir ana wyah bark
hhhhhh

mala nerkeb 7dah hhhhh

takabali mrouri khayta
​

 

[KAWTAR13]

السلام عليكم
انا ايضا على ابواب الزواج و هاذ الموضوع اعجبني انا لوكان في هذ الموقف لوكن حتى نخرج قبلها نوقف ونشوفها وين تخير تركب لانو كي ترضي وتضحك زوجي راح يكون هاني

 

[زيزي احمد]

بصراحة أنا أنانية في هذا الأمر
دائما أجلس في المقعد الأمامي بجانب زوجي و لا أتركه لأي أحد حتى لإبني أو إبنتي
لا يهمني من يركب معنا سواءا حماتي أو أمي أو أحدا آخر ما يهمني أني أجلس بجانب زوجي و السلام
أراه حقي المشروع و لا حرج في ذلك و تعودت عليه و كل من يركب في سيارتنا يترك المقعد الأمامي شاغرا لأنه يعلم أنه لي دون نقاش
لقد عودت الجميع على ذلك منذ أول يوم إشترينا فيه السيارة فلم أجد أي مشكلة و الحمد لله .
أحب أن أن أكون بجانب زوجي في أي مكان نكون فيه معا لأنني لا أعلم متى يفرقنا الموت .

 

[لحن الهدى]

جزاك الله خيرا....

 

[سيرين الباتنية]

رد: روضة للنقاش-أنا راجلي وانتي ولدك والسيارة !

و الله يالبنات انا نعطيكم رايي ام الزوج هذه الم تلد و لم تربي و لم تسهر اليس هي من حضرته لك هذي تع تركب من قدام مافيها اشكال شكون اللي تبات قدامو انت ولا هي راكم تكبروا و تجيبو اولاد و تتعاودلكم نفس الحكاية و الله انا نحير فيكم وش فيها كي تركب القدام راهي امه مش امرأة اخرى تخافي تديهولك

 

[hazaamy]

رد: روضة للنقاش-أنا راجلي وانتي ولدك والسيارة !

باين فيك متحبيش عجوزتك تركب لقدام بصح ديري ف بالك الراجل تع صح هو يركب مماه من القدام خطاك هي لي تعبت عليه و رباتو مي من الناحبة الشخصية انا تبانلي الطحان هو لي يركب امو لاريار . والفاهم يفهم