مفهمتش والفاهم يفهمني

[MiriRina]

السلام عليكم
وشراكم ان شاء الله تكونوا في اتم الصحة والعافية
حاجة راهي محيرتني + مفهمتهاش
تلقا طفلة متحجبة يعني حجاب محترم وتمشي عادي يعني مشي لي كيما تلقاهم يضحكو ويعيطو ف الطريق نحوس على طفلة محتشمة ومتحجبة
يجي واحد ويلوحلها الهدرة اكم تعرفو وشنهي
يعني طارو من لي تلبس السروال السليم ولاو للمتحجبات والله لا عجب
ولات المتبرجة قاعدة طرونكيل في رحمة ربي والمتحجبة دايرين بها الذر الناس كي تشوفها وش يقولوا عليها
يقولو زعما مدايرة حجاب وهي راهي مدايرا الطراطق ومباعد يقولو مكانش بنات الفاميلة
وراه الاحترام والقدر يسما راهم هكذ يشوهو في سمعة البنات المتحجبات
ربي يهدي الذراري كامل هذا مانحوسو ويخليو لبنات في حالهم

 

[روز]

تم الاعتماد

 

[MiriRina]

شكراااااا

​

 

[: Imane :]

صدقيني حتى انا مفهمتش ، و نتمنى نفهم
الظاهرة هذي انتشرت !
ربي يهديهم

 

[MiriRina]

حتى انا مفهمتش
ان شاء الله يفهمونا فيها
اميين
شكرااا على مرورك

 

[بودبوز]

السلام عليكم ورحمة الله
اولا اختاه اتمنى ان تكوني بخير
ثانيا ليست المتحجبة بالمعنى الذي تقصيدينه فانا يوميا ارى
متحجبات يلبسن سروال سليم كما قلتي وتظهرن مفاتنهن
فالحجاب ليس مجرد ارتداء لخمار فتلك تعني متحجبة
اريني فتاتة تلبس حجابا ولباسا مستورا يتعرضن للمضايقات
و انا لا اقول انهن لا يتعرضن فهمن يتعرضن للمضايقات من طرف اناس هم والتربية كل منهم في طريق
فان لبستي لباسا محترما ساترا فلن تتعرضي للمضايقات اما ان تلبسي خمارا ولباسك فاضح فهذا لا يعتبر
حجابا ويبقى ما قلته مجرد راي
فعذرا على الاطالة

تحيـآتــي

​

 

[MiriRina]

وعليكم السلام
صح عندك الحق في هدرتك مي انا قلت لابسة حجاب محترم ومستور خاطي السروال السليم اني وضحت هدرتي مليح ونت مفهمتنيش
على كل حال بارك الله فيك ع المرور

 

[بودبوز]

وعليكم السلام
صح عندك الحق في هدرتك مي انا قلت لابسة حجاب محترم ومستور خاطي السروال السليم اني وضحت هدرتي مليح ونت مفهمتنيش
على كل حال بارك الله فيك ع المرور

عذرا على سوء الفهم انت قلت حجاب محترم
المهم نتي ماتهمكش هدرة الناس على خاطر الشعب تاعنا
جامي يتطور ديما يخمم فاللي مايش مليحة وخدمتهم يعسو الناس
كون جينا في بلاد متقدمة واحد مايحكي على واحد كل واحد عايش لروحو
وانا نقلك ماتعيشيلهمش نتي علابالك بروحك محترمة ونظيفة اما على هدرتهم
ديريها تحت سباطك وكيما يقول الامام الشافعي رحمة الله عليه
اذا سبني نذل تزايدت رفعة و ما العيب الا ان أكون مساببه**و لو لم تكن نفسي علي عزيزة لمكنتها من كل نذل تحاربه
وفي الاخير انا تاني مافهمتش مي حاولت نفهم ونفهمك :d

شكرا على الموضوع الجميل
تحيـآآتي

 

[MiriRina]

عذرا على سوء الفهم انت قلت حجاب محترم
المهم نتي ماتهمكش هدرة الناس على خاطر الشعب تاعنا
جامي يتطور ديما يخمم فاللي مايش مليحة وخدمتهم يعسو الناس
كون جينا في بلاد متقدمة واحد مايحكي على واحد كل واحد عايش لروحو
وانا نقلك ماتعيشيلهمش نتي علابالك بروحك محترمة ونظيفة اما على هدرتهم
ديريها تحت سباطك وكيما يقول الامام الشافعي رحمة الله عليه
اذا سبني نذل تزايدت رفعة و ما العيب الا ان أكون مساببه**و لو لم تكن نفسي علي عزيزة لمكنتها من كل نذل تحاربه
وفي الاخير انا تاني مافهمتش مي حاولت نفهم ونفهمك :d

شكرا على الموضوع الجميل
تحيـآآتي

ايه قلت حجاب محترم نقصد كيما هاذا

عندك الحق خويا كلامك صحيح
بارك الله فيك ع المرور مرة ثانية هه

 

[♫الباحثة عن الحظ♫]

سلام عليكم
اختي والله شوي عندي تعليق بسيط
انت مين قلتي الي تلبس سروال سليم خلوها و راحو للمتحجبة و ناس يشوفوها يقولك مكانش بنات فاميليا
على حساب كلامك غير الي متحجبة بنت فاميليا اعلاه كل ترفدو فكرة هادي
انا متحجبة و الله نعرف بنات مش متحجبات في قمة الاخلاق و التربية
اما الظاهرة هادي الله غالب الشوماج مدار في لجون هاد كلو من الفيد ملي يطلع النهار وهو شاد حيط
اي يفوت وقتو هاك
ربيهدي ما خلق و يفرج على الجميع تحياتي
​

 

[سفيان اسلام]

ختي انا على حساب ظني والله اعلم مينفع معاهم والو حتى المتجلببة يكعدو يقانتو فيها الله غالب لي مشي مربي مسغره كيش غدي تقنعيه في كبره لازم التربية من اللول مصغرهم ينشؤوا في التربية والحشمة والمقادرة وهدو تلقايهم خواتتهم ثاني كيفهم يطاردو الولاد.
خطرات كنت نوصل مرت خالي مع انها متجلببة ويكعدو يشوفو تكيلي تلفزة مشي بنيادم فايتين
الله غالب هدا لراه صاري
وليخاف من ربي وعلا خواتاته ميشوف في خوات الناس

وهادو الناس عصاو ربي وين تحار يكعدو يضايقو بنات الناس
قالى الله تعالى
قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ۚ ذَٰلِكَ أَزْكَىٰ لَهُمْ ۗ إِنَّ اللَّهَ خَبِيرٌ بِمَا يَصْنَعُونَ
شكرا بالتوفيق

 

[~خفة روح~]

ختييييييييييييييي متعم
كاين اصلا ديو استهزاء
هذا وين وصلك الميساج
متعميييييييييييش قع الناس لخطش
انا متخلببة و حسيتك جمعتي
ردي بالك تجمعي لخطش تتحاسبي ممبعد عند ربي

 

[amir rohi amir]

شباب اليوم لم يعد يفرق بين المتحجبة او غيرها المهم عندو يعاكس و ديرنجي الغاشي انا متزوجة و متجلببة يعني جلباب و لدي ابني دائما يخرج معي و لم اسلم من المعاكسات و الله في بعض الاحيان اكون برفقة زوجي الله يهدي ما خلق


اردت المشاركة فقط
​

 

[NADA ELWARD]

شباب حايسين و فارغين شغل واش يجيك منهم حتى مرة متزوجة وماطلقوهاش ربي يهديهم ويسترنا وخلاص

 

[ماكانش]

يغععطيك الصحة على موضوعك الباهي
بزاف أسباب منها خفة هاذ المتحجبة ومنها بعض المتحجبات وباللباس الشرعي حاكمين عليهم وشافوهم وكذا وكذا ولاو مايفرقوش
طبعا وقلة الحشمة والتربية عند البعض ووو

 

[josefcom]

وعليكم السلام والرحمة
أختي لعزيزة شوفي ضرك نقلك أنا كيفاه راني نشوف فيها ... لولاد ماشي كامل لي يرمو لهدرة ولا يشوفو مع البنات أصلا سوا حجوبي ولا سيفيليزي ولا كيما كانت تكون وربي يهدينا انشالله للي فيها لخير
و حاجة أخرى هي التربية ولي راها بدات تغيب على مجتمعنا الجزائري وحتى لبنات زايدين فيها شوي تعرفي كيفاه ضرك ولاو كاين لي يديرو الحجاب سبة برك ... تعرفي لوكان نحكيلك ... أيا ولا ما نحكيلكش باش ما نخرجوش على الموضوع
المهم ربي يسترنا وربي يهنينا ​

 

[آهات القلب]

ربي يهديهم و يهدينا

 

[جمالي في حجابي]

حتى انا مفهمتش
الظاهرة هذي انتشرت بزاااااف !
ربي يهديهم

 

[JAZAIRIYA]

رد: مفهمتش والفاهم يفهمني

السلام عليكم ورحمة الله
اولا اختاه اتمنى ان تكوني بخير
ثانيا ليست المتحجبة بالمعنى الذي تقصيدينه فانا يوميا ارى
متحجبات يلبسن سروال سليم كما قلتي وتظهرن مفاتنهن
فالحجاب ليس مجرد ارتداء لخمار فتلك تعني متحجبة
اريني فتاتة تلبس حجابا ولباسا مستورا يتعرضن للمضايقات
و انا لا اقول انهن لا يتعرضن فهمن يتعرضن للمضايقات من طرف اناس هم والتربية كل منهم في طريق
فان لبستي لباسا محترما ساترا فلن تتعرضي للمضايقات اما ان تلبسي خمارا ولباسك فاضح فهذا لا يعتبر
حجابا ويبقى ما قلته مجرد راي
فعذرا على الاطالة

تحيـآتــي

​

سمحلي خويا مي انا شفت بعيني وحدة لابست جلباب وستار جاز واحد عليها قالها سور ازين راه متخبي فهمني برك وين شافو ؟؟؟؟ماناش نقولو على الحالات لي راك تهدر عليهم هدوك لبنات شوه قيمة الحجاب وحتى قيمة البنات ولكن هم فئة كين لي محترمين انفسهم كاين حتى من دون خمار وتكون محرمة ومحتشمة في لباسها اكتر من لي دايرا خمار على راسها برك لله يهديهم نتمنى من الشباب مايجمعش لخطرش بهذي الهدر قادر تخلي وحدة ماتديرش الحجاب وتقول ايه يعودو يهدرو علي ندعو الله ان يسترنا ويستر اخواتك وكل بنات اللمة وبنات امة محمد ص

 

[Skor m@k]

رد: مفهمتش والفاهم يفهمني

السلام عليكم
يمنع رفع المواضيع القديمة التي توقفت فيها المشاركات لأكثر من أربعة اشهر
أعتذر لك​