احنا كبرنآ ولآ عقآلنآ ولآ رجعنآ Périmé ؟

[الورد الأحمر]

بونجوغ عليكم واش راكم في 2015 ان شاء الله تكونو كامل بخير وفي رحبة وعآفية ؟؟


شحآآآآل مآ عملت ميضوع هنآيآ ومآ شعلتلي اللومبة على موضوع
هيآ اليوم جآتني النفحة ندير موضوع تآع ليه ليه بمآ أني مآ رحتش نخدم

مآلآ يآ سيدي من مدة هك تآع شي 15 يوم ولآ كتر بشوية حآكمني
وحد التخمآم على كيفآه كنت وكيفآه عدت ووليت نسقسي روحي
لهبآل هذآك والضحك لي كنت نضحكو مع ليزآمي وهنآ في وآش
رآك تهدر مع الجمآعة لي كآنت تنشط هنآ وين رآح ؟

مآلآ قلت اسنآي يآ طفلة وارجعي بالزمآن لورآ بآلآك تلقآي الحل
تآع اللغز ورحت زعمة ندير لعفآيس لي كنت نديرهم قبل ودخلت
للفآيسبوك لقديم تآعي لي فيه جمآعة الجآمعـة ولقيت العيبآد لي
نعرفهم تم مآزآلوآ كيمآ خليتهم يضحكو ويوقتوآ ويقصـروآ
فآكرت في حبآبآت ليآ زمآن مآ حكيت معآهم وأولهم عسّولة

وحدة صآحبتي تحكي غير على الزوآج على خآطر لدرك مآ تزوجتش
وتعس غير في لبنآت لي تزوجت ولي مآ تزوجت ولي تخطبت

والحآصول أنآ نخدم في البلدية حسيتهآ هي لي تخدم في البلدية في ليطآ
سيفيل يخي من بكري لي عندو المعلومآت بزآف على النآس نقولو
عليه تقول عليه يخدم في البلدية

ويآ سيدي كي حكيت معآهآ
لقيتهآ بنفس لهبآل تآع دآك الزمآن بنفس العقلية بنفس القصـرة
شبعتني ضحك عند الليل وخلآتني

وقلت نرجع مرة
على مرة نفآكـر فيهآ كي عآدت عندهآ قدرة تضحكـني

لهنآ وليت خممت مع روحي ومع النآس لي رجعت ليهم نشوفهم ونفآكر
فيهم كآين لي مآزآلو الله غآلب عليهم تآفهين ومآ كبروش ويديروآ
في عفآيس والله تآع مرآهقين مي كآين لي مآزآلو بنفس العقلية
تآع القصرة والضحك والتمهبيل ووقتهآ مآ فهمتش أنآ وآش صرآلي
درك زعمـة أنآ كبرت والظروف بدلتني ولآ عقـآلت برك وركزت
ولآ رجعت Périmé وحآطة روحي كبرت وأنآ كبّرت برك
روحـي بغـير وقت ولآ وآش صرآ بالضبط ؟؟

والجمآعة لي كآنت هنآ تضحك وتقـصر صآريلهآ كيفي ولآ عندهم
حوآيج أخرين هربوهم وبعدوهم علينآ .. ؟

هيآ ترآه يآ ربي نشوف وجه من الوجوه تآع زمآن لي كنآ نقصروآ
مع بعض بآلآك يرجع النشآط للبلآصة هذي لي كآنت عآمرة وخوآت
فرد مــرة ويا ربي يكون الكل بخير وتحية لجمـاعة خليه بشعرو
لي كآنت صح معبية المنتدى هذآ بالتمنغيل

وفي اللخر نقوللكم

​

 

[روز]

كبرتي يا نوارة كبرتي واسعقلتي هذا ماكان
ووليتي :up:

عجبني الموضوع ان شاءلله موضوعك يجمع النحل والعسل ونشوفو زهو زمان

 

[الورد الأحمر]

كبرتي يا نوارة كبرتي واسعقلتي هذا ماكان
ووليتي :up:

عجبني الموضوع ان شاءلله موضوعك يجمع النحل والعسل ونشوفو زهو زمان

أهلا ومغسي على اعتماد الميضوع مادام غوز
زعمة اللي بيا كبرت برك ؟ ماشي حآسبة روحي كبيرة مثلا ؟؟ :s هههه
والله مرات نتوحش ليام لي كنا فيهم مناغيل خير من درك لعقالة ولات تسيح من المنتدى كامل
بالاك كاشما يجو الجماعة تاع زمان نديرو فيها فترة تاع retour d'age نبدلو جو :-r
مغسي عالرد حبوبة

 

[♫الباحثة عن الحظ♫]

سلام ختيتو

على حساب كلامك راح نقولك انت من النوع كل ما يكبر في عقله يعقال و يثقال بزاف
ربما انت مش بطلتي تضحكي بصح انت بلاك راكي تشوفي بلي هاد الشىء تاع الصغر
مع ان انا مش نوافقك لان الضحك و التمهبيل مع ناس لي تحبيهم و تقدريهم وقراب ليك
مش دليل على جياحة العكس خفة دم

ربما المحيط الي راكي فيه تشوفيهم كل سيريو وهاد الشىء الي خلاك تولي كيفهم
مليح العبد العاقل اختي مي مليح تنحي على روحك شوي
تحياتي
​

 

[الورد الأحمر]

سلام ختيتو

على حساب كلامك راح نقولك انت من النوع كل ما يكبر في عقله يعقال و يثقال بزاف
ربما انت مش بطلتي تضحكي بصح انت بلاك راكي تشوفي بلي هاد الشىء تاع الصغر
مع ان انا مش نوافقك لان الضحك و التمهبيل مع ناس لي تحبيهم و تقدريهم وقراب ليك
مش دليل على جياحة العكس خفة دم

ربما المحيط الي راكي فيه تشوفيهم كل سيريو وهاد الشىء الي خلاك تولي كيفهم
مليح العبد العاقل اختي مي مليح تنحي على روحك شوي
تحياتي
​

اهلا أختي
انتي مش لي كآن اسمك مستشآرة طرآزآن مثلا ؟ ورآني مخربطة مع عضوة وحد أخـرى ؟
لآلآ أنآ مآزآلني نضحك وقصر مع Les proches وsurtt في البيغو مع لبنات لي يخدمو معايا ومع
حبآبآتي في الفآيس مي مآ بقيتش كيمآ بكري عندي معآرف بزآف الكل نقصر معآهم يعني أسمآء محدودة
نحكي معآهآ والبقية والو وحتى في اللمة انعكست العقلية هذي تآعي ولو تشوفي أرشيفي تلقآيه مليآن ضحك
ومع الوقت تفرقت الشلة وكل وآحد جبد روحو لظروف وولينآ حتى بالردود مآ نضحكوش بدلنآ العقلية ولآ قدآمنآ
بآلآك هههه ... عمومآ ان شآء الله ترجع لآكليك لقديمة وتتلم معآهآ لآكليك الجديدة ونحييو لبلآصة هذي كيمآ
كآنت وخير من لي كآنت لمآ لآ :-r
مغسي الزينونة

 

[♫الباحثة عن الحظ♫]

اهلا أختي
انتي مش لي كآن اسمك مستشآرة طرآزآن مثلا ؟ ورآني مخربطة مع عضوة وحد أخـرى ؟
لآلآ أنآ مآزآلني نضحك وقصر مع Les proches وsurtt في البيغو مع لبنات لي يخدمو معايا ومع
حبآبآتي في الفآيس مي مآ بقيتش كيمآ بكري عندي معآرف بزآف الكل نقصر معآهم يعني أسمآء محدودة
نحكي معآهآ والبقية والو وحتى في اللمة انعكست العقلية هذي تآعي ولو تشوفي أرشيفي تلقآيه مليآن ضحك
ومع الوقت تفرقت الشلة وكل وآحد جبد روحو لظروف وولينآ حتى بالردود مآ نضحكوش بدلنآ العقلية ولآ قدآمنآ
بآلآك هههه ... عمومآ ان شآء الله ترجع لآكليك لقديمة وتتلم معآهآ لآكليك الجديدة ونحييو لبلآصة هذي كيمآ
كآنت وخير من لي كآنت لمآ لآ :-r
مغسي الزينونة

اهلا اختي
نونو مش انا انا هاد اسم عضوتي لقديم رجعتو بعد ما بدلتو في فترة ب ♫only me♫
انا هي بادشونص
المهم راكي تضحكي و مزالك تقصري
مرات انسان يتبدل شوي مي مع الوقت يعاود يرجع لعادته
ربي يرجع الجميع
تحياتي
​

 

[secret de coeur]

اهلا نونوغا
راكي رجعتي مع شوشو آ نور الإلهام
ممممم منعرف واقيل بدينا نكبرو خخ مزال ماكبرنا بزاف مي عقلنا( نضج) مي كي نلقى بالشلة نتمسخر ونتمهبل كوم سي مكان والو لا عقل ولا رزانة هههه
ايوي ليام توري تقولك تعلمي تسكتي وتغلقي داك الفم شوية ههه بركاي من ضحك وتكعرير ديفوا نحس مافيه تا فايدة وديفوا نقول وكان مانضحكش واسم ندير مثلا ظ :p فلفسة كبيييييييرة ههه
بون هذا مكان نو ماشي بيغيمي ماتغلطيش فينا
حقا بصحتك البوست فالبلدية
توحشت مناغيلك سيغتو الي يضرب راسو مع الحيط

 

[الورد الأحمر]

اهلا اختي
نونو مش انا انا هاد اسم عضوتي لقديم رجعتو بعد ما بدلتو في فترة ب ♫only me♫
انا هي بادشونص
المهم راكي تضحكي و مزالك تقصري
مرات انسان يتبدل شوي مي مع الوقت يعاود يرجع لعادته
ربي يرجع الجميع
تحياتي
​

آه سي بون تفكرت خلطت بينك وبينهآ هآو كي تزوقولنآ الأسمآء تذهبلي وكي تبدلو الأسمآء تذهبولي ههه
ايه رآنآ نقصرو وربي يرجع الكل بخير وعآفية مآم يطلو علينآ برك لتحت ويظهروآ رقم في عدد الزوآر :-r
وتحيآتي ليك الزينونة

 

[الورد الأحمر]

اهلا نونوغا
راكي رجعتي مع شوشو آ نور الإلهام
ممممم منعرف واقيل بدينا نكبرو خخ مزال ماكبرنا بزاف مي عقلنا( نضج) مي كي نلقى بالشلة نتمسخر ونتمهبل كوم سي مكان والو لا عقل ولا رزانة هههه
ايوي ليام توري تقولك تعلمي تسكتي وتغلقي داك الفم شوية ههه بركاي من ضحك وتكعرير ديفوا نحس مافيه تا فايدة وديفوا نقول وكان مانضحكش واسم ندير مثلا ظ :p فلفسة كبيييييييرة ههه
بون هذا مكان نو ماشي بيغيمي ماتغلطيش فينا
حقا بصحتك البوست فالبلدية
توحشت مناغيلك سيغتو الي يضرب راسو مع الحيط

.

أهلآ الفحلة هآم بدآو يجو الأسمآء تآع بكري خخخ
شغل زعمة كي نقول تآع بكري نحس روحي قديمة نرهج تقول من متحف جآية ولآ مش فآهمة
مرآت كي نضحك ونقصر وننسى على روحي نقول يييه مآزلت برك مآ كبرتش ومرآت نعآود نقرآ موآضيعي
لقديمة نولي نضحك على روحي نحس روحي كنت يآ مريضة يآ تآفهة يآ معرف وآش ههههه والله مرآت
أنآ وسآندي نرجعو للأرشيف ونبدآو نبعثو الروآبط لبعض حتى نموتو بالضحك
كنآ شعب مريض رآيح فيهآ والظآهر مآزلنآ مي مخبيين في قشورنآ برك تحت اسم "كبرنآ" ولآ وآش رآيك ؟:p

 

[secret de coeur]

.

أهلآ الفحلة هآم بدآو يجو الأسمآء تآع بكري خخخ
شغل زعمة كي نقول تآع بكري نحس روحي قديمة نرهج تقول من متحف جآية ولآ مش فآهمة
مرآت كي نضحك ونقصر وننسى على روحي نقول يييه مآزلت برك مآ كبرتش ومرآت نعآود نقرآ موآضيعي
لقديمة نولي نضحك على روحي نحس روحي كنت يآ مريضة يآ تآفهة يآ معرف وآش ههههه والله مرآت
أنآ وسآندي نرجعو للأرشيف ونبدآو نبعثو الروآبط لبعض حتى نموتو بالضحك
كنآ شعب مريض رآيح فيهآ والظآهر مآزلنآ مي مخبيين في قشورنآ برك تحت اسم "كبرنآ" ولآ وآش رآيك ؟:p

شفتي زعما وجه العقالة حنا خخخ يالكشرودات
ايه كي قلتي بكري حسيت روحي زومبي :-o وخرج من قبر وجا ليكم
تانا نموووت على ارشيف نشوف هبال لقديم ومام قبل مانسجل انا هاديك داخلة فالتقرعيج خخ
اييييييوه واشاطرك الراي مزلنا مهابل مي تخبينا قلنا نبقاو اونكاستخي سي ميو الضحك مايصلحش مع الناس كامل غي مع لي بلووو بخوش :$ ولا وش قال ؟
خلي جماعة تجي ديريلهم انفيتاسيون

 

[لاجودان شاف]

السلام عليكم

:p:p:p

​

 

[الورد الأحمر]

شفتي زعما وجه العقالة حنا خخخ يالكشرودات
ايه كي قلتي بكري حسيت روحي زومبي :-o وخرج من قبر وجا ليكم
تانا نموووت على ارشيف نشوف هبال لقديم ومام قبل مانسجل انا هاديك داخلة فالتقرعيج خخ
اييييييوه واشاطرك الراي مزلنا مهابل مي تخبينا قلنا نبقاو اونكاستخي سي ميو الضحك مايصلحش مع الناس كامل غي مع لي بلووو بخوش :$ ولا وش قال ؟
خلي جماعة تجي ديريلهم انفيتاسيون

ههههه عجبتني تاع زومبي وخرج من لقبر معرف علاه جاتني في راسي الصورة تاع المومياء تاع اللعبة هذيك كان تعرفيها تاع Metal slug لي كي تقتليها تقول اهاع اهاع ههههه تبا ههههههه
ايه مازلنا مهابل بالاك خلاعنا النيميغو برك تاع عمرنا كي بدا يزيد خخخ أو نحيت حقا عمري من بخوفيلي
باه واحد ما يقرعج عليا وباه كي نتمهبل ما يقولوش كبيرة وجايحة هههههه
صح الضحك مش مع الناس الكل مي والله كنا نضحكو برك خخخ وعادي وتعجبنا وتبانلي حايبة نرجع نضحك
فقعولي مرارتي في البلدية نبدل جو شوية :p
هيا مغسي عالمتابعة الشيقة اهئ اهئ اهئ

 

[الورد الأحمر]

السلام عليكم

:p:p:p

​

وعليكم السلام
خخخخ أو جا اسم ثقيل ظهر معرف منين
جيت ولا جابوك :p
ولا انتا تاني زومبي وخرجت من لقبر على قولة جيمي :d
مرحبا مرحبا عاش من شافك Monsieur نبيل :-r

 

[الورد الأحمر]

حالياً الأعضاء النشيطين الذين يشاهدون هذا الموضوع : 22 (1 عضو و 21 ضيف)
‏Moon_light

جآبلي ربي الكونثوغ تآع الضيآف خدآم كتر من تآع الأعضآء :p

​

 

[لاجودان شاف]

وعليكم السلام
خخخخ أو جا اسم ثقيل ظهر معرف منين
جيت ولا جابوك :p
ولا انتا تاني زومبي وخرجت من لقبر على قولة جيمي :d
مرحبا مرحبا عاش من شافك Monsieur نبيل :-r

هههه ترحب بيك الجنة وربي يبارك فيك
اني ديما هنا
مي idée لي مكانش
مانيش نكتب بيسك مانيش نتلاقا في الأنوثة في طريقي هههه

خلي كشما نتغدا في كاش بيتزيريا هاذ ليامات ونجي نديرلكم موضوع على كاش وحدة هه
+
اسمك لي أثقل وشكرا نور
+
لازم نزيد نجيب سفيان ههه
​

 

[الورد الأحمر]

هههه ترحب بيك الجنة وربي يبارك فيك
اني ديما هنا
مي idée لي مكانش
مانيش نكتب بيسك مانيش نتلاقا في الأنوثة في طريقي هههه

خلي كشما نتغدا في كاش بيتزيريا هاذ ليامات ونجي نديرلكم موضوع على كاش وحدة هه
+
اسمك لي أثقل وشكرا نور
+
لازم نزيد نجيب سفيان ههه
​

ههه كي حآلتي ديمآ هنآ مي الأفكآر مآ تجينيش البآرح وأنآ نحكي مع سآندي قتلهآ بكري كآنت أتفه حآجة
تجيبلي فكرة ندير بيهآ موضوع ودرك قدآمي مليآر حآجة مي مآ تجينيش ليدي تآع ندير موضوع
مـآلآ غير اخرج أتغذآ برآ كآشمآ تطيح في الأنوثة وتديرلنآ ميضوع وجيب سفيآن :d
يعطيك الصحة عالمرور الطيب كي شغل بيبيتلنآ في الموضوع هههه
في انتظآر موضوعك :up:

 

[josefcom]

وعليكم السلام وبونجوغ تولموند
كنت نقرعج كضيف مي كي شفت لموضوع هدا دخلت
,,, وراني نتفق معاك في أنو الضغوط النفسية

"

" تغير الشخص من مرح وفكاهي الى كتلة من الصمت "


أنا شخصيا كانت عندي ظروف لي خلاتني غبت حوالي عام
بالصح نتمنى أنو بظهور الأعضاء الذهبيين راح ترجع لأيامات الزينة انشالله

وشكرا ونهديلكم هدي





ذهبت للنجار وقلت له أريد سرير لشخص ونصف, فتعجَّب وسألني: لمن؟
فقلت له: لي وزوجتي.
فقال لماذا لا تجعله لشخصين إذاً؟
فقلت له: للذكر مثل حظ الأنثيين يا غبي!
فأجهش بالبكاء من هول الحجة والمنطق وقرر ان يصنع لي واحداً بالمجان
​

 

[أم منيــــــر]

السلام عليكم

شحال ما كبر الانسان يكبر عقلو ويترزن ويثقال

صحيح كتتفكر شي حوايج درتيهم في صغرك تضحكي وانا صراتلي

وتلقاي فئة لو كان يكبرو 100 سنة العقل يبقى توجور صغير
​

 

[4algeria Network]

السلام عليكم ورحمة الله وبركاته

نظن أولا نضج الانسان وثانيا الظروف هوما لي يبدلونا ويخلو مفاهيم الانسان تتطور وتتبدل .

حاجة مليحة أنو الانسان ينضج ويستغنى عن عادات المراهقة .

يبان النضج عليه ويرجع ماشي مع عمرو ولكن مش مليح يقلبها جد لدرجة يكون ممل .

شكرا .

 

[السلطانة]

وعليكم السلام
هاي شعلت اللومبة هاي شعلت :d
موضوع رائع يستحق ختم التميز

لي عودة بعد قليل للرد على الموضوع
​