هذه مشكلتي

[مشكلتي]

السلام عليكم

نبدالكم لبروبلام لي عندي و لي هو
انا استاذ فلسفة تعرفت على استاذة في نفس المادة عجبتني بزااف كونها انسانة ملتزمة علاقتها مع الرجال سوى الرسميات انا عجبتني بزاف قصدت بابها قبل و قالي ايه زوجنا و الحمدلله جوزت ياماتي معاها بزااف ملاح انا حبيتها لدرجة اني عدت من الخدمة للدار و ديما ملهوف باش نشوفها لانها وفرتلي حنان جامي ذقتو (لاني يتيم الابوين ملي كان عمري 10 سنين) و ديما كي نحل الباب نلقى وجها متبسم فاتوا 5 من زواجنا رحمة ربي مكاش حتى مشكل برك مرزقناش ربي بالاولاد قبل سمانة خرجت ريزولتا سبب عدم الانجاب مكتوب بلي زوجتي عقيم حسيت في اللحضة هاذيك كل احلامي تهدمت
روحت و انا منرفز نحوس غير على من نفرغ غضبي فيه
انا دخلت للدار رحت ديراكت لزوجتي و مرحمتهاش بهدرتي غير نسب فيها و بالكلمة لي بداو يغرغروا عينيها كي سمعتها ولي هي راك (عاقـــــــــرة) من هاذا النهار لحد الان كرهت نشوفها و كرهت حتى نقيسها مع انها راها محتاجة كثر مني المساندة راني عمبالي بهاذ الشي لكن و ان نجي نقرب ليها نحسها و كانها سبب في تدمير احلامي
اليوم العشوة قلقت من ليزيلاف لي نقريهم بزاااف كي روحت لقيتها قلتلها و بلا رحمة راح نزوج عليك هي مهدرت حتى كلمة هبطت راسها و مشات سكتت و في وقت المغرب قاتلي اذا راك حاب طلقنيي و تزوج باش تجيب ولاد معنديش مشكل نطلق نورمال

انا ثم رجعت لعقلي شوية و لحد ضرك راني نخمم كيفاه نصلح غلطتي
الله يحفضكم متبخلوش علي بالنصائح الثمينة الي ديما تمدوهم للناس لي مهمومين


و في لاالختام سلا م​

 

[روز]

تمت الموافقة

الكلمة الطيبة صدقة والدين النصيحة

الأخ طلب نصحكم فلا تبخلوا عليه
​

 

[آمِيْرَتُه]

السلام عليك آخي
ماذبنها إذا كانت عاقر كما قلت
ماذنبها إذا الله لم يكتب لك أن تنجب أطفال منها
هل سألت نفسك لو كنت أنت من لا ينجب ؟
هل ستسمعك ما فعلته أنت معها
إذا كنت تريد اصلاح الأمر ماعليك سوى طلب المعذرة منها
أسأل الله أن يرزقها الصبر

 

[Ra Off]

وعليــــــكم الســـــلام

صحيح يـا أخي انت ماطرحتش الموضوع باش نلوموك وإنما نحاول نساعدوك
ولو أنك لازم تعترف بالخطئين اللي اقترفتهم

الخطأ الأول : أنك ألقيت كامل اللوم وفرغت كامل المشكل في زوجتك البريئة
مع أنها حاجة ربي سبحانو .. أنت ماعندك فيها حتى دخل وهي تاني

وحط في بالك بلي الموقف اللي تحطيت فيه انت .. زوجتك تاني نفس الشيء
بل ربــما هي تاني كان من أكبر أحلامها ترزق بأطفال ولكن مالعمل في هذه الحالة الا الرضا بالقدر

الخطأ الثاني : أنك قررت تستبدل زوجتك بهذه الطريقة وكأنها آلة شريتها لقيتها فاسدة حبيت ترجعها وتبدلها
يااااااو لالالا يا أخي حتى ولو أنو زواجك بأخرى مباح إلا أني نشوف بلي فيه شوية ظلم في هذه الحالة
لازم تراعي شوية مشاعر زوجتك قبل التفكير في هذا من أساسه .. إلا اذا طلبت منك هي


خلي إيمانك بالله قوي صلي وادعي الله أن يعوضك من حيث لا تحتسب
فلربما تتزوج بثانية وتكون هي أيضا لا تنجب .. فاقبل بما قدر لك وحاول أن تسعد زوجتك ولا تيأس في ذلك
​

 

[بقايا إنسان]

سلام الله عليكم ورحمة الله وبركاته وبعد:اخي في الله لو كنت أنت العقيم أي ثوب سترتديه؟ثوب المسكين أو ثوب الراضي بحكم الله رب العالمين
ياأخي إمساك بمعروف أو تسريح بإحسان وعلاش تعاقب زوجتك بذنب لم تقترفه؟؟؟ الا يكفيك ظلم ؟وبرايك انت هي رافضة الانجاب؟اتركها لحالها الي فيها يكفيها
وضع نفسك مكانها قبل اي تصرف

 

[سفيان اسلام]

بسم الله الرحمن الرحيم
الي درته اخي حرام في حق الانجاب هدا تدخل في الامور الالاهية والعياد بالله
فالاولاد نعمة من الله طبعا
ولكن ان تزوجت عليها هل انت متؤكد ان تنجب من غيرها طبعا لا هدا من علم الله وحده

ارجع اليها اخي وادهب الى بيتها وادهب معك اخوتك البنات ان كانو عندك فان البنات يتفهمو بعضهم البعض
وقل لها ان هدا كان غصبا عني ولم اكن اعي مااقول وكنت مزعوج من العمل وثاثيره علي من التلاميد وغيره.
وفقك الله اخي
اخي خير الامور عاجله
لاتاجل عمل اليوم الى غد كما قالى النبي عليه السلام
وتوكل على الله اخي فان اعين الناس حاقدة ولا تبين حبك لها امام الناس لاجل الحسد
​

 

[programmeur]

ربي يهديك أخي
هدا الشيئ ماهوش غلطتها هي
روح اطلب منها السماح و تفاهم انت و هي على تربية طفل يتيم و ربي ورحمتو

 

[ديسق]

السلام عليكم ورحمة الله وبركاته

تحية طيبة لك اخ الكريم ..

مشكلة موضوعك تتمححور حول عدم انجاب زوجتك وذلك بعد الفحوصات التي اجريت، اولا من وجهة نظري
توجه لمركز آخر وتحقق من النتيجة واعد الكرة مرة اخرى مع المركز الثالث، لانه وحسب ما هو ملاحظ ان
الاطباء في الجزائر يقعون في الخطأ اسأل من ذهب الى اكثر من طبيب للتحقق من المرض الذي يعانيه وانظر
ما الذي سيقوله لك، انا على سبيل المثال اواجه مشكلة النظر وذهبت الى مختلف الاطباء كل واحد وله طريقة
مختلفة لمعاينة مشكلة، هذا يقول سبب مشكلتك كذا والآخر يقول كذا !! ولي قريبة قال لها الاطباء بانها لن
تنجب، الا انها انجبت بفضل الله ولها الان ولد وبنتان !!

اما ثانيا، رسولنا الكريم نصحنا بان نتزوج الودود الولود، وانا لا الومك لرغبتك في انجاب الاولاد لان من بين
اهداف الزواج انجاب الاولاد، وطبعا هناك اهداف اخرى كتحصين النفس وغيرها، ولكن استاذ الفاضل هناك
زوجات متزوجات عقيمات الا ان ازواجهن لم يطلقهن واتحدث هنا عن مجتمعي واعرف ثلاث حالات شخصية
واحدى الحالات لم تنجب الاولاد على ما اظن منذ 10 سنوات الا ان زوجها صبر وهي تملك الآن ثلاث بنات !!
هذا لانهم لم ييأسوا ولم يقنطوا وفضلوا المقاومة وعدم الاستسلام.

ثالثا، نحن في عصر التقدم العلمي والتكنولوجي، وبالكاد المشاكل الصحية مثل العقم لها حلول باذن الله، على
سبيل المثال اكتب "علاج مشكلة العقم عند المرأة" في محرك البحث قوقل وانظر ما الذي سيظهر لك من النتائج !!
واكتب ايضا "مجرب حل مشكلة العقم" لتتأكد من نفسك بانه هناك حالات شفيت من هذه المشكلة، قد تكون معظم
الحلول المقدمة غير فعالة ولكنني انصحك بان تبحث عن حل لعلاج مشكلة العقم وخاصة ان زوجتك ما شاء الله
ملتزمة ولم تقصر في حقك وخاصة من ناحية الحنان، يجب عليك ان تقف الى جنبها وان لا تتخل عنها وخاصة
ان العشرة دامت بينكما اكثر من خمسة سنوات !!

بما ان وضعكما المادي جيد وخاصة انكما استاذين انصحكما بان تبحثا عن حلول المشكلة معا بزيارة الاطباء
والدعاء وقيام الليل،.. حتى وان اقتضى الامر للسفر للخارج لحل هذه المشكلة ان شاء الله.

رزقكما الله الذرية الصالحة وحفظكما من كل شر

بالتوفيق ان شاء الله
​

 

[راضية حامدة]

كلامك بكاني اخي
الدموع هبطو بلا ما نحس و ما قدرتش نمنعهم
قدر الله و ماشاء فعل
اتاكد برك انك قد ما راك تتألم
هي ألمها اكثر
تتخيل هي ما تحلمش بالاطفال؟
ولا ما تحلمش تسمع كلمة ماما ؟
و لا ما تحلمش تشوفك تلعب مع اولادكم؟
الله يهديك و يفرج عليك الضيق لي راه في صدرك
نتفهم كل شي درتو
نتفهمك
لكن بصفتك انسان مثقف و مومن
و اعترفت باخلاقها و حبها و السعادة و الطمانينة لي منحتهملك
القرار يولي ليك
و مهما كان قرارك حاول ما تجرحش برك
اذا شفت روحك تحبها صح و كي تزوجتها تزوجتها للسراء و الضراء تقدرو تعملو الف حل
عمليات تلقيح و اطفال انابيب او او او هناك حلول طبية
و اذا كان ماكانش كيفاه ربي اعطاك فرصة ما عطاهاش لاي واحد
انك تربي يتيم و تتكفل بيه
يجمع بيناتكم و تفرحو بيه و تمدولو حنانتكم و يمنحكم الابوة و الامومة


اما اذا ما قدرتش ، تقدر تتزوج اما بعد تطليقها ام انها تبقى معاك القرار يولي ليها
و اتحمل نتائج كل قرار تقررو

و الحل الاكبر من هاذو كامل هو الدعاء و الدعاء و الدعاء
حتى حاجة ماهي مستحيلة مع قدرة ربي سبحانو

اياك فقط و ان تيأس من رحمة ربي
ان شاء الله تبشرنا بالخير
و نعاود نذكرك ما تجرحش و ما تلومهاش على امور مش بيدها هي ابدا
و دير في بالك انها مجروحة اكثر منك

 

[: Imane :]

من الافضل انك تحاول تطلب منها السماح
مش الغلطة تاعها هذي !
هي تاني تحلم بالاولاد ! لم تهدم احلامك ، فهذا ليس بيدها !
هناك حلول لأي مشككل !
الاهم الآن هو ان تتصالحا لكي يكون البحث عن الحل في جو هادئ بعيد عن الغضب و المشاحنات
ربي يجيب الخير ، بالتوفيق ، و ربي يهنيكم

 

[♫الباحثة عن الحظ♫]

سلام عليكم

اخي الكريم ربما انت وقع الصدمة خلاك متعرف تهدر و هاد الشىء الي كان لازمك تتجنبو
كان لازم تروح لبلاصة وحدك حتى ترتاح وتخمم وامبعد تهدر لكن انت للاسف خرجت فيها ديراكت من وقع الصدمة اهدرت كلام جرحها وقاسها اعلاه انت في رايك هي مسكينة راهي فرحانة ربما انت تقست و تجرحت و لكن هي واش راح تقول تعرف خويا انت تشوكيت لان مش راح ترجع اب لكن تقدر تعاود الزواج مثل ما قلت مي هي واش رح يصبرها اعلابالك واش يعني تقول لانثى مستحيل تولي ام حطمتها نهائيا وتزيد تلقا اقرب ناس ليها يجرحها لوكان جات بيدها راهي القات الحل


معليش واش راح نقولك اطلب منها تسامحك بلاك تسامحك لان المراة حنينة راح تتفهم موقفك وردت فعلك
ربي يفرج
​

 

[بقايا إنسان]

كلامك بكاني اخي
الدموع هبطو بلا ما نحس و ما قدرتش نمنعهم
قدر الله و ماشاء فعل
اتاكد برك انك قد ما راك تتألم
هي ألمها اكثر
تتخيل هي ما تحلمش بالاطفال؟
ولا ما تحلمش تسمع كلمة ماما ؟
و لا ما تحلمش تشوفك تلعب مع اولادكم؟
الله يهديك و يفرج عليك الضيق لي راه في صدرك
نتفهم كل شي درتو
نتفهمك
لكن بصفتك انسان مثقف و مومن
و اعترفت باخلاقها و حبها و السعادة و الطمانينة لي منحتهملك
القرار يولي ليك
و مهما كان قرارك حاول ما تجرحش برك
اذا شفت روحك تحبها صح و كي تزوجتها تزوجتها للسراء و الضراء تقدرو تعملو الف حل
عمليات تلقيح و اطفال انابيب او او او هناك حلول طبية
و اذا كان ماكانش كيفاه ربي اعطاك فرصة ما عطاهاش لاي واحد
انك تربي يتيم و تتكفل بيه
يجمع بيناتكم و تفرحو بيه و تمدولو حنانتكم و يمنحكم الابوة و الامومة


اما اذا ما قدرتش ، تقدر تتزوج اما بعد تطليقها ام انها تبقى معاك القرار يولي ليها
و اتحمل نتائج كل قرار تقررو

و الحل الاكبر من هاذو كامل هو الدعاء و الدعاء و الدعاء
حتى حاجة ماهي مستحيلة مع قدرة ربي سبحانو

اياك فقط و ان تيأس من رحمة ربي
ان شاء الله تبشرنا بالخير
و نعاود نذكرك ما تجرحش و ما تلومهاش على امور مش بيدها هي ابدا
و دير في بالك انها مجروحة اكثر منك

هو لم يمت حتى نعزيه لحكمة من الله أرادها وإن شاء يعطيه حتى يرضيه
ولنتذكر قوله عز وجل(يهب لمن يشاء إناثا ويهب لمن يشاء الذكور أو يزوجهم ذكران وإناثا ويجعل من يشاء عقيم)
فقد قتل من كان مع كليم الله موسى غلاما كان والداه مؤمنين وتذمر وقتها موسى لقتله لآنه لا يعلم غيب السمازات والارض
وكأن هذا أمرا من الله ولم يكن الخيرة لغيره حتى لا يرهقهم طغيانا وكفرا
فالأجدر أن نقول:رزقه الله بخير خلف وإن لم يرزقه فهذه قد تكون حكمة من الله ورحة عليه لا عقابا له
أرجو أن لا يكون كلامي ثقيلا عليكي اختنا الكريمة وعلى المبتلى فرج الله عليه

 

[راضية حامدة]

اخي بقايا انسان
لم اقل ابدا عقاب من الله
بل بالعكس
قتلو انت مومن و اياك ان تياس من رحمة ربي
و اذا قصدك كي قلت بكيت
بكيت مش لان المشكل كبير
لا ابدا
بكيت لاني تخيلت امامي زوجة هذا الانسان و حسيت بالامها لما عرفت انها مريضة و ايضا لما غلط معاها زوجها و قالها كلام قاسي



ان شاء الله تكون توضح كلامي الان
شكرا لك
ربي يفرج علي صاحب المشكلة
و يجبر بخاطر بزوجته و يرزقهم من حيث لا يحتسبون

 

[بيّاع الورد]

موضوع جدا مؤثرْ !
يَ أخِي يَ أستآآذِي
استهدِي بالله ، و عقلك هو حلّك !
تخيل وقع الكلام عليها
الأنثى أضعف مما تتخيل و خاصة في هاته الموآقف
مين تكون عآآرفَه باللي العيب منها !
هذا مكتوب ربي
صحا تسمحلي نسقسيك ؟

شكون يضمن لك تجيب لولاد مع واحده اخرى ؟
بالاك النتائج غالطه و كتير بيصير الغلط بهيك تحاليل
بالاك ربي بغى يختبرك و يشوف مدى صبرك

حتى أنا عندي اساتذي قعد 6 سنين بلا ولاد و خرجت نتائج باللي مرتوا عاقر
صبر معاها و و الله ربي رزقهم بالاولاد عندهم زوج : كوثر ، عبد الملك

كل شيء عندي ربي و الزوجه ديالك ماعندها حتى ذنب و ما عندها حتى حل غير الصبر
و الا في ميزك راه عاجبها هي الحال ؟ ما نتخيل حتى زوجه ماتبغيش الاولاد

شوف خيي
روح لها طلب منها السمآح و ما تنساش باللي التعليم يعيي الواحد عقليا كتر من جسديا
حاول كيفاه تساعف الطلاب و فَرِق بين العمل و الدار و تحكم في الغضب ديالك
قولها باللي كنت تعبان من الخدمه و مرة على مرة رجعو ديرو تحاليل
ردلها الاعتبار تاعها ديجا هي الآن نفسيتها يرثى لها
حآول تهدي روحك و تستسمحها ، و في هاد الدنيا ماشي كل اللي بغيناها ندوها

صبر معآها و كون راجل معاها ماشي راجل عليها
اصبر قد اللي تقدر استاذنا الكريم راهي حتى حاجه ماتجي بالساهل

روح طيب خاطرها بكلمتين حلوين و خرجها حوسو انت وياها كيف كيف و نساو هاد المشاكل

خلوها عند ربي هو أعلى و اعلم

آسف على الإطاله و لكن غضتوني في زوج ,, ​

 

[secret de coeur]

وعليكم السلام اخي
قصتك مؤسفة اخي ول كان لازم تشد روحك وماتتصرفش تصرف لا عقلاني كيما هذا
هي مسكينة من حبها ليك قالت طلقني ماهانتش عليك عشرة 5 سنوات ؟ تكملها بهاد الطريقة
انت من حقك الزواج ولكن مش من حقك اهانتها
وهي ماشي سبب في تدمير احلامك
لي أخ 3 سنوات زواج وزوجتو نسبيا عاقر ماقاسهاش بكلمة مالغري يداوسو هو وياها على اسباب تافهة مش ع الأولاد مي نشوفهم ونروماركي بلي مياجبدلهاش ع الولاد
مزالو شاد في مرتو مالغري بربطاتوش بيها علاقة حب كان زواج عادي
مابالك انت حبيتها قبل زواج وزدت حبيتها اكثر بعدو
اخي تريّث لربما يرأف الله بحالكما رحمة الله واسعة
والا مش قادر تتسنى اكثر اتفاهم معاها ممكن تقبل تكون لك زوجة ثانية ويعيشو 2 مع بعض
الله يصلح الأحوال

 

[adel._dz]

ربي يهديك وش راح نقلك
مصابك عظيم ومصابها أعظم
مالم أفهمه كيف تحبها ولم تبخل عليك في شيء من اي ناحية كانت وتصرفت معها هكذا تصرف ؟؟؟
كان الأجدر بك أن تطلب اذنها للزواج أو أن تصبر عليها وتسعى للعلاج أو غيرها من الحلول
لكن لا بأس ماحدث قد حدث
هناك في الطب دائما ما يسمى " الرأي الثاني " الجأ الى طبيب أخر وأخر وحاول واستمر في المحاولة وادعو الله ربما يرزقك منها لأني أعرف شعورك أنت تريد أبنائك منها تحديدا وليس من غيرها

واذا يأست من الناحية العلاجية فقد سمعت عن حالات الزوجة العاقر هي من خطبت لزوجها الزوجة الثانية

المهم دير ربي في بالك

 

[farah mira]

خويا اسمحلي انت الغالط هي دوك تلقاها مجروحة كتر منك انحرمت من الأمومة و تاني أعز الناس الي هو زوجها وقف ضدها
المهم خويا حاول تصلح الوضع و باين الزوجة ديالك بنت عايلة سيرتو كي قبلت تتزوج المهم اطلب منها تسامحك و ربي يجيب لي فيه الخير
سلام​

 

[بقايا إنسان]

اخي بقايا انسان
لم اقل ابدا عقاب من الله
بل بالعكس
قتلو انت مومن و اياك ان تياس من رحمة ربي
و اذا قصدك كي قلت بكيت
بكيت مش لان المشكل كبير
لا ابدا
بكيت لاني تخيلت امامي زوجة هذا الانسان و حسيت بالامها لما عرفت انها مريضة و ايضا لما غلط معاها زوجها و قالها كلام قاسي



ان شاء الله تكون توضح كلامي الان
شكرا لك
ربي يفرج علي صاحب المشكلة
و يجبر بخاطر بزوجته و يرزقهم من حيث لا يحتسبون

وصلت الفكرة اشكركي اختي الفاضلة على التوضيح

 

[red rose]

في الحقيقة اثرت في القصة كثيرا
واش راح نقولك يا خويا روح اطلب منها السماح
اذا منفتش العلاجات ربيو يتيم مفيهاش مشكل
و ربي يجيب لي فيه الخير

 

[RoseBonbon]

انت شخص أناني وتحب نفسك فقط

وأنا أكره الناس أمثالك

يعني تصور أنو أنت العقيم.. هل ستقبل أن تفعل زوجتك بك هذا؟

زوجتك ناس ملاح وأنت لا تستحقها

قلبي يتمزق من اجلها

ليتها تزوجت من رجل يستحقها أكثر منك

بفففففففففففف... الله يكون في عونها المسكينة