الجزايريين والسمآرت فون ! حكاية عدم مفاهمة !

[الورد الأحمر]

اممم رآني زدت جيت ندير ميضوع هنآ وان شآء الله تكونو
بخير ولآبآس عليكم ؟؟

موضوعي اليوم عالتكنولوجيآ في الجزآير وطريقة تجآوبنآ
معآهآ وطريقة استعمآلنآ ليهآ وبالأخص مدى استغلآلنآ ليهآ !

التكنولوجيآ لي رآيحة نحكي عليهآ اليوم هي الحية لي اسمهآ
السمآرت فون SmartPhone ولا الـTablet أو
اللوحآت الالكترونية

المهم نحكي عالحيّآت لي نكونكتيو بيهم مؤخرآ ورجعوآ
حآجآت ضرورية لكل فرد مش كيما زمآن كنآ نسعآو
ميكرو وآحد في الدآر هذيك هي البركة ويكون الإكتفآء بيه
جمآعي مش كيمآ هآذ لي سمآرت فونز ولي طآبلآت الإكتفآء
بيهم يكون ذآتي ومآ تنفعش فيهم الشركة

اممم درك مثلآ نحكي عالسمآرت فون طبعآ وتقريبآ معضمنآ
عندو هآذ لي سمآرت فونز ولي تخلف رآه نآوي بآه يسعآه
والبوغطآبل تآع زمآن لي بلي بوطون تعبّز عليهم عآد مآ يقنّع
حتى وآحد وشغل حآجة ديمودي

درك نرجع نحكي على روحي وقولولي كآن كآين لي كيفي
ولآ أنآ برك كآفية ومآ تطورتش ههههه

يخي الهآتف الذكي اسمو ذكي ونوغمآلمون يفيدنآ في حوآيج

بزآف من غير أنو ندخلو بيه للفآيس والفآيبر والوآتس أب

والسكآيب ونحطو فيه التطبيقآت تآع les jeux والبرآمج
لي نحتآجوهآ وحوآيج بزآف وكآمل هآذ لبلآ بلآ بلآ مي أنآ
وحد الوقت درك زعمة رآني تطورت ههه كنت نستعملو
غير لهآذ الأمورآت وننسى استعمآلآتو لي فيهآ فآيدة ودرك
نعطيكم أمثلة:
- مثلآ دآك النهآر كنت ندير في إعلآن إلغآء منح مؤقت
لوحد الزوج مشآريع وبمآ أنهم في زوج تنمحوآ لمقآول وآحد
قلت اسنى نديرهم في إعلآن وآحد وخلآص وفي قآنون
الصفقآت لآزم أي إعلآن تنشرو يلزم يكون النشر بالعربية
في جريدة تستعمل العربية كلغة وبالفرنسية في جريدة
تستعمل الفرنسية كلغة مآلآ كي عآدوآ في زوج تتبدل
الكونجيڤيزون وأنآ نتوسوس منهآ ونخآف نغلط في إعلآن
يظهر في جريدة يقرآوه النآس يقولوآ معرف شكون الجآهل
لي كتبو هههه مآلآ عيطت لأختي نتأكد من الكونجيڤيزون
بهدلتني ولحقتني كلمة جآهلة خخخ قآلتلي يآ الجآهلة شوفي في
بوغطآبلك عالكونجيڤيزون علآه التخلف هذآ هههه نشعتني
وحسيت روحي مآ غلط لي كتبلي نخلق في بلآد من العآلم
الثآلث ههههه

- دآك النهآر قآعدة مع أختي وجآتني كلمة في رآسي نسيت
وآش هي درك متفكرة غير النشعة هههه وقلتلهآ عالكلمة
هذيك كيفآه نقولوهآ بالعربية بدآت تخمم معآيآ من بعد
قآلتلي وآش بيك تعيي هكآ يخي قدآمك بوغطآبلك شوفي
فيه نحير في لعرب قدآمهم كلش ويسقسيو قمة التخلف واااا
وآش قآلتلي ههههه حسيت بالاهآنة وصح وآش هذآ التخلف !!

- دآك النهآر تلفتلي في كلمة كآن فيمينآن ولآ
مآسكـuـلآن ورحت للشومبرة نعبي في وحد المجلد مش
ديكسيونآغ ونحوس على الكلمة لقآتني بعد اختي قآلتلي
علآوآه تحوسي قلتلهآ على الكلمة الفلآنية قآلتلي يخي
متخلفة قدآمك مليآر بوغطآبل وميكرو تشوفي منهم ورحتي
تجبدي في مجلد يوزن كتر منك !! يخي جهل !!! اااااااه وآش
التبهديل هذآ هههه

- دآك النهآر خآرجين أنآ واختي نقضيو وبديت نقول عندي
هذي وهذي وهذي نشريهم من بعد قلتلهآ أوآه يلزم
نكتبهم سي نو ننسى روحي روحي جيبيلي ورقة وستيلو
شآفت معآيآ قآلتلي وآش بيك قديمة !! هزي بوغطآبلك
واكتبيهم في Note لآمآه عليك هآذ لعذآب هذآ الكل
والتخلف هذآ الكل !!

هههههه تبآ أنآ تهزأت هههه

وطبعآ كل حكآية من هذو صرآتلي مع أخت مش الكل مع
نفس الأخت وبالتآلي تحرقت معآهم الكل هههههه

ومنه جآتني فكرة الموضوع على خآطر غير وين زدت
سقسيت أختي على كلمة ونشعتني نفس النشعة وقآلتلي
شوفي يخي قدآمك البوغطآبل !!

اممم ألوغ حبيت نسقسي إذآ أنآ برك مآ نستغلش
التكنولوجيآ بطريقة كآملة ومليحة ولآ الكل ننسآو
استعمآلآتهآ هذي لي تسهل حيآتنآ ونتفكروهآ غير في لي اسمو
تضييع وقت ولعب وتمسخير ؟؟

إليكم الخط نورونآ

وقبل مآ نختم أنآ رآني وليت نستغلهآ بطريقة تسآعدني ونحيت
عليآ التخلف على قولة اختي ههههه وليت في كلش نستعملهآ

وكأمثلة:
لحوآيج المهمة تآع الخدمة

حوآيج بآه نقضيهم

مخطط بآه فهمت بيه المدير وحد الحيّة

مخطط بآه وريت لوحد المقآول وين جآت مصلحة التموين التآبعة لينآ

وهذآ الموضوع برعآية التكنولوجيآ رآني استغليتهآ وكتبت
بيهآ الموضوع

وفي لآفآن تبقآو على خير

​

 

[السلطانة]

بون راني جيت
ياي على زمان كان ميكرو واحد
كيما يقولو خويا قوقع في الموقع
وكنا بالدالة عليه ابقى تسنى حتى تلحق دالتك :pوكي يروح الضو ويجي حاجة خلاف مايشعل غير بسيدي وسيدك
عندها حق اختك واش بيك متخلفة هك خخخخ :p:p:p:p:p:p:p
صح عندك حق مادام هاد الاجهزة تخدمو باه يسهلو علينا في حياتنا اليومية علاه منستعملوهمش خير
وراكي عطيتيلنا عفايس باهيين
يعطيك الصحة

​

 

[secret de coeur]

عهلا عهلا
يتسما لامبة شعلت خلاص الله يبارك ويزيد هكداك نوغ كملي خخخ قالك مشينا ماعدش نوليو
مممم سمارت فون انا عندي ستوبيد فون ماشي سمارت بزاف ههه تبا له
مهم انا نستعمل التكنولوجي بزاف كوم سي نحبها ونخنق فيها
ملا هدو عفايس الي ماديريهمش نتي انا نديرهم
الميمو تعي فالتلفون معمر قريب مايبقاش بلاص خخخ زعما بصح يكمل
مهم اي حاجة نحب نتفكرها نحطها تم
وكوم سي بدلت سبسياليتي تعي ياخي راني اونجلي دك لابليكاسيون كامل اونجلي وتصيبي حوايج تثقيفية احم احم
زعما نحب نواكب كلشي يدور بيا ونعرف جديد
وصلت بيا وحد الوقت نحيت كامل لي جو مي رجعتهم ههه مانصبرش لازم جانب الترفيه
مي يبقى منحصر اكثر فالكونكسيون فايس بوك وخاوتو
ايا ونتي كملي اشرحي بالتبلات تعك للمدير راهي عفسة مليحة اوموان نقصي ستيلو شوية راو غالي يدير 30 دج :/ ورانا فالتقشف خخ
صحيتي ع الموضوع الزين
راه في بالي واحد يحكي ع التكنو مي مش عندي وقت نكتب ونتبع الردود
ملا خليه لقرن آخر

 

[: Imane :]

ايييي خواتاتك هذو يشبهولي ههههه
انا تاني ورا ماما بصح ، نقولها او كاين الانترنت دقيقة تلقاي كلشي D:
انا نستغل هذي التكنولوجيا في اللي يفيدني في قرايتي اكثر شي
يعني نهار كامل و انا نبحث ، حاجة منفهمهاش نشوف دقيقة و بسرعة
ساعات في القسم كون ما نفهمش كلمة و نحتاج ديكسيوناغ نجبد البورتابل خفية هههه
و وليت ما نقدرش نتخلى عليها ، ما تدريش وكتاش تحصلي
و تاني باش نتواصل مع ناس من العايلة بعاد عليا بزاف
في ولايات اخرى و حتى في بلدان اخرى
يعني ولات حاجة مهمة في حياتي
و تبانلي ورا هاذاك التبهديل كامل راكي استخدمتيه مليح ! ههههه
هكا راكي مليحة يعاونك بزاف ، خليك من الورقة و الستيلو ما تبقايش تفتشي عليهم
من جيبك بورتابل و اكتبي وش حبيتيي ههههه
يعطيك الصحة على الموضوع

 

[روز]

روطار يا نوارتي رانا روطار

انا وحدة من الناس الجلاكسي مش يدي في حقو من الاستعمال
فكرتيني مرة ضعت وانا في السيارة ماعرفتش روحي وين راني
عيطت لزوجي قتلو ألحق راني وقيل قريب ندخل للسعودية
قالي افتحي في موبايل واعملي كذا وكذا تخرجي في الخريطة تلقاي روحك وتبعي مليح توصلي !

زيد مرة حجزنا في اوتيل لما كنا في هونغ كونغ
طلع الاوتيل لي حاجزين فيه بعيد على الولاية وباش تروحلو يلزم الفيزا صاحب الاوتيل كلخنا
ايا نصحونا في المطار نغيروه

قعدت نقول لزوجي وكفاه نديرو دركة بلاد مانعرفوهاش ونتكلخو في كاش اوتيل آخر !
زعمة وحدة خايفة تضيع نهار نتاع تحواس :d

قالي البوكيغ يامرا والانترنت كاينة علاه راكي مقلقة
وبالفعل مسألة دقائق حجز في أحسن فندق من هاذاك لي يطل على نهر فيكتوريا
وسدد المبلغ بالماستر كارت
وماهي الا نص ساعة لقينا سيارة الاجرة نتاع الاوتيل واقفة تستنى فينا عند المطار..

مواقف بزاف تصرا وحنا صح رانا روطار ومانعرفوش نستعملو التكنولوجيا
لازم الواحد يستعملها كما يلزم الحال
التكنولوجيا مش باش نفتحو الفيس بوك برك ولا باش نسمعو موسيقى ونطلعو بيهم صور شابين
راه عندها استعمالات بزاف
هكذا على الاقل نستغلو كل شي في التكنولوجيا وندخلو عامة الناس

صحيتي على الموضوع راكي نشطتي الحالة بارك الله فيك

 

[آمِيْرَتُه]

السلام عليك

قبل ما نتناقش معاك بغيت نقولك وحد الحية ههه
كون تبقي تكتبي هنا راكي رجعتي النشاط للمنتدى
و مواضيعك كامل عندهم هدف و قيمة
فرجاءا و نحكي من قلبي كملي كتبي و خلينا نستفادو منك

.........

عندك حق فشي لي قلتيه حنا نستعملوا الحوايج فقط في اللعب و التمسخير و أنت عطيتي نموذج من النماذج الموجودة
كيما أنا منكذبش عليك مازلت نستعمل Agenda في تدوين أشياء مثلا رايحة نشريها و أنت راكي بينتي فائدة البورطابل في كتابة الحاجيات في Note
كاين بزاف صوالح عندها استعمالات مفيدة بصح حنا ماشي جهل لالا يا تفنيين يا الراس مراهش يخمم مليح ههه
يعطيك الصحة على الموضوع لي نتمنى يكون في التنبيهات و يقروه كامل الأعضاء لأن راح يحرك بعض العقول كي حالتنا ههه
و ترجع تستعمل السمآرت فون في حياتها الخاصة مش غير اللعب بيها

 

[adel._dz]

أنا أملك هاتف سامسونغ GT-E1220T الباطري نتاعو حاكمها بسكوتش هههههههههههههه
لذا لا اعلم الكثير حول التكنولوجيا السمارت فون
اذا كان الحالات لي سراولك سموك عليهم متخلفة
مالا كون تسمع أختك بحالتي راح تقول هذا رجل الكهف هههههههههههه

هذا خو بورطابلي
كحلو وماتضربونيش بعين برك هاهاهاهاهاها

 

[♫الباحثة عن الحظ♫]

مرحبا اختي
اعلابالي دورك تشوفيني تقولي واش جابها طويلة لسان خخخ
بون السمارت فون و تابلات اناوالله اغلبية الي نعرفهم وانا منهم لوكان ما نلعبش ولا نكونكتي بيهم منروحش ليهم
راني زيك ورقة وستيلو
تعرفي علاه لان احنا من نهار عرفنا الميكرو و النث و التابلات ووووو اخرين اعرفناهم بالالعاب و النث و مواقع التمهبيل
وهاد الشىء الي خلينا نروحو ديما لطرق لقديمة لان منحوسوش نفهمو هاد التكنولوجيا واش فيها تاني
منحبوش نفهمو قال نلعب نكونكتي

انا سمارت فون مندورش بيهم يعيوني مزال شوي
راني تقريا كيما عادل اما مش بسكوتش هههه
اما تابلات نستعلمها للحاجة
اما الحاجة الي ديمما لاصقة فيا هي الميرو بورتابل مش يخطيني
في اول كنت زيك نحوس على الحاجة نروح نسقسي ايا مع وقت سبقت هههه وطورت ايا مرة وقلت وانا ميكرو والنث اعلاه
مرات نشوف اشياء في تلفزيون نحب نكتب موضوع ولا حاجة نولي نحوس لا اراديا على ستيلو وورقة مع ان التلفون قدامي خخخخ الله غالب مرات نكتبهم لتم وننساهم حتى امبعد نلقاهم صدفة

الله غالب احنا مطورين ظاهريا و بدائيين داخليا بالفطرة هادي خخخخخخ

تحياتي
​

 

[nina usma]

السلاام عليكم و رحمة الله و بركااته

خخخ خرجو فيك خياتك هههههه
راه صاريلك كي ختي مسكينة نظل نبهدل فيهااا كي تسقسيني على كااش حاجة
مي راني شايفة ولاو تابلاات مودة ... الصغار و تلقااي عندهم
وكل وااحد كيفااه يستغلهم ..
كيماا انا نخدم بيها غير الفايسبووك خخخخخ
ربي يصبرك على خياااتك هههه
ميضوع شباااب
ميرسي​

 

[هدوء المطر]

وعليكم السلآم ورحمة الله تعالى وبركآته
اسمحولي الحآجة اللي تكثر عند الغآشي ما نحبش نديرهآ، surtout لي تابلآت وسمآرت فون ولينا نشوفوهم عند الصغآر أكثر من الكبار، ألوغ مآكانش قد لي بورطآبل سآمبل
يعطيك الصحة ختي على الموضوع.​

 

[الورد الأحمر]

أهلآ بيكم كآمل غدوة ان شآء الله نرد عليكم وآحد وآحد درك طآبو جنآبي من الموضوع لآخر
ومغسي عالاعتمآد حقآ ... بون صوآغي ليكم كآمل

 

[أم عبد الله]

الله يباركـ اللهم لاحسد يعودو يحسدوكـ ثانيتـ وتنقرضي ههههههه
صار التكنولوجيا ياختي والله خاطيني انـآ راني نحب العصر الحجري البيسي ديال البيرو انتاع لي زاني كاتغوفا هههههه وراني ليه ليه التكنولوجيا ماتنفعنيش بزاف التابلاتـ عياتني مانجي نصيب روحي فيها نكون هبلتـ
والفتـ الف باجة حالتهـآ فيس و اللمة ومنتديات من وملهيه ونشوف ف صور لخدمات عجبوني ف التابلات حاجات محددة وتعييني بزاف نموت ع الكلافييي ولاسوري حبيبتي والتيليفون قالكـ لي موالف بلحفا مايلبس سباط خخخخخخخخ شريت سمارت ايا طاحلي بقات اختكـ بايرة معااااااه ماتخدم ماتندب ع زهرو واحلفتـ مانشري هههههههه راحلو ليكرو وليت بركـ نرفد كي يعيطولي ههه ليميساج ياعاجابا ومانقرهمش خخخخخخ قمة التخلف ايا ختيتي علاش اتفكري فيا علاش خخخخخخ
نرووح نرقد ولا نولي نبكي ع الزهر لي ماعندييش ههههههه
ايا سلامي​

 

[FATIMA 19]

السّلآمـ عليْكمْـ
ايــه أنآ زعما طوّرتـْ شويّـة {هههه زعْمآ بركــــ}
السمارت فون عدتْـــ نستعملو دايْمآ
وكون يروح رآح كلش {عشرة عُمر}
سيرتو ضكآ وقتـْ لقراية
دايرة calculatrice scientific
باه مانضلشـ نكسّر في راسي
والحاجة المهمة ثاني عمّو dictionnaire كيما قلتيها نظلو نكيرو في ظهورنا ونهزو في هاذوكـ الكبارْ
واللي مساعدني بزآاف الـ pdf فيه كامل ليـcours
ومصحف ثاني و حوايجـ بزااااااااف
والـ bloc note كنتـ كي حالتكــ نضل نحوسـ على ورقة و ستيلو
عدتـ نستعملو خخخ
بصح تخلاص لقراية هاذو كامل نحيهم ماعدا المصحف
وتولي فطيمة لعادتها القديمة الألعاب والتمسخيراتــــــ
هيّا مرسيـ على الموْضوعـْ عْجبنيــ بزّآف
​

 

[الورد الأحمر]

بون راني جيت
ياي على زمان كان ميكرو واحد
كيما يقولو خويا قوقع في الموقع
وكنا بالدالة عليه ابقى تسنى حتى تلحق دالتك :pوكي يروح الضو ويجي حاجة خلاف مايشعل غير بسيدي وسيدك
عندها حق اختك واش بيك متخلفة هك خخخخ :p:p:p:p:p:p:p
صح عندك حق مادام هاد الاجهزة تخدمو باه يسهلو علينا في حياتنا اليومية علاه منستعملوهمش خير
وراكي عطيتيلنا عفايس باهيين
يعطيك الصحة

​

ههههههههه أهلآ بشبش
تفكرت بعد قوقع في الموقع غير دآك النهآر نحكي مع اختي عالبلدية ومعرف كيفآه جبنآ سيرة الميكروآت قآلتلي مآ تقوليليش في البلدية الميكروآت قدم والشآشة تآعهم كبيرة من لورآ كيمآ تيليفيزيون زمآن هههه قلتلهآ تقصدي قوقع في الموقع ؟؟ لآلآ ميكروآت جدد مآشي فريجيدآرآت خخخخ ... تشفآي عليهم ميكروآت في اللون لبيض ويولي يحسس كي يشعل هههههه والدآلة بعد يآ حسرآه بالوقت وكلش وليه ليه يفوت الوقت في اللمة مآ تحسيهش غير تلقى لي بعدك جآي يقولك دآلتي ههههههههههه والله زمآن مليح مآم بالدآلة خخخخ ... ايه أنآ هآذ الأجهزة ديمآ ننسآهآ وكنت نلعب برك بيهم ونعدل عالصور وهذآ مآكآن درك وليت نسعملهم لحوآيج أخرين هكآك ومرآت نرجع للأصل خخخ قصدي الجهل :p:p ... مغسي عالمرور يعطيك الصحة

 

[الورد الأحمر]

عهلا عهلا
يتسما لامبة شعلت خلاص الله يبارك ويزيد هكداك نوغ كملي خخخ قالك مشينا ماعدش نوليو
مممم سمارت فون انا عندي ستوبيد فون ماشي سمارت بزاف ههه تبا له
مهم انا نستعمل التكنولوجي بزاف كوم سي نحبها ونخنق فيها
ملا هدو عفايس الي ماديريهمش نتي انا نديرهم
الميمو تعي فالتلفون معمر قريب مايبقاش بلاص خخخ زعما بصح يكمل
مهم اي حاجة نحب نتفكرها نحطها تم
وكوم سي بدلت سبسياليتي تعي ياخي راني اونجلي دك لابليكاسيون كامل اونجلي وتصيبي حوايج تثقيفية احم احم
زعما نحب نواكب كلشي يدور بيا ونعرف جديد
وصلت بيا وحد الوقت نحيت كامل لي جو مي رجعتهم ههه مانصبرش لازم جانب الترفيه
مي يبقى منحصر اكثر فالكونكسيون فايس بوك وخاوتو
ايا ونتي كملي اشرحي بالتبلات تعك للمدير راهي عفسة مليحة اوموان نقصي ستيلو شوية راو غالي يدير 30 دج :/ ورانا فالتقشف خخ
صحيتي ع الموضوع الزين
راه في بالي واحد يحكي ع التكنو مي مش عندي وقت نكتب ونتبع الردود
ملا خليه لقرن آخر

أهلآ جيمي
والله اللومبة شعلت ووآقيل رآيحة تطفـى عقلية وحدة تسركـل مليح التقوقع خير وآقيل ... خخخ عجبتني تآع ستوبيد فون ... حتى أنآ درك الميمو تآعي معمر يخي تبرشت خخخ ومآم أنآ كيفك مرة زعمة نحيت اللعبآت الكل ومن بعد رجعتهم سيغ تو les sims و Hay day خخخخ لي يشبه للمزرعة السعيدة ... درك البوغطآبل كي تفسدلنآ الفوطوكوبيوز نقلبهآ نصور بيه ونخرج بلآمبغيمونت من بوغطآبلي شفتي التكنولوجيآ كيفآه تنفع :p:p كي نعرفو نستعملوهآ ... رآني نسنآك للقرن الجآي بآه نردلك عالميضوع هههه ... مغسي عالمشآركة ربحتي معآنآ طقم نحآس تآع لآتآي :p وعليك القيطون :p

 

[الورد الأحمر]

ايييي خواتاتك هذو يشبهولي ههههه
انا تاني ورا ماما بصح ، نقولها او كاين الانترنت دقيقة تلقاي كلشي D:
انا نستغل هذي التكنولوجيا في اللي يفيدني في قرايتي اكثر شي
يعني نهار كامل و انا نبحث ، حاجة منفهمهاش نشوف دقيقة و بسرعة
ساعات في القسم كون ما نفهمش كلمة و نحتاج ديكسيوناغ نجبد البورتابل خفية هههه
و وليت ما نقدرش نتخلى عليها ، ما تدريش وكتاش تحصلي
و تاني باش نتواصل مع ناس من العايلة بعاد عليا بزاف
في ولايات اخرى و حتى في بلدان اخرى
يعني ولات حاجة مهمة في حياتي
و تبانلي ورا هاذاك التبهديل كامل راكي استخدمتيه مليح ! ههههه
هكا راكي مليحة يعاونك بزاف ، خليك من الورقة و الستيلو ما تبقايش تفتشي عليهم
من جيبك بورتابل و اكتبي وش حبيتيي ههههه
يعطيك الصحة على الموضوع

اهلآ اختي
ايه مليحة التكنولوجيا يخي دآروهآ بآه تسهللنآ حيآتنآ وانا كنت نآسية استعمآلآتهآ نخمم غير في التوآصل بيهآ واللعب والتعديل على الصور هذآ مآكآن ودرك تبرشت وتنقيت ههه بعد التبهديل طبعآ :p يعني جآ ي الفآيدة ههه ودرك حفظت الدرس ننسآه برك مرآت :-r ... مغسي إيمآن عالمرور

 

[الورد الأحمر]

روطار يا نوارتي رانا روطار

انا وحدة من الناس الجلاكسي مش يدي في حقو من الاستعمال
فكرتيني مرة ضعت وانا في السيارة ماعرفتش روحي وين راني
عيطت لزوجي قتلو ألحق راني وقيل قريب ندخل للسعودية
قالي افتحي في موبايل واعملي كذا وكذا تخرجي في الخريطة تلقاي روحك وتبعي مليح توصلي !

زيد مرة حجزنا في اوتيل لما كنا في هونغ كونغ
طلع الاوتيل لي حاجزين فيه بعيد على الولاية وباش تروحلو يلزم الفيزا صاحب الاوتيل كلخنا
ايا نصحونا في المطار نغيروه

قعدت نقول لزوجي وكفاه نديرو دركة بلاد مانعرفوهاش ونتكلخو في كاش اوتيل آخر !
زعمة وحدة خايفة تضيع نهار نتاع تحواس :d

قالي البوكيغ يامرا والانترنت كاينة علاه راكي مقلقة
وبالفعل مسألة دقائق حجز في أحسن فندق من هاذاك لي يطل على نهر فيكتوريا
وسدد المبلغ بالماستر كارت
وماهي الا نص ساعة لقينا سيارة الاجرة نتاع الاوتيل واقفة تستنى فينا عند المطار..

مواقف بزاف تصرا وحنا صح رانا روطار ومانعرفوش نستعملو التكنولوجيا
لازم الواحد يستعملها كما يلزم الحال
التكنولوجيا مش باش نفتحو الفيس بوك برك ولا باش نسمعو موسيقى ونطلعو بيهم صور شابين
راه عندها استعمالات بزاف
هكذا على الاقل نستغلو كل شي في التكنولوجيا وندخلو عامة الناس

صحيتي على الموضوع راكي نشطتي الحالة بارك الله فيك

أهلآ روز
ههههه تفكرت نهآر قلتلك الجهل والأمية ونسيت بعد وآش سقسيتيني وقتهآ ولوكآن جيتي عآرفة حكآيتي كنتي تقوليلي شوفي روحك يآ البغلة ههههه ... موآقف صح تصرآ تآع تبلتيت وتبهليل وكلش متوفر قدآمنآ مي تفكيرنآ محدود واستعمآلآتنآ للتكنولوجيآ ننسآوهآ في الشي المفيد ونبقآو محصورين في بوغطآبل نعيطو بيه ونلعبو بيه ونصورو بيه وندخلو بيه للفآيس وعجبتني لي ضعتي ومخلية الـ GPRS لي يوصلك لمدغشقر لوكآن تحبي خخخخ ... هيآ مغسي عالمرور الزين حبوبة يعطيك الصحة

 

[الورد الأحمر]

السلام عليك

.........

عندك حق فشي لي قلتيه حنا نستعملوا الحوايج فقط في اللعب و التمسخير و أنت عطيتي نموذج من النماذج الموجودة
كيما أنا منكذبش عليك مازلت نستعمل Agenda في تدوين أشياء مثلا رايحة نشريها و أنت راكي بينتي فائدة البورطابل في كتابة الحاجيات في Note
كاين بزاف صوالح عندها استعمالات مفيدة بصح حنا ماشي جهل لالا يا تفنيين يا الراس مراهش يخمم مليح ههه
يعطيك الصحة على الموضوع لي نتمنى يكون في التنبيهات و يقروه كامل الأعضاء لأن راح يحرك بعض العقول كي حالتنا ههه
و ترجع تستعمل السمآرت فون في حياتها الخاصة مش غير اللعب بيها

أهلآ منيني
علكلآم لي في الاقتبآس رآني ديجآ عييت مرآت نشوف حوآيج نفشل تقول نهز على رآسي نهمل :p
ههه مآزلتي بالأجندآ نشفآلهم كي كنت نكتب حآيتي الكل فيهآ درك لوكآن وآحد من الدآر يلقى الأجندآت تآعي لقدم ويقرآهم يلقى فضآيحي الكل خخخخخ نحكي فيهم كلش بالآء والتآء والله ونسيتهم خلآص معرف وين حآطينهم ... درك بصح وليت نكتب في البوغطآبل مي الحآجة المش مليحة لوكآن نضطر مثلآ نفوغمآطيه لخلل مآ يروحلي كلش والكونت سآمسونج مآ يحفظش كلش يعني يرجعلي غير الميسآجآت وخرآبيط أخرين .... وصح مش قضية جهل جيست مآ نخدموش رآسنآ ونحوسو برك على أول حآجة تجي في بآلنآ هذآ مآكآن ... ومغسي عالنشآط والحيوية والمشآركة ربحتي معآنآ رحلة لشخصين إلى جزر الكآريبي :p:p

 

[الورد الأحمر]

من بعد نرجع نردلكم طآب جنآني وجنآبي ههه

 

[الورد الأحمر]

أنا أملك هاتف سامسونغ GT-E1220T الباطري نتاعو حاكمها بسكوتش هههههههههههههه
لذا لا اعلم الكثير حول التكنولوجيا السمارت فون
اذا كان الحالات لي سراولك سموك عليهم متخلفة
مالا كون تسمع أختك بحالتي راح تقول هذا رجل الكهف هههههههههههه

هذا خو بورطابلي
كحلو وماتضربونيش بعين برك هاهاهاهاهاها

ههههه عجبتني تاع حاكم الباتخي بسكوتش هذا التخافيك Made in Algeria :-r
غرت من بوغطابلك مي معليهش نعاند عليك وما نحسدكش اهئ اهئ اهئ
انتا أكيد يشوفوك مازالك في الأدغال تحكي مع باgـيغا وشاركان تشفى عليهم تاع موكلي :p
مغسي خويا يعطيك الصحة وبيناتنا لي ما يتبرشش بالتكنولوجيا خير زمان كنا ما نعرفوهاش كنا عايشين روعة :up: